سعر الخروف اكثر من مليون جنيه

الاسعار دي الآن
ما معروف في الضحية تبقى كيف
مع ما تعودناه من ان الاسعار ترتفع ولا تنزل

سلامات يا الشامي ومبروك عليك العيد
اقعدوا المشروم زي ما قالوا ليكم

عيييك يالشامي أخوي ، الكلام دا من زمااااان


الآن الطائرات الليبية تأخذ حمولتها مباشرة من مطار الأبيض،،

التوقع ان يتضاعف للضحية ،،
شوف ليك زريبة كاربة واحجز نسختك من الآن للضحية،،


عيدان سعيدان إن شاء الله، الأضحى ورمضان

Quote: التوقع ان يتضاعف للضحية ،، شوف ليك زريبة كاربة واحجز نسختك من الآن للضحية،،

خروف ولا ركشة يا ودبكرى
عيدك سعيد انت واهلك
جنى

الاخوان نادر
عبداللطيف
جني
عيدكم مبارك وكل سنة وانتم بالف خير

في الحقيقة هذا الارتفاع الجنوني وغير المبرر في الوقت نفسه
يفرض علي الحكومة ان تعيد سياستها بالنسبة للصادر وبالنسبة
للسخاء الحاتمي مع مصر وليبيا وترجع للقاعدة السودانية(الزاد
ان ما كفى اهلو حرام علي الجيران) الامر تحت المعالجة والسيطرة اذا كانت هناك نوايا صادقة

دة خروف دفع رباعي

الخرطوم:عزالدين أرباب : تشهد اسواق الخرطوم هذه الايام ارتفاعا غير مسبوقاً فى اسعار اللحوم الحمراء فى الوقت الذى تشهد بعض المناطق ندرة نسبية خاصة في لحوم الضان.
وتوقع جزارون تحدثوا لـ»الصحافة» ان تتراوح اسعار خراف الاضحية ما بين (1.5 الف جنيه و 2 الف جنيه).
وتصاعدت اسعار اللحوم مجددا ووصل سعر كيلو الضان فى بعض المناطق الى مبلغ 50 جنيهاً والعجالى الى مبلغ 30 جنيهاً بينما تشهد بعض الجزارت انعدام بعض انواع اللحوم الحمراء، وعزا الجزارون ذلك الى ندرة الماشية والعوائد وارتفاع اسعارها من مصادرها ،واقر جزارون بان الارتفاع الحالى هو الاعلى، واتهموا حكومة الولاية والحكومة الاتحادية بالتسبب فى الارتفاع ،وقال احد التجار امس من امام جزارته والتى تقع جوار مواقف الموصلات بميدان جالكسون ان حكومة الولاية تفرض رسوم على الجزارين بجانب رسوم تفرضها السلطات البيطرية ،بالاضافة الى رسوم النفايات بينما قال جزار آخر ان الاسعار تتفاوت من منطقة الى منطقة ،واشار الى أن بعض المناطق مثل الرياض والمنشية وصل فيها سعر كيلو اللحم الضانى أيام العيد الى مبلغ 70 جنيهاً وعزا الارتفاع والتناقض فى الاسعار من منطقة الى منطقة بالخرطوم الى اصحاب المواشى، وقال ان سعر الخروف الكبير وصل الى مبلغ الف و200 جنيهاً بينما وصل سعر الخروف المتوسط 900جنيهاً ،بينما بلغ سعر البقر والعجالى الى مبلغ «3.5» الف جنيهاً.
وعزا جزار اخر الارتفاع الى ان بعض تجار الماشية قرروا الاحتفاظ بماشيتهم وخاصة الضان الى فترة عيد الاضحى، والتي قد تشهد ارتفاع الاسعار، وتوقع ان يصل سعر الخروف الكبير فى عيد الاضحى الى مبلغ الفيي جنيه بينما المتوسط الى الف و500 جنيه والخروف العادى الى مبلغ الف جنيه او 800جنيه.

الشامى ابن عمى ....عيدك سعيد

وخرفانكم دى قرت فى مامون حميدة؟؟

وعيدك مبارك اخي ود الموج

Quote: وخرفانكم دى قرت فى مامون حميدة؟؟

مع مؤهلات اخرى كمان يا صديق اخوي
ايدك في جيبك وبس
وفي ناس طبعا بتشيلم الهاشمية ومستعدين ادفعوا لدوافع اجتماعية
ديل هم البغلوا السوق
يعني لو اتحدت المواقف علي مقاطعة الشراء باكر الخروف ما حيبقى ببلاش لكن بسعر معقول ومقدور عليه

قلت يا زول أعزم ليك عائلتى فى الخرطوم فى أفطار يوم الخميس الفات ده ،، وبعد أن أخذت
أمجاد إلى سوق اللفة لشراء الخروف ذهبت إلى هنالك ،، فى أول اليكمان وأنا بداخل الأمجاد
قلت له آتنى بذاك الخروف أب أضاناَ أسود ،، فقال : داير كلام بائع والله عاوز كلام ساكت ؟؟

قلت ليه طبعا داير كلام بايع ،، فقال بكل بساطة وبدون كلام حرّم وماشاكل ذلك : مليون وتمنمية
فقلت له : يا زول أنت بصحك ؟؟ ده خروف ماشى برجلينه والله مركب ماكينة عربية ؟؟ ماكينة شنو
يازول ،، ده مليان لحم ،، أمشى أسأل كيلو اللحم بكام برة .

تركته وذهبت اللى بعد بعده وبدأ بمليون وسبعمائه ،، فتركته وذهبت إلى آخر واحد فى الصف
قال لى بمليون ومئتين وكان خروف عادى جداَ وأصغر من ديلاك شوية ،، ووصلت معه بعد خروج الروح
وتدخل سائق الأمجار بمليون

أى والله يا جماعة مافى أى مبالغة فى كلامى ده ،، غايتو ما خلينا فيه الحبة حتى ولو كان فتات
عظام ،، فقضيت بقية أجازتى وأنا أرمق محل الخرفان بطرف عينى عندما أمر بتلك الناحية

كما قال الأخوان بالأعلى ،، أى واحد عاوز يضحى يوفر مليونين من حسع ،،

ماهر

Quote: واحجز نسختك من الآن للضحية،،

كان كده النحجز نسخنا من اليوم .. وقبل نفاد الكمية

الأحباب كل عام وانتم بالف خير

الشامي صاحب الزريبة ياخ قصدي صاحب البوست

كتر خيرك دليتنا ونصحتنا .. بس خايفين أيام العيد يقولوا لينا خرفانكم ديل بايتات موش فريش ( وش ضاحك )

Quote: واتهموا حكومة الولاية والحكومة الاتحادية بالتسبب فى الارتفاع

الأخ الشامي

تحياتي - أها الفوق دا كلام جزار ساي

يعني كان الجريدة دي تقدمت شوية وشافت شقاوة المنتج التي يلاقيها في التربية والسعاية وعدم وجود مقومات حياة أخرى بالخلا داك . والله كان طوالي نلقى لينا مسانده وإنصاف من كفة فئات المجتمع . وبالذات ناس لجنة حماية المستهلك ديك !!
أها نوصي الأخوان حملان الخريف الآن على وشك أن تكبر وقدامها شهرين كدا ما يتقيف في المليونين دي - يعني في مناطق الإنتاج حالياً بـ 600 - 700 ألف وأديها برسيم ورعاية بـ 200 - 300 كدا لحدي الضحية تقول جاتني بلاش والله !!

بحيراوي

سلام اخ ماهر وعيدك سعيد

Quote: قلت ليه طبعا داير كلام بايع ،، فقال بكل بساطة وبدون كلام حرّم وماشاكل ذلك : مليون وتمنمية فقلت له : يا زول أنت بصحك ؟؟ ده خروف ماشى برجلينه والله مركب ماكينة عربية ؟؟ ماكينة شنو يازول ،، ده مليان لحم ،، أمشى أسأل كيلو اللحم بكام برة .

حكاية كيلو اللحم بكم احد المبررات لكن لم نرجع لكيلو اللحم نفسه نلقاهو مستند علي زيادة من نوع تاني وهكذا الزيادات بالفعل لو رجعنا لجزورها
نلقى مسئوليتها المباشرة علي الحكومة في الزيادات التي تفرضها دون دراسة وفي حالة اشبه بالتشفي من هذا الشعب الابي

عليك الله اوزن لينا ربع كيلو !!!
أدينا ربع من الفخذة دي
بالله ربع على السريع كده
الناس تتزاحم في الجزارة وكلهم ربع ربع
فجاة واحد عمك قال للجزار اوزن لينا لو سمحت 3 كيلو
الناس دي كلها سكتت تقول صبت فيها مطرة وبداوأ ينظرون باستغراب للرجل
فقال لهم 00 ياجماعة ما تندهشوا 00 والله عندي سماية !!!!

مايحدث الآن جشع بكل ما تحمله الكلمة من معاني
وأذكر في العام الماضي وكنت حاضراً ان أضرب الناس عن اللحوم لمدة يومين
قاطعوها بكل الوسائل
في اليوم الثالث انخفضت أسعار اللحوم بنسبة 50%
هذا من ناحية الجزارين !!!
معنى ذلك لو كان شراء اللحوم الحية من المصدر مرتفعاً لما قام هؤلاء بتخفيض السعر لهذه الدرجة !!!!

نأتي لجماعة { الله أكبر الجديدة } ناس نأكل مما نزرع
ونصلي مما ندفع !!!!
ما يجي واحد يقول لي الأخيرة دي نجرتها برااااااااااااك !!!
إمام الجامع كشكش صندوق القروش
وقال لو مادفعتوا الكهرباء ماعندنا ليكم صلاة عشاء !!!!
دولة كلها مواشي ومراعي ومياه عذبة فلماا تصل اسعار الخراف لهذه الدرجة الخرافية
ولماذا لايوقف الصادر
قلنا مرارا أن جفاف أنابيب النفط سيؤدي الى كوارث لاتحمد عقباها
وهذا ماحدث اصبحوا يصدرون كل شيء
ويبيعون كل شيء تقع عليه اعينهم
اتمنى أن لايكون قد تم بيعنا ونحن لاندري !!!

ياناس انفشخوا في واطاة الله دي وخططوا لسودان صحي ومعافا
وإخرجوا الاقتصاد من غرفة العناية المكثفة
فالاستغفار وحده لايكفي
والنبي صلى الله عليه وسلم كان يستغفر ويتاجر للسيدة خديجة

Quote: أن جفاف أنابيب النفط سيؤدي الى كوارث لاتحمد عقباها وهذا ماحدث اصبحوا يصدرون كل شيء ويبيعون كل شيء تقع عليه اعينهم

حروزة

اعمل حسابك على العدة

كيف ياقرجة 00 كويس خروفنا طلعك للجماعة بعد غياب طويل

هو بالله فضل فيها { عدة }
الواحد انتهت مدة صلاحيته من جميع النواحي
ومرات كده يفكر يعمل ليهو سبحة ويحرس الجااااااامع !!!!

بعدين اللحم نفسو 00 كان لحوم حمراء وللا بيضاء
عليك امان الله الا تشوفها في القفة أو الكيس !!!

والنسوان بعد العرس ماشاء الله كل يوم وزنهن زائد
تسأل اللحمة وين ؟؟
يقولوا ليك ختفتها الكديسة !!!


قال كديسة قال !!!