التــرابــــــي تـــوجــــــــــد صــــــوره...

تاني تعالو قولو بحرى ما فيهو جكس نضيف
و البلد جعانه

:)

Quote:

حالتو معارضة....!!!!!!!!


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

معارضة شبعانة.. معارضة واصلة..

الشيخ يستاهل الاكل النضيف ... بالهناء والعافية وربنا يطول فى عمره حتى يكمل ما عليه من مشاريع كتب فكرية و دينية طرحت حلول شافية لكثير من جدليات الدين والفكر والسياسة ..

الزول دا داير يقوم بالصينية دي براهو!!!

ما أظن

لأن الدكتور الترابي (حفيد الشيخ دفع الله الترابي الشهير بالنحلان) معروف عنه أنو وقليل الأكل ومازول بطيني. وأظن الصينية دي أقل من عادية في المناسبات في السودان وخاصة الراجل دائما بيتو مليان ضيوف.

المهم بالهناء والشفاء يا شيخ حسن

بالهنا والشفا

الصينية بسيطة جداً خاصّة أنّها لأربعة أشخاص

وقد تكون دعوة متواضعة أو كرم سوداني عادي لتقديم افضل ما في البيت وفي هذه الحالة جد بسيطة وعادية جداً

وأظن صاحب البوست نفسه جلس على مثيلاتها كثيراً

هذا كوم ومعارضتنا للترابي كوم فهو أس البلاء ومبعث الفتن ويمثل قمة الغلو في الخلاف والكيد الحاقد لمن كان هو منظرهم حتى وإن جرّ كيده الحاقد الحقود السودان إلى فوهة بركان يغلى

معارضة الترابي يجب أن تسبق معارضة البشير و"معارضة المعارضة العجوز"

الشايقي
عبدالعزيز
إسماعيل
أسامة
فرانكلى

قراية سريعة للصوره:

- أول حاجه شكلو الشيخ رافع كم جلابيتو و مادى يدو يبدي بال Chips
- تاني حاجه الصينية فيها تلاته ملاعق يعني صينية لتلاته أشخاص
- تالت حاجه الترابي بياكل رغيف درجه أولي ما بتاع ناس السكرى ولا المدور البلدى
- رابع حاجه السلطه ظاهر إنها فرش من أمها و أتحداكم إنها مسيخه ما فيها ملح :)
- شيخكم ده بتاع شطط لأنو داسي الملاحه جنبو و الشطه بودره
- المحيرني إنو عاوز ياكل الرز ده بي شنو بس؟ :)
- طبع الترابي الشين ده أصلو ما بخليهو,, يخلي الصحن الجنبو و يكابس فى حق الناس :)
- الصحن الجنب الشيخ شكلو يا ملاح باميه يا بطاطس يا كمان قيمه من التلات ديل ما بطلع
- ملاح الكسره شكلو أمرقيقه ولا غسمو شنو البشبهه لونو بني داك :)
- الصينية و طقم الجلوس راقيييييين ميه ميه
- الزول العمل الأكل و قتاهو بي الطبق الأحمر ده شكلو طبااااخ ماف كلام
- اللحم اللحم اللحم و الله شكها ظابطه كيف؟ اللهم إني صائم الستوت :)
- أخيرا الترابي شكلو بتاع مزااااااج فى العضه

هذا و قوموا إلي صلاتكم يرحمكم الله

يا فرانكلى الترابى ما حقود بس ذكائه بستفز من هم اقل منه ذكاءً , وهم كثر , لذلك عندما يفلسون يصفونه بهذه الصفه وأكثر . الضالون من ابنائه هم من حقدوا على الشعب السودانى وأذاقوه مرارة التنكيل.

في الزمن العادي الذي كان (Middle Class) هذا هو متوسط صينية اي اسرة في المدن السودانية:
1. الكسرة + ملاح (ام رقيقة او بامية او خدرة)
2. الرغيف + ملاح (بطاطس او قرع او قيما او سلطة اسود)
3. اللحمة الشية
4. السلطة (طماطم و جرجير)
5. التحلية(ارز او شعيرية)

بأمكاننا ان نقول انه ما زال في (Middle Class) و يمكن لاسرته ان توفر مثل هذه الوجبة.
اي نعم 99% من الشعب السودان يعيش الان دون حد الفقر و ذلك مسئولية الحكومة في المقام الاول و لربما الترابي في المقام الثاني لانه اتي بهذه العصابة الحكومة

يللا يا جماعـة نشكل حكومـة منفى، الحكومـة دى خلاص سقطت، ما شايفين الترابى ياكل؟

يا اسماعيل عبد الله محمد الترابي ماكر وداهية ومكره ودهائه لا يخفى على احد وهو الكذوب الذي ضحك على كل العالم بان اذهب للقصر رئيساً وساذهب للسجن حبيساً

بداها بالكذب وبالمكر السيِّئ، والخداع ولا يحيق المكر السيئ إلا بأهله فلفظه من كان يظن انهم ياتمرون بامره فزاد حقداً على حقده وتراه يتحالف مع الشيطان من أجل ان يفش غبينته وهذا ظاهر لكل متابع لسيرة الرجل

من يرى في كل ذلك (ذكاء يستفز الاخرين) هو في الحقيقة في حالة يرثى لها من التبعية العمياء والاستلاب الفكري المعضل الشائك إذ لا يرى إلا ما يراه الترابي ولا يستطيع ان ينظر بام عينيه إلى ما حوله ولا أن يقيّمه حق تقييمه

Quote: وهو الكذوب الذي ضحك على كل العالم

و ضحك عليه علي عصمان

الصينية اكثر من عادية لكبيرهم, بل المحتوى غير صحي لثمانينى. كاربو هايدرات و الدهون و الوجبة الصحية فى الصينية كلها هى السلطة و لكن يبدو ان الشيخ جد جعان و السلطة بعيدة عنو. شوفوا الغطا بتاع الصينية خاتينو وين???
الزول دى اتبشتن .

انتو الكاميرات دى لسه شغالة ؟؟؟؟
الشيخ قال قبل كدا انو محاصر ومراقب بالكاميرات حتى فى بيتو
ومكتبو وعربيتو !!

يبدو ان الجهاز ومنسوبيه بمارسوا فى لعبتهم القديمة ...

من الذى التقط هذه الصورة ؟

Quote: من الذى التقط هذه الصورة ؟

فعـلا يا دينا, مـن إالقطـت هـذه الصـوره ?!!!

هل فعـلا أصـبح الإنسان غـير آمـن حـتى داخل داره
ويتلصصون حتى عـلى مأكلـه ?!!!
لا حول ولاقوة إلا بالله العظـيم.
التحيه للدكتور حسن الترابى رغم أننى لست فى حـزبه.

ما الغريب في ذلك؟ يعني ما يأكل ، شايفين لكم red wine ولا كافيار، ياهو اكل ناس السودان ، وتاني حاجة شيخ حسن كمان ما ضاربهو فلسة للحد البخليهو يأكل عيش ناشف. الراجل عندو إيراد ما بطال من بيع كتبه،

انسان مجدد وشجاع جداً في إبداء رأيه في المسائل الفهية وعن دراية كمان،

اما الترابي السياسي فهو مكار وثعلب جداً ،

Quote: فهو أس البلاء ومبعث الفتن ويمثل قمة الغلو في الخلاف والكيد الحاقد لمن كان هو منظرهم حتى وإن جرّ كيده الحاقد الحقود السودان إلى فوهة بركان يغلى

كلام سليم

ياخ دا ما جرجير!
دا خص.

و بعدين أين البصل و الليمون?
و المرارة (عروس الصينية السودانية)

دي صينية تعبانة جدا...رز!!!?
إخي

سلام يا ناصر و يا كوستاوي و كل المتداخلين و كل عام و أنتم بكل خير ..

Quote: و المرارة (عروس الصينية السودانية)

ياخي مرارة في الغدا !! ليه أصلو مرفعين هو؟؟ ؟؟

يا جماعه الناس العازمم اتأخرو فقال للزول الاخد الصوره

ياخى صور الصينية دى وتعال أكل ولما يجو يشوفو الكان

فيها شنو ..









-------------------------------------
اول مرة اشوفو ما قاعد يضحك سبحان الله

Quote: وأظن الصينية دي أقل من عادية

كان ... اما الآن فلا

كيلو الطماطم 20 جنية فى احسن الحالات (ما درجة اولى بالتاكيد)

كيلو اللحنة 50 جنيه (ضانى) 40 (عجالى)

عادية كيف يعنى

.
.
.
.
ما شاء الله

عينى باردة

إسماعيل و محجوب
ياخ فكونا ياخ من عملية تربيب الساسه دي
جني و جن الاسياد
الترابي أولا و أخيرا سبب بلاوي السودان
ناهيك عن الإنقاذ
فالترابي هو من أجهض الديمقراطية الثالثه أساسا
ولا عشان عامل معارضه الليله النفروض نحن خلاص ننسي تاريخو؟؟
البلد دى مشكلته النسيان و عدم المحاسبه

يا ابو الريش
الثعلب ده ما بنضمن
ممكن يخلينا نشكل حكومة منفى و هو يمشي للقصر رئيسا عادى جدا
خصوصا فى ضوء المصالحة بين الإسلاميين التى تقودها قطر

يا زكريا فعلا
محتويات الصينيه كوم
و الديكور و جو القعده كوم تاني
بس بيني و بينك أكتر من عاديه دى عصرته فيها علينا شويه
خليها عاديه ساي :)

دينا يا خالد

مثلي لا يسأل عن مصدر :)


بعدين يا كافي البلا رمضان ده أثر فيك
لمن بقيتي ما بتفرزى الفرق بين صورة ال سكيوريتي كام و الهاند كام

هيييييييه دنيا ... لا دائم إلا وجه الله

:)

يا عبد الله

الترابي ده فرج فينا العالم كلو
و جاب لينا بن لادن و كارلوس
و جاب الكيزان زاااااتم
المشكله شنو إنو نتفرج فيهو يعني
خسمتك بالنبي؟

يا عبدالرحمن
قلته لي ياهو أكل ناس السودان
شيبس و لحمه شيه و رز و قيمه و ملاعق و ملاح :)
يا أخوى إنته ليك كم سنه ما جيت السودان ده؟؟
و الله عمر البشير ماخاتي لمن قال شذاذ آفاق :)

عموما محتويات الصينيه كوم و الجو زاااتو كوم


الله فى

الشفيع

قال اس البلاء قال

خلي حركاتك بتاعت الكيزان دى :)

الزول شيخكم برضو

طول عمرك راقي يا كوستاوى
بس فعلا
معناها الترابي ما بياكل بصل :)

أما الرز فده طبعا مشروع خلجنة السودان ما بعد البترول :)

أخير المرفعين يا عصام

ده ثعلب ثعلاااااااااب :)

ما فيها حاجه و الله يا حمد
بس البياكل براهو بيخنق



بيني و بينك الترابي بيعمله

كل عام والجميع بخير
يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ

يعني أسه يا أبوالعزائم
نفترض إنو الشيخ ده خاتي نص كيلو بس فى الصحن بتاع شية الصاج ده
يعني صحنو الواحد بي 25 ألف
أممممك :)
اللهم لا حسد

اهم شيء : الترابي لا سكر ولا كلسترول

يعني معاكم بالسلامة كدا تاني عشرين الى تلاتين سنة بإذن واحد أحد

واحد يحيب لينا صينية بتاع (البولو) نشوف باقي ليكم كم سنة كدا مع حمد والديبة ديل !!!!

مائدة طيبة ومباركة

الاخوين فرانكلى وناصر البطل..

الترابى انجح سياسى سودانى يقود تنظيم من الزيرو وهو ابن موظف دولة عادى وينافس بهذا التنظيم أعتى طائفتين دينيتين و يصل الى سدة الحكم بتنظيمه هذا فى اقل من ثلاثين عاماً , هذا بصرف النظر عن كذبته الشهيرة بذهابه للسجن حبيساً و افساح المجال لتلامذته لقيادة دواليب الدولة , صرفنا النظر عن الكذبة لان من ابجديات السياسة ان تكذب فى سبيل الوصول الى اهدافك سواء كنت تنظيم ام قيادى بحزب والا لما وصفت بانها لعبة قذرة وفى رواية اخرى شبه متعاطيها كمن يمارس الدعارة , لا وجود لاصحاب النوايا الحسنة والسذج فى ميادين السياسة و شئون الحكم من مساحة , اذا ولج احدكم هذا الباب لابد ان يكون بارعاً فى نظم الحديث و ضاحكاً وساخراً من عظائم الامور لان الانسان المتلقى الذى يريدك ان تمثله فى دائرة انتخابية او مجلس نيابى لا يمكن ان يثق فيك و يدلى بصوته لك ما لم تزرع هذه الثقة فى نفسه ولو كذباً ولان الغالبية العظمى من البشرية لا يدركون الاشياء بعقولهم بل بنظرهم وسمعهم فقط كما قال معلم الطغاة ميكيافيلى فيصبح من العسير ان تغير قناعات البسطاء تجاه رجل مراوغ وعدهم بالفردوس و الحور العين و جنان الخلد ...

تحياتي للجميع وعيدكم سعيد
صينيه عاديه وليس فيها مايوحي بان المسأله فيها صرف بذخي وخلافه ...وفعلا الصينيه شكلها لثلاث أو اربعه أشخاص واحد قاعد أمام الترابي على اليمين بالبنطلون الأسود وشكلو الثاني هو الأخد الصوره ....بس فعلا لانو الرجل ماكر إحتمال تكون الصفره الحقيقيه مليانه في غرفه ثانيه والصوره دي للتمويه..وهناك تلاقي الخروف المحشي بالرز وخلافه ..
تحياتي

الانسان السودانى بطبعه لا يحترم الانسان المسكين ويصفه بالاضينة و بان الغنماية بتاكل عشاه لذا لا يؤتمن المسكين على شئ حتى ولو كان اميناً وفى المقابل تجده يمجد الانسان اللئيم الذى حذرنا منه شرعنا الحنيف و ايضاً الفرد السودانى دائماً وابداً يعلى من شان المجرم و المستهبل و يصفه( بالشفت) لذلك تجد لفظة مجرم عندما تطلق على شخص تطلق على سبيل المدح و هو الخطأ الذى يقع فيه المربون سواء كانوا آباء او أخوة كبار , فى المجتمع السودانى الريادة لجنابو وجنابو هذا هو ضابط الجيش والشرطة و له الزخم الاجتماعى الاكبر الذى يفوق الزخم المحيط بالبروفسير و العالم المتخصص , نحن شعب يقدس القوة و الجبروت لذلك وجد العسكر و عشاق الكاكى ضالتهم فى هذا الشعب المبرمج و الجاهز بالفطرة لان يستجيب لاصحاب الانواط والنياشين العسكرية ومن دار فى فلكهم ممن استغل العسكر من المدنيين فى الوصول الى مقاليد الحكم .

Quote: صرفنا النظر عن الكذبة لان من ابجديات السياسة ان تكذب فى سبيل الوصول الى اهدافك سواء كنت تنظيم ام قيادى بحزب والا لما وصفت بانها لعبة قذرة وفى رواية اخرى شبه متعاطيها كمن يمارس الدعارة , لا وجود لاصحاب النوايا الحسنة والسذج فى ميادين السياسة و شئون الحكم من مساحة , اذا ولج احدكم هذا الباب لابد ان يكون بارعاً فى نظم الحديث و ضاحكاً وساخراً من عظائم الامور لان الانسان المتلقى الذى يريدك ان تمثله فى دائرة انتخابية او مجلس نيابى لا يمكن ان يثق فيك و يدلى بصوته لك ما لم تزرع هذه الثقة فى نفسه ولو كذباً ولان الغالبية العظمى من البشرية لا يدركون الاشياء بعقولهم بل بنظرهم وسمعهم فقط كما قال معلم الطغاة ميكيافيلى فيصبح من العسير ان تغير قناعات البسطاء تجاه رجل مراوغ وعدهم بالفردوس و الحور العين و جنان الخلد ...

يا شيخ اسماعيل الكلام دا ما ببقى لمن فع شعار انو جاي لتنزيل شرع الله و المشروع الحضاري و ليعد للدين مجده واعادة صياغة الفرد على هدي الشريعة و قيم الدين
وفي سبيل الشعارات دي خيرة الشباب بذلوا ارواحهم في محرقة الجنوب
طيب خليتو شنو للشيوعيين البعرسوا اخواتهم و بسبوا الدين وح يقلبوا الجوامع بارات
قول السياسة خداع للشعب وميكافيلية صدقناك لكن اتخادعون الله و رسوله برضو؟

يا شيخ محمد البشرى الحياة كلها مقالب وخدع هنالك من يستغل العاطفة الدينية فى سبيل الوصول الى الحكم وهنالك من يستغل العصبية العرقية فى ذات المنحى و يوجد من يستغل العصبية الجهوية والاقليمية ليصل الى مبتغاه الا وهو الكرسى , ليس كل من برز فى ثياب الواعظين و مشى فى الارض يهدى الناس الى عبادة رب العباد و الزهد فى الدنيا بالضرورة صاحب نية حسنة وصادق و قائم على امر الدين والاخلاق , السلطة لها وقع على النفس اقوى من لذة الايمان لدى الانسان الزاهد المتبتل المنقطع لعبادة الواحد الاحد , نجح من قام بفصل شئون الحكم عن شئون الله وحصر شئون الحكم فى اجتهاد الانسان بما يمتلكه من علم تطبيقى فى ادارة شأنه , المعادلة بسيطة جداً لمن يريد ان يعتبر من افراد شعبنا المسكين لا توجد علاقة بين ادارة شئون البلاد المالية والصحية والتعليمية و الثقافية و بين اجتهاد الانسان الشخصى فى ادارة كيفية عبادته لله الرب الاوحد الخالق البارئ , ان تعبد الله و تطهر نفسك هذا شأن خاص بك , لكن ان تدير مصالح الناس العامة فهذا شأن يخضع لمقاييس العلم التطبيقى من قانون الى هندسة الى طب الى محاسبة , المصيبة ان شعبنا هيمنت عليه نزعة التصوف الموغلة فى التطرف الصوفى التى توكل كل هذه الامور الدنيوية البحتة الى تأويلات ميتافيزيقية , وفى مجتمع مثل هذا من السهل ان يصل فيه شخص بارع مثل الدكتور والشيخ حسن الترابى الى اعلى المراتب السياسية والدينية لانه مجتمع مهيأ لان يتم اقتياده بواسطة شيخ ....لماذا لم نسأل انفسنا : لماذا يفضل الترابى لقب شيخ ويعشقه ويهيم به اكثر من اى لقب علمى آخر مثل دكتور وعلامة و بروف ؟ لان لقب الشيخ فى مجتمعنا يلزم العلامة والدكتور والبروف لان يقدم فروض الطاعة العمياء دون تردد او طرح اسألة .

Quote: يا شيخ اسماعيل الكلام دا ما ببقى لمن فع شعار انو جاي لتنزيل شرع الله و المشروع الحضاري و ليعد للدين مجده واعادة صياغة الفرد على هدي الشريعة و قيم الدين وفي سبيل الشعارات دي خيرة الشباب بذلوا ارواحهم في محرقة الجنوب طيب خليتو شنو للشيوعيين البعرسوا اخواتهم و بسبوا الدين وح يقلبوا الجوامع بارات قول السياسة خداع للشعب وميكافيلية صدقناك لكن اتخادعون الله و رسوله برضو؟

إن نطط يا محمد ما يقدر يجاوب أسئلتك التعسفيه دي

:)

الحكاية يا ناصر سياسة وعندما تقول سياسة فان كل شئ فيها مباح لكن لن تجد هذا الاعتراف من شخص يمارس اللعبة مهما وصفه الناس بالمخادع و فى ذات الوقت تجد من يدافع عنه اما اعجاباً به او غفلة منه او طمعاً فى شئ فى نفسه...

بالمناسبة انا علمانى معجب بعقل الترابى وذكائه وتجربته وسيرته الذاتية ..

وافق شن طبقه

بالله شوفو الطبق الاحمر الجميل (الغطاء)

متكي كيف بيمين الشيخ

اللهم اجعلنا من اصحاب اليمين

بى مزاااااااااااااااااج !! ... والله احسن ليه واشرف ليه من بهرج السلطان ومتاعبه ..