يا سيد خضر انا ما عندي ضحايا في ماليزيا

تدوير الاكاذيب واشانة سمعة الناس لن يكون يوماخيارا للنضال من اجل الوطن
فتحت بوست لنشرك القراء هنا والكتاب في حل مشكلة طالب في محنة
بوست خير به دعوة لاغاثة ملهوف لا دخل له بالسياسة ولا وجهات نظري ولا كوزنتي وامنجيتي المزعومة
كتب فيه خضر اذا كان هذا الطالب ضحيتي

تكرارهذه الاكاذيب الممجوجة التي كانن بوقها المدعو معاوية الصايم
بإيعاذ من شخص متغرض نعلن عنه لاحقا وامرأة كذب عليها ابنها لترسل له قروش ولم يكن ابدا يظن ان امه.ستخبر
احدهم وينشر كذبته الشريرة هذه ونحن نعرف كذبته في حقنا الاكيد حيكون في حرج كبير لاننا كنا نعامله احسن معاملة
وانه مر عبرنا اكثر من 6 الف دولار تخصه فلماذا اسرق200$.!!!؟؟؟
يا خضر انا لااسرق اموال ولا اكذب ولا اغش ولا انصب ولا ضحايا لي كل ما كتبه معاوية اكاذيب شريرة
انا من اسرة مشهود لها بالامانة والاستقامة ومساعدة الناس والوقوف مع الضعيف كابر عن كابر
بنشر هذه الاكاذيب لا تحقق علي نصر سياسي بل تسئ رجل في قبره رحمه الله ربانا بشرف وامانة وتفاني
وحبب لنا عمل الخير وخدمة الناس هذا غير الاساءة لاسرتي الصغيرة وهم لا يستحقون ذلك
واخبرك ايضا اننا لا نحتاج ان نسرق من احد الحمدالله والشكر لله مستورة قبل شتيت الكلام اعرف لمن تشتت الكلام
الفارغ حقك دا



كتبت هذا البوست لانه للاسف وجدت انا هناك من يصدق اكاذيب مناضلين الكيبورد و المابعرفك يجهلك

كما اود ان اخبر الذين يجهلوننا ويرددون الاكاذيب والاحكام الجائرة مثل البغبغاء
ان الشركة بها مديرة تنفيذية اسمها مسز كونق هي التي تقوم بكل الحسابات
وادارتها وصرف المستحقات ولا دخل لي باي شأن مالي هذا يعرف كل الاباء
والطلاب حيث كل الفواتير تاتي بأسمها
وانا ادعو الله يوميا في كل صلواتي ان ينصفني من معاوية ومن خلفه وسكينة هلال ابنها
على كذبهم وبهتهم لي في الدنيا قبل الاخرة

Quote: وانا ادعو الله يوميا في كل صلواتي ان ينصفني من معاوية ومن خلفه وسكينة هلال ابنها على كذبهم وبهتهم لي في الدنيا قبل الاخرة

بدل الدعاء عليهم أدعي لهم بالهداية .. ولك الاجر

تحياتي

وكل سنة وانت والبنيات و ابوهم بخير وصحة وألف عافية

احد الابناء بماليزيا يحتاج لكم يا اعمام وخالات واخوان واخوات



اي حاجة يا علم الهدى الا اشانة سمعة الناس وبين دعوة المظلوم والله مافي حجاب
وهذه السكينة ومن خلفها وابنها لم تهديم حسن المعاملة ولا الاهتمام ولم تكسر عينهم
خدمتنا انا ومسز كونق لولدها ما باقي الا الدعاء عليهم حتى يرون قوة الله على الظلمة وناكرين الجميل
اي زول يردد كذبتها هذه تكتب لها سيئات يارب.وترى ما فعلته عيانا جهارا في الدنيا




وكل سنة وانت طيب

كدى كلمينا عن المؤتمر الاخير فى السودان
والميزانية حقتو ؟
كلو موتمر وانتى موتمر وطنى

الأخت الدكتورة نجاة كل سنة وانتي والأسرة بخير وصحة وعافية
التحية لكي وانتي تخدمي أبناء بلدك الطلاب وتقوم بمساعدتهم
والآجر عند الله فلا تحزني بمايقولون ووفقك الله لفعل الخيرات

مشكور يا مسلمي يديك العافية وكل سنة وانت طيب

جيت يا تلفون الدلاقين؟
ما اهو بتعرف كل حاجة وريننا انت كم كلف؟!
بس ما تكون بتطبخ في كذبة اني سرقت جزء من الميزانية مع المدير وكدا
ذي كذبك بتاع الطلاب الاسمهم عادل وليد السجلتهم في جامعة غير معترف بهت
ولا ميتين دولار ولد سكينة هلال
سلم على الزول المشغلك مغفلل نافع وقوليه قيم إذ اوفار
كان طوربيد ما بعرفو

الأخت نجاة
تحية طيبة وكل سنة وإنتي طيبة
ربنا يكون في عونك في ناس حالتها صعبة خلاص

سلامات يا دكتور
صعبة شديد الناس دي يا تأمن على اكاذيبها ولا تكون كوز وامنجي
تحياتي

قبضتى كم ؟

الاخت الكريمة دكتورة نجاة
عيد سعيد عليك وعلى اسرتك الجميلة
وكل سنة وانتى بالف خير يارب
انا شهادتى فيك مجروحة والحق يقال لقد عرفتك
انسانة محترمة جدا وعفيفة وشريفة جلس ابنى فى جواركم
خمس سنوات لم ارى ولم اسمع عنك الا ما يشرف اى سودانى
فلا تغضبى يا اختى الكريمة وعنى وعن ابنى وعن اسرتى
نغريك التحايا والسلام والشكر لك ولمن معك
واشكرى عنى كل طاقم الدراسة بالجامعة
وان شاء الله سوف احاول جاهدة حضور التخريج فى شهر اكتوبر
فلكى منى كل المودة والاحترام

سلمتن يا امينة كل سنة وانت بالف خير
والتحية لولدي القامة بدون مجاملة هو افضل من عرفت من الطلاب
ادب وتهذيب واحترام واجتهاد وصادق لا يكذب ولا ينكر الجميل
ما مثل من ادخلنا في انشوط اكاذيب المناضلين دي يدك في
خشمو وهو يدو في عينك بئس الولد والتربية
مبروك التخريج ولازم نشوفك في التخريج في اكتوبر

احد الابناء بماليزيا يحتاج لكم يا اعمام وخالات واخوان واخوات



اي حاجة يا علم الهدى الا اشانة سمعة الناس وبين دعوة المظلوم والله مافي حجاب
وهذه السكينة ومن خلفها وابنها لم تهديم حسن المعاملة ولا الاهتمام ولم تكسر عينهم
خدمتنا انا ومسز كونق لولدها ما باقي الا الدعاء عليهم حتى يرون قوة الله على الظلمة وناكرين الجميل
اي زول يردد كذبتها هذه تكتب لها سيئات يارب.وترى ما فعلته عيانا جهارا في الدنيا




وكل سنة وانت طيب

Quote: ا>>> جلس ابنى فى جواركم خمس سنوات لم ارى ولم اسمع عنك الا ما يشرف اى سودانى >>>>>

يا نجاة حسى عليك الله ولد اختنا امينة دا ما صدقة جارية فى حقك وحق اسرتك
كل يوم عداد الحسنات رامى
قولى الحمد لله اقوال الجماعة ديل تكفير عن اللمم
وعن مالم تلقى له بالاً

كل عام وانت والكريمة امينة بالف خير ...


العيال كبرت ما شاء الله تبارك الله

Quote: الأخت الدكتورة نجاة كل سنة وانتي والأسرة بخير وصحة وعافية التحية لكي وانتي تخدمي أبناء بلدك الطلاب وتقوم بمساعدتهم والآجر عند الله فلا تحزني بمايقولون ووفقك الله لفعل الخيرات

معاوية والاخرين ارفعوا ايديكم عن الدكتورة نجاة

لقد تعرفت ليها واسرتها عن قرب والامانة تقتضى الادلاء بالشهادة

اسرة محترمة ابا واما وابناء لا هم لهم غير خدمة الاخرين والتحصيل العلمى

ناس فى غاية الكرم والشهامة وخير سفير للاسر السوانية بماليزيا

على الدوام تجد بيتهم ملئ بابناء السودان القادمين لاشرف المهام الا وهى تلقى العلم

وهم يعتبرون البيت بيتهم وبالفعل يجدون كل حفاوة من البروفسور ابراهيم محمد زين والدكتورة نجاة واولادهم

وهناك فى هذا المنزل تتحقق مقولة ياضيفنا لو زرتنا فى بيتنا لوجدتنا نحن الضيوف وانت رب المنزل

يكفى اننى كنت فى زيارة فى ماليزيا واسرتى وكان الدنيا عيد رمضان وراسى مقطوع كيف ابرمج العيد للاولاد

وكتبت بوست هنا اعلنت فيه عن وجودى فى ماليزيا ووضعت رقم تلفونى وللعلم لم يتصل بى غير الدكتورة نجاة التى كانت تتابعنى وتلح على بان ابرمج العيد معهم وقد حصل وكان من اروع الاعياد فقد قضيناه فى بيتهم الجميل فى حضور العديد من الاطلاب اللذين كانوا يعاملوهم بكل حب واحترام وتقدير لدرجة ان ام العيال طالبتنى بارسال الابناء لماليزيا لتلقى كورسات الانجليزى تحت اشراف هذه الاسرة الكريمة وبالفعل نحن عازمون على ذلك وقد ناقشنا هذا الامر مع البروفسور والدكتورة واللذين قدموا لنا كل النصح والارشاد واللذى شعرت انه ينير لنا الطريق ويفيدنا اكثر مما يفيدهمهم من ناحية مادية وهذا حقهم فهم لديهم شركة خدمات اكاديمية وهذا بزنس واعتقد انه يصب فى مجال الصدقة الجارية كما اورد احدهم عاليه .

اخيرا التحيات للدكتورة والبروف والاسرة الكريمة وكل الشباب اللذين قابلناهم عندكم وكل عام وانتم بخير

التعديل لتعديل الاخطاء اللغوية

سلام يا دكتورة وعيدكم مبارك إن شاء الله.أرجو أن تواصلي فيما تقومين بيه ولا تلتفتي لهؤلاء اللا بجدعوا لا بجيبوا الحجار زي ما بقولوا أهلنا. ياخي خضر شنو كمان البتفتحي بوست كامل عشانه؟ ما لا يعرفه هؤلاء المخربون من أمثال معاوية و خضر أن فراغهم ورميهم للاتهامت الباطلة قد يتسبب في انصراف الناس عن عمل الخير... لكن هاميهم شنو؟ أهو إرضاء رغبة رخيصة ونصر وهمي في الأسافير هو كل ما يهم.

Quote: ما لا يعرفه هؤلاء المخربون من أمثال معاوية

العوض انجض شوية وبطل دهنسة ..ده تحذير نهائى

سلامات يا العوض كل سنة وانت والاهل بالف خير
والله بالجبر نفتح لهذه الحثالات بوستات لان طلع في ناس بتصدقهم في
اكاذيبهم وجربناتهم النضالية دي ولانه مثل هذه التهم تمس الوالد الله يرحمو
وكل من يليني

والله شرحو
شهادتنا في الدكتورة و أسرتيها الكبيرة و الصغيرة مجروحة
والد من أفضل الأباء وزوج من أفضل الأزواج
نعرفهم منذ نعومة الأظافر (أضافري أنا لأنو أضافر الدكتورة دي ما كانت وما حا تكون ناعمة أبداً)
و الكدارة أم شلاخات دي دايماً جاهزة للفايتين الحدود
نتمنى أن يكون كل ما تتعرض له هنا في ميزان حسناتها

سلام يا نجاة..وكل سنة وانت واسرتك في رضاء وعافية..
كنت أتابع مع آخرين حالات قمتي انت بمساعدتها في دراستها..
وسمعت أيضا من البعض كيف كنت لهم خير معين أثناء دراستهم أو اثناء البحث عن فرص دراسة..
أعلم أن الظلم إحساس مرير ######يف ..لكن أرجو أن لا تتركيه يسلبك وقتك ولا أن يستهلك أعصابك..
وأعلم أيضا أن نصيحتي هذه قد تبدو مجرد تنظير...ولكن أؤكد لك أنها ليست كذلك بل هي نصيحة عن تجربة..
إستمري في مساعدتك للأخرين وأجرك عندالله الذي لا يضيع عمل الخير عنده..

كل سنة وانت طيبة..

سلامات يا حبيبة كل سنة وانت بالف خير
مشكورة على.الكلمات الطيبة والنصيحة بالجد الحثالات دي فتنة
ويمكن يخلوك تو قف تتعامل
مودتتي وتحياتي للجميع وست الكل جارة

Quote: اي حاجة يا علم الهدى الا اشانة سمعة الناس وبين دعوة المظلوم والله مافي حجاب اي زول يردد كذبتها هذه تكتب لها سيئات يارب.وترى ما فعلته عيانا جهارا في الدنيا

آمين يارب العالمين
وفاة الاخت منيرة رحمها الله آثار بعض الشجون
حينما إتهمتينا أنا وشقيقتي بالاسم باننا من يكتب بأسم أنا ذاتي امدر
ودا كلام سمعته بأذني وأحلف عليه صادقة
وماعافية ليك منه ولا من غيره من الاكاذيب النشرتيها عننا
وحسبي الله ونعم الوكيل فيك يانجاة
فانك تشربي من نفس كأس إتهام الناس في سيرتهم وسمعتهم

Quote: وحسبي الله ونعم الوكيل فيك يانجاة فانك تشربي من نفس كأس إتهام الناس في سيرتهم وسمعتهم

سبحان الله

العزيزة الدكتورة نجاة

لك التحايا و لكل من معك و كل عام و انتم بألف خير

نعم ما كان لك و لن يكون لك ضحايا ليس فى ماليزيا و حسب بل فى كل اركان الكون

فأنت سليلة اسرة كريمة تربت على الخير و العفة و بنت اهل كرام نشأوا على مساعدة المحتاجين

نسال الله ان يوفقك لفعل الخير و ان يجعل ذلك فى ميزان حسناتك

سلامات اخي العزيز كل سنة وانت طيب

وشكرا على كلماتك الطيبة في حقي وهذا من اصلك الطيب وتربيتك الفاضلة

Ignored

مشكور اخي العزيز وكل سنة.وانت والاهل كافة بالف خير
والمابعرفك بجهلك

سلامات يا عادل كل سنة وانت طيب وشكرالك. للشهادة في حقنا
الفجور وصل مراحل بعيدة جدا لدرجة تشويه السمعة والكذب
من حثالات تظن ان هذا نضال من أجل الوطن
كل سنة وانت بالف خير مع اسرتك الجميلة

سلامات بدر الدين كل سنة وانت بخير
ولد امينة ولد السرور شرف اهلو وبلدو
واحد من النماذج البنفخر بيها كبر وبقى راجل يتعبر على السيف
مودتي

يازولة هوي ما تقنورديني عشان ممكن أجي أعمل ليك حفلة (سمر ) هنا وإنت عارفة
انه تحت السمر يحلو القمر
بس ماتتجابني وتودي البوست مكتبتك زي المرة الفاتت

Quote: العوض انجض شوية وبطل دهنسة ..ده تحذير نهائى

أنجض يا معاوية؟ تعريفك للنضج شنو إن شاء الله؟ دايرني أجي هنا أكتب ولا أهلل لبكتب عن الطلقوها والعرسوها؟ ولا أنشر الأكاذيب من غير دليل؟ بعدين تحذير نهائي دي يعني شنو؟ إذا عندك أي معلومات عني إني ظلمت زول ولا أكلت مال زول ولا استغليت منصب طوالي أنشرها هنا ودا واجبك وما محتاج تبتزاني بيها. وكان ناوي تفتري علي كذب فحسبي الله ونعم الوكيل. أما لو عندك أي حاجة تانية فمرحب بيك وعندها لكل حدث حديث.

Quote: أنجض يا معاوية؟ تعريفك للنضج شنو إن شاء الله؟ دايرني أجي هنا أكتب ولا أهلل لبكتب عن الطلقوها والعرسوها؟ ولا أنشر الأكاذيب من غير دليل؟ بعدين تحذير نهائي دي يعني شنو؟ إذا عندك أي معلومات عني إني ظلمت زول ولا أكلت مال زول ولا استغليت منصب طوالي أنشرها هنا ودا واجبك وما محتاج تبتزاني بيها. وكان ناوي تفتري علي كذب فحسبي الله ونعم الوكيل. أما لو عندك أي حاجة تانية فمرحب بيك وعندها لكل حدث حديث.

معاوية هدي اللعب شوية،
وحاتك الزول دا ما بيستاهل الكلام الشين دا كلو...
بقول ليك عن زول بعرفو

عليك الله يا تعتذر يا تكف

ودي
راني السماني

بالجد مبالغة تلفون الدلاقين العاطل وجاري وراء الشمارات والاكاذيب
والسواطات فلانه طلقوها فلانة عرسوها فلانة ولدت بين الناس يقول للعوض بجلالة قدره
مشكلة البورد بلمنا مع حثالات الناس
ما ممكن في الواقع تتلمى عليهم في اي حتة
المغفل النافع اسع الزول الحرشك واداك المعلومات المنجورة الكاذبة دي
قاعد نضيف و الناس تضحك عليك وتحتقرك انت مرة
مرة ينزل بوست تهنئة
بايتة كدا
مافكرتا ليه الزول يالزول دا ابدا لا يدخل بوستاتك دي
كان الشعب راجي نضالك دا واطاتو اصبحت انت الانجض

بالجد مبالغة تلفون الدلاقين العاطل وجاري وراء الشمارات والاكاذيب
والسواطات فلانه طلقوها فلانة عرسوها فلانة ولدت بين الناس يقول للعوض بجلالة قدره
مشكلة البورد بلمنا مع حثالات الناس
ما ممكن في الواقع تتلمى عليهم في اي حتة
المغفل النافع اسع الزول الحرشك واداك المعلومات المنجورة الكاذبة دي
قاعد نضيف و الناس تضحك عليك وتحتقرك انت مرة
مرة ينزل بوست تهنئة
بايتة كدا
مافكرتا ليه الزول يالزول دا ابدا لا يدخل بوستاتك دي
كان الشعب راجي نضالك دا واطاتو اصبحت انت الانجض

Quote: أي حاجة تانية فمرحب بيك وعندها لكل حدث حديث

العوض كلامى واضح جدا
احترم روحك وسنك واتلهى وبطل قلة ادب
يا شاهد الزور الدائم
وعندى الكتير ليك ...بس ما عندى وكت ....
يا مستهبل ..ياعنصرى ...يادجال ..ياكضاب

اعنى. ما .اقول ...وتانى انجض وبطل دهنسة و ارجل
يخسى عليك..ياناقص


التعيسة الكوزة بيان ...قبضتى كم من اخر موتمر للمغتربين

يا مقطع انت مفتكر اي زول بشتروه بقروش
ورينا انت قابض كم من الحكومة عشان تهبل بالمعارضة؟
يا جهلول في زول بمشي مؤتمر بقبض قروش؟
بالجد الجهل والامية الحضارية مشكلة

شكرا يا راني و د. بيان على حسن الظن ولا عدمناكم.

Quote: العوض كلامى واضح جدا احترم روحك وسنك واتلهى وبطل قلة ادب يا شاهد الزور الدائم وعندى الكتير ليك ...بس ما عندى وكت .... يا مستهبل ..ياعنصرى ...يادجال ..ياكضاب اعنى. ما .اقول ...وتانى انجض وبطل دهنسة و ارجل يخسى عليك..ياناقص

عارف يا معاوية لن أرد عليك أبدا فاحترامي لعمري ولمن هم حولي وللقراء يمنعني من استخدام مثل هذا الأسلوب الذي تستخدمه. ياخي القواميس مليانة ولن أعجز عن أشتمك بأبلغ وأوقع مما شتمتني به لكني سأخسر الكثير إن جاريتك وواضح جدا إنك ما عندك البتخسره وأرجو أن أتمكن من السيطرة على غضبي وانفعالي حتى لا أسقط معك في الهاوية التي أنت فيها يا رجل. الحمد لله الذي جعل لنا حياة خارج هذا المنبر وإلا كانت تكون مصيبة... والحمد لله أن يسر أن يجمعنا هذا المنبر برجال ونساء معرفتهم كنز. كلامك لي دا خلاني أفهمك أحسن وأعرف أي نوع من الناس أنت يا معاوية!

شفت يا معاوية عاد النكلمك...وقبل كده حاولت أتكلم معاك بالتلفون بواسطة المرحوم المطرطش وما وصلت معاك لنتيجة...أولا العوض حاشاه الكلام القلتوا ده...ودا كلام زول بعرفوا وبعرف الربوهو راجل ود رجال من أي جهة أتيته...
ثانيا نجاة دي ذات نفسها أنا بعرف ناس قراب مني قابلوها في الغربة وحكوا لي عن كرمها وسرعتها لمساعدتهم وأخذهم للمستشفى والبقاء معهم من غير سابق معرفة...ده لا ينفي أنها تفجر في الخصومة وتشتم ولا تبقي ولا تزر...ده طبعا غير انها تشوف معارض الإنقاذ منو ويكون هدفها ...أنا مثلا متاكدة تماما انها لا تسرق بل تساعد من يحتاج إليها...لكن الشتايم ما بقروش والبشتم الناس بشتموه...بس لكن ما ينفع أنا يكون عندي قضية بدافع عنها وأسقط عند أول إمتحان لانه نجاة شتمتني...أنا أكتر زول إتاذي من نجاة هنا ومتاكدة انها اسع حتجي تديني من المنقى خيار...لكن لابد مما ليس منه بد...ياخي اشتم نجاة زي ما عايز بس أبعد مما يضعك حيث لا تحب

والله أخجلتيني يا عفراء وشهادتك تاج على رأسي فهي تأتي من كريمة بنت كريمات وكرام أقولها بصدق أنهم أعطوا لحياتنا طعما وقيمة وبالجد كانت حياتنا كأسرة ستكون مختلفة جدا لو لم ننعم بمعرفتهم وجوارهم. وشهادتك لدكتورة نجاة على الرغم من الخلاف المحزن وغير المبرر بينكما يدل على إنصافك وموضوعيتك التي أرجو أن تقابلها الأخت بيان بمثلها.

Quote: يا خضر انا لااسرق اموال ولا اكذب ولا اغش ولا انصب ولا ضحايا لي كل ما كتبه معاوية اكاذيب شريرة انا من اسرة مشهود لها بالامانة والاستقامة ومساعدة الناس والوقوف مع الضعيف كابر عن كابر

ونحن نشهد بذلك يا دكتورة...شهادة زول شاف شوف عين ما قالوه ليه
ولا قراهو في نت... وانت لست محتاجة لتكتبي تبريرا لأحد..

دكتورة وزوجة بروفيسور هو بمثابة عميد سلك التدريس بتلك النواحي

لكم مني كل الإحترام والتقدير وكل سنة وأنت والبروف والعيال بخير

الأخت نجاة محمود أولا كل عام وانتي بخير وعيد سعيد عليك وعلي أسرتك

حقيقة لا أعرفك إلا عبر المنبر وكان يعجبني دائما صمودك وشجاعتك في أخذ حقك ورد العدوان عليك

ولكن لأني أعرف الأخت والجارة أمينة عيسي معرفة حقيقية وأعرف إنها زولة حقانية ولو علي نفسها.

فأنا اعتبر بأن شهادة أمينة في حقك هي قلادة شرف تزين جيدك.

Quote: شفت يا معاوية عاد النكلمك...وقبل كده حاولت أتكلم معاك بالتلفون بواسطة المرحوم المطرطش وما وصلت معاك لنتيجة...أولا العوض حاشاه الكلام القلتوا ده...ودا كلام زول بعرفوا وبعرف الربوهو راجل ود رجال من أي جهة أتيته...

عفراء سند كل عام وانتى واسرتك بخير
والرحمة للمطرطش
ياخ اقرى المداخلات بالتسلسل
عجبوبة دى فتحت البوست باسم
خضر الطيب ..وخلتنى انا المرجع
جا العوض شائل .(الفرمالة) حقتو


يعنى هو الهبشنى يا عفراء
وليهو فترة متلحنى

الواجب اكان تكلمى هو لانو
هو الجاب سيرتى بالاول وللا شنو
وتانى يالعوض احترم نفسك..ويا عفراء
لو ما احترم نفسو ح ياخد فى راسو
ولدى الكثير المثير


تحياتى

شهادة حق:

كنت أحضر الدكتوراة في ماليزيا, وفي آخر شهور لي من دراسة الدكتوراة مررت بضائقة مالية حادة كادت أن توقف دراستي (كنت أدرس على حسابي الخاص), وبدون أن أطلب من الدكتورة نجاة الفاضلة أي مبلغ, بادرت من عندها بمدي بملغ من المال وإعتذرت بأن ذلك كل ما بحوزتها, وقد قمت بتسديد المبلغ لها بعد أكثر من عام أي بعد أن إنتهيت من الدكتوراة والبدء في العمل بشهور, فلها التحية والتقدير والمابعرفك بجهلك

نسأل الله أن يجعل الله ذلك في ميزان حسناتها

بيان قبضتى كم من النظام نظامك الحاكم ..رغم انو الموتمر صادف (ماتم) وجيتى عاشنوووو .وقبضتى حق السكن ....
انتى ما عندك اى اخلاق يا انتهازية ... (كى ااار لو س)
(دنيا صفااا انتبااااااهههههههه)

تلفون الدلاقين ما تبطل العوارة دي بالله
في حياتك ما بيكون دعوك لمؤتمر لانك.ما عندك ما يستحق لانه بالجد ما عارف
المؤتمرات دي شنو اصلا بالجد حالتك تحنن الكافر
بطل العبط والهبل في سوق الرجال انت معلم الله من كل شيئ
قال سكن قال جنس جهل وعبط

سلام يا دكتور الله يديك العافية ياملك يا اصيل
والله اخجلت تواضعي انت من نفتخر بمعرفتهم كنت نعم الاخ الاصغر
وكون نعرف عالم مثلك فهذا فخر ما بعده فخر
تحياتي والاسرة

سلام للجميع
أبدأ أولا بالاعتذار للإخوة والأخوات الذين وعدتهم بعدم التداخل في هذا الأمر مرة أخرى. أجد نفسي مضطرا للتداخل لأنني تعلمت في هذا المنبر أن السكوت عن الأكاذيب يحولها لحقائق. قال معاوية:

Quote: جا العوض شائل .(الفرمالة) حقتو يعنى هو الهبشنى يا عفراء وليهو فترة متلحنى الواجب اكان تكلمى هو لانو هو الجاب سيرتى بالاول وللا شنو وتانى يالعوض احترم نفسك..ويا عفراء لو ما احترم نفسو ح ياخد فى راسو ولدى الكثير المثير

والذي يقرأ كلامه يظن أنني أتتبعه في بوستاته وكمان عندي فرمالة وفي حقيقة الأمر أن مداخلاتي مع معاوية خلال فترة عضويته التي تجاوزت السنتين بعدد أقل من أصابع اليدين وفي مواضيع مختلفة إذا استثنينا الاجتماعي منها كتهنئته بنجاح كريمته فكلها تنصب في نصح بصورة هادئة وأظن أنها في مصلحته فقد نصحته في البوست الذي كتب فيه عن طلاق إحدى زوجات الرئيس أن يأخذ ما كتبه لأحد الراحلين الأستاذ نقد أو التيجاني الطيب ويسترشد برأيهما في هذا الأسلوب وعندما نشر الخبر الكاذب عن زواج د. عصام البشير قلت له حتى لو صح الخبر فهذا أمر شخصي ولا يعنينا في شيئ.
بعدين لو صح إني متلحه فهل هذا يبرر الابتزاز والمخاطبة بهذا الأسلوب الغريب؟ أنا يا معاوية محترم نفسي وإن كنت ترى فيما أفعله عدم احترام لها فرأيك لا يلزمني ولا يهمني لكن أستحلفك بالله إنك تجيب الكثير المثير دا وتخلي العنتريات والتهديد. والله عارف نفسي إني من أكثر الناس خطايا و ذنوب ولولا ستر الكريم ما بقي لي حبيب لكن أحمد الله إني ما عندي الشي البتهددني بيه يا معاوية ولو إنت شخص تحترم كلمتك المجال مفتوح قدامك وجيب الداير تجيبه.

سلام يا دكتور الله يديك العافية ياملك يا اصيل
والله اخجلت تواضعي انت من نفتخر بمعرفتهم كنت نعم الاخ الاصغر
وكون نعرف عالم مثلك فهذا فخر ما بعده فخر
تحياتي والاسرة

سلامات اخي اسامة
امثال امينة ومعرفتهم شرف لا يضاهيه شرف
امينة من الامهات الفاضلات اللاتي تعاملت معهن بالجد كانت نموذج
للامهات المتفهمات وربنا عوضها بنجاح ابنها وشرفنا ورفع راسنا

وشكرا علىكلامك الطيب في شأني

عزيزي معاويه
د نجاة ممكن تكون قاسية وعنيفة
في خصومتها السياسية
عنيفة في كلماتها خصوصا ضد اليساريين
ولكن نجاة التي أعرفها منذ أن كانت طالبة
بالمعهد العالي للموسيقى والمسرح
لم نرى منها مايشير الى فساد مالي
مطلقا ولن نر واجزم بانها نظيفة اليد
ولا تشوبها شائبة في هذا الأمر
أما عنفها ضد المعارضة في ظل هذا الحكم الجائر
الظالم الموغل في العجرفة فنحن نختلف معهافيه
من الألف الى الياء

سلام معاوية وكل سنة و أنت ومن معك بخير ...يا معاوية اهلنا الخواجات بقولوا Two wrongs don't make right ،،يعني سالب +سالب فيما يخص المواقف تساوي سالب كبير عكس الرياضيات...أنا شفت في كلام العوض إنتقاد ليك إنت وخضر وان كان حاد لكنه لم يخرج من حدود الراي السالب إلى الشتايم...بعدين إنت قلت عندك دليل علي إنتهازيته ليه داسي المعلومات دي لحدي ما يقول هو كلام شخصي عنك تقوم ترد عليه...ده إنتصار لنفسك ولا لمبادئيك..يا معاوية ياخ درب النضال ده طويل وصعب لا يبدا بمعاوية ولا ينتهي بالعوض فطول بالك ووسع ماعونك تفلح ...

الأخ الصديق أبو باسل ..

الرجاء عدم العودة لهذا البوست ،،

سأحاول مناشدة الأخ خضر الطيب بذات الرجاء..

وكل عام والجميع بخير..

مع مودتي..

..
.

كما نناشد الأخت الدكتورة نجاة محمود بالكف عن إشعال

هذا النوع من البوستات التي كادت أن تصبح (سمة)

يمتاز بها هذا المنبر دون سائر منابر الدنيا...

الحكاية شنو يا جماعة؟؟؟

الدنيا دي فيها شنو؟؟

هسي البوست دا فيهو أسماء أعضاء انتقلوا عن هذه الفانية

إلى رحمة الله ...

ألا يكفي الموت "واعظاً"؟؟؟؟

..

صادق احترامي وتقديري للجميع

..

.

Quote: كما نناشد الأخت الدكتورة نجاة محمود بالكف عن إشعال هذا النوع من البوستات التي كادت أن تصبح (سمة) يمتاز بها هذا المنبر دون سائر منابر الدنيا... الحكاية شنو يا جماعة؟؟؟ الدنيا دي فيها شنو؟؟ هسي البوست دا فيهو أسماء أعضاء انتقلوا عن هذه الفانية إلى رحمة الله ... ألا يكفي الموت "واعظاً"؟؟؟؟ .. صادق احترامي وتقديري للجميع ..

كلام عقل يا استاذ محمد محمود وشكراً علي هذه الملاحظة ........قراءت هذا البوست بكالمه ولم اجد ما قاله الاخ خضر "وللعلم لا اطلبه " ولم اجد ما يشير الي البوست الاساس ........ولكن هي ملاحظة ان هذه النوعية من البوستات ظلت تؤرق المنبر فاتمني ان ننصرف لمناقشة الشان العام بدلاً من الامور الشخصية والعائلية والاطراء والذي لا فائدة عامة منه

Quote: هذا النوع من البوستات التي كادت أن تصبح (سمة) يمتاز بها هذا المنبر دون سائر منابر الدنيا...

!!!
هذا النوع من البوستات يا سادة ياكرام ما كان ليكون لو وقف الناس وقفة جادة امام الافتراء على خلق الله وبهتانهم بالباطل و هتك سمعتهم بسهولة شرب الماء
من حق بيان وكل من بهت بالباطل ان يدافع عن سمعته و حقوقه التي عجزت اللائحة عن الدفاع عنها
و سائر منابر الدنيا مافيها زول بجي يبهت و يتهم اتهامات بجسامة وعظم اتهامات معاوية البختلقها و بطارد بيها الناس بدون دليل أو بينة ويمشي ينوم عادي ويجي تاني يكتب كأنو ما حصل شي
ويلقى من يهتف ليه و يا مناضل و يا فعلتك ويا تركتك

Quote: هذا النوع من البوستات يا سادة ياكرام ما كان ليكون لو وقف الناس وقفة جادة امام الافتراء على خلق الله وبهتانهم بالباطل و هتك سمعتهم بسهولة شرب الماء من حق بيان وكل من بهت بالباطل ان يدافع عن سمعته و حقوقه التي عجزت اللائحة عن الدفاع عنها و سائر منابر الدنيا مافيها زول بجي يبهت و يتهم اتهامات بجسامة وعظم اتهامات معاوية البختلقها و بطارد بيها الناس بدون دليل أو بينة ويمشي ينوم عادي ويجي تاني يكتب كأنو ما حصل شي ويلقى من يهتف ليه و يا مناضل و يا فعلتك ويا تركتك

لا اختلاف يا حبيبنا ود البشرى..

إيدك معانا بالله..نستعدل حال المنبر.. المنبر دا فعلاً حاله لا يسر عدو ولا صليح...

وعيدك مبارك وعوجة ما في تب...

..

.

مصطفي محمود.والنعيمة مافي زول جبركم تفتحو البوست اصلا
الما عايز يقرا يجليه عادي المهم في الدنيا دي اكثر من رد العدوان شنو?!
نوعيتكم دي الخاربة البلد تشوف الفيل وتطعن في ضلو
الاثنين في سوق الحق ما تجيبو ملينة

Quote: !!! هذا النوع من البوستات يا سادة ياكرام ما كان ليكون لو وقف الناس وقفة جادة امام الافتراء على خلق الله وبهتانهم بالباطل و هتك سمعتهم بسهولة شرب الماء من حق بيان وكل من بهت بالباطل ان يدافع عن سمعته و حقوقه التي عجزت اللائحة عن الدفاع عنها و سائر منابر الدنيا مافيها زول بجي يبهت و يتهم اتهامات بجسامة وعظم اتهامات معاوية البختلقها و بطارد بيها الناس بدون دليل أو بينة ويمشي ينوم عادي ويجي تاني يكتب كأنو ما حصل شي ويلقى من يهتف ليه و يا مناضل و يا فعلتك ويا تركتك

يااخي الدنيا عيد خليك محضر خير ...



كل سنة وانتو طيبين .



.............................................................حجر.

Quote: يااخي الدنيا عيد خليك محضر خير ...

حاضرين...


( يا معاوية يا مناضل يا خطير انجر واختلق و ابهت و خوض في سمعة الناس وشرفها ما بدالك لا تهتم بإيراد دليل او بينة
ويا بيان انت احتسبي سمعتك و حقك الله يعوض عليك وما تملي لينا البورد بوستات تدافعي بيها عن حقك, او اجليها لبعد العيد)

اها كيف كدا ؟

ولا ملينة... مجان عديل قبلانيييييين...

المهم على قول رفاعي .... عايزين نكون محضر خير..

فيكم الخير...

الملينة معقولة؟؟

غايتو ما أظننا خسرانين...

قدرتنا وبنسويها ما استطعنا إليها سبيلا..
..
.

محضر خير قال وين كنت يا محضر الخير لما هذا المعتوه كل يوم.
يصحى وينزل
بوست مليان كذب وبهت في السمعة والذمم
مشكلتك ما عارف محضر خير معناها شنو
واحسن بالله تشوف ليك حتة تانية تبشر فيها

سلامات وكل سنة وانت طيب يا ابو حتحوت
امثال المنظراتية اليدهم في الموية الباردة.ديل لا يعول عليهم في احقاق
حق ممكن يدافعوا عن الحال الميت لبكرة بدون اي يقظة ضمير
وما اكثرهم هنا البورد ما بتصلح الا باختفائهم
الطوربيد الاهبل هو من يضر هذا البورد ولكن من يقول البقلة في الابريق

مازال الطوربيد الفشنك يتحرى الكذب حتى كتب عند الله كذابا
كتب انني ذهبت الى مؤتمر وكنت اصلا ذهبت الىوفاة والدتنا عليها الرحمة وقبضت حق سكن
والحقيقة انني ذهبت يوم 5الى السودان وتوفت والدتنا عليها الرحمة يوم 12
فيا طوربيد الدلاقين يقبض لاعمالهم الخيرية والوطنية المقطعين العاطلين الذين يعيشون عالة امثالك
كل يوم تجي تكذب في اعراض الناس وذممهم وتنجر القصص من فاخورتك ############ة دي
الوطن براء منك يا عاطل

Quote: ياخي خضر شنو كمان البتفتحي بوست كامل عشانه؟ ما لا يعرفه هؤلاء المخربون من أمثال معاوية و خضر أن فراغهم ورميهم للاتهامت الباطلة قد يتسبب في انصراف الناس عن عمل الخير... لكن هاميهم شنو؟ أهو إرضاء رغبة رخيصة ونصر وهمي في الأسافير هو كل ما يهم.

الأخت الفاضلة
د/نجاة
لك كل الحق في أن تردي علي هذة الوقاحات و التجريح والذي احسبه لا يمس شحصك الكريم فقط بل يمتد لإسرتك و لا تنصتي لتلك الدعوات التي تطالبك بالتوقف فليس الأمر يتعلق بمهاترات سياسية او سخرية من مواقف لك حيال امور معروضة للنقاش و لكن الأمر يتعلق بسمعتك و سمعة أسرتك
حتي يعي هذا و امثاله الدرس ولا اجد سبب و احد يجعلك تكفي عن هذا البوست إلا ان يعترفوا بالخطأ في حقك

Quote: هذا النوع من البوستات يا سادة ياكرام ما كان ليكون لو وقف الناس وقفة جادة امام الافتراء على خلق الله وبهتانهم بالباطل و هتك سمعتهم بسهولة شرب الماء من حق بيان وكل من بهت بالباطل ان يدافع عن سمعته و حقوقه التي عجزت اللائحة عن الدفاع عنها و سائر منابر الدنيا مافيها زول بجي يبهت و يتهم اتهامات بجسامة وعظم اتهامات معاوية البختلقها و بطارد بيها الناس بدون دليل أو بينة ويمشي ينوم عادي ويجي تاني يكتب كأنو ما حصل شي ويلقى من يهتف ليه و يا مناضل و يا فعلتك ويا تركتك

دي الحقيقة يا ود البشرى لكن ياهو حال المناضلين العشوائيين
الدفاع عن الــكــلب الـجـــربان الســعران رغم أنه أذى الجميع .......

سلام
كلام استاذ الموصلى عين الحقيقة

Quote: عزيزي معاويه د نجاة ممكن تكون قاسية وعنيفة في خصومتها السياسية عنيفة في كلماتها خصوصا ضد اليساريين ولكن نجاة التي أعرفها منذ أن كانت طالبة بالمعهد العالي للموسيقى والمسرح لم نرى منها مايشير الى فساد مالي مطلقا ولن نر واجزم بانها نظيفة اليد ولا تشوبها شائبة في هذا الأمر أما عنفها ضد المعارضة في ظل هذا الحكم الجائر الظالم الموغل في العجرفة فنحن نختلف معها فيه من الألف الى الياء

الدكتورة بيان
كل الناس شهدوا لك بالنزاهة او جلهم
كل الناس شهدوا لك بال....او جلهم
كلمة حق:
تحتاجين لمحاسبة ذاتية
و مراجعة و اعتذارات بالكوم
(كلامى ده ممكن يجيب لى هوا و ادخل قائمة المتضررين لكن كلمة الحق نقولها و يحصل الليحصل )

شوف يا نايف
وجهات نظري في المعارضة المنحطة البائسة دي امر يخصني ومن حقي الديمقراطي
ولا مفتكرين الديمقراطية شتائم الناس في اعراضهم وذممهم؟!!!!
لا يحق لاي انسان وهذا ضد القانون والشرع ان تنشر اكاذيب عن الناس
وهذا موضوع البوست
امثال خضر والتعيس معاوية لا اتشرف بأن اكون في معسكرهم

الدنيا دي مليانة خيارات كثبرة غير معارضة الشوم
دي ولا كيزان وسع افقك شوية مافي حاجة خربت الوطن الا نوعيتكم البتعاين بقد الابرة دي

سلامات يدكتورة

وكل سنة وانتي طيبة



وكغيري اقول ان شهادتي فيك مجروحة

ولكن

ما اعرفه عنك وعن اسرتك انكم مثل الذهب الذي لايصدأ ابدا

ومن يحاول ان يشكك فيك فهو كمن يحاول عبثا ان يحجب ضؤ الشمس

تحياتي لاخت نجاة وجميع المتداخلين

حقيقة قريت كل المداخلات في هذا البوست ...لا أعرف الأخت نجاة أو الأخ معاويه الا من خلال هذا المنبر ...ويا اخوانا اهلنا قالوا لو اثنين قالوا ليك راسك مافيك ..أهبشو...هناك عدة مداخلات ، بل معظم المداخلات تبرئ سيرة الأخت نجاة الذاتيه ...وهذه الشهادات من معظم الأطياف في هذا المنبر...أنا شخصيا أعرف عدد من أصحاب هذه الشهادات لا أشك لحظه في مصداقيتهم ....وهذا لا يعني أي اشاره أو أي تجريح للاخ معاويه ...وفعلا معرفة الناس خارج هذا الجهاز تختلف تماما عن خارجه ..ونحنا كسودانيين نعرف ونعي ذلك جيدا ...

أرجوكم أن ينتهى هذا البوست عند هذا الحد ....

تحياتي ..