Post: #1 Title: ناس الأمن قالوا لى ( ارقد على بطنك فى السرير ) افادات مفرج عنه .. Author: نجلاء سيد أحمد Date: 08-18-2012, 06:16 PM Parent: #0
افادات المناضل ( ت .ا ) بعد الافراج عنه
...............
Post: #2 Title: Re: ناس الأمن قالوا لى ( ارقد على بطنك فى السرير ) افادات مفرج عنه .. Author: نجلاء سيد أحمد Date: 08-18-2012, 06:21 PM Parent: #1
Quote: كان الاعتقال من امام مسجد ود نوباوي يوم 13 /7 بعد صلاة جمعة الكنداكة من أمام الحشد ، تم ضربي في العربة ، وصلنا بعد 40 دقيقة السياسية ، هسي تمام ادوني حبوب كتيرة ومضادات ، وصلنا السياسية بعد حوالي 40 دقيقة ولمن وصلت كبروا وهللوا ، قلت ليهم كضابين بتعرفوا الله من وين ؟ عدد الجلادين كتير في البداية كانوا 7 بعدها جاء واحد قال ليهم ده رأس الحية ذاتو بعد داك حسيت انه السياسية كلها بتضرب فيني ، بعد ساعة كده دخلوني غرفة في شكل مكتب واساءات والليلة نسوي لك ونعمل لك ، جوه الغرفة قالوا لي اقعد في السرير ، قعدت ، قالوا لي ارقد علي بطنك ، اضاربت معاهم ، العميد قال ليهم : دقوا في صلبوا عشان يمشي يتصور بيهو ، المهم بعد ساعة جاء واحد أسمه خضر قال لي : أنا كايس ليك لي زمن ، ضربني كف ورديتو ليهو تاني ضربوني بعدها جاء واحد قال ليهم اوع تضربوه شكله ضابط كبير وبدأ التحري : أسمك ، سكنك ... الخ ، التحري طول ، المهم انكرت علاقتي بالاحزاب السياسية والمجموعات لحدي ما جاني واحد قال لي : انت كنت جبهة ديمقراطية وشيوعي وكنت غواصة في البعثيين ، المهم التحقيق طويل ، ودوني الجامع صليت ولقيت بكري عمر برضو كان قابضنو ، رجعوني ، واحد اتساخف قال لي : انتو مقضينها صعلكة وشراب عرقي وزعـط بنات وكفار ، قلت ليهو ياخ اختشي البنات ديل اخواتنا ، قال لي : اخواتكم ديل شكـش ، اضاربنا ومنها ودوني مستشفي الامل واعتذروا لي ، رجعوني ضباط كويسين غايتو اتظارفوا معاي ، رجعت بيت في السياسية تاني يوم اتحروا معاي تاني ودوني بعد المغرب لي ادارة التحفظ ( تلاجة الموز ) غرب السياسية لقيت بكري العجمي وعمار نصر الدين و3 شعبيين قعدنا في غرفة تلاتة في تلاتة بي حمام ومكيفه ، جوني بعد اسبوع رجعوني لتحقيق في الطابق التاني في السياسية اتحروا معاي لفترة طويلة وكنت متذكر الكلام القلتو المرة الفاتت ، علاقتك بالاحزاب ، علاقتك بالتجمعات الشبابية قلت ليهم انا مستقل وغير ناشط ، بتسكر ؟ لا ، بنقو ؟ لا ، بنات ؟ لا . علاقتك بالمنظمات ؟ ما عندي علاقة . المراكز ذي الخاتم عدلان ؟ ما قعد امشي . طيب نحن قررنا نطلعك الليلة بس تتعاون معانا وعارفنك انت زول ضكران وأخو بنات اتنين وانت ولد واحد وابوك عيان نوظفك ونلحقك دفعتك في الكلية الحربية هم نقباء هسه ونقريك دراسات عليا رأيك شنو ؟ قلت ليهم ياخ أنا اسير والاسير لا يفاوض اذا وافقت احتمال اطلع برة واقول لا ، نتلاقي برة ونتفاوض .. رجعوني تاني الزنزانة ادارة التحفظ ، طلعوني ودوني كوبر زيارة من ناس البيت أختي شاكلتهم ، انتهت الزيارة رجعنا ادارة التحفظ الزنزانة وما شفت النور الا اول امس ودونا كوبر سلمونا اماناتنا موبايلي ومفاتيحي وقروشي ، لاقيت ساطع الحاج وبوشي ومحمد ضياء وشعبيين ومنتصر الاهلية وناس كتار
Post: #3 Title: Re: ناس الأمن قالوا لى ( ارقد على بطنك فى السرير ) افادات مفرج عنه .. Author: نجلاء سيد أحمد Date: 08-18-2012, 07:56 PM Parent: #2
Post: #5 Title: Re: ناس الأمن قالوا لى ( ارقد على بطنك فى السرير ) افادات مفرج عنه .. Author: Elbagir Osman Date: 08-18-2012, 08:04 PM Parent: #2
لدقة التوثيق نرجو من المعتقل أن يوضح أكثر: ما هي السياسية متى أخذ الحبوب ومن أعطاه إياها ما هي تلاجة الموز كم كنتم في الغرفة ما هي ادارة التحفظ
Post: #6 Title: Re: ناس الأمن قالوا لى ( ارقد على بطنك فى السرير ) افادات مفرج عنه .. Author: نجلاء سيد أحمد Date: 08-18-2012, 08:09 PM
Quote: لدقة التوثيق نرجو من المعتقل أن يوضح أكثر: ما هي السياسية متى أخذ الحبوب ومن أعطاه إياها ما هي تلاجة الموز كم كنتم في الغرفة ما هي ادارة التحفظ
شكرا Elbagir Osman على الملاحظة واوعدك ان اعكس رده
Post: #7 Title: Re: ناس الأمن قالوا لى ( ارقد على بطنك فى السرير ) افادات مفرج عنه .. Author: هشام هباني Date: 08-18-2012, 08:28 PM Parent: #6
عشت يا نجلاء الصامدة حد ( العكلتة) وانت بكل اصرار واباء برغم التهديد والوعيد والضرب والاعتقال لا زلت توثقين مواقف الصمود والشموخ لهؤلاء البواسل الشرفاء لك المجد يا مهيرة الزمن التعيس.
Post: #8 Title: Re: ناس الأمن قالوا لى ( ارقد على بطنك فى السرير ) افادات مفرج عنه .. Author: النذير حجازي Date: 08-19-2012, 03:34 AM Parent: #7
غاليتنا نجلاء كل سنة وإنت وأسرتك الكريمة بألف خير
طبعاً الغرض من الضرب في الصًلب علشان الواحد يختشي وما يقدر يعرض صور الضرب في النت، علشان كدا الضابط قال ليهم دقوا في صلبو علشان يتصور بيهو الصور باتت ترعبهم
Post: #11 Title: Re: ناس الأمن قالوا لى ( ارقد على بطنك فى السرير ) افادات مفرج عنه .. Author: نجلاء سيد أحمد Date: 08-19-2012, 02:11 PM Parent: #8
Quote: غاليتنا نجلاء كل سنة وإنت وأسرتك الكريمة بألف خير
طبعاً الغرض من الضرب في الصًلب علشان الواحد يختشي وما يقدر يعرض صور الضرب في النت، علشان كدا الضابط قال ليهم دقوا في صلبو علشان يتصور بيهو الصور باتت ترعبهم
العزيز النذير حجازي تعود الايام وكل عام وانت وكل الشعب السودانى بخير
نعم الصور ترعبهم لانها توثق انتهاكاتهم ويوم الحساب قريب
Post: #10 Title: Re: ناس الأمن قالوا لى ( ارقد على بطنك فى السرير ) افادات مفرج عنه .. Author: نجلاء سيد أحمد Date: 08-19-2012, 02:07 PM Parent: #7
Quote: عشت يا نجلاء الصامدة حد ( العكلتة) وانت بكل اصرار واباء برغم التهديد والوعيد والضرب والاعتقال لا زلت توثقين مواقف الصمود والشموخ لهؤلاء البواسل الشرفاء لك المجد يا مهيرة الزمن التعيس.
تسلم العمدة هشام هباني العيد مبارك عليكم وكل عام وانتم والوطن بالف خير
شكرا على المرور
Post: #9 Title: Re: ناس الأمن قالوا لى ( ارقد على بطنك فى السرير ) افادات مفرج عنه .. Author: نجلاء سيد أحمد Date: 08-19-2012, 02:04 PM
سلام الباقر وكل الضيوف الاكارم وعيدكم مبارك والعاقبه على وطن
Quote: لدقة التوثيق نرجو من المعتقل أن يوضح أكثر: ما هي السياسية متى أخذ الحبوب ومن أعطاه إياها ما هي تلاجة الموز كم كنتم في الغرفة ما هي ادارة التحفظ
دا رد المعتقل (ت . ا )
Quote: السياسيه هي: أحدي أدارات حهاز الأمن موقعها في بحري جنوب موقف شندي وعرفت بالسياسية عشان متخصصه فى التعامل مع السياسين وفى اقسام اخرى تخصوصية فى مجالات اخرى مثل الامن الاقتصادى
* أعطوني نوعين من الحبوب أموكلان , حبوب أخري لااتذكر نوعها فى مستشفى الامل
* تلاجة الموز هي غرفه مساحتها 3*3 مترمربع بها حمام ضيق يتم الحبس فيها
* أدارة التحفظ هي احدي ادارات جهاز الأمن مختصه بحبس المعتقل وعزل الشخص من باقى المعتفلين بهدف استخراج معلومات
تقع غرب السياسيه مباشرة
Post: #12 Title: Re: ناس الأمن قالوا لى ( ارقد على بطنك فى السرير ) افادات مفرج عنه .. Author: Yasir Elsharif Date: 08-19-2012, 03:26 PM Parent: #9
شكرا نجلاء وكل عام والجميع بخير
إن شاء الله ربنا يعيد هذا العيد وقد سقطت سلطة الطغيان والاغتصاب والظلم والفساد..
وسيحين يوم الحساب.
ولا بد من الحرية وإن طال ليل الظلم.. العاقل يشوف في غيرو، والأحمق يشوف في نفسو.