Post: #1
Title: أما آن لحظر سودانيزأونلاين أن ينتهي؟!!
Author: Hussein Mallasi
Date: 08-18-2012, 12:51 PM
Parent: #0
أساساً الحظر ما منو فائدة .. و أسه و بعد
إطلاق سراح (جميع) المعتقلين بقى ما عندو معنى.
|
Post: #2
Title: Re: أما آن لحظر سودانيزأونلاين أن ينتهي؟!!
Author: Hussein Mallasi
Date: 08-18-2012, 01:14 PM
Parent: #1
لا يكفي أن يطلق النظام (جميع) المعتقلين ليوحي بقوته
المطلقة بل يجب أن يتبع ذلك بفك الحظر عن سودانيزأونلاين.
|
Post: #3
Title: Re: أما آن لحظر سودانيزأونلاين أن ينتهي؟!!
Author: Hussein Mallasi
Date: 08-18-2012, 01:19 PM
Parent: #2
لماذا لم أشمل الراكوبة و حريات .. ببساطة لأن لأحد يأبه بهم؛ فبعد أن
أدمنوا الكذب و البذاءة .. نفر منهم القراء .. لذا .. فحظرهم من عدمه سيان.
|
Post: #4
Title: Re: أما آن لحظر سودانيزأونلاين أن ينتهي؟!!
Author: Hussein Mallasi
Date: 08-18-2012, 01:36 PM
Parent: #3
و مثلما شهد (جميع) المعتقلين للأمن بالمعاملة الممتازة فسنشهد
لهم – أيضاً - بعدم حظر (جميع) بروكسيهات كسر الحظر!
|
Post: #5
Title: Re: أما آن لحظر سودانيزأونلاين أن ينتهي؟!!
Author: الامين موسى البشاري
Date: 08-18-2012, 01:44 PM
Parent: #4
Quote: و مثلما شهد (جميع) المعتقلين للأمن بالمعاملة الممتازة فسنشهد
لهم – أيضاً - بعدم حظر (جميع) بروكسيهات كسر الحظر! |
أيامك والله بقيت تفتي في التقنية كمان 
يا حسين غايتو دي جليتها وهي ثابته ومقنطرة
..
..
__
لا يمكنهم حظر البروكسيات مهما فعلوا
ببساطة لأن السعودية وبكل امكاناتها لم تستطع
هل تستطيع حجب عين الشمس يا ملاسي؟!
هذا زمن ال Open Media
|
Post: #6
Title: Re: أما آن لحظر سودانيزأونلاين أن ينتهي؟!!
Author: زهير عثمان حمد
Date: 08-18-2012, 01:50 PM
Parent: #4
ملاسي
تحياتي ومتعك ربي بالعافية وعيدك سعيد
قالت نائبة رئيس البرلمان و وزير الاعلام والسيد رئيس لجنة الامن بالبرلمان هنالك قرارت بخصوص الاعلام عامة قالوا بعد العيد من ضمنها فك حجب المواقع والسماح بحرية الحركة للمراسلين داخل السودان
*نحن بس منتظرين بس متين العيد ينتهي عشان نعرف في البلد دي القرار سياسي ولا ديمة أمني !
وجهودنا السلمية ما ح تقيف أبدا لحدي ما نرفع الحجب دا.
دي حقوقناودي أصواتنا للعالم .
لك ودي
|
Post: #8
Title: Re: أما آن لحظر سودانيزأونلاين أن ينتهي؟!!
Author: بخاري عثمان الامين
Date: 08-18-2012, 02:03 PM
Parent: #6
اتوقع فك الحظر واتوقع بوست بعدها معنون بأسمك يا ملاسي
|
Post: #7
Title: Re: أما آن لحظر سودانيزأونلاين أن ينتهي؟!!
Author: محمد مختار جعفر
Date: 08-18-2012, 02:02 PM
Parent: #4
سلام وتحية
كثيراً ما يكون الحظر والإغلاق والتشميع إعلاناً يأتي بعكسه تماماً ،
وينتبه له أكثر .. ، وكما يقول المثل ، الممنوع مرغوب ، عنما كنت فى إجازتي بالسودان
وعدت قبل أيام ، صادفت عداداً من مرتادى محلات الأنترنيت بالخرطوم يسألون قبل الجلوس
بمقاعدهم ، إن كانت سودانيزأون لاين ( رجعت ) فيأتيهم الرد من صاحب المحل ( لا .. لسه ..)
قلت في نفسي ، لهذه التساؤلات والإهتمام ، جاء الخوف ...وتم الإغلاق عن ما يكتب بأسلحة
وليست أقلاماً أليكترونية ...!!! ( ومن الكلمة ما هي أمضى وأحد من وقع المهند )
أقول : ترى هل بارت الصحافة الورقة الداخلية وتراجع توزيعها ..!!
أم يكون الأمر غير ذلك ...!!
أعتقد كان في الإمكان معالجة الأمر بصورة أكثر حنكة ودراية وذكاء ،
وتحيتي ...
محمد مختار جعفر
|
Post: #9
Title: Re: أما آن لحظر سودانيزأونلاين أن ينتهي؟!!
Author: Hussein Mallasi
Date: 08-18-2012, 03:50 PM
Parent: #7
الحاجة الوحيدة التي أدى لها الحظر هي الإيحاء بضعف
الحكومة و عجزها عن مواجهة بضعة مواقع الكترونية بالحجة
|
Post: #10
Title: Re: أما آن لحظر سودانيزأونلاين أن ينتهي؟!!
Author: اساسي
Date: 08-18-2012, 04:00 PM
Parent: #9
شايف لبسوك العمة ، وشلت طارك بقيت تمدح
|
Post: #11
Title: Re: أما آن لحظر سودانيزأونلاين أن ينتهي؟!!
Author: Salah Abdulla
Date: 08-18-2012, 04:52 PM
Parent: #10
حظر سودانيزأونلاين ، زي مربعات بكري دي (#)
ملاسي بيكتب والموقع محظور
والجماعة هنا بيشتموا ومربعات بكري تتفرج فيهم..
|
Post: #12
Title: Re: أما آن لحظر سودانيزأونلاين أن ينتهي؟!!
Author: بدر الدين اسحاق احمد
Date: 08-18-2012, 04:54 PM
Parent: #10
بالدارجى البسيط كمان ...
الاعلام الحديث بيتكلم عن صناعة الحدث وهذا ما تم فى ليبيا ومصر ويجرى الان فى سوريا
دا ما بيسموها اجهزة اعلام ، دا بيسموها ادوات عمل سياسي وامنى واقتصادى واجتماعى
البيفتح المنبر بيأتيه شعور بأن الحكومة تبقى لها اقل من 24 ساعة للزول القاعد خارج الخرطوم والسودان
والواقع غير ذلك تماماً .للزول القاعد فى الخرطوم وفى السودان ..
ليعلم بكرى ابوبكر ان الموضوعيــة سلاح فعال وقوى ويصعب مناهضته ابداً ..
وإلا ستضطر الحكومة لممارسة سلطاتها فى الحفاظ على أمنها وامن السودان
________
وايضاً نحو مواقع اكثر موضوعية فى الطرح لما فيه صالح السودان بمختلف رؤى أبنائــه ومؤسساته السياسية
الضرورة والوعى بالمتغيرات العالمية تقتضى فتح موقع سودانيزاونلاين لكافة القراء
|
Post: #13
Title: Re: أما آن لحظر سودانيزأونلاين أن ينتهي؟!!
Author: زهير عثمان حمد
Date: 08-18-2012, 05:12 PM
Parent: #12
ياشيخ بدر الدين
مداخلتك دي نفهم منها شنو أشرح بالتفصيل الممل وخاصة فيما يلي الحكومة
|
Post: #14
Title: Re: أما آن لحظر سودانيزأونلاين أن ينتهي؟!!
Author: حيدر حسن ميرغني
Date: 08-18-2012, 05:23 PM
Parent: #13
مامدى تأثير الموقع على الشارع السياسي ياحسين؟
|
Post: #15
Title: Re: أما آن لحظر سودانيزأونلاين أن ينتهي؟!!
Author: ABDALLAH ABDALLAH
Date: 08-18-2012, 06:19 PM
Parent: #14
Quote: الحاجة الوحيدة التي أدى لها الحظر هي الإيحاء بضعف
الحكومة و عجزها عن مواجهة بضعة مواقع الكترونية بالحجة |
وجهة نظر تدل على تَعَمُق صاحبها .
الحبيب ملاسى
كل عام وأنتم بخير .
|
Post: #16
Title: Re: أما آن لحظر سودانيزأونلاين أن ينتهي؟!!
Author: Hussein Mallasi
Date: 08-18-2012, 06:49 PM
Parent: #15
لا تأثير (مباشر) للموقع على الشارع السياسي؛
الموقع يؤثر على المؤثرين على الشارع يا حيدر.
|
Post: #17
Title: Re: أما آن لحظر سودانيزأونلاين أن ينتهي؟!!
Author: Ahmed musa
Date: 08-18-2012, 07:13 PM
Parent: #16
Quote: لا تأثير (مباشر) للموقع على الشارع السياسي؛
الموقع يؤثر على المؤثرين على الشارع يا حيدر. |
(...؟!...)
يبقى هذا (ملاسي) مقابل رأي (جهاز) الامن
الذي يرى بخلاف ما يرى (ملاسي)
فأيهما نصدّق .. ؟!!!
ــــــــــــ
الراكوبة زي الإتفكت ..!!!
قبل شوية اتفتحت بدون ايتها بروكسي
|
Post: #18
Title: Re: أما آن لحظر سودانيزأونلاين أن ينتهي؟!!
Author: محمد إبراهيم علي
Date: 08-18-2012, 07:17 PM
Parent: #16
| Quote: الموقع يؤثر على المؤثرين على الشارع يا حيدر. |
وده الخايفة منو الحكومة
قالها رب العالمين من قبل {وَذَكِّرْ فَإِنَّ الذِّكْرَى تَنْفَعُ المُؤْمِنِينَ}
المعارضين عموما والواقفين على الحياد ممن يطلعون على المنبر يتم شحن بطارياتهم يوميا هنا
ـــــــــــــــــــــــــــ
حسين يتحرك بثبات الى الامام مهددا اراضي تاج السر الملك
حتى انني ارى في الافق بوست لاساسي بعنوان (لو تنحنح ملاسي ........) :)
|
Post: #19
Title: Re: أما آن لحظر سودانيزأونلاين أن ينتهي؟!!
Author: بكرى ابوبكر
Date: 08-18-2012, 07:43 PM
Parent: #18
الحبيب ملاسى
شكرا لطرحك هذا الموضوع الهام
اسمح لى بوضع الاسئلة و الاجوبة ادناه لتحقيق اجرته الزميلة صباح احمد و على ما اظن ان جهاز الامن منعه نشره
شكرا يا صباح و رمضان كريم
رايك في قرار الحجب
قرار الحجب قرار بليد لانو اى مستخدم للكمبيوتر بيعرف يفتحه و يغلقه ممكن يكسر الحجب
فهنالك المئات من البرامج و المتصفحات التى تكسر الحجب بالبحث عن "افتح موقع محجوب" فى اى محرك بحث سوف يجد الباحث بالصورة,الصوت و الكلمة الخطوات لفك حظر/حجب لاى موقع
يعنى حكاية ما صعبة
وتاثيره علي الموقع
لم يتاثر سودانيزاونلاين دوت كم بالحجب بل ذادت شعبيته مما اضطرنى الى زيادة سعة الباندوث الشهرى للموقع
الباندوث هو الترافيك : او بالعربي تبادل بيانات , اي ان دخولك لكل صفحة يستهلك ترافيك
مثل سيارة تستهلك بترول و بترول الموقع هو الباندوث او الترفك او تبادل البيانات
و هذا يعتمد على حجم الموقع و الصور التي فية كلما زادة المادة و الصور زاد الاستهلاك
وبتتعاملوا مع النوع دة من القررات
لا اعمل اى شى فمثل هذه القرارات اثبتت فشلها فى الصين و سوريا و غيرهما من الدول التى تنتهج
سياسية الحجب
وعما يثُار من قبل الحكومة ان موقع سودانيز اون لاين درج علي نشر
الاشاعات والاكاذيب
موقع سودانيزاونلاين دوت كم ليست موقع لنشر الاكاذيب و الاشاعات فالاخبار و المقالات و الاخبار التى ننشرها نفحصحها بعناية قبل نشرها
لانها تنشر مباشرة فى غوغل نيوز
Google News
وتنشرها وتعتمد عليها معظم وكالات الانباء , الفضائيات و الصحف العالمية
ما يكتب فى المنبر العام فى مسئولية كاتبها و الذى نختاره بعد فحص دقيق و معظم ما يكتبون فى سودانيزاونلاين دوت كم معروفون المجتمع السودانى و يكتبون باسمائهم الحقيقية
ونعتبرهم موثقون ومدونون للحياة السياسية,الثقافية و الاجتماعية…..الخ فكتاباتهم موجودة من سنة 2000 فى مكتباتهم الشخصية و التخصصية
هنا
http://www.sudaneseonline.com/cgi-bin/sdb/2bb.cgi
اخيرا سودانيزاونلاين دوت كم موقع يكتب فيه كل انواع الطيف السياسى حتى الموالين للمؤتمر الوطنى الحزب الحاكم الان بالسودان
وشكرا
بكرى ابوبكر
اريزونا الولايات المتحدة
2 اغسطس 2012
شكرا يا صباح و رمضان كريم
|
Post: #20
Title: Re: أما آن لحظر سودانيزأونلاين أن ينتهي؟!!
Author: Mohamed Yassin Khalifa
Date: 08-18-2012, 09:26 PM
Parent: #18
Quote: ليعلم بكرى ابوبكر ان الموضوعيــة سلاح فعال وقوى ويصعب مناهضته ابداً ..
وإلا ستضطر الحكومة لممارسة سلطاتها فى الحفاظ على أمنها وامن السودان |
يا فكي الغفلة... كمان وصلت بيك تهدد بكري أبوبكر؟
إت يا زول الله ما ليك؟ والله أحسن ليك تلملم عفشك وتنزل من البانطون ده!
أما إنك فعلاً واطـي ######ـيف... كدي شوف إنتا بتكتب وين وبياتو بروكسي؟
قال أمنها وأمن السودان؟ غايتو أمنها ممكن.. أمن السودان نهي!
ويا ملاسي كيف تسمح لكـلاب الأمن ديل يهددوا في بوستك ده وتسكت عنه؟ هل في إتفاق مسبق؟
_______________
بركاتك تلحقنا يا ملاسي (الصغير) وعيد مبارك..
|
Post: #21
Title: Re: أما آن لحظر سودانيزأونلاين أن ينتهي؟!!
Author: قيقراوي
Date: 08-18-2012, 10:05 PM
Parent: #20
Quote:
حسين يتحرك بثبات الى الامام مهددا اراضي تاج السر الملك
حتى انني ارى في الافق بوست لاساسي بعنوان (لو تنحنح ملاسي ........) :)
|
دي مشكلة سيد الكفر .. يمسك ليك الحاجة مسواك جداد بس
لمن يسهكا ويطلعا من نفس الناس
------------
ملاسي دا عضو الليلة هو؟
|
Post: #22
Title: Re: أما آن لحظر سودانيزأونلاين أن ينتهي؟!!
Author: Yassir Tayfour
Date: 08-18-2012, 10:36 PM
Parent: #21
Quote: لا تأثير (مباشر) للموقع على الشارع السياسي؛
الموقع يؤثر على المؤثرين على الشارع يا حيدر. |
|
Post: #23
Title: Re: أما آن لحظر سودانيزأونلاين أن ينتهي؟!!
Author: Hussein Mallasi
Date: 08-19-2012, 00:42 AM
Parent: #22
في واحدة من تجليات – تقرأ جلطات – كمال حسن بخيت حيث عبأ نحو نصف صفحة
في "الرأي العام" مهاجماً فتحي الضو حيث بلغته قوالة – أو نحو ذلك - أن فتحي الضو قد
تقول عليه .. فكتب مذكراً الضو و ممتناً عليه:
Quote:
نسيت لمن جيت السودان و كنت داير تدخل كتابك المحظور و جيتني مكسور الخاطر و قلت
لي اتوسط ليك عند ناس الأمن يفسحوا ليك الكتاب و قلت لي (الكتاب دا بعكس ما يبدو عليه .. دا
بيعري المعارضة أكتر مما بيهاجم الحكومة) و كلمت ليك نسيبنا محمد حامد تبيدي و فسحوا ليك الكتاب!!
.. دا كلو نسيتو و أسه جاي تقول كلامك دا!! |
* المقتبس أعلاه بتصرف و الأصل هنا: المصدر
الشاهد .. سودانيزأونلاين – يا ناس الأمن – بيعري المعارضة غير الراشدة أكتر مما يضر بالحكومة!
|
Post: #24
Title: Re: أما آن لحظر سودانيزأونلاين أن ينتهي؟!!
Author: Hussein Mallasi
Date: 08-19-2012, 00:53 AM
Parent: #23
Quote: ويا ملاسي كيف تسمح لكـلاب الأمن ديل
يهددوا في بوستك ده وتسكت عنه؟ هل في إتفاق مسبق؟ |
سألتك بالله يا بكري .. أسه زي الزول الكتب الكلام الفوق دا
اخترتو بعد فحص دقيق .. إن كان كذلك ففحصك الدقيق زي قلتو!
|
Post: #25
Title: Re: أما آن لحظر سودانيزأونلاين أن ينتهي؟!!
Author: Hussein Mallasi
Date: 08-19-2012, 01:25 AM
Parent: #24
Quote:
الشاهد .. سودانيزأونلاين – يا ناس الأمن – بيعري
المعارضة غير الراشدة أكتر مما يضر بالحكومة! |
فجميع ما يكتب في سودانيزأونلاين يتم تمحيصه و لا يترك كاذب أبداً؛
كم مرة و مرة زفوا معاوية الصايم .. بل و أشتهرجادات باسم جاكات.
______
أما إن كانت الحقائق تزعجكم فذلك شأن آخر!
|
Post: #26
Title: Re: أما آن لحظر سودانيزأونلاين أن ينتهي؟!!
Author: قيقراوي
Date: 08-19-2012, 01:31 AM
Parent: #25
Quote:
سألتك بالله يا بكري
|
ولد دا!!
---------
بكري حاف كدا .. سليقة ساااي؟
وقع معنى رفع الكلف عزيزي القارئ؟
|
Post: #27
Title: Re: أما آن لحظر سودانيزأونلاين أن ينتهي؟!!
Author: Hussein Mallasi
Date: 08-19-2012, 01:38 AM
Parent: #26
بالمناسبة .. و للدقة .. (سودانيزأونلاين) أقصد به المنبر العام؛ إذ لا أطالع صفحة
المقالات منذ أن كانت ممتلئة (بالتعليقات) الفاحشة و لا أعرف ما انتهى إليه حالها.
|
Post: #28
Title: Re: أما آن لحظر سودانيزأونلاين أن ينتهي؟!!
Author: Hussein Mallasi
Date: 08-19-2012, 01:50 AM
Parent: #27
| Quote: قرار الحجب قرار بليد |
الملافظ سعد يا سيد .. لو وصفت القرار بالقرار الخاطئ .. غير السليم
.. المتسرع .. غير الموفق .. لكان أفضل و لربما ساعد ذلك على سرعة فك الحظر.
______
مع العلم إنو القرار فعلاً قرار بليد 
|
Post: #29
Title: Re: أما آن لحظر سودانيزأونلاين أن ينتهي؟!!
Author: Hussein Mallasi
Date: 08-19-2012, 01:59 AM
Parent: #28
| Quote: في واحدة من تجليات – تقرأ جلطات – كمال حسن بخيت حيث عبأ نحو نصف صفحة |
غايتو يا كمال حسن بخيت (الرأي العام) دي إن ما جبتا ضلفها و لحقتها (الرأئد) .. أصلك ما حترتاح!
|
Post: #41
Title: Re: أما آن لحظر سودانيزأونلاين أن ينتهي؟!!
Author: Mohamed Yassin Khalifa
Date: 08-20-2012, 11:34 PM
Parent: #24
Quote: سألتك بالله يا بكري .. أسه زي الزول الكتب الكلام الفوق دا
اخترتو بعد فحص دقيق .. إن كان كذلك ففحصك الدقيق زي قلتو! |
سؤالي ليك يا ملاسي (الصغير) واضح وصريح:
كيف بتسمح لكـلاب الأمن ديل يهددوا في بوستك ده وتسكت عنه؟ وهل في إتفاق مسبق؟
خليك راجل ود رجال وجاوب.. وبطل التجـبن والزوغان ده؟!
_____________
بكري بكون سأل ملاسي (الكبير) عني أثناء فحصه الدقيق قبل 25 سنة!
فهمتا ولا محتاج ليك فهامة؟
|
Post: #36
Title: Re: أما آن لحظر سودانيزأونلاين أن ينتهي؟!!
Author: ahmed haneen
Date: 08-19-2012, 10:02 PM
Parent: #12
يا شيخ بدر الدين
نكبشر وبعدين نجيك Quote: بالدارجى البسيط كمان ...
الاعلام الحديث بيتكلم عن صناعة الحدث وهذا ما تم فى ليبيا ومصر ويجرى الان فى سوريا
دا ما بيسموها اجهزة اعلام ، دا بيسموها ادوات عمل سياسي وامنى واقتصادى واجتماعى
البيفتح المنبر بيأتيه شعور بأن الحكومة تبقى لها اقل من 24 ساعة للزول القاعد خارج الخرطوم والسودان
والواقع غير ذلك تماماً .للزول القاعد فى الخرطوم وفى السودان ..
ليعلم بكرى ابوبكر ان الموضوعيــة سلاح فعال وقوى ويصعب مناهضته ابداً ..
وإلا ستضطر الحكومة لممارسة سلطاتها فى الحفاظ على أمنها وامن السودان
________
وايضاً نحو مواقع اكثر موضوعية فى الطرح لما فيه صالح السودان بمختلف رؤى أبنائــه ومؤسساته السياسية
الضرورة والوعى بالمتغيرات العالمية تقتضى فتح موقع سودانيزاونلاين لكافة القراء |
|
Post: #30
Title: Re: أما آن لحظر سودانيزأونلاين أن ينتهي؟!!
Author: Hani Arabi Mohamed
Date: 08-19-2012, 02:02 AM
Parent: #1
الحظر ثقف الناس في كسره وسيؤدي إ لى ازدياد ارتياد الناس لمواقع أخرى محظورة سلفاً
|
Post: #31
Title: Re: أما آن لحظر سودانيزأونلاين أن ينتهي؟!!
Author: Hussein Mallasi
Date: 08-19-2012, 02:10 AM
Parent: #30
| Quote: الحظر ثقف الناس في كسره وسيؤدي إ لى ازدياد ارتياد الناس لمواقع أخرى محظورة سلفاً |
بل ثقف معظم أعضاء (سودانيزأونلاين) في السودان بالإضافة لقلة قليلة من الناس.
|
Post: #33
Title: Re: أما آن لحظر سودانيزأونلاين أن ينتهي؟!!
Author: معاوية عبيد الصائم
Date: 08-19-2012, 07:08 AM
Parent: #32
Quote: كم مرة و مرة زفوا معاوية الصايم ..
|
انا على يقين يا ملاسى انت من يكتب قذارة الامــن هنا.والايام بيننا واعدك ببوست مدنكل
بوست الكهرباء؟
بوست منعم رحمة؟
والان ( أما آن لحظر سودانيزأونلاين أن ينتهي؟!!)؟ياقارى الفنجان
يابائس يا انتهازى يا متسلق
|
Post: #34
Title: Re: أما آن لحظر سودانيزأونلاين أن ينتهي؟!!
Author: ناذر محمد الخليفة
Date: 08-19-2012, 08:47 AM
Parent: #33
!!!
| Quote: بل ثقف معظم أعضاء (سودانيزأونلاين) في السودان |
بعد معرفتم لكيفية إرتياد المواقع الإباحية ؟!!
|
Post: #35
Title: Re: أما آن لحظر سودانيزأونلاين أن ينتهي؟!!
Author: محمد إبراهيم علي
Date: 08-19-2012, 12:39 PM
Parent: #34
غايتو بحكم انو انا برة السودان وغير متاثر بقرار الحجب فالحاجة الاستفدتها من البوست ده هو موقع جريدة الراي العام الجديد :)
يبدو ان بكري اصبح من ضحايا سوق المواسير :)
|
Post: #37
Title: Re: أما آن لحظر سودانيزأونلاين أن ينتهي؟!!
Author: بدر الدين اسحاق احمد
Date: 08-20-2012, 01:01 PM
Parent: #35
Quote: ما يكتب فى المنبر العام فى مسئولية كاتبها و الذى نختاره بعد فحص دقيق و معظم ما يكتبون فى سودانيزاونلاين دوت كم معروفون المجتمع السودانى و يكتبون باسمائهم الحقيقية
ونعتبرهم موثقون ومدونون للحياة السياسية,الثقافية و الاجتماعية… |
محمد يس خليفة المخرف الذى بلغ من الكبر عتياً ولم يتعلم من طول عمره الا ساقط القول ...
هو نموذج ممتاز لم تتحدث عنه صباح ومن يستشهد بــه سيد الحوش على الاختيار الموفق والمتوازن
والمعبر عن الحياة السياسية والثقافية والاجتماعية السودانية ( فقط فى إنحطاطها ووصولها الى درك اسفل )
الذين يكتبون بأسمائهم الحقيقية هم جزء من المشهد السودانى السياسي والاجتماعى داخل السودان فهم ملتزمون بقيم
وسلوكيات هذا الشعب اما هذا المكادي العضير فهو لا يشكل اى إنتماء او جزء من النسيج الاجتماعى السودانى
فليس لديه ما يخسره من ساقط القول والمفردات ..
السؤال لماذا لا يكتب بورداب الداخل من مختلف الانتماءات السياسية مثل هذا الغثاء ؟
ببساطة شديدة لانهم ينتمون الى مجتمع يشكلون فيه اباء / امهات / اخوان / اخوات / زملاء
فالواحد فيهم حين يكتب يستصحب معه كل هذه المكونات لذلك تأتى كلماتهم تعبيراً عن اراء فى السياسة والثقافة والاجتماع
وليــس بقجــة قاذورات من اقرب كوشــة فى ولاية امريكية ..
_____
وكمان بكرى ابوبكر صاحب هذا الموقع يعلم من هم الاضافات الموضوعية التى تشكل هذا المنبر ..
المنبر الذى يريده اصحاب العاهات الخلقية والسلوكية امثال محمد يس ان يكون ماخور لكل ماهو
غريب ومخالف للسودانيين فى قيمهم واخلاقهم وتعاطيهم فى الحراك العام ..
ملحوظة .. بقدر اقول مثل مفرداتك ( واط) لكن يمنعنى من ذلك اقلها إحترامى لنفســى ثم زملائى ثم اصدقائى ثم مجتمعى ثم أبنائي وبناتى
وإن عدت ستجدنى لا رغبة لي حتى فى قراءة ردك ..
|
Post: #38
Title: Re: أما آن لحظر سودانيزأونلاين أن ينتهي؟!!
Author: Motawakil Ali
Date: 08-20-2012, 10:07 PM
Parent: #37
| Quote: Re: أما آن لحظر سودانيزأونلاين أن ينتهي؟!! |
قبل قليل تمكنت من دخول سودانيز بدون بروكسي ..
هل هي مصادفة أم انتهى الحجب؟؟
|
Post: #39
Title: Re: أما آن لحظر سودانيزأونلاين أن ينتهي؟!!
Author: Hussein Mallasi
Date: 08-20-2012, 10:39 PM
Parent: #38
Quote: غايتو بحكم انو انا برة السودان وغير متاثر بقرار الحجب
فالحاجة الاستفدتها من البوست ده هو موقع جريدة الراي العام الجديد :)
يبدو ان بكري اصبح من ضحايا سوق المواسير :) |
اتذكرت زمان لمن أنور كنج* قعد ناس سودانفورأوول في الصقيعة!
______
*الدكتور أنور دفع الله لاحقاً.
|
Post: #40
Title: Re: أما آن لحظر سودانيزأونلاين أن ينتهي؟!!
Author: Mohamed Yassin Khalifa
Date: 08-20-2012, 11:22 PM
Parent: #37
هه يا الفكي أب لبن.. إتا زول فعلاً دايش ورايح ليك!
موش ده ياهو نفس الكلام الكتبتو في بوست عمر صديق وردينا عليهو:
Quote: "لا حول ولا قوة إلا بالله العلي العظيم"
فكي الغفلة بدرالطين الحرامي.. زعلان عشان قلنا لا حوار مع القتلة والمجرمين؟
ههه.. زعلان مالك؟ إنتا قاتل ولا مجرم؟؟ ولا فيك رقـ شة؟
كدي في البداية أسعل صاحبنا عمر صديق وقول ليهو زولكم ده ما قال بيجي مالو ما جاء؟
يمكن زعلان عشان قلنا عليك حرامي سرق من حزب مصري (منحل) فكره عشان ناطقك ده يقول عندي حزب؟
ولا زعلان عشان قلنا ليك بتهدد في بكري أبوبكر بجهاز أمنك الجــبان لييه يا قــذر؟
شوف يا بدرالطين.. أجـبن مخاليق الله هم البيدسو خلف الدكتاتورية عشان فتات الخبز
وإنتا لا تملك سوى أن تدثر بثياب شفافة لن تستطيع أن تغطي بها عورتك..
الخرف يا فكي الغفلة مرض إلاهي.. والعمر الطويل بيد الله!
المشكلة هنا في إندراوتك دي.. ورصك للكلمات بدون موضوع أو موضوعية
لأنك فقير لغوياً ودعي وجـاهل فكرياً ومـنحط إسفيرياً.. بإعترفك!
ولو عاوز تقول إنو محمد يسين ده واطـي.. فقولا بأعلى صوتك وما تجـبن، ثمح؟
بس.. قول للناس دي كلها هو واطـي في شنو ومع منو؟
لعنة الله عليك وعلى مؤتمرك البطني.. وجهاز أمنك الســافل مروع أرواح الآمنين!
فأنت خير مثال لزبانيته السـفلة الأغبياء والذين يُشترط عليهم السقوط في إمتحان الذكاء!
فهم مجرد أدوات وMuscles بدون عقل تُقطع بها أوصال الشعب السوداني الأبي.
هذا الشعب الذي جنيتم عليه.. سيأتي بكم يوماً ليحاسبكم حساباً عسير..
وفي ذلك اليوم، لن يغفر لكم تصنع الغـباء!
إستحي وتوارى.. وإستغفر!
رجال الدواس بيقولوا: لو عدتم عدنا!
موش ذيك.. ههه، يا القلتا لو عدتم بنتـ دسى |
نقلاً عن: سودانيزاونلاين في حوار مفتوح مع الناطق الرسمي للمؤتمر الوطني
أنا عارف كلامي الفي البوست ده والبوست داك حرقك وطشش ليك نافوخك السغمبوتي والفاضي يا وضـيع!
إنتا فعلاً زول سـاقط أخلاقياً وأداة جـبانة... وبترسل في الماسنجرات وتقول الرووب يا كـلب يا واطـي؟
شوف تهديدك لبكري ده إنتا قاصد بيهو شنو ومنو.. يا بتاع صلاحيات حكومة المؤتمر البطني يا أبو كرش وكاروشة؟
وطالما بتهدد ذي ده .. وملاسي الجــبان ساكت ليك... فأرجى الراجيك مني يا حثالة البشر!
|
Post: #42
Title: Re: أما آن لحظر سودانيزأونلاين أن ينتهي؟!!
Author: Hussein Mallasi
Date: 08-25-2012, 00:26 AM
Parent: #40
Quote: وتاثيره علي الموقع
لم يتاثر سودانيزاونلاين دوت كم بالحجب |
أشك .. و الاحتفاء بهذا البوست و بوست (الوقفة الاحتجاجية) و تثبيتهما على الأستار يعزز شكي.
|
Post: #43
Title: Re: أما آن لحظر سودانيزأونلاين أن ينتهي؟!!
Author: ناذر محمد الخليفة
Date: 08-25-2012, 12:59 PM
Parent: #42
مشكور يا معاوية ..
Quote: هيئة الاتصالات السودانية ليست هى الجهة التى قامت بحجب سودانيز اون لاين
وانما شركة (سودانى) للاتصالات هى التى قامت بذلك....
|
ذكرت قبلا أن قرار الحجب لم يطال كل الشركات العاملة في مجال تذويد خدمة الأنترنت وأنا وكثيرين غيري لم يتضرر من قرار الحجب وذلك لأني استخدم انترنيت من شركة كنار .. والمعروف ان شركة كنار قامت ببناء وتوصيل كيبلاتها بنفسها لتكون مستقلة بذاتها بعكس بقية الشركات والتي تشتري الانترنيت من شركة سوداتيل ومن ثم تقوم بدورها بمد زبائنها بالخدمة ..!
وطالما ان مستخدمي أنترنت كنار لم يتأثروا بحجب الموقع في السودان فذلك يدل أن قرار الحجب ليس قرارا شاملا ومعمما من هيئة الأتصالات على تلكم الشركة بل يدل أن القرار شمل فقط الشركات التي تشتري الأنترنت من سوداتل ..!!
وبما ان هنالك جهات نافذة في الدولة تمتلك اسهما في شركة سوداتل وسوداني والحكومة ذات نفسها لديها اسهم هناك فكان من السهولة تمرير قرار حجب بعض المواقع في حين لم تستطع تمرير هذا القرار على شركة كنار الأماراتية لأن لا وضعية لها هناك ..!!
شكرا معاوية ..
|
|