Post: #1 Title: بعد ما انتهى هارون دياب من الفحيل ... فضل كيف؟؟؟ Author: خالد حامد الجزولي Date: 08-17-2012, 04:06 PM Parent: #0
؟؟؟
Post: #2 Title: Re: بعد ما انتهى هارون دياب من الفحيل ... فضل كيف؟؟؟ Author: خالد حامد الجزولي Date: 08-18-2012, 09:44 AM Parent: #1
حقيقة أول مرة أسمع به!!! وبطبيعة الحال او مرة أشوفه واستمع إليه..!!! اعتبره نقطة ضعف في البرنامج!!! لا أعرف على أي أساس تم ضمه لفريق العمل؟؟؟؟ صوته ضعيف جداً ... يبذل مجهود كبير جداً وتنتفخ أوداجه حتى يسمع هذا الصوت الضعيف عكس جيرانه في الجلسة (حسين وسميرة) الذين يغنون بارتياااااح كبير غايتو يا قدور بالغته؟؟؟ أكيد واسطة قوية ضمته للبرنامج!!! يا ربي واسطته منو؟؟؟؟ يكون عنده علاقة بي ناس البنا وكدة؟؟؟
الله أعلم. أفتونا......
Post: #3 Title: Re: بعد ما انتهى هارون دياب من الفحيل ... فضل كيف؟؟؟ Author: haroon diyab Date: 08-18-2012, 07:03 PM Parent: #2
Quote: غايتو يا قدور بالغته؟؟؟ أكيد واسطة قوية ضمته للبرنامج!!! يا ربي واسطته منو؟؟؟؟ يكون عنده علاقة بي ناس البنا وكدة؟؟؟
الله أعلم. أفتونا......
راجع ليك
خالد ياصاحب
كل عام وانتم بالف خير
Post: #4 Title: Re: بعد ما انتهى هارون دياب من الفحيل ... فضل كيف؟؟؟ Author: خالد حامد الجزولي Date: 08-20-2012, 11:47 AM Parent: #3
شكرا هارون يا صاحب على المرور رغم المجهود الذي يبذله هذا ال فضل لاخراج صوته لكنه في النهاية يخرج ضعيف جدا ومتقطع عارف لمن يبدأ الغناء اخوك طوالي بيغير القناة تصور...!!!
Post: #5 Title: Re: بعد ما انتهى هارون دياب من الفحيل ... فضل كيف؟؟؟ Author: mohmmed said ahmed Date: 08-20-2012, 12:14 PM Parent: #4
والله انا ذاتى قلتا الزول دا الجابو منو
Post: #6 Title: Re: بعد ما انتهى هارون دياب من الفحيل ... فضل كيف؟؟؟ Author: خالد حامد الجزولي Date: 08-22-2012, 07:09 PM Parent: #5
والله انا ذاتي قلتا الزول دا الجابو منو
موش كدة يا محمد سيد احمد حاجة غريبة كدة افتكر في ناس كان ممكن يكونوا اضافة للبرنامج وصوتهم كمان بالتاكدي احسن منه لكن يظل سؤالك قائماً الزول دا الجابو منو
Post: #7 Title: Re: بعد ما انتهى هارون دياب من الفحيل ... فضل كيف؟؟؟ Author: خالد حامد الجزولي Date: 08-24-2012, 09:04 PM Parent: #6
:
Post: #8 Title: Re: بعد ما انتهى هارون دياب من الفحيل ... فضل كيف؟؟؟ Author: Emad Ahmed Date: 08-26-2012, 10:02 AM Parent: #7
سلام ياخالد وكل سنة وانت طيب وربنا يحقق الأماني
فضل أيوب فضل ظهر في برنامج نجوم الغد قبل كم سنة
وكانت بدايته قوية وتمكن من الفوز بالمركز الأول.
أتفق معك بظهوره بصورة باهتة في برنامج اغاني وأغاني
لا أدري ماذا أصاب صوته.
موعدنا يوم 12/9 القادم بإذن الله.
تقديري
Post: #9 Title: Re: بعد ما انتهى هارون دياب من الفحيل ... فضل كيف؟؟؟ Author: صبري طه Date: 08-26-2012, 10:08 AM Parent: #8
يا حبيب .. فضل أيوب زول غنّاي ياخ ...
Post: #10 Title: Re: بعد ما انتهى هارون دياب من الفحيل ... فضل كيف؟؟؟ Author: صبري طه Date: 08-26-2012, 10:12 AM Parent: #9
عليك الله وفي ذمّتك دة صوت ضعيف ؟!
له طريقة أداء خاصة به يخفض صوته في حتّات ويرفعه في حتّات ...
Post: #11 Title: Re: بعد ما انتهى هارون دياب من الفحيل ... فضل كيف؟؟؟ Author: Emad Ahmed Date: 08-26-2012, 10:25 AM Parent: #10
Quote: عليك الله وفي ذمّتك دة صوت ضعيف ؟!
لمن بدأ في برنامج نجوم الغد صوته ماكان فيهو كلام ولايعلو عليه لكن في برنامج اغاني أغاني الظاهر عليهو صوته كان مرهق شديد ولم يظهر بالصورة المطلوبة عطفا على إمكانياته وقدراته التطريبية الكبيرة.
Post: #12 Title: Re: بعد ما انتهى هارون دياب من الفحيل ... فضل كيف؟؟؟ Author: وليد عبد اللطيف Date: 08-26-2012, 10:34 AM Parent: #8
الانيق خالد الجزولي ... كل سنة وانت طيب
Quote: أتفق معك بظهوره بصورة باهتة في برنامج اغاني وأغاني
صوت ضعيف ومحتاج ان يجلس كثيرا في مساطب جمهور الموره لكي يتعلم يكيف يخرج الاصوات التي كانت تشجي وتمتع وانت تنازل فرقة المورده في المستطيل الاخضر تطرب وانت تسمع اهازيجها وهي تتغزل في لعيبتها امس في حضور لقاء المهندس ابوحراز عجبني جدا عندما قال كلمة ( المورده بتلعب ) وكانه يريد ان يرجعنا الى عهد الطرب
Post: #13 Title: Re: بعد ما انتهى هارون دياب من الفحيل ... فضل كيف؟؟؟ Author: صبري طه Date: 08-26-2012, 11:42 AM Parent: #12
Quote: وليد عبداللطيف كتب في هذا البوست عن فضل أيّوب: صوت ضعيف ومحتاج ان يجلس كثيرا في مساطب جمهور الموره لكي يتعلم يكيف يخرج الاصوات التي كانت تشجي وتمتع
ــــــــــ الناس دي بتشارك الناس نظام مُجاملة وكدة ؟ أم أنّ آرائهم بتعتمد على حسب المزاج ؟ أم أنّهم صايمين الستوت ؟ ولاّ الليلة الموردة ما فيها سمك ؟ والظاهر إمكانيات فضل الخطيرة دي في اللّبس وكدة
Post: #14 Title: Re: بعد ما انتهى هارون دياب من الفحيل ... فضل كيف؟؟؟ Author: الحاج حمد الحاج Date: 08-26-2012, 11:59 AM Parent: #13
****************************** اعتبره نقطة ضعف في البرنامج!!! ****************************** فضل صوتو يطرب و ليس بذلك الضعف ، لانو في نقاط ضعف أوضح في البرنامج!!
******************************************** والظاهر إمكانيات فضل الخطيرة دي في اللّبس وكدة ******************************************** اللبس فعلا كان نقطة ضعف واضحة عند فضل مقارنة مع الآخرين و قد تكون امكانيات الاخرين المادية هي السبب
Post: #15 Title: Re: بعد ما انتهى هارون دياب من الفحيل ... فضل كيف؟؟؟ Author: وليد عبد اللطيف Date: 08-26-2012, 12:30 PM Parent: #14
Quote: الناس دي بتشارك الناس نظام مُجاملة وكدة ؟ أم أنّ آرائهم بتعتمد على حسب المزاج ؟ أم أنّهم صايمين الستوت ؟ ولاّ الليلة الموردة ما فيها سمك ؟ والظاهر إمكانيات فضل الخطيرة دي في اللّبس وكدة
ياصبري ود طه ياخي كان تلاحظ انا قطعت كلام عماد وبنيت عليه المداخله عارف ذكرتني دعوتك لود القاضي عشان يديك راي مخارج فنانه وهي تغني لشرحبيل واسياد الشي متواجدين هنا الري هنا ليس كما تزعم حسب المزاج الراي يدل على اننا متابعين لهذا الشاب منذ دخوله عالم النجوميه من خلال نجوم الغد واخر مره سمعت له قبل اغاني واغاني وهو يغني مع مجموعه نادر خدر والاستاذ ابوبكر و عصام محمد نور وعادل مسلم في احياء ذكري اغاني الفنان سيد خليفه ظهر ضعف صوت فضل وظهر ايضا في برنامج اغاني واغاني بعد ان تغني مع بعض الفناين يعني صوته مثله صوت الفنانه الشابه فهيمه خطير وجميل يطربني ولكن ليس قوي به ضعف واضح اهم شي ياصبري الفنان لازم يقتنع بان صوته ضعيف ويعرف كيف يتعامل معه باخراج الحروف سليمه ولا ينزلق في الاماكن التي تحتاج الى العالي التي تجعل فضل احيانا كانه يخرج في روحه صبري ياخوي الصوت دا مرات بطلع من الصدر ومرات بطلع من البطن ومرات من الحلق دي كلها لازم تعرف انت من اين تستطيع تخرج صوتك وانت مرتاح وبالمناسبه صوت الفنان احمد المصطفي كان ضعيف مقارنه مع صوت الكاشف ولكن صوته كان طروب وجميل ويعتبر فناني المفضل ...
امكانية لبس فضل وفهيمه كانت واضحه للجميع زي لبس سميره دنيا مع الفنانين الجلل على قول احد الاخوات كل الناس دي كانت مشاتره في اللبس في برنامج اغاني واغاني عدا الفنان الشاب طه سليمان . . بمناسبة سمك المورده ياصبري المورده فيها سمك بس بحتاج ليمون
Quote: اللبس فعلا كان نقطة ضعف واضحة عند فضل مقارنة مع الآخرين و قد تكون امكانيات الاخرين المادية هي السبب
ود حمد الشغله ذوق وليس امكانيات ماديه مشكلة الفنان السوداني لايعرف يفرق بين لبس التلفزوين ولبس الحله وقعاد الحجر والاركان
Post: #16 Title: Re: بعد ما انتهى هارون دياب من الفحيل ... فضل كيف؟؟؟ Author: صبري طه Date: 08-26-2012, 12:50 PM Parent: #15
Quote: ذكرتني دعوتك لود القاضي عشان يديك راي مخارج فنانه وهي تغني لشرحبيل واسياد الشي متواجدين هنا
يا وليد بوست ود القاضي أنا أعنيه جيداً .. ورأيه مطلوب فيه ليس كخبير في مجال الغناء ..
Quote: وليد عبداللطيف كتب: اهم شي ياصبري الفنان لازم يقتنع بان صوته ضعيف ويعرف كيف يتعامل معه باخراج الحروف سليمه ولا ينزلق في الاماكن التي تحتاج الى العالي التي تجعل فضل احيانا كانه يخرج في روحه صبري ياخوي الصوت دا مرات بطلع من الصدر ومرات بطلع من البطن ومرات من الحلق دي كلها لازم تعرف انت من اين تستطيع تخرج صوتك وانت مرتاح وبالمناسبه صوت الفنان احمد المصطفي كان ضعيف مقارنه مع صوت الكاشف ولكن صوته كان طروب وجميل ويعتبر فناني المفضل ...
يا وليد عشان كلامك الفوق دة أنا كتبت كلامي التحت دة وأظن أنّ فضل يقصد خفض الصوت في مناطق أكثرها حادّة كنوع من التطريب .. حتى أنّه في إحدى الحلقات علّق السر قدور بتعليق لفضل أيّوب حينما تغنّى بإحدى الأغنيات وقال له: "عملت فيها حركات" !!!
Quote: صبري طه كتب: له طريقة أداء خاصة به يخفض صوته في حتّات ويرفعه في حتّات ...
Post: #17 Title: Re: بعد ما انتهى هارون دياب من الفحيل ... فضل كيف؟؟؟ Author: وليد عبد اللطيف Date: 08-26-2012, 01:08 PM Parent: #16
Quote: صبري طه كتب: له طريقة أداء خاصة به يخفض صوته في حتّات ويرفعه في حتّات ...
بقولوا عليها اهل الاختصاص حليات اها مشكلة فضل مرات بضحك او يبتسم وهو بغني عارف الحركه دي بتضعف الصوت ويتخليهو يكون منخفض كمان في مشكله ماتنساها مرات وهو بغني بدنقر الراس اها الحركه بعملوها كثيرون من الفنانين الشباب دي بتحبس جزء من الصوت تجعله يخرج ضعيف كمان لاتنسى صوت الفنان يختلف من ناحية القوه اذا كان جالس او واقف
Quote: الليمون دة ممكن تجيبوا من جناين بحري
هههههههههههههه اها الجرجير كيف برضو نحنا زرعناهو تحت كبري شمبات مخصوص
Post: #18 Title: Re: بعد ما انتهى هارون دياب من الفحيل ... فضل كيف؟؟؟ Author: صبري طه Date: 08-26-2012, 01:13 PM Parent: #17
Quote: هههههههههههههه اها الجرجير كيف برضو نحنا زرعناهو تحت كبري شمبات مخصوص
أها الموضوع دة بالذات يجوا يعالجوهوا معاك شباب بحري - حوض حوض - ربطة ربطة - جرجيرة جرجيرة
ـــــــــ المافي شنو ؟
ـــــــــ
Post: #19 Title: Re: بعد ما انتهى هارون دياب من الفحيل ... فضل كيف؟؟؟ Author: الحاج حمد الحاج Date: 08-26-2012, 01:39 PM Parent: #18
********************************************************************************** كل الناس دي كانت مشاتره في اللبس في برنامج اغاني واغاني عدا الفنان الشاب طه سليمان ********************************************************************************** يا وليد ظلمت عاصم البنا فهو رجل أنيق و ياسر تمتام ليس مشاترا! قصدت بالامكانيات يا ولي مستوى اللبس (فهمتني) ، يعني فضل لم يكن مشاترا !! و لكن بسيط اكثر مما يجب في لبسه!! بساطة لا تتناسب مع برنامج سيكون الأعلى مشاهدة في رمضان ، و هذه النقطة كان يجب ان تلتفت لها الجهة المسئولة عن البرنامج و ذلك بدفع مبلغ مناسب للمشاركين قبل وقت من البرنامج ليظهروا باناقة تامة ، عمك السر قدور نفسه لم يكن انيقا و لو انه أفضل حالا من السنوات السابقة!!
Post: #21 Title: Re: بعد ما انتهى هارون دياب من الفحيل ... فضل كيف؟؟؟ Author: وليد عبد اللطيف Date: 08-26-2012, 02:18 PM Parent: #19
Quote: يا وليد ظلمت عاصم البنا فهو رجل أنيق و ياسر تمتام ليس مشاترا! قصدت بالامكانيات يا ولي مستوى اللبس (فهمتني) ، يعني فضل لم يكن مشاترا !! و لكن بسيط اكثر مما يجب في لبسه!! بساطة لا تتناسب مع برنامج سيكون الأعلى مشاهدة في رمضان ، و هذه النقطة كان يجب ان تلتفت لها الجهة المسئولة عن البرنامج و ذلك بدفع مبلغ مناسب للمشاركين قبل وقت من البرنامج ليظهروا باناقة تامة ، عمك السر قدور نفسه لم يكن انيقا و لو انه أفضل حالا من السنوات السابقة!!
الانيق ود حمد عارف يا حاج عاصم البنا امكن يكون هو الافضل بالزات لمن يلبس لبس بلدي يعني جلابيه ومركوب وشغل زي دا في تعليق مره في اغاني واغاني قلت ليهم كرفتة عاصم البنا والقميص عملت لي زغلله ماخلتني اسمع كويس لكن الناس بتعمل نشاذ مرات لمن تكون جالسه مع بعض بتديك احساس ( السلطه ) جريجر طماطم بصل واشكال والوان مافي تناسق عام من ناحية اللبس مرات الناس دي بتلبس لبس لامع شديد والوان تذهب بسمع المشاهد وليس نظر المشاهد فقط يا ود حمد مره قاعد سمعت ممثله مصريه بتقول انها دائما بتحب الكميرا تاخد جانب معين من وجهها لان معروف عن شكل وجه الانسان في اختلاف في كل نصف وله عدة زوايه ممكن تخفي وممكن تظهر جمال بعض المناطق ياخي دي ثقافه كبيره قصة اللبس والكميرات وشكل الصوره لسه نحنا ما وصلنا ليها الفنان فضل كان انيق في سهرة احياء زكرى اغاني الفنان سيد خليفه شوف شكل التلفزيون كيف كل الناس لابسه بدل وفرفور قاعد لابس جلابيه اهو دا النشاذ هنا ... مره كمان البنات اظن اتفقو يلبسوا تياب تعال شوف الخمج الجد
اما على قولك السر قدور حصلت له طفره نوعيه واصبح يلبس استايل وكرفتات رهيبه ماخلاص الكاش ظهر من برنامج اغاني واغاني اتفق معك بان الفنان لازم يكون على مستوى الحدث بالاخص عندما يظهر في التلفزيون ياخي الفنان دا مفروض يكون متفرد في اي شي ليه بقولو عليهو فنان
Post: #20 Title: Re: بعد ما انتهى هارون دياب من الفحيل ... فضل كيف؟؟؟ Author: صبري طه Date: 08-26-2012, 02:10 PM Parent: #18
يا وليد .. رجعت ليك تاني .. وشكلنا الليلة حنتضارب
Quote: في احياء ذكري اغاني الفنان سيد خليفه ظهر ضعف صوت فضل
ياخي أنا هسّي قاعد أسمع في الحفل دة .. وشايف أكتر فنان من المؤدين في المجموعة دي صوته ظابط مع أغاني سيد خليفة هو فضل أيّوب دة ذاتو !!!
ــــــــ أمّا عادل مسلّم يا سلام ياخ إبداع × إبداع
Post: #22 Title: Re: بعد ما انتهى هارون دياب من الفحيل ... فضل كيف؟؟؟ Author: خالد عبد الله محمود Date: 08-26-2012, 02:33 PM Parent: #20
Quote: فضل أيوب فضل ظهر في برنامج نجوم الغد قبل كم سنة
وكانت بدايته قوية وتمكن من الفوز بالمركز الأول.
نتائج برنامج نجوم الغد عليها ألف علامة إستفهام !!! غالباً لا تفوز الأصوات الجيدة بل و تخرج من التصفيات الأولي بحجج واهية و يبقي فقط أصحاب الأصوات الضعيفة و الواسطات القوية و حسب مزاج لجنة التحكيم الفاشلة فضل أيوب صوت ضعيف من يومو لكن مزاج نفس هذه اللجنة الفاشلة رأت منحه المركز الأول و على ما أعتقد كان مناصفة مع مي عمر التي كانت طفلة في ذلك الوقت ( تخيل طفلة لم يتبلور صوتها بعد و لم تتضح معالمه تفوز بالمركز الأول فقط لأنها تعمل في نفس القناة ) و لا تنسي أن البرنامج يعتمد على تصويت المشاهدين يعني أي زول شعبيتو كبيرة ممكن يفوز يعني أتوقع الدورة الجاية للبرنامج يفوز فيها عمكـ وهبة عاااااادي
Post: #23 Title: Re: بعد ما انتهى هارون دياب من الفحيل ... فضل كيف؟؟؟ Author: Muna Khugali Date: 08-26-2012, 02:42 PM
إزيك يا خالد..
فضل عنده صوت من أقوي وأجمل الأصوات بين الفنانين القدام والأجيال البعد كده.. سمعته في منتديات الخرطوم العديدة خلال العامين السابقين حيث كان يحقق كثير من الإنتشار.. وفي كل مرة كان يعجبني صوته بشدة.. أعتقد أنه بعد مرحلة الإنتشار تلك..والإنتباه أكثر لإمكانياته مع وجود من يهتم به..سيجد المكان اللائق به وسيكون في الصفوف الأمامية قريبا..
