ديل العلموا الجبل الثبات .... هيييييييييييييييع من أراد أن (ت س ك ل ب) أمه في رمضان فليقترب من هؤلاء الصبيان .. الأسود الستة ديل أشقاء ... وعمرهم ثلاث سنوات ...
المصدر صحيفة الصن الصادرة اليوم الخميس 16 أغسطس 2012م
تحياتي
Post: #2 Title: Re: هييييييييييع شوفوا أخوان البنات ديل!! ... صورة نادرة أوووي. Author: Dr Salah Al Bander Date: 08-16-2012, 04:38 PM Parent: #1
يا شيخ هارون..... انت ما شائق يعني موضوع الملايين دي واللا عامل انها ما مهمة?
صحيفة الصن تقول بالحرف الواحد (This photo of six lions would be the pride of anyone's collection)
قام بإلتقاط هذه الصورة الفريدة المصور الجنوب أفريقي (دانيال دولبير) ... وكانت أمامه فرصة 6 دقائق فقط ... بعدها غادر واحد من الأخوان الستة ... أها الراجل البقدر بقول لي أرجع منو؟؟
يا دكتور صلاح بندر سلام ورمضان كريم ... أظرف حاجة في قصة الملايين دي ... البنت (ايمي) الصغيرة سألت أبوها (يعني يا بابا كسبنا (موني) كفاية عشان نقدر نشتري (دومينوز بيتزا) للشاي؟؟
غايتو ديل مرقوا في العافية المرية خلاص ....
تحياتي
Post: #6 Title: Re: هييييييييييع شوفوا أخوان البنات ديل!! ... صورة نادرة أوووي. Author: Mohammed Haroun Date: 08-17-2012, 01:34 AM
Quote: ترى الرجل النحيف فتزدريه وفي أثوابه اسد هصور
أخونا عبد المحمود عبدالرحمن سلام وكل سنة وانت طيب
غايتو الماساي ديل الظاهر عليهم قنعانين من الدنيا ... بس هم اخدو ليهم وقفة ليه!! صدقني الشريط دا مدبلج ..
تحياتي وشكراًً على المساهمة الرائعة
Post: #7 Title: Re: هييييييييييع شوفوا أخوان البنات ديل!! ... صورة نادرة أوووي. Author: كمال ادريس Date: 08-17-2012, 01:42 AM Parent: #6
خخخخخ ده شنو يا صاحب خليت الوصية وقبلتا على الاسود!!! الله قادر
Post: #8 Title: Re: هييييييييييع شوفوا أخوان البنات ديل!! ... صورة نادرة أوووي. Author: Mohammed Haroun Date: 08-17-2012, 10:17 AM Parent: #7
Quote: خخخخخ ده شنو يا صاحب خليت الوصية وقبلتا على الاسود!!! الله قادر
أووووووووه حبيبنا كمال إدريس (كيمو) سلام يا صديقي وكل سنة وإنت طيب
يا زول حكاية الأسود دي والله (عا ج ب ا ن ي) عجب شديد ... ستة أخوان أشقاء من صلب أسد واحد!! ومن كرش (اسداية) واحدة!!
تأتي قيمة الصورة من أنه ليس من السهل جمع ستة أشقاء بني أدمين في صورة واحدة ... فما بالك في جمع ستة أسود أشقاء في لحظة واحدة وفي مكان واحد وفي صورة واحدة!!!!!
يا أخي دي صورة لازم تعمل ليها (برنت) وتحتفظ بيها في الإرشيف بتاعك ...
شيالين التقيلة ومقنع الكاشفات والبرفعوا الواقعات يا محمد اخوى
من مشيت السودان ورجعت جانى احباط اباء يطلع منى
من شوف ت الرجال مكسريين قدام ستات الشاى الحبشيات
مضيعيين الزمن فى الونسات والشمارات الفارغة
يا حليل الزمن الجميل
Post: #10 Title: Re: هييييييييييع شوفوا أخوان البنات ديل!! ... صورة نادرة أوووي. Author: Mohammed Haroun Date: 08-17-2012, 11:39 AM Parent: #9
Quote: هييييييييع كع يا حليل الرجال الكانوا اسود شيالين التقيلة ومقنع الكاشفات والبرفعوا الواقعات يا محمد اخوى من مشيت السودان ورجعت جانى احباط اباء يطلع منى من شوف ت الرجال مكسريين قدام ستات الشاى الحبشيات مضيعيين الزمن فى الونسات والشمارات الفارغة يا حليل الزمن الجميل
يا دكتورة وضاحة سلام وكل سنة وإنتي طيبة
الحكاية بقت صعبة جداً ... فرص العمل تكاد تكون معدومة ... عشان كدا الرجال كاسرين (أميه) وكاسرين عمود طوالي كمان ... يبقوا أسود كيف مع الفلس الراجل الكلس؟؟
Quote: الحكاية بقت صعبة جداً ... فرص العمل تكاد تكون معدومة ... عشان كدا الرجال كاسرين (أميه) وكاسرين عمود طوالي كمان ... يبقوا أسود كيف مع الفلس الراجل الكلس؟؟
الشغل فى يا محمد
لكن هم كسلاااااااانين وماعندهم مسؤلية
انا عندى تجربة شخصية معاهم فى شغل فى النهاية طرتهم جبنا لينا صينين والله بشتغلوا زى المكنات بحترموا الزمن والقرش والمسؤلية
Quote: انا عندى تجربة شخصية معاهم فى شغل فى النهاية طرتهم جبنا لينا صينين والله بشتغلوا زى المكنات بحترموا الزمن والقرش والمسؤلية النسوان فى السودان بقوا مسؤليين اكثر من الرجال غايتوا انا قنعت منهم
معقول يا دكتورة الحالة وصلت للدرجة دي!! أخوك ودهارون ليهو سبعة سنين (مدردر) ومتغرب وما رجع البلد ... يا حسرة عليكم يا الأسود البقيتو ....................
حكاية الأسود الأشقاء ديل وإجتماعهم بالصدفة وجلستهم الطيبة تلك التي نشاهدها في الصورة خلال الستة دقائق من عمر الزمان والتي لن تتكرر مهما فعلنا وعجنا ولتينا ... حكاية أغرب من الخيال ...
يعني د. صلاح بندر قد يكون قرأني قراءة صحيحة هذه المرة ... حينما ربطت الموضوعين مع بعض (كسب اللوتري وإجتماع تلك الأسود) .... دي حاجة نادراً ما تحصل ...
