تفرجوا علي (فيلم )سرقة قروش البترول!

 

 
  قروش البترول من ما بدأ و ديون السودان كم؟
============================== ======
اولاً: نبدا بالبترول
عشان نحسب قروش البترول لازم نعرف المعطيات دي:
1 -سعر البترول في كل سنة
2- انتاج السودان في كل سنة
3-كلفة انتاج برميل البترول ، بالرغم من انو ممكن يكون داخل في نصيب الشركات بس برضو حنخصم التكلفة "نقطة في صالح الكيزان"
4-نصيب الشركات العاملة في البترول
5-نصيب جنوب السودان يبداء من العام 2005

بالطريقة دي بنقدر نعرف بصورة تقريبية كم هي قروش البترول

1 و2 - سعر البترول العالمي لكل سنة "بالدولار" وانتاج البترول لكل سنة"الف برميل في اليوم" كانت على النحو الاتي "ارقام معلنة"

السنة   السعر    الانتاج
2000    27       180
2001    23       230
2002    22       245
2003    27      280
2004    37      300
2005    50      400
2006    58      400
2007     74     500
2008    91      500
2009    53      500
2010    71      500
2011    87     500

3- تكلفة انتاج البرميل حوالي 9 دولار للبرميل "صحيفة الاحداث 6 مايو 2012"

4 و5- نصيب الشركات العاملة ونصيب جكومة الجنوب، بالرجوع الى مقال على الجزيرة نت بعنوان "اقتصاد دولتي السودان بعد وقف النفط " كان نصيب شمال السودان 4.4 مليار دولار ونصيب الجنوب 3 مليار دولار ونصيب الشركات العاملة في النفط 6.1 مليار دولار

اذا النسب كانت كالتالي:
45%   للشركات العاملة في النفط
32%   نصيب شمال السودان
23%   نصيب جنوب السودان

يلا شيل الة حاسبة واحسب معاي بالطريقة دي:
1- قبل 2005 (سعر البرميل "بعد خصم تكلفة انتاجه" * الانتاج اليومي *عدد ايام السنة * 55% نصيب الحكومة كاملة)
2- بعد 2005 (سعر البرميل "بعد خصم تكلفة انتاجه" * الانتاج اليومي *عدد ايام السنة * 32% نصيب حكومة الشمال)

حتطلع النتيجة كالاتي:

السنة      السعر      الانتاج       الدخل
2000       27         180         0.65
2001       23         230         0.65
2002       22         245         0.64
2003       27         280            1
2004       37         300         1.68
2005       50         400         1.9
2006       58         400         2.28
2007       74         500          3.8
2008       91         500         4.79
2009       53         500         2.57
2010       71         500         3.62
2011       87         500         4.55

المجموع 28.13 مليار دولار

لاحظ معاي انو تقرير قناة الجزيرة قال انو نصيب حكومة الشمال 4.4 مليار وحساباتنا طلعت نصيب حكومة الشمال 4.55 مليار ودا بسبب الفرق بين سعر البترول خام برنت وبين سعر الخام السوداني .حنقسم 4.4 على 4.55 ونضربها في 28.13
عشان نعرف دخل السودان من البترول بعد حساب فرق السعر

النتيجة=27 مليار دولار !!!!!!

طيب
مش المفروض قروش البترول دي نعمل بها التنمية في السودان؟؟ دا ما حصل !!!
عارفين الحصل شنو؟؟؟          شوفوا..

1- سد مروي قرض مشترك من عدة دول
2- مطار مروي تابع لقرض سد مروي
3- خطوط نقل الكهرباء من سد مروي تابع لقرض سد مروي
4- مشروع امري الزراعي تابع لقرض سد مروي
5- طريق مروي الملتقى قرض تابع لقرض سد مروي
6- مشروع مياه القضارف قرض البنك الاسلامي للتنمية+قرض صيني
7- مشروع تعلية خزان الرصيرص قرض مشترك من عدة ممولين
8- مشروع سكر النيل الابيض قرض مشترك من عدة ممولين
9- مشروع مجمع سدي اعالي عطبرة و استيت قرض مشترك من عدة ممولين
10- كوبري الصداقة "كريمة" منحة صينية
11- طريق عطبرة بورتسودان هيا قرض "الصندوق العربي للإنماء الاقتصادي"
12- مشروع مطار الخرطوم الجديد قرض مشترك من عدة ممولين
13- طريق القضارف دوكة القلابات قرض "الصندوق العربي للإنماء الاقتصادي"
14- مشروع كهرباء الخط الدائري(الخرطوم) قرض هندي
15- خط الكهرباء الناقل سنجة القضارف قرض هندي
16- مشروع كهرباء كوستي قرض هندي
17- خط الكهرباء الناقل القضارف القلابات قرض هندي
18- مياه عطبرة والدامر قرض ايراني
19- مشروع سندس الزراعي قرض صيني
20- كهرباء الجيلي قرض صيني
21- كهرباء الجيلي شندي عطبرة قرض صيني
22- محطة كهرباء قري 2 قرض صيني
23- مياه نيالا قرض صيني
24- مياه الدالي والمزموم قرض صيني
25- مشروع صومعة ربك قرض صيني
26- كوبري رفاعة قرض صيني
27- كوبري الدويم قرض صيني
28- توسعة كهرباء الخرطوم بحري الحرارية قرض صيني
29- مياه الفاشر قرض صيني
30- مياه بورتسودان قرض صيني
31- مياه دنقلا قرض صيني
32- مياه المتمة قرض صيني
33- مياه مدني قرض صيني
34- مياه كوستي قرض صيني
35- كهرباء دنقلا قرض صيني
36- كهرباء وادي حلفا قرض صيني
37- مشروع كهرباء الفولة قرض صيني
38- مشروع طريق النهود ام كدادة قرض صيني
39- مشروع طريق زالنجي الجنينة قرض صيني
40- طريق الدبيبات ابو زبد الفاولة قرض صيني
41- مشروع كوبري سنار قرض صيني
42- مشروع كوبري توتي بحري قرض ايراني
43- مشروع محطة مياه ابو سعد قرض ايراني
44- طريق طوكر قرورة قرض"الصندوق العربي للانماء الاقتصادي"
45- طريق سمسم القضارف ام الخير قرض"الصندوق العربي للانماء الاقتصادي"
46- طريق كسلا كركون مامان قرض"الصندوق العربي للانماء الاقتصادي"
47- مشروع كهرباء الشرق قرض"الصندوق الكويتي"
48- عدد 4 محطات تحلية مياه "ولاية البحر الاحمر" قرض"الصندوق العربي للانماء الاقتصادي"
49- جسر سيدون على نهر عطبرة قرض"الصندوق العربي للانماء الاقتصادي"
.
.
.
وغيرها الكثير الكثير من المشاريع المعمولة بالدين!!!بالديييييييين !!!!
الكلام دا انا ماجبتو من راسي امشو ارجعوا لموقع وزارة التعاون الدولي وموقع وحدة تنفيذ السدود"سد مروي" معظم الارقام السابقة من الموقعين ديل وباقي الارقام من المواقع الاخبارية المختلفة

ثانياً:  نجي للديون

ديون السودان الخارجية سنة 89 كانت 13 مليار دولار
و سنة 2005 كانت 27 مليار دولار "التقرير السنوي لبنك السودان 2005"
انتو عارفين ديون السودان الخارجية الان كم؟؟؟
40 مليار دولار !!!!!
(المصدرد. محمد خير الزبير محافظ البنك المركزي .جريدة اخبار اليوم )

يعني الديون زادت في 7 سنين 13 مليار دولار !!!!!!
منها 9 مليار قروض من الصين والهند لوحدهم (تقرير قناة الجزيرة السابق)
السؤال يطرح نفسه اذا كانت 90% من انجازات البشير زي ما شفنا ديون .قروش البترول مشت وين؟؟؟؟؟؟؟؟
.
.

وكده تكونوا عرفتوا سر الجهاد في هجليج و( ال ف ن ق س ة ) في اديس ابابا!

وبمناسبة الموقف الاميريكي الاخير الساعي لفض النزاع علي النفط بين شطري السودان حيث اراه موقفا أمريكيا سلبيا مرجحا للمصلحة الامريكية قبل مصلحة شعب السوداني في الشطرين والتي اولي اولوياتها هي اسقاط هذا النظام المجرم والذي تسبب في الاساس في. تقسيم البلد الي بلدين وشعبين وهذه المبادرة للاسف ستنقذ هذا النظام الاجرامي بعد ان شارف علي السقوط بسبب الأزمة الاقتصادية التي لا زال يعاني من تداعياتهاحيث لنفط الجنوب دور مؤثر ومباشر جدا في تعميق هذه الازمة وبالتالي ادت هذه الأزمة الي اضعاف هذا النظام المجرم وستعيد اليه للاسف هذه المبادرة الامل لاحكام سيطرته من جديد مع مزيد من ااقمع
للشعب حيث سيسخرون جهودهم بكل الوسائل لقمع اي تحركات مضادة اي باختصار ان مال النفط كما في السابق سيظل تحت تصرف ذات العصبة لترسيخ سطوتها بالقوة ومن هنا اري انه ان الأوان ان يتحرك دعاة اللوبي السوداني الامريكي منطلقين من هذه النقطة لتنبيه صناع لقرار الحاليين والقادمين في امريكا بضرورة التعامل مع الملف السوداني بعدل راسخ يرجح مصلحة الشعب السوداني فوق كل اعتبار.

.

.