HELP: مطلوب مساعدة يا شباب

عندي ملفات كبيرة فيها datasets مطلعاها من Delicious وCiteULike... واحد منهم عبارة عن ملف XML ضخم، حاولت اعمل فيه حاجه نهائي ما نفع... حاولت اقسمه، ما نفع، حاولت افتحه بي برنامج بفتح ملفات كبيرة ما نفع... التاني ملف text برضه كبير جداً... نزلته برنامج TextPad، بس ما حل لي المشكلة... محتاجه افتح الملفات دي ولازم أحلل الdata الفيهم عشان اقدر امشي لقدام في بحثي...


النجدة!

مرحباً مريم
جربي الرباط دا

http://www.swiftgear.com/ltfviewer/features.html

لملف TXT

وجربي دا

XMLViewer

أرجو صادقاً أن تساعد هذه الطريقة و بالتوفيق مع الشكر

Open Microsoft Excel.

Click the "Open" button on the Excel toolbar or select "Open" from the "File" menu

Change the file type to "XML" by using the drop-down menu at the bottom of the "Open" window. By default, Excel shows only Excel-formatted files. Changing this menu selection will display files of other formats

Navigate to the folder that contains the XML file you wish to convert

Double-click the XML file to begin the conversion process. Excel will show a pop-up window with options for handling the XML content

Click the second option, "As a read-only workbook." Press the "OK" button. The XML file opens in Excel. The XML formatting tags are converted to standard Excel columns and rows

Then you can run the SPSS or Minitap for statistical analysis

يا فرانكلي... والله الtool بتاعتك فتحت جزء من الملف، لكن برضه ما جزء هيّن وكافي جداً... ألف ألف شكر....

الرشيد، طريقتك دي راقت لي لاني فعلا محتاجه to run statistical analysis على الdata... بس المشكلة انه Excel ما بتحمّل يفتح الملف لانه كبير جداً... كدي حأجرب تاني... كان نفعت، تكون خدمتني خدمة العُمر...

سلامات يا مريم
اى اكسل عندك?
من 2007 اكسل بقى حجم الفايل محكوم بالميمورى بتاعة الكومبيوتر بس. و بقى يشيل اكتر من مليوم row of data
مفروض نظريا اكسل يشتغل ليك كويس

بري وحاتك يا سمارت، Excel بجيه طمام مما اجيب ليه سيرة الXML file ده... حأجرب اللابتوب التاني الmemory بتاعته اكبر ...

سلام مريم ورمضان كريم ..

مريت بنفس مشكلتك قبل فترة ووجدت الحل في الروابط ادناه

http://www.sweetscape.com/010editor/

http://notepad-plus-plus.org/

http://www.novixys.com/Adept/XLS/


Exult XML to XLS Conversion Wizard

download free trial version, it will works


أو يمكنك شراء برنامج

Total Excel Converter

مريم ..
بعد ما موضوعك المذكور أعلاه يتحل ..
أشرحى لينا ال statistic دى الواحد ممكن يقراها كيف ؟!
اخوكم مزنوق زنقه لا يعلم مداها الا هو مع انواع الفاريابل والكونفدانس انتيرفال والبى فاليو والاستاتستيك تيست والاناليسس ..
انااا لله ياخى ..
دى مسألة مستحيلة تقريبا ..
واخوكم فى الحساب حدو العمليات التلاته.. الضرب والضرح والجمع , مع شوية قسمة شويه !!!

محمد المشرّف .. مرحب بيك والله في بوست النجدة ده... وما شاء الله والله الشباب ما قصّروا ....

بالنسبة للإحصاء، انا شغلانتي كلها عبارة عن عد سااااكت... عد الله والرسول ده زاااتو احصاء ... :).... لكن بالنسبة لمشكلتك، الاحصاء البتتكلم عنه ده الapplied statistics... دي بدوها للتخصصات الانسانية .. ناس اقتصاد وادارة وعلم اجتماع (وقرايبهم)... احنا بدرسوها الاحصاء العضم زاتها... وانا من الجامعة فارقته البرنامج ده وكرّهني عيشتي ... طبعا اصلا البرامج بتاعت SPSS بتعمل ليك العمليات دي... لكن دلالات الحاجات دي احصائيا شنو....؟ الله يعلم...

غايته اكتب موضوع بحثك شنو، يمكن اقدر اساعدك في تحديد انواع الvariables... وممكن يقراه حد يقدر يساعدك اكتر منّي...

برنامج بتاع التحويل يا الرشيد البرنامج الوحيد القدر يفتح الXML file، لانه كبير جداً... والاحلى من كده كمان انه البرنامج حوّل لي الملف لDatabase... وطبعا بالنسبة لي أحسن كتير من Excel.... الله يبارك فيك ويديك العافية مشكور والهل ما قصّرته... ان ما قادره اصدّق انه المشكلة اتحلّت... انا من أمس شغاله خبيز.. طبعا اصلا انا لما اتوتر بقعد اطبخ... وبما انه العيد خلاص، عملته خبيز ...


ألف ألف شكر

عاد يا مصطفى ساتي، الله يفتحها عليك محل ما تقبّل، ويرزقك العايزه ويديك لمن يرضيك.... بركة الأيام المباركة دي...

البرنامج الأولاني حل لي مشكلة الtext file... ودي كانت عويصة والله... جنني جن الملف ده وقرّبت ايأس منّه... لكن حسي ماشه الموقع اجيب زيادة data

ألحقوني....

البوست ده لسه ما انتهى....

متذكرين الملف بتاع هو Unix text file ("\n" line endings) text file with pipe ("|") delimiters... فتحتها بي البرنامج بتاع
010 Editor.. وظهر لي كلام شختم بكتم.. ما عرفته زاتو اتصرف معاه كيف :(... اعمل شنو! انا عايزه الملف ده احوله لexcel file ... هل في طريقة اعمل كده؟ يعني الdelimiter ده بفصل كل column عن بعضهم، ما في حل للقصة دي ... بس عشان نكون واضحين، في فوق السبعتاشر مليون entry.... وبشكلها الحالي ده انا ما قادره اتصرف فيها اي تصرف...

النجدة!

ال 17 مليون ديل فى 17 مليون سطر ???

لو بتعرفى VBP ...اكتبى كود خليه يفتح ال text file يقرا الدتا و يختها ليك فى 17 فايل بتاعين اكسل (الفايل بيشيل مليون row). او ممكن يختها اليك فى جدول بتاع Access .
لو فى طريقة رسلى لى سطر واحد من ال data فى اكسل فايل بس عشان اشوف شكلها كيف

17 مليون سطر يا سمارط! ايوه بعرف VBA، لكن الملف نفسه "اعور"، وما اعتقد كود VBA يقدر عليه، لاحظي انه ما ملف text عادي، اصلا فتحه ساي جنني... بعدين لو لقيت شي جاهز أحسن كتير، الملح ده عيبيه لي!.. دي داتا بتاعت CiteULike من سنة 2007، أنا مستغربة زاتي انها شويه كده ليه! لما امشي الكومبيوتر بخت ليك سطر هنا.. مبدئيا، كل سطر بتكون من رقم متسلسل، ولينك والtag المستخدم، ولو في اكتر من tag، يتكرر نفس السطر مع تغير الtag.


النجدة!

طيب ناخدها خطوة خطوة...

عايزه احوّل Unix text file، بي المواصفات الفوق ديك ... ل .csv عشان يقدر Excel يقراه....



النجدة!

خلاص يا شباب.. حليتها براي

حوّلت الملف ل.csv... وبعداك فتحت من Excel، الذي فتحه مشكورا وبكل سهولة رغم انه ملف سمين.... بعداك من Excel اخترت خيار Text to Columns... وحددته الdelimiter على اساس انه الpipe ... |... وبث! وررردلوب اتحول الملف...


وشكر الله سعيكم... ونردها ليكم دايما في الحلوة....

انحنا طبعاً تواجدنا هنا للفرجة والاعجاب بزملائنا the trouble shooter
وكنت على يقين ان احدهم سيجد الحل ،،


الغريب في الموضوع ان الرشيد بكل هذا المجهود رقم مشاركاته (صفر) في المنبر !!!
يكون مستخدم واحد من برامجه دي في اخفاء الداتا ولا منبر بكري دا بقى مسكون؟؟؟؟؟ ههههههه

د. بت الحسين الحكاية دي عايزة كرامة شكلها كدا ماكانت بسيطة!!!

Quote: عاد يا مصطفى ساتي، الله يفتحها عليك محل ما تقبّل، ويرزقك العايزه ويديك لمن يرضيك.... بركة الأيام المباركة دي...

اللهم آمين. اللهم آمين ..اجمل دعوة سمعتها في الشهر المبارك ...
وربنا ما يوقف لا فايل ولا ديتابيس لا غيرو في طريقك ..آممممين