Post: #1
Title: وزير المالية : أي زول عندو دولار أحسن يفكو عشان ما يتضرر
Author: معتصم محمد صالح
Date: 08-14-2012, 08:36 PM
كشف وزير المالية علي محمود عن اتفاق سيتم التوقيع عليه اليوم أو غداً مع جهة لم يكشف عنها سيؤدي إلى انخفاض الدولار بنسبة كبيرة، وقال الوزير في الإفطار الذي أقامه نائب رئيس الجمهورية الحاج آدم بمنزله أمس لفعاليات أبناء دارفور: «أي زول عندو دولار أحسن يفكو عشان ما يتضرر». وأوضح أن هناك انفراجاً كبيراً في الوضع الاقتصادي خاصة بعد توقيع الاتفاق النفطي، مشيراً إلى أن المواطن سيشعر بذلك التحسن عقب عيد الفطر.المصدر
|
Post: #2
Title: Re: وزير المالية : أي زول عندو دولار أحسن يفكو عشان ما يتضرر
Author: Dr. Ahmed Amin
Date: 08-14-2012, 08:43 PM
Parent: #1
سلام ورمضان كريم يا معتصم ..
| Quote: «أي زول عندو دولار أحسن يفكو عشان ما يتضرر». |
________________________________
ده وزير مالية ولا تاجــر في السوق العــربي ؟؟!!
التوقيع : واحد عنده دولارات وما حيفكها ..
|
Post: #3
Title: Re: وزير المالية : أي زول عندو دولار أحسن يفكو عشان ما يتضرر
Author: Hussein Mallasi
Date: 08-14-2012, 08:45 PM
Parent: #1
سيادتو قلبو على العندهم دولارات و يخشى تضررهم .. فتأمل!
|
Post: #4
Title: Re: وزير المالية : أي زول عندو دولار أحسن يفكو عشان ما يتضرر
Author: محمد إبراهيم علي
Date: 08-14-2012, 08:50 PM
Parent: #1
| Quote: مع جهة لم يكشف عنها سيؤدي إلى انخفاض الدولار بنسبة كبيرة |
تاني ؟؟؟؟؟
الزول ده قبل فترة مش قال نفس الكلام ده ايام الدولار وصل 5000 او 4000
لو اعتمد على انو الدولة حيجيها مدخول جيد من العملات الصعبة بعد توقيع اتفاق عبور نفط جنوب السودان الكلام بيكون له اثر
والسوق اصلا اتحرك نازلا مع نبأ الاتفاقية مع دولة الجنوب لكن الخوف ان يتحرك صاعدا مع كلام على محمود ده
|
Post: #5
Title: Re: وزير المالية : أي زول عندو دولار أحسن يفكو عشان ما يتضرر
Author: jini
Date: 08-14-2012, 09:15 PM
Parent: #4
| Quote: كشف وزير المالية علي محمود عن اتفاق سيتم التوقيع عليه اليوم أو غداً مع جهة لم يكشف عنها سيؤدي إلى انخفاض الدولار بنسبة كبيرة، وقال الوزير في الإفطار الذي أقامه نائب رئيس الجمهورية الحاج آدم بمنزله أمس لفعاليات أبناء دارفور: «أي زول عندو دولار أحسن يفكو عشان ما يتضرر». وأوضح أن هناك انفراجاً كبيراً في الوضع الاقتصادي خاصة بعد توقيع الاتفاق النفطي، مشيراً إلى أن المواطن سيشعر بذلك التحسن عقب عيد الفطر |
كلامك دا قولووووو لى زول ما عندووو دولارررر!
اى واحد طيرة بعرف قانون العرض والطلب عامل فيها تفتيحة عاوز يغرق السوق بالدولار عشان ينخفض سعره!
أها جنى العنقالى قال ليكم امسكوا دولاراتكم عليكم لمن سعرها يرتفع حتى تتبيعوها!
وزير مالية صياد سمك شغال رزق اليوم باليوم!
تلقاهاهو بسال ناس بنك السودان "الليلة عملتوا كم"!
زى العريس العاوز يلم حق الفنان والفندق بسأل يا جماعة "الحنة عملت كم والعزومة عملت كم"
جنى
|
Post: #7
Title: Re: وزير المالية : أي زول عندو دولار أحسن يفكو عشان ما يتضرر
Author: محمد أبوالعزائم أبوالريش
Date: 08-14-2012, 09:23 PM
Parent: #5
| Quote: وزير المالية : أي زول عندو دولار أحسن يفكو عشان ما يتضرر |
قول ليهو حلات دق دق
|
Post: #13
Title: Re: وزير المالية : أي زول عندو دولار أحسن يفكو عشان ما يتضرر
Author: Dr. Ahmed Amin
Date: 08-14-2012, 11:55 PM
Parent: #5
| Quote: زى العريس العاوز يلم حق الفنان والفندق بسأل يا جماعة "الحنة عملت كم والعزومة عملت كم" |
والله ده يا حيدر قلبت فوقها الهوبه عديل ..
كفيت ووفيت ...
|
Post: #6
Title: Re: وزير المالية : أي زول عندو دولار أحسن يفكو عشان ما يتضرر
Author: Frankly
Date: 08-14-2012, 09:22 PM
Parent: #1
فعلاً في ناس كتار حولوا مدخراتهم للدولار خوفاً من تواصل تدني الجنيه السوداني
هسّع ديل يعملوا شنو؟
لو فكّوا الدولاركلهم مع بعض سعر الدولار ح ينخفض من كمية العرض وقلة الطلب
لو مسكوا الدولار وفعلاً الدولار نزل ح تكون خسارة كبيرة في المدخرات
ما العمل؟؟؟
|
Post: #8
Title: Re: وزير المالية : أي زول عندو دولار أحسن يفكو عشان ما يتضرر
Author: jini
Date: 08-14-2012, 09:56 PM
Parent: #6
Quote:
لو مسكوا الدولار وفعلاً الدولار نزل ح تكون خسارة كبيرة في المدخرات
ما العمل؟؟؟ |
نقول النيل غير اتجاهو تقولوا مسطول نسكت مدنى تغرق!
لحنت كلام الوزير يا الفالح!
نسأل الله السلامة!
جنى
|
Post: #9
Title: Re: وزير المالية : أي زول عندو دولار أحسن يفكو عشان ما يتضرر
Author: الامين محمد علي
Date: 08-14-2012, 10:08 PM
Parent: #8
هذا أدعى لأن يفعل الناس العكس!!
|
Post: #10
Title: Re: وزير المالية : أي زول عندو دولار أحسن يفكو عشان ما يتضرر
Author: sourketti
Date: 08-14-2012, 10:24 PM
Parent: #8
مشكلة هذه الحكومه الما قادر حكامها يستوعبوها حتى الآن ...
هى أنها بقت زى حكاية (الولد والنمر)..فى كتاب المطالعه الاوليه عام 60....
..
يعنى لما البترول كان حق الشمال هل كان سعر الدولار فى النازل ؟؟؟
الناس من زمان باعت قروشها بره....بره... واولهم الحكام نفسهم ...!!!
الجنوب ماعندو التكتح عشان يحل مشاكله خليهو يحل مشاكل غيرو
|
Post: #12
Title: Re: وزير المالية : أي زول عندو دولار أحسن يفكو عشان ما يتضرر
Author: ابراهيم الصغير
Date: 08-14-2012, 11:22 PM
Parent: #11
الراجل دا متخيل انو اقتصاد البلد دي ممكن يمشي بالشائعات !!
ياخي دا ما فاهم انو الدولار دا جهد امريكا ..
والجنيه دا جهدنا نحن ..
ونحن جهد ما عندنا ..
نحن بنستورد لبن بودرة ونحن نمتلك قطيع ما موجود في الدول البنستورد منها ..
نحن اقتصادنا الحقيقي .. القطاع الزراعي بيتدمر وينهار قدام عيوننا يوم وراء التاني والمشاريع والاراضي والبنيات التحتية للزراعه بتتباع كل صباح والمزارعين في سجون البنك واولادهم يبيعوا في مناديل الورق وزينة السيارات في الاستوبات ..!!
نحن لسه في طور تصنيع البسكويتات والحلويات ..
نحن لما كنا مصدرين للنفط ظلت الفجوة في العملات الاجنبية مستمرة ..
الراجل دا علاقتو بالاقتصاد زي علاقتي بي جراحة المخ والاعصاب ..!!
اراهن انو ما عارف معدل التضخم الشهر الفات كان كم !!
|
Post: #14
Title: Re: وزير المالية : أي زول عندو دولار أحسن يفكو عشان ما يتضرر
Author: Nasr
Date: 08-15-2012, 02:33 AM
Parent: #12
دي إفشاء لمعلومات داخلية تؤثر في المعاملات في الأسواق المالية
وهذه جريمة
(يكون مصيبة لو القانون السوداني ما فيه مادة زي دي)
بالإنجليزي إسمها
Inside information
|
Post: #15
Title: Re: وزير المالية : أي زول عندو دولار أحسن يفكو عشان ما يتضرر
Author: عبد الحميد حسين
Date: 08-15-2012, 09:37 AM
Parent: #14
Quote: دي إفشاء لمعلومات داخلية تؤثر في المعاملات في الأسواق المالية
وهذه جريمة
(يكون مصيبة لو القانون السوداني ما فيه مادة زي دي)
بالإنجليزي إسمها
Inside informatio |
ياأستاذ ناصر ...دا لما تكون فى دولة وحكومة وقانون ونظام ..ولا سوق مالي زاتو ..
مش السوق البكتبوا فيهو الاسعار فى السبورة بالقلم الشيني ولا سوق غيروا ..
|
Post: #16
Title: Re: وزير المالية : أي زول عندو دولار أحسن يفكو عشان ما يتضرر
Author: معتصم محمد صالح
Date: 08-15-2012, 10:20 AM
Parent: #15
| Quote: اتفاق سيتم التوقيع عليه اليوم أو غداً |
| Quote: اتفاق سيتم التوقيع عليه اليوم أو غداً |
| Quote: اتفاق سيتم التوقيع عليه اليوم أو غداً |
| Quote: اتفاق سيتم التوقيع عليه اليوم أو غداً |
|
Post: #17
Title: Re: وزير المالية : أي زول عندو دولار أحسن يفكو عشان ما يتضرر
Author: وضاحة
Date: 08-15-2012, 10:27 AM
Parent: #16
الله يكون فى عونكن وعون بلدكم
ماعندكم وزرة ولا حكومة
خلينا ليه حسابنا صفر صفر
وتحويل تانى مافى
و اجارتنا لى املاكنا حا تتحول لينا من برة السودان دولار
ان شاء تقرق اكتر من كده لانها بلد ماعندها وجيع ومافيها وطنية
كلها حرامية وكذابيين وغشاشين و والاخلاق بقت زيرو
|
Post: #18
Title: Re: وزير المالية : أي زول عندو دولار أحسن يفكو عشان ما يتضرر
Author: ابوحراز
Date: 08-15-2012, 10:40 AM
Parent: #17
يبدو لي أن هذا الوزير محتاج يعمل فحص ملاريا
مرات يقول لينا عليكم بالـ { كسرة } بالويكة
ومرات يقول لينا لازم ترجعوا للإستغفار !!!!
الظاهر الراجل في { حمى } قديمة طايرة ليهو في راسو وما جايب ليها خبر !!!
قول ليهو عمك ابوحراز بيقول ليك لو تاني صرحت زي التصريحات دي بنكلم ليك { القيقم } !!!
انا طبعاً لمن احلم بالقيقم والله بتجيني ملاريا طوالي
وماقاعد افحص نهائيا
طوالي بمشي اشتري الراجمات !!!
قال فكووووووووووه قال !!!!
|
Post: #19
Title: Re: وزير المالية : أي زول عندو دولار أحسن يفكو عشان ما يتضرر
Author: وضاحة
Date: 08-15-2012, 10:48 AM
Parent: #18
| Quote: قول ليهو عمك ابوحراز بيقول ليك لو تاني صرحت زي التصريحات دي بنكلم ليك { القيقم } !!! |
القيقم دا منو
Quote: انا طبعاً لمن احلم بالقيقم والله بتجيني ملاريا طوالي
وماقاعد افحص نهائيا
طوالي بمشي اشتري الراجمات !!! |
|
Post: #20
Title: Re: وزير المالية : أي زول عندو دولار أحسن يفكو عشان ما يتضرر
Author: Asim Fageary
Date: 08-15-2012, 11:05 AM
Parent: #19
Quote: دي إفشاء لمعلومات داخلية تؤثر في المعاملات في الأسواق المالية
وهذه جريمة
(يكون مصيبة لو القانون السوداني ما فيه مادة زي دي)
بالإنجليزي إسمها
Inside information |
يا ناصر
The case is related to disclosure regulations
and the same will affect the Capital Market tradings
but this if any trading transactions exist in Sudanese Capital Market
|
Post: #21
Title: Re: وزير المالية : أي زول عندو دولار أحسن يفكو عشان ما يتضرر
Author: الحاج حمد الحاج
Date: 08-15-2012, 11:06 AM
Parent: #18
الناس القاعدين كان يردوا عليهو : أي وزير مالية ما عندو دولار أحسن يستقيل عشان ما يتضرر شعبو!!
|
Post: #22
Title: Re: وزير المالية : أي زول عندو دولار أحسن يفكو عشان ما يتضرر
Author: الزنجي
Date: 08-15-2012, 12:50 PM
Parent: #21
بلد ما عندها وجيع
وزير فى لمة فطور يصرح تصريحات اقتصاد دولة
|
Post: #23
Title: Re: وزير المالية : أي زول عندو دولار أحسن يفكو عشان ما يتضرر
Author: معتصم محمد صالح
Date: 08-15-2012, 02:34 PM
Parent: #22
| Quote: وزير فى لمة فطور يصرح تصريحات اقتصاد دولة |
فعلا يا زنجي التصريحات كانت في لمة فطور بمعناها الحرفي
|
Post: #24
Title: Re: وزير المالية : أي زول عندو دولار أحسن يفكو عشان ما يتضرر
Author: راشد يحى مدلل
Date: 08-15-2012, 03:46 PM
Parent: #23
اساسا الناس حولت قروشة لى الدولار عشان ماتفقد قيمتة مش عشان تربح \" الدائر الربح بمشى يتاجر
وبعدين لو سعر صرف الجنية مقابل الدولار تحسن مش دة معناهو اسعار السلع والمنتجات بتقل عما هو علية الان ولاانا غلطان ؟
يبقى الوزير مايهدد الناس ساى بس خليهو يشتغل على اقتصادو صاح ويخليهو اقتصاد انتاج مش إشاعات
|
Post: #25
Title: Re: وزير المالية : أي زول عندو دولار أحسن يفكو عشان ما يتضرر
Author: Nasr
Date: 08-15-2012, 04:07 PM
Parent: #24
يا عبد الحميد
ويا عاصم
ماهو السودان فيه تجارة عملة
ومقننة في شكل صرافات
يعني لو واحد من ناس الصرافات ديل
كان حاضر في الفطور الإتقال فيه الكلام دا
ومشي بالليل داك وباع كل الدولار العنده
مش معناها إستفاد (علي حساب الآخرين)
من كلام الوزير؟؟؟؟؟؟
|
Post: #26
Title: Re: وزير المالية : أي زول عندو دولار أحسن يفكو عشان ما يتضرر
Author: Frankly
Date: 08-15-2012, 04:12 PM
Parent: #24
| Quote: وبعدين لو سعر صرف الجنية مقابل الدولار تحسن مش دة معناهو اسعار السلع والمنتجات بتقل عما هو علية الان ولاانا غلطان ؟ |
في السودان زيادة السعر ساهلة جداً اي إشاعة طايرة ترفع الأسعار ولو الدولار بقى بجنيهين الأسعار ما بترجع بالساهل
المشكلة في الزول الحوّل قروشوا المحوّشة كلها دولارات والدولار يفقد قيمتو
يعني يشتري دولار بستة وبكرة يبقى باربعة دا بالتأكيد بكون خسران خسارة شديدة لو فكا قروشو دي في السوق ولو مسكا برضو فاقدة قيمة
ما العمل
|
Post: #27
Title: Re: وزير المالية : أي زول عندو دولار أحسن يفكو عشان ما يتضرر
Author: Abdullah Idrees
Date: 08-15-2012, 07:47 PM
Parent: #26
ابحث عن الميزان التجاري ..
الاشاعات في اي مكان في العالم تؤثر على تبادل الاوراق المالية لكن سرعان ما يصحح السوق وضعه تلقائيا بعد انكشاف الشائعة ، لكن هنا في السودان توجد شائعة ليس لها سند منطقي لان الميزان التجاري هو من يتحكم في سعر الصرف ، يعني اذا كانت صادراتنا 3 دولار ووارداتنا 10 دولار لن يحدث استقرار في سعر الصرف ، وبالمناسبة وارداتنا تتعاظم عاما بعد عام فيما صادراتنا تتقلص بنفس الوتيرة !! موضوع الاتفاق النفطي سيقلص من الفجوة قليلا بين الدولار والجنيه في المدى القريب ، لكنه لن يحدث استقرارا ابدا في سوق العملة لان عائداته ليست بتلك الضخامة ، كما انه اتفاق غامض فيما يخص نصيب الشركات الاجنبية في حصة الحكومة السودانية في الاتفاق المعني ..
تحياتي معتصم والجميع ..
|
|