Post: #1
Title: مع إنو (المريخ) دا حقنا و (حب الإســـتطلاع) برضو
Author: خالد الأيوبي
Date: 08-14-2012, 04:03 PM
>
,
|
Post: #2
Title: Re: مع إنو (المريخ) دا حقنا و (حب الإســـتطلاع) برضو
Author: خالد الأيوبي
Date: 08-14-2012, 05:31 PM
Parent: #1
.
لفت إنتباهي أن الكثير من المواقع العربية أشارت إلي وجود علماء عرب ضمن فريق الكيوريوستي - كل ناس نكتوا ليهم واحد بلدياتهم
ففكرت لو قمنا فتشنا في الفرق و الأتيام الكثيرة العاملة في المشروع دا في مراحله المختلفة و جوانبه المختلفة بنلقي لينا سوداني لابت ليه في حتة و شغال (أصلنا نحن ما بنحب الظهور)
بالمناسبة أوباما قال للفريق الفني (لو لقيتو مريخاب هناك كلموني)
وكيوريوستي (Curiosity ) كلنا عارفين معناها (الرغبة في المعرفة) - زمان درسونا ليها بمعني (حب الإستطلاع) و رغم تشابه المعنيين إلا أن المعني الأول
صارت له دلالة إيجابية بينما الثاني صارت له دلالة ســلبية أقرب لمعني الفضول و التطفل (و اللوم في ظني يقع علي المثل الدرسونا ليه برضو )
Curiosity Kill The Cat
.
|
Post: #3
Title: Re: مع إنو (المريخ) دا حقنا و (حب الإســـتطلاع) برضو
Author: فارس موسى
Date: 08-14-2012, 06:19 PM
Parent: #2
ياالله ..يفتشوا ليكم بالبوليس ما يلقوكم!اتاريك إنت بتساسق فوق المريخ.
ياأيوبى ياخى .. مشتاقين مشتاقين جدن جدن
وينك يا راجل؟
نقول حمدالله ع السلامه اولا.
لسه فى السودان ولا جيتنا راجع ؟
ان سعيد بطلتك هنا وطمنى على اخبارك وتحياتى عبرك للاولاد.
|
Post: #4
Title: Re: مع إنو (المريخ) دا حقنا و (حب الإســـتطلاع) برضو
Author: خالد الأيوبي
Date: 08-14-2012, 07:06 PM
Parent: #3
.
يا فارس
سلام كثير و رمضان كريم . أخبارك و الأولاد.
أنا و الله رجعت بس ما (رجعناك) بتاعة سبدرات .....
أخدت جولات كثيرة ممكن نحكي فيها بالتلفون(حأرسله ليك) .... حاليا في مينيسوتا مقري القديم والأولاد بخير يبادلوك السلام
.
|
|