تكرار القسم اعلاه في كتابات بعض الاخوة المنبريين من باب الظرافة وخفة الروح او تقليدا لبعض الكومدينات الذين يستخدمون العبارة بمناسبة او بدون كل ذلك امر غير ظريف او طريف بل امر ممل جدا و فيه الكثير من العبث وعدم التوقير الكافي لمقام الذات الالهية في اللغة متسع من عبارات فلا داعي للظرافة والرشاقة فيما لا يحتمل العبث فيه لولا اني اكتب عبر جوال لاسهبت وقرظت جيدا
Post: #2 Title: Re: والله صحي Author: معاوية عبيد الصائم Date: 08-13-2012, 06:18 PM Parent: #1
اساسى مركب مكنة العشر الاواخر ... شكلو داخل من مكة ....
Post: #11 Title: Re: والله صحي Author: Salah Abdulla Date: 08-13-2012, 09:45 PM Parent: #10
ينصر دينك يا أساسي..
ياخ الموضوع ده عامل لي استنقلينة في اللوزات ، ودي فرصة أفضفض شوية ياخ.. في كلمات وعبارات الناس استخدموها هنا فنُسِبت لهم وأصبح استخدامها محصوراً و(محظوراً) إلا لهم فقط أو عليهم!! والناس الباقين بقوا يتجنبوا يستخدموها خشية التغول على حقوق الملكية الإسفيرية!! في حين أن هذه الكلمات أو العبارات عادية ومستخدمة في كلامنا العادي ده.. وكتيرين بيمسكوا فيها (ويلوكوها) لحدي ما تبكي (الكلمة) ونحن برضو.. مثالها: فتأمل ، إنا لله ، يا عمك ، والله صحي ، المهم ، إختشي ، وغيرها .. وبرضو في كلمات يُوصف بها أهل ( النضال) تناولها د. بله موسى ، كتّر خيرو وكلمات أخرى تًستخدم برضو للمدح والشُكر ، والمجاملات ، ودي بتتّور عليّ الهستيريا العصبية المرضية متعددة الأطراف.. هو الشيخ محمد مصطفى عبد القادر ده زاااتو جابها من وين؟؟ اخترعها يعني ، ما ياهو كلامنا العادي ده بس لأنه بين كلو والله صحي والتانية ، بيحشر والله صحي..
زي الكلمات دي بتكون مقبولة لما تستخدم في إطارها ومكانها الطبيعي والعادي في الكلام وتصبح بايخة وما ظريفة ، وقبيحة، لما تتحشِر في الكلام بقصد الظرافة والتطعيم.. والناس البيستخدمها هنا (الشهادة لله) ظريفين بدون (والله صحي) أو غيرها.. فيا جماعة بالله الناس البيستخدموا الكلمات دي ، فقط استخدموها في مكانها الصاح والناس البيتجنبوا يستخدموها، ما تخافوا من أن تُنسب لغيركم ، دي كلمات عادية وما حقت زول ، حقت الله، ما حقت الناس البيرددوها، وخاتيمنها بختمهم ..
هذا مع تأكيدي إنو الكلام ده ما مقصود بيهو زول محدد..
Post: #12 Title: Re: والله صحي Author: محمد البشرى الخضر Date: 08-13-2012, 10:24 PM Parent: #11
Quote: هذا مع تأكيدي إنو الكلام ده ما مقصود بيهو زول محدد..
يا ابو صلاح .. يا عمك .. شنو انت تفلق و تداوي! إنا لله ياخي, ما فضّل ليك إلاّ تقول فلان وعلان بالإسم فتأمل عليك الله المهم.. خلينا من القصة دي .. اسي استنقلينا دي نكتها من وين .. والله صحي :)
______________________
غايتو ما لقيت حتة احشر فيها(اختشي) لكن عشان افقع ليك الباقي هاك :
اب شنب ... اختشي
Post: #13 Title: Re: والله صحي Author: حمد عبد الغفار عمر Date: 08-13-2012, 10:39 PM Parent: #12
Quote: لولا اني اكتب عبر جوال
دي ذاتا مرات بتعمل زغللة في العيون
وعايزة ليها تقريظ
Post: #14 Title: Re: والله صحي Author: عبداللطيف خليل محمد على Date: 08-13-2012, 10:46 PM Parent: #13
Post: #18 Title: Re: والله صحي Author: جمال الباقر Date: 08-14-2012, 00:18 AM Parent: #17
Quote: لولا اني اكتب عبر جوال
اكثر هذا الاساسي من هذه الجملة في الفترة الاخيرة ؟
Post: #19 Title: Re: والله صحي Author: الامين موسى البشاري Date: 08-14-2012, 00:45 AM Parent: #18
Quote: اكثر هذا الاساسي من هذه الجملة في الفترة الاخيرة ؟
احتمال يكون اشترى ليهو I phone ولا Samsung Galaxy S II
ولولا هؤلاء لما أكثر اساسي من ذكر التلفون الذي يكتب به
Post: #20 Title: Re: والله صحي Author: فايزودالقاضي Date: 08-14-2012, 00:50 AM Parent: #19
Quote: احتمال يكون اشترى ليهو I phone ولا Samsung Galaxy S II
ولولا هؤلاء لما أكثر اساسي من ذكر التلفون الذي يكتب به
او ربما اساسيه تحتجز اللابتوب كعادتها ..
Post: #22 Title: Re: والله صحي Author: الامين موسى البشاري Date: 08-14-2012, 00:59 AM Parent: #20
Quote: او ربما اساسيه تحتجز اللابتوب كعادتها ..
احتمال برضو ....... والله صحي لكن يا فايز أنت الزول دا غتس وين كدا؟ عايز يبقى زي حسين ملاسي ولا شنو؟ يفكـ ليهو كلمتين كدا ويشـــتت وما يرد على الناس
Post: #21 Title: Re: والله صحي Author: معاوية المدير Date: 08-14-2012, 00:51 AM Parent: #19
Quote: اكثر هذا الاساسي من هذه الجملة في الفترة الاخيرة ؟
أكثر الله في القبيلة من امثاله...
Post: #23 Title: Re: والله صحي Author: معاوية المدير Date: 08-14-2012, 01:12 AM Parent: #21
Quote: احتمال برضو ....... والله صحي لكن يا فايز أنت الزول دا غتس وين كدا؟ عايز يبقى زي حسين ملاسي ولا شنو؟ يفكـ ليهو كلمتين كدا ويشـــتت وما يرد على الناس
فتأمّل، والله صحي...
Post: #24 Title: Re: والله صحي Author: Rawia Date: 08-14-2012, 02:15 AM Parent: #23
خليهم عليك الله يقولو العاوزينه ويعملوا بصمات زي ماعاوزين ويختاروا الطريقة العاوزين يثبتوا بيها في قلوبنا وعاوزيننا نتعرف بيها عليهم وفي البال والخاطر محمد الكان بيقول على نفسه المطرطش كنت فعلا متضايقة من زول يقول على نفسه كدا لكن ياريت لو قال ووصف نفسه باي وصف ..بس قعد معانا الله يرحمك يامحمد بحق هذه الايام المفترجة والشهر الكريم الله يعوضك حزنك ومعاناتك جنات الفردوس والنعيم الله يخلف على أهلك وولدك بالخير والعافية الله يصبرهم ومحبيك
__________ ياجماعة والله مابفول عليكم (بس إتذكرتو هسة ) ويارب يمتعكم بالصحة والعافية والعمر الطويل لكن اهي ساعات بنقضيها مع بعض هنا وكل البيفضل منها الكلمة الطيبة والذكرى الحلوة بالمناسبة الكلمة موضوع البوست برضو مابتعجبني وماحا استعملها باذن الله لكن لا امانع من استعمالها بواسطة آخرين
Post: #26 Title: Re: والله صحي Author: محمد عمر جبريل Date: 08-14-2012, 02:43 PM Parent: #25
Quote: وفي البال والخاطر محمد الكان بيقول على نفسه المطرطش كنت فعلا متضايقة من زول يقول على نفسه كدا لكن ياريت لو قال ووصف نفسه باي وصف ..بس قعد معانا الله يرحمك يامحمد بحق هذه الايام المفترجة والشهر الكريم الله يعوضك حزنك ومعاناتك جنات الفردوس والنعيم الله يخلف على أهلك وولدك بالخير والعافية الله يصبرهم ومحبيك
__________ ياجماعة والله مابفول عليكم (بس إتذكرتو هسة ) ويارب يمتعكم بالصحة والعافية والعمر الطويل لكن اهي ساعات بنقضيها مع بعض هنا وكل البيفضل منها الكلمة الطيبة والذكرى الحلوة بالمناسبة الكلمة موضوع البوست برضو مابتعجبني وماحا استعملها باذن الله لكن لا امانع من استعمالها بواسطة آخرين
)