Post: #1
Title: الحبيب الامام الصادق المهدى نعاهدكم باننا سنجمع الملايين ونحنا جاهزين
Author: محمد عادل
Date: 08-13-2012, 00:05 AM
فى خطاب قوى ونارى وتاريخى اليوم فى افطار الحزب بولاية الخرطوم
مشاركة شنو في الانقاذ؟ دي سفينة غارقة...النظام دة حيتغير لو ما بولادة طبيعية بولادة قيصرية...جيبوا لي مليون في ميدان الخليفة دة وشوفوا)
نحنا جاهزين وانت اديتنا الاشاره ولخلاص الوطن جاهزين ياحبيب الله اكبر ولله الحمد
عهدنا معاك كنداب حربه مابتسلخ
صرة عين جبل ملوية بالصاقعة مابتتملخ
اكان ايدنا من مسك الدروع تشلخ
السماء ينتكى وجلد النمل يتسلخ
|
Post: #2
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: 7abib_alkul
Date: 08-13-2012, 00:14 AM
Parent: #1
Quote: .. ﺟﻴﺒﻮﺍ ﻟﻲ
ﻣﻠﻴﻮﻥ ﻓﻲ ﻣﻴﺪﺍﻥ ﺍﻟﺨﻠﻴﻔﺔ ﺩﺓ
ﻭﺷﻮﻓﻮﺍ |
يا حبيب انا لا إمام لا حاجة زول الله ساي كان جابوا لي المليون ديل بصبحها جو القصر
|
Post: #3
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: rani
Date: 08-13-2012, 01:00 AM
Parent: #2
Quote: جيبوا لي
مليون في ميدان الخليفة دة
وشوفوا |
ياجماعة، الامام دا بيكون تعب من الشيل، دايرو مليون واحد يعتلو معاهو...
|
Post: #4
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: Elbagir Osman
Date: 08-13-2012, 05:48 AM
Parent: #3
تمام يا الإمام
أدناه مساهمة نشرتها عن نفس الموضوع في بوست آخر:
هذا أحسن ما قاله الصادق
وهذا هو الدور المتوقع من حزب بوزن حزب الأمة
أن يحشد اعضاءه ومؤيديه في يوم واحد
مع جماهير كل الأحزاب والتنظيمات الأخرى
وعلى رأسها التنظيمات الشبابية
وحينها لن يستطيع النظام أن يضع الشعب كله في السجن
وتستمر ليل نهار في كل حي وساحة
وهذا هو الدور المطلوب من القيادة
بعد أن عبر الشعب في هبته عن رأيه القاطع في حكم الإنقاذ
وظهر إجماعه على ذلك
وبرهن استعداده للتضحية من أجل تحقيق ذلك الهدف
ولا بد أن الإنقاذيين الآن يرجفون
وكم يفرحهم أن نستهزئ بكلام الصادق ونعمق الخلاف مع حزب الأمة
وغيره من الأحزاب
قوتنا في وحدتنا
أحزاب وشباب وأقاليم ونقابات حرة
ومن حسن الطالع أن الشباب أنفسهم قد أعلنوا عن تنسيق يوم موحد
بعد العيد
والنصر المؤكد للشعب السوداني
وبدلا عن كاريكاتير ساخر محبط
انشر ملصق إيجابي
الباقر موسى
|
Post: #5
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: بخاري عثمان الامين
Date: 08-13-2012, 07:45 AM
Parent: #4
Quote: هذا أحسن ما قاله الصادق
وهذا هو الدور المتوقع من حزب بوزن حزب الأمة
أن يحشد اعضاءه ومؤيديه في يوم واحد
مع جماهير كل الأحزاب والتنظيمات الأخرى |
الاخ الباقر صباح الخير
اختلف معك .. قصة جيبوا لي مليون وشوفوا براكم البحصل
اسوء كلام يقوله قائد .. المطلوب من القائد استلاهم وتنظيم صفوف
هذه الجماهير وخروجها للشارع يكون نتاج خط سياسي ، تنظيمي ثابت
وواضح الاهداف والمعالم ، كما ان الفعل الثوري فعل تراكمي في الاساس
فليس من المطلوب خروج مليون شخص في بداية الامر ولكل مجتمع طلائعه
ومبادريه وهم من يقدح زناد الثورة ويكسر حاجز الخوف وسجون الانقاذ الان
تعج بامثال هؤلاء ولك أن تقارن قبضة جهاز الامن سابقاً وفي بداية الانقلاب
والان ،،، اخيراً ماذا لو فشلنا في جلب المليون مرة واحدة ؟ هل يعني ذلك عدم
قيام الثورة ؟
سلام ...
الحبيب محمد عادل المليون ديل اديني ليهم أنا بخاري دا وبحرر لك افريقيا كلها من انظمة
الفساد ..
|
Post: #6
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: ibrahim alnimma
Date: 08-13-2012, 08:27 AM
Parent: #5
أتفق مع حديث الاخ بخاري ........اذ ان القائد اصلاً لا يمكن ان يقول مثل هذا الكلام الذي يصوره وكانه يتحدث من برج عاجي ...أو صاحب معجزة .....فهو يطالب بان ياتونه بمليون متظاهر ......ومثل هذا الكلام لا يمكن ان ياتي من قائد ولو خرف ، من يأتيك بهم ؟ ولماذا ياتونك بهم انت ؟ ولماذا لا تخرج معهم انت او تحرضهم علي الخروج ؟ ولماذا في جامع الخليفة ؟ وما الفرق بين حديث السيد الصادق من جهة وربيع عبدالعاطي الذي قال لو رغبت باخراج مظاهرة انا لتايد الحكومة لجلبت ملاين ؟؟؟؟؟وهذا الكلام يصور المواطن كاضحوكة او العوبة بيد الصادق المهدي وربيع عبدالعاطي ......القائد الشجاع هو من يتحدى السلطة ......ويشهر سلاحه النقدي والفكري ومن يرسم للجماهير طريق الخلاص ........لا من يامر باتيانه بعدد من الناس ليخرجهم مظاهرة ؟؟؟؟؟؟الصادق المهدي يتحدث صادقاً حينما يقول ان النظام ساقط ساقط ......ولكنه يرسم للنظام طريق الخلاص من هذه التهلكة ان هو شارك معهم .........ثم يرسم للمعارضة طريق الخلاص ان هو ضمن كيكته ........اذن هو يركب سرجين وهو لا محالة وقيع .
مثل هذا الكلام يحمل ازدراء واضح للجماهير ، وتصويرهم وكانهم قطيع من البهائم ...........
اتمني ان اكون قد فهمت هذا الكلام علي وجه مختلف ........لاني ومن خلال متابعتي لما يقوله السيد الصادق اعتقد جازماً ان تلخيص الكلام فيهو شي من الغموض ............اتمنى ذلك
|
Post: #7
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: Elbagir Osman
Date: 08-13-2012, 08:45 AM
Parent: #5
العزيز بخاري
تحياتي
حزب الأمة قادر على حشد مليون
قالتها جماهيره قبل عام "النزال لا الإعتزال"
وكان الصادق يؤجل ذلك
إذا اقتنع الصادق بالحشد
فهذا أحسن كلام قاله
الباقر
|
Post: #8
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: ahmed haneen
Date: 08-13-2012, 09:08 AM
Parent: #7
جيبو لي (كمان جابت لها جبجبة...
قرقرقر..
الزول دا كضاب ...
عاوز يسخن الموضوع عشان يكبر القبضة ...
اول شي اسحب اولادك من السفينة الغارقة ..
هي سفينة غارقة .. مغرق اولادك فيها ليه....؟؟ يا امام .. قوم لف
وكلامك دا قول لي زول ما عندو حديدة
|
Post: #9
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: Yassir Tayfour
Date: 08-13-2012, 09:22 AM
Parent: #8
| Quote: هي سفينة غارقة .. مغرق اولادك فيها ليه....؟؟ |
|
Post: #10
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: محمد عبدالرحمن
Date: 08-13-2012, 09:35 AM
Parent: #9
الخطاب من رئيس حزب الامة لمكاتب حزب الامة وقياداته فى افطار
فرعية حزب الامة بولاية الخرطوم ...المعنى بجمع المليون هى مؤسسات
حزب الامة ...(الناس نفسها قائم مالها) ...اما قصة المليون بتجى
من وين وكيف ...دى شرحها جاييكم بالصور ان امكن ....
|
Post: #11
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: محمد عبدالرحمن
Date: 08-13-2012, 09:42 AM
Parent: #10
الصور من زيارة الامام الصادق المهدى للنيل الازرق فى يونيو 2011 ...
|
Post: #12
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: محمد عبدالرحمن
Date: 08-13-2012, 09:52 AM
Parent: #11
الصور من زيارة الامام لمدينة كوستى فى 2010
|
Post: #13
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: Mohamed Doudi
Date: 08-13-2012, 09:58 AM
Parent: #11
والله يا محمد كوادر الحزب الشيوعى دى تحير ابليس ذاتو؟
زول بخاطب فى كوادره ويحثهم على جميع مليون انصارى او حزب امه اييييييييييييه دخل غير المنتمين لكوادر الحزب فى الموضوع اساسا؟؟؟؟ هل تمت مخاطبتهم بحشد عضويه الحزب الشيوعى او بقيه قبائل اليسار السودانى؟
يا جماعه اتركوووا حزب الامه وشأنه ووظفوا طاقاتكم لمقارعه الانقاذ...الانقاذ هى من قسمت البلاد وفسدت وافسدت...نظموا انفسكم بالوسائل التى تناسبكم واتركونا لحالنا.....سقوط و تغيير النظام ليس مسئوليه حزب الامه لوحده...ساهمكم بنصيبكم ولا تثبطوا ههم من يعمل ...كل مشارتكم عباره عن بث لروح التثبيط والاحباط واليأس فى قرأء المنبر العام حتى يخيل للمرء بان لا خير الا فى الانقاذ .....
دودى
|
Post: #14
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: Yassir Tayfour
Date: 08-13-2012, 10:04 AM
Parent: #10
يا محمّد عبدالرحمن،
الجماهير دي في الأرياف والمدن البعيدة، كان جاهم صلاح غريبة بيمرقو، بيطلعو عدم برنامج وعدم موضوع ساكت.. خلي الجماهير دي تطلع ليهو في العاصمة حيث البرامج على قفى من يشيل، عشان كده الإمام قال جيبوهم لي في أم درمان ؛)
___
الأمام لم يستطع أن يأتي بإبنيه عبدالرحمن وبشرى، فكيف له أن يطلب من غيره أن يأتوا بمليون؟
|
Post: #16
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: محمد عبدالرحمن
Date: 08-13-2012, 10:09 AM
Parent: #14
| Quote: الجماهير دي في الأرياف والمدن البعيدة، كان جاهم صلاح غريبة بيمرقو، بيطلعو عدم برنامج وعدم موضوع ساكت |
ياسر طيفور ...رمضان كريم ياخ ...
لاتعليق طبعا ...
|
Post: #51
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: مبارك عثمان
Date: 08-13-2012, 11:22 PM
Parent: #5
الأخ بخـــــــــــــــاري لك التحية
الحبيب الأمام عمرو أكتر من سبعين سنة يكفي الجاهد بالكلام وفتح داره
للشباب الولدوهم في عهد الأنقاذ وصرفو عليهم دم القلب في غسيل مخهم وما قدروا
والشئ العجيب الشباب الملتف حول الامام من خريجي الدفاع الشعبي وغزة السودان
وبصراحة الامام قدر يعمل الماقدر ليه ناس كتار يدعو الحداثة لازم من دراسة لاطروحات
هذا الرجل بتجرد وأنا مقدم أربعة من المليون لمدة شهر وكل واحد يجيب العندوا
تـــحـــــــيــــــــــــاتـــــــــــــــــــــي
|
Post: #15
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: Marouf Sanad
Date: 08-13-2012, 10:07 AM
Parent: #1
| Quote: مشاركة شنو في الانقاذ؟ دي سفينة غارقة... |
{ونادى نوح ابنه وكان في معزل يا بني اركب معنا ولا تكن مع الكافرين قال سآوي إلى جبل يعصمني من الماء قال لا عاصم اليوم من أمر الله إلا من رحم وحال بينهما الموج فكان من المغرقين}
|
Post: #17
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: عمر عبد الله فضل المولى
Date: 08-13-2012, 11:10 AM
Parent: #15
الاخ ياسر طيفور
الحبيب بشرى الصادق كان يتقدم الصفوف في احدى الجمع وتعرض لاصابة والبائس محمد عادل يشهد بذلك
|
Post: #18
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: خالد عويس
Date: 08-13-2012, 11:27 AM
Parent: #17
حسب الفيديو الذي سمعته..لم يقل (جيبوا لي) على الإطلاق !!
|
Post: #19
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: Nazik Eltayeb
Date: 08-13-2012, 11:33 AM
Parent: #17
هذا افضل ما قيل من رئيس حزب الامة حتى الان ولا ادري سبب الهجوم غير المبرر.....رئيس حزب يتحدث لجماهير حزبه بلغة سودانية اصيلة عبارة (جيبو لي) لا تعني احضروا لي لكنها مجازا تعني ان الحزب قادر عل جمع مليون واكثر و قادر على ان يتحرك وان يضغط اما كيف يفعل ذلك او توقيته فلا اعتقد ان الحزب او رئيسه او جماهيره ملزمون بتقديم توضيحات على شبكة الانترنت....الا في حالة ان يعقد الحزب مؤتمرا صحفيا هنا يمكن للجميع ان يسال بالطبع.
محزن ما يتعرض له حزب الامة من هجوم مستمر ...لحزب الامة مشاكله بالتأكيد لكن كحزب خارج السلطة لا اعتقد انه ملزم بان يكون عرضة للمحاسبة والمسالة في مواقفه من غير عضويته ،هو كاي حزب اخر ان اقتنعت بمواقفه اتبعه ان لم تقتنع اتبع غيره او كن مستقلا لكن لا تفرض على اي حزب كان رأيك . دا الف باء الديمقراطية .
|
Post: #20
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: محمد عادل
Date: 08-13-2012, 11:35 AM
Parent: #17
عمر دقه
|
Post: #21
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: saif massad ali
Date: 08-13-2012, 11:38 AM
Parent: #20
محمد عادل
عيب يا اخي الزول اخوك في النضال
الدنيا رمضان وقبايل عيد
|
Post: #22
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: محمد عادل
Date: 08-13-2012, 11:43 AM
Parent: #21
ياسيف الراجل دا ببيع الباسويرد بتاعو للستات
|
Post: #23
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: محمد عبدالرحمن
Date: 08-13-2012, 01:12 PM
Parent: #22
| Quote: ياسيف الراجل دا ببيع الباسويرد بتاعو للستات |
الحبيب لايبيع باسوورده لاحد ...الكل يعلم ان الامر مجرد
فرية تم اطلاقها هنا من قبل من ينتمى لحزب الامة للاسف
الشديد ...والغرض كان من ذلك التشفى والانتصار للذات
الفانية ...لم يملك صاحب/ صاحبة الفرية الشجاعة الكافية
للاعتذار عنها هنا ...ونعلم انها تم التراجع عنها فى اماكن
غير هنا ..وتم تقديم اعتذار عن ذلك فى اماكن غير هنا (ايضا) ...
مع العلم ان البهتان مكانه هنا...فالباب مازال مفتوح للتراجع
وتقديم الاعتذار علنا على رؤوس الاشهاد حتى يقفل هذا الباب ...
ياحبيب محمد عادل رمضان كريم ...وتقبل الله منا ومنك ....
|
Post: #24
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: lana mahdi
Date: 08-13-2012, 01:34 PM
Parent: #23
^_____^^____^
|
Post: #25
Title: المطاعنات الرخيصة
Author: lana mahdi
Date: 08-13-2012, 01:40 PM
Parent: #24
غايتو لو نفضوا ونضفوا الحزب دة من الانتهازيين والكاذبين والبايعين ضمائرهم نظير إرضاء شخصات تحركهم/ن دوافع شخصية وغيرة عمياء بيقدر يجمع الحزب مليار مش مليون بس
^______________^ أنا بستغرب زول بكامل إرادته يقبل يكون (تابع) كيف؟؟؟ وقلنا وقالوا لي وسمعت وعلمت يخص على الرجال ^_____^ دة ما كان شبر في الجنة دة(:(:(:(:(:(:(:(:(:
ولا يا ربي ترقية حزبية من المحاسيب القايل في يدهم الحل والعقد؟؟
زول بيتكلم عن الشجاعة ويطاااااااااعن هههههههههههههههههه غايتو دة الإنذار الأخير ولا عذر لمن أنذر
قرف يقرفهم):):)/):):):
|
Post: #26
Title: ^___^
Author: lana mahdi
Date: 08-13-2012, 01:44 PM
Parent: #25
الحزب دة لو ما إتنضف من اللي لما يلاقي الآل يعمل فيها ال###### الوفي ولما يلاقي الشباب والكوادر يعمل فيها الثائر ولما يلاقي المستنيرين في المنبر يعمل فيها أبو الاستنارة ما حيمش لي قدام
بهلوان يلعب على كل الحبال لو الآل انتصروا هو فيها لو الشباب انتصروا هو فيها مطممممممممممن سعادته كأن الناس ما كشفته وبقى كرت محروق زمااااااااااااااااااان(:(:(:(:
محمد عادل بوستيك راح شمار في مرقة من الأهبل المصر يطلق النار على قدميه ...إن شاء الله رضوا عنه ^____^(:(:(:
|
Post: #27
Title: رسالة إلى من تعرف نفسها جيييييداً في حزب الأمة
Author: lana mahdi
Date: 08-13-2012, 01:49 PM
Parent: #26
أنسي لنا مهدي أمرقيها من دماغك
مواهبك كثيرة استثمريها في الخير
أنا ما منافساك في أي شيء
حتى لو مرقت من الحزب ما حترتاحي لأن الأزمة جواااااااااك
التحريض والكراهية عمرهم ما عمروا بنيان
حاولت أعاملك بنبل وأتجاوز وأنسى وأمش لي قدام بس عشان الناس تقدر تتعايش
وكللللللو ما نفع
أنسي لنا مهدي
مش عشان بكراهيتك وغبنك وسوء الطوية حتضريني بالعكس
لأنك حتضري نفسك ليس إلا
جبتيه لي نفسك برااااااااااك
دة آخر البيستثمر البشر في تصفية حساباته
إضطريتيني أكتب ليكي الكلام على الملأ
ولو استمر مسلسل السخف البقى مكرور وممل المرة الجاية حأذكرك بالإسم
ولا عذر لمن أنذر
|
Post: #28
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: عمار عبدالله عبدالرحمن
Date: 08-13-2012, 01:49 PM
Parent: #24
اي واحد يحاول (مجرد محاولة) لزحزحة النظام حبــابو ,
دعواتنا ان تكون هذه بداية فك اللجــام
|
Post: #29
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: محمد عادل
Date: 08-13-2012, 02:00 PM
Parent: #28
الحبيب محمد عبدالرحمن
لوعاوز تستمر فى مسلسل البايخ بتاعك دا بالتلميحات والكلام الفارغ فبعد كدا حنتصدى ليك
فاهم
|
Post: #30
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: محمد عادل
Date: 08-13-2012, 02:04 PM
Parent: #28
لنا
لوسمحتى ماعندى شغله بالكلام دا ياريت بعد كدا يحترم نفسو ويبعد نفسو من شكل السيدات
ويخلى شغلانية التابعيه
غايتو انا ماعارف الناس عندها اعتراض لما الزول يكون تابع ليهو راجل خلى ست
هو فاكر انو مقربته من ستو حتعمل منهم شخصيات
غايتو انا ماعارف كسير التلج للسيدات معناهو شنو
هو معاو بتاع دقة الرياض
|
Post: #31
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: محمد عبدالرحمن
Date: 08-13-2012, 02:11 PM
Parent: #30
(بثمارها تعرفونها) ...اللهم انى صائم ...
سلام ...
|
Post: #32
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: محمد عادل
Date: 08-13-2012, 02:16 PM
Parent: #31
لما كنت بطاعن ماكنت صائم
سلاميين تكعيب
|
Post: #35
Title: (:(:(:
Author: lana mahdi
Date: 08-13-2012, 02:44 PM
Parent: #32
المطاعنة ما مشكلة مع الصيام يا محمد عادل...خاصة لو موجهة لعدو مكروه بل ممقوت مثلي..حسة دي زووووغة وخووووووووفة ساكت 
|
Post: #36
Title: ^______^(:(:
Author: lana mahdi
Date: 08-13-2012, 02:47 PM
Parent: #35
Quote: لما كنت بطاعن ماكنت صائم
سلاميين تكعيب
|
ال(حبيب) كبة الزوغة يا محمد عادل
ما أظن يخش تاني هنا إلا لو (وكزوه)
باقي هو ما زول مواجهة
زول تلبّد ومطاعنات
|
Post: #37
Title: خووود إتعوق
Author: lana mahdi
Date: 08-13-2012, 02:53 PM
Parent: #36
كل مرة مصر يمرق متعوق لاكين على كيفه أخد على الهبت
|
Post: #33
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: ABDALLAH ABDALLAH
Date: 08-13-2012, 02:18 PM
Parent: #30
رمضان كريم يا أحباب
وقولوا يا لطيف
بس حبيت أقول لأحمد حنين كلامك دا عيب
|
Post: #34
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: بخاري عثمان الامين
Date: 08-13-2012, 02:30 PM
Parent: #33
شكراً محمد عبد الرحمن توضيحك أن الامر كان يخص
عضوية الحزب ، نأسف فهمت غلط بسبب طرحه في منبر
عام لذا ساهمت بالرأي
_____________________________________________
Quote: والله يا محمد كوادر الحزب الشيوعى دى تحير ابليس ذاتو؟
زول بخاطب فى كوادره ويحثهم على جميع مليون انصارى او حزب امه اييييييييييييه دخل غير المنتمين لكوادر الحزب فى الموضوع اساسا؟؟؟؟ هل تمت مخاطبتهم بحشد عضويه الحزب الشيوعى او بقيه قبائل اليسار السودانى؟
يا جماعه اتركوووا حزب الامه وشأنه ووظفوا طاقاتكم لمقارعه الانقاذ...الانقاذ هى من قسمت البلاد وفسدت وافسدت...نظموا انفسكم بالوسائل التى تناسبكم واتركونا لحالنا.....سقوط و تغيير النظام ليس مسئوليه حزب الامه لوحده...ساهمكم بنصيبكم ولا تثبطوا ههم من يعمل ...كل مشارتكم عباره عن بث لروح التثبيط والاحباط واليأس فى قرأء المنبر العام حتى يخيل للمرء بان لا خير الا فى الانقاذ .....
دودى |
بحكم انني شيوعي يا دودي ارد علي مداخلتك
الزول البخاطب كوادره دا ما كان بالضرورة ينزلوا
كلامه في منبر عام لانه فيهو ناس تانين والشيوعيين من ضمنهم ،
لكن بعيد من ده كله يا حبيب التحالفات هي الانجع لحل المشاكل
والعدو واحد ....
|
Post: #38
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: lana mahdi
Date: 08-13-2012, 03:13 PM
Parent: #34
*****
|
Post: #55
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: ahmed haneen
Date: 08-14-2012, 08:02 AM
Parent: #33
الأخ عبد الله .. عيدكم مبارك
Quote: بس حبيت أقول لأحمد حنين كلامك دا عيب
|
ما في مشكلة .. يا صديقي..ولا عيب في ذلك
لو حبيت نعدد ليك .. الكضبات كلها هنا ...
من ..
بتوضيحاتها ..
الي .. فيل جيبوتي .. الطلع فار
امتدادا الي .. ابني عبدالرحمن.. لا يمثل الا نفسه
وعيييك..
مئات من المقولات التي يعلم مسبقا.. انها فرية .. لخداع الغبش..
والأنصار والموالين ...
لا علينا ..
المهم ..
جيبو ليهو المليون .. والباقي بتمو هو ..
ياخي جلي الأمام .. دا ..
صلاح غريبة كان جبتو ليهو مليون بسلمها ليكم دليفري
|
Post: #39
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: قيقراوي
Date: 08-13-2012, 03:24 PM
Parent: #15
Quote:
يا حبيب انا لا إمام لا حاجة زول الله ساي كان جابوا لي المليون ديل بصبحها جو القصر
|
والله يا حبيب الكل انا لو ادوني ليها كاش .. بالدولار لكن
اخش القصر الضحى الاعلى .. ومال ايه!؟
المافي شنو!؟
بس كلمم يتسهلونا لينا في القريشات قبل ما ينزل الدولار
التوقيع:
قيقاحاوي والاجر على الله ..
فكي ديغيتال .. يجيب الرايحة ويروح الفي
المافي شنو هو!؟
------
الغريبة الشاوش طالح (اليمن) قال كلام قريب لكلام الغرق دا ..
ولمن سألوهو طيب ليه مصر على التوريث .. بهت الذي عاوز يطلع في الكفر!!
قلت لي "سفينو الاقنازي التي سارت دي غارقة"؟
ؤاولادك ديل بلابيط ول كيف!؟
|
Post: #40
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: yaser mostafa
Date: 08-13-2012, 03:46 PM
Parent: #39
| Quote: هي سفينة غارقة .. مغرق اولادك فيها ليه....؟؟ |
والله سؤال اكثر من وجيه لكن هل من مُجيب؟؟؟
ولا تكون عملية انتحارية وانحنا ما فاهمين ؟مثلا!
|
Post: #41
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: yaser mostafa
Date: 08-13-2012, 03:53 PM
Parent: #40
بعدين يا أخوانا في حاجه مهمة ماتنسوها :-
البشير جلدنا وما بنجر فوقو الشوك ،،،
يعني حبيت اذكركم يعني...D;
|
Post: #42
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: ثروت سوار الدهب
Date: 08-13-2012, 04:36 PM
Parent: #41
| Quote: ؤاولادك ديل بلابيط ول كيف!؟ |
hhhhhhhhhhhhhhhhhhhhhhhhh
واضح انه متاكد من مستوى المخاطبين
فانهم لا يسالون مثل هذه الاسئلة
يا بتاع المافي شنو انت
موش قالوا ليكم خطاب لفرعية الحزب
خلاص
مافي اي حاجة
|
Post: #43
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: yaser mostafa
Date: 08-13-2012, 04:56 PM
Parent: #42
الجبهة الثورية تشن هجوماً عنيفاً على المهدي لتحذيره من اسقاط النظام بالقوة
http://www.sudaneseonline.com/?p=74218
|
Post: #44
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: Mohamed Doudi
Date: 08-13-2012, 05:39 PM
Parent: #43
Quote: بحكم انني شيوعي يا دودي ارد علي مداخلتك
الزول البخاطب كوادره دا ما كان بالضرورة ينزلوا
كلامه في منبر عام لانه فيهو ناس تانين والشيوعيين من ضمنهم ،
لكن بعيد من ده كله يا حبيب التحالفات هي الانجع لحل المشاكل
والعدو واحد |
شكرا يا بخارى ولكن كان تسمع الكلام قبل ما تجاوب ...هنالك الكثير من اعضاء المنبر العام وللاسف يجذبهم اسم حزب الامه والصادق المهدى قبل الانقاذ ؟؟؟؟؟ياريت اعرف السبب
يابخارى الهم والعدو واحد....ولكن هنالك حمله تعجز الانقاذ عن القيام بها وللاسف ابطالها من يعتبرون انفسهم من معارضى الانقاذ
|
Post: #45
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: Elbagir Osman
Date: 08-13-2012, 06:15 PM
Parent: #44
نشرت هذا في بوست آخر حول نفس الموضوع
الصادق لم يقل جيبو لي
بل يتكلم عن حشد المليون في ساحة الخليفة
والحشود في كل ساحات مدن السودان بصيغة المتكلم "نحن"
وليس صيغة المخاطب
وأدناه نص حديث الصادق من الفيديو من الدقيقة 6:20
"هنا مربط الفرس والوصية المهمة
ونحن عشان ما نعمل كان الولادة الطبيعية ولا القيصرية
دايرين نقول الشعب واقف وين
الشعب واقف وين دي نحن لازم نثبتها
ضروري جدا نحن نختار يوم - قريب مش بعيد -
عشان نوري اننا في العاصمة دي - الكلام القالو الأمير -
مليون على الأقل موجودين
يجوا في ساحة مسجد الخليفة عشان يسمعوا كلام عن مستقبل السودان
دا ببقى كيفن
دا ببقى بالتنظيم والعمل الدؤوب
انا عايز نحن نقرر اليوم ونقول دايرين دا
وحنعمل على أن نجمع الشعب في السوح العامة،
ساحات المولد في كل السودان
في يوم واحد
عشان الناس كلها تشوف: دا الشعب السوداني داير شنو
دا اقصر واقرب الطرق
نحن داير نظام جديد وحددنا معالمو"
كرر كلمة نحن 4 مرات عدا استخدام الضمير متصلا (ـنا)
يبدو أن معظم المتداخلين لم يسمعوا الخطاب
واكتفوا بالعنوان
وربما يريد البعض إقصاء حزب الأمة حتى وإن وقف في المقدمة
والإقصاء يهزم قضيتنا من أي طرف جاء ولأي طرف
وفعلا هذا خير ما قاله الإمام
وهو وحزب الأمة - مع بقية الأحزاب وقوى المعارضة -
قادرون على حشد ملايين تسد الأفق
والنصر الأكيد للشعب السوداني
وقوتنا في وحدتنا
أحزاب وشباب ونقابات حرة وأقاليم
الباقر موسى
|
Post: #46
Title: أدوك تعليمات جديدة؟ (:(:(:(:
Author: lana mahdi
Date: 08-13-2012, 06:45 PM
Parent: #45
بتصرف ولا بي ضبانتها؟
نشن كويس نشن كويس هههههههههههههههههههه
(:(:(:
|
Post: #47
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: سمير شيخ ادريس
Date: 08-13-2012, 06:47 PM
Parent: #43
الاخوة شباب حزب الامة
لا أدرى سبب سبب حدتكم فى الحوار فى الاونة الاخيرة مع زملاء المنبر والمنابر المجاورة وما سبب لغة التعالى والتهديد لكل من ينتقد حزبكم ووصفه بالافتراء والهجوم غير المبرر ...حزب الامة حزب جماهيرى ظل يحكمنا منذ عشرات السنين ويطرح نفسه كبديل ويكاد ان يكون الاقرب لذلك اذا ما تمت انتخابات حسب عدد قاعدته ..وكل حزب
يطرح نفسه كذلك يجب ان يقبل النقد والا يتعالى عليه .
كما انكم تخلطون خلطا واضحابين نقد الحزب ونقد زعيمه .. الجميع يثمن دور شباب حزب الامة وشجاعتهم ودورهم الواضح فى الصدام ومقارعة النظام ليس ايام التظاهرات الاخيرة فحسب بل على مدار التاريخ النضالى الطلابى .. واتخاذ شباب الثورة لمسجد الانصار قاعدة لانطلاق ثورتهم الاخيرة لم تكن اعتباطا بل من باب العشم التاريخى وتثمينا لهذا الدور متعاضدين فى موقفهم الثورى مع شباب الامة يدا بيد ... وهى مواقف لا تشبه بحق مواقف زعيم الحزب الواضحة للعيان ومهادنته للنظاموالتى كانت مثار انتقاد كثير من شباب الامةالا اذا حسبنا الامر من باب انصر زعيمك ظالما او مظلوما .
مواقف زعيم الحزب تجاه النظام غير واضحة بل هى مخذلة للجماهير ولا احد ينكر ذلك الا مكابرا وعلى شباب الامة وبقية اعضاء الحزب ان يضغطوا على الجرح لا ان يضمدوه .. الامام مراوغ وكلامه عن المليون مجرد فرقعة . فكم حشدت له الملايين الانصارية من قبل كما فى الصور اعلاه فلم لم يسقط بهم النظام ؟ وقريبا سيحتشد له اكثر من مليون انصارى فى صلاة العيد بمسجد الانصار ولنرى هل سيحقق كلامه ؟
|
Post: #48
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: بخاري عثمان الامين
Date: 08-13-2012, 06:54 PM
Parent: #47
Quote: شكرا يا بخارى ولكن كان تسمع الكلام قبل ما تجاوب ...هنالك الكثير من اعضاء المنبر العام وللاسف يجذبهم اسم حزب الامه والصادق المهدى قبل الانقاذ ؟؟؟؟؟ياريت اعرف السبب
يابخارى الهم والعدو واحد....ولكن هنالك حمله تعجز الانقاذ عن القيام بها وللاسف ابطالها من يعتبرون انفسهم من معارضى الانقاذ |
انا ما سمعت الكلام لانه صاحب البوست الصديق محمد عادل عضو في
حزب الامة يبقي اللؤم علي محمد يا دودي مفروض يضبط العنوان والمادخلات
وكل الناس فهمت ما فهمته أنا ....
لا اخفي عليك انني احد الذين تجذبهم المواضيع المعنونة بأسم حزب الامة
والامام الصادق المهدي ولكن ليس بهدف تثبيط الهمم بل بسبب ان حزمة الامة
رقم يصعب تجاوزه في رسم خرط السياسة السودانية
وسلام
______________________________________________________
الحبيب والصديق محمد عادل أنا عاتب عليك عدم الدقة في ايراد الخبر
|
Post: #49
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: Zakaria Joseph
Date: 08-13-2012, 06:58 PM
Parent: #48
الإبن محمد عادل بتاع مشاكل جد.
|
Post: #50
Title: ^___________________________^
Author: lana mahdi
Date: 08-13-2012, 10:38 PM
Parent: #49
(:::::::::::::::(:
|
Post: #52
Title: Re: ^___________________________^
Author: قيقراوي
Date: 08-14-2012, 04:04 AM
Parent: #50
Quote: موش قالوا ليكم خطاب لفرعية الحزب
|
-------
انت يا ثروت ألما واضح في (شبابية) في (ثورة شبابية) شنو؟
الشين ول باء ول الألف ول الباء الاخيرة!؟
قطع شك بتعرف تعوم يا عمك؟
كلامك دا كلام زول ما راكب مع سيدنا (نوح) ..
وفي رواية مجيدة قيل راكب مع الامام في سرجاً ضيق!
|
Post: #53
Title: Re: ^___________________________^
Author: Albino Akoon Ibrahim Akoon
Date: 08-14-2012, 04:27 AM
Parent: #52
موضوع النقاش هنا بين الانصار والمختلفين معاهم بييذكرني بنكتة قالوا لي واحد عركي!!
قال لي او نفرين اتناقشوا, واحد واحد انصار مهدي والتاني زول الله ساي!!
وموضوع النقاش كان المهدية في الاطار الديني لا التاريخي!!
زول الله عايز يقنع الانصاري انو الامام المهدي شخصية تاريخية مش المهدي المنتظر حسب نصوص المصحف والسنة.
الكلام اغاص الانصاري لدرجة انو مرق سكينو وقال:
يالمهدي الخلقتني..
وكان نهاية النقاش..
اي واحد ما جزب امة يعمل حسابو والا!!!
|
Post: #54
Title: Re: ^___________________________^
Author: أسامة خلف الله مصطفى
Date: 08-14-2012, 05:10 AM
Parent: #53
الاخ محمد عادل
سلامى ورمصان كريم
لو أسعفت ذاكرتك ....
|
Post: #56
Title: Re: ^___________________________^
Author: Albino Akoon Ibrahim Akoon
Date: 08-14-2012, 09:07 AM
Parent: #54
محمد عادل!!!
لحس الكوع?
اسامة?
لحس كوع الكان ليه جمعة طلع مخترعو
محمد عادل?
ارسونا علي بر,ببركة رمضان!!
|
Post: #57
Title: Re: ^___________________________^
Author: حمزاوي
Date: 08-14-2012, 10:14 AM
Parent: #56
Quote: نشرت هذا في بوست آخر حول نفس الموضوع
الصادق لم يقل جيبو لي
بل يتكلم عن حشد المليون في ساحة الخليفة
والحشود في كل ساحات مدن السودان بصيغة المتكلم "نحن"
وليس صيغة المخاطب
وأدناه نص حديث الصادق من الفيديو من الدقيقة 6:20
"هنا مربط الفرس والوصية المهمة
ونحن عشان ما نعمل كان الولادة الطبيعية ولا القيصرية
دايرين نقول الشعب واقف وين
الشعب واقف وين دي نحن لازم نثبتها
ضروري جدا نحن نختار يوم - قريب مش بعيد -
عشان نوري اننا في العاصمة دي - الكلام القالو الأمير -
مليون على الأقل موجودين
يجوا في ساحة مسجد الخليفة عشان يسمعوا كلام عن مستقبل السودان
دا ببقى كيفن
دا ببقى بالتنظيم والعمل الدؤوب
انا عايز نحن نقرر اليوم ونقول دايرين دا
وحنعمل على أن نجمع الشعب في السوح العامة،
ساحات المولد في كل السودان
في يوم واحد
عشان الناس كلها تشوف: دا الشعب السوداني داير شنو
دا اقصر واقرب الطرق
نحن داير نظام جديد وحددنا معالمو"
كرر كلمة نحن 4 مرات عدا استخدام الضمير متصلا (ـنا)
يبدو أن معظم المتداخلين لم يسمعوا الخطاب
واكتفوا بالعنوان
وربما يريد البعض إقصاء حزب الأمة حتى وإن وقف في المقدمة
والإقصاء يهزم قضيتنا من أي طرف جاء ولأي طرف
وفعلا هذا خير ما قاله الإمام
وهو وحزب الأمة - مع بقية الأحزاب وقوى المعارضة -
قادرون على حشد ملايين تسد الأفق
والنصر الأكيد للشعب السوداني
وقوتنا في وحدتنا
أحزاب وشباب ونقابات حرة وأقاليم
الباقر موسى |
استاذي وكاتبي المفضل في هذا المنتدى الباقر موسى
مسكاقمي
لله درك
ولا فض فوك
كنت اتمنى من الجميع التأني وقراءة وسماع ما قاله السيد الامام الصادق المهدي
وبعد داك يكتبوا ما يشاءون
يا سادة يا كرام ... الصلاة فيها جهر وسر
وإذا ساء فعل المرء ساءت ظنونه
شكراً اخي العزيز الباقر موسى
وكل سنة وانت بخير
وتسلم البطن الجابتك
|
Post: #58
Title: Re: ^___________________________^
Author: Abdel Aati
Date: 08-14-2012, 01:02 PM
Parent: #57
لا يزال هذا الامام المزعوم المراوغ يخدع الاميين
ولا يزال الاميين ينخدعون له او يدعون الانخداع ويريدون خداع الاخرين..
قال جيبو لي مليون قال ..
اها الامام المهدي لمن اطلق ثورتو ؛ قعد في بيت ابوهو ودلدل كرعيهو وقال جيبو لي مليون مجاهد
ورسل اولادو يشتغلو مع الترك ؟؟
ولا حام الدنيا ونزل الغرب وارسل الرسائل وشال السيف وجيش الجيوش وطلع بيهم
ممن كانوا بضع عشرات حتى اصبحوا عشرات الالوف ؟؟
ليس اسؤا من الامام المزعوم المخاتل الا المراوغين والمبررين الصغار من الاميين .
|
Post: #60
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: rani
Date: 08-26-2012, 01:06 AM
Parent: #59
لنا مهدي حركتك بايخة
| Quote: ^___________________________^ |
|
Post: #61
Title: Re: الحبيب الامام الصادق المهدى نعاهدكم باننا سنجمع الملايين ونحنا جاه
Author: rani
Date: 08-26-2012, 01:17 AM
Parent: #60
Quote:
لا يزال هذا الامام المزعوم المراوغ يخدع الاميين
ولا يزال الاميين ينخدعون له او يدعون الانخداع ويريدون خداع الاخرين..
قال جيبو لي مليون قال ..
اها الامام المهدي لمن اطلق ثورتو ؛ قعد في بيت ابوهو ودلدل كرعيهو وقال جيبو لي مليون مجاهد
ورسل اولادو يشتغلو مع الترك ؟؟
ولا حام الدنيا ونزل الغرب وارسل الرسائل وشال السيف وجيش الجيوش وطلع بيهم
ممن كانوا بضع عشرات حتى اصبحوا عشرات الالوف ؟؟
ليس اسؤا من الامام المزعوم المخاتل الا المراوغين والمبررين الصغار من الاميين . |
|
|