Post: #1
Title: مع زين والعالم الشين يلدغ المرء من جحرها مرتين - قولوا اتنين
Author: أبوعبيدة محمد الأمين
Date: 08-12-2012, 10:19 AM
نواصل: سلسلة زين والعالم الشين في أكل أموال الناس بالباطل - قولوا اتنين
بعد تكرار عملية السطو على رصيدي من قبل شركة زين لم أبادر لإعادة شحن هاتفي مرة أخرى مخافة تكرار عملية السطو
نهار الجمعة راجعت رصيدي فوجدت أن هنالك رصيد جديد
من أين أتى؟ لا أعلم
من الذي حوله؟ لا أعلم
هل هو ذات الرصيد الذي سطت عليه زين وعالمها الشين؟ لا بل أقل منه بكثير
عصر الجمعة راجعت الرصيد مرة أخرى وكانت المفاجأة أنهم سحبوا ثلث الرصيد الذي أشرت إليه
صباح السبت تحدثت مع خدمات المشتركين:
واحد كده مسكين والله مامتذكر اسمه افادني أن مشكلتي بتاعة النت حلت وتم إرجاع الرصيد
قلت ليهو ياخي انا ماعندي مشكلة في النت إنما مشكلة سحب رصيد للمرة التانية من قبلكم
المهم الزول أظنه جديد ومازول طويلة اختصرني انه مشكلتي تم حلها
..... نواصل
|
Post: #2
Title: Re: سلسلة زين والعالم الشين في أكل أموال الناس بالباطل - قولوا اتنين
Author: أبوعبيدة محمد الأمين
Date: 08-12-2012, 10:52 AM
Parent: #1
سلسلة زين والعالم الشين في أكل أموال الناس بالباطل - قولوا اتنين
عاودت الإتصال بخدمات المشتركين:
مرحباً مصعب معاك ممكن نتعرف عليك
فلان
أهلا ممكن توضح لينا مشكلتك شنو عشان نقدر نساعدك
أنا عاوز أدون بلاغ بتاع سحب رصيد للمرة التانية من قبلكم
المشكلة بتاعتك انحلت يا أستاذ - أكتر كلمة مستهلكة عند ناس زين أصحاب اللطف المصطنع-
ما انحلت
طيب قول لي مشكلتك شنو عشان ارفعا للجهة المختصة انا مابدون بلاغات
ياخي مشكلة عندكم مدونة في البورض القدامك ده
لا لازم تحكي لي المشكلة عشان اقدر اساعدك
ياخي انا عندي مشكلة سحب رصيد للمرة التانية من قبلكم
ولقيت في رصيد عندي ماعارف جاء من وين؟ وهو دون رصيدي الذي سحبتموه
إنت ماعندك مشكلة ظاهرة هنا في البورض القدامي ده
أنا ماعندي ثقة في البورض بتاعكم ده وإنتو ناس عندكم خلل ومشكلة في السستم بتاعكم
أبداً ماغندنا أي خلل ولا مشكلة
عندكم بدليل إنكم خصمتوا مني رصيد مرتين بدون وجه حق
عموماً مشكلتك إتحلت ومابقدر أعمل ليك حاجة
لا ترفع لي بلاغ للجهة المختصة
مابرفع انت ماعندك اي مشكلة يازول - قرب يقول لي ياحيوان إنت مابتفهم
جدال كثير وفارغة من مصعب بتاعكم ده ياناس زين
وكل مرة يلطعني في الإنتظار ويجي بنفس اسطوانته المشروخة:
مشكلتك إنحلت يا حيوان- غايتو بقيت استاذ دي أسمعا ياحيوان من الطريقة التي يتعامل بها هذا المصعب المصعب الأمور خاااااالص
ما إنحلت
إنحلت
ياخ ده جدل بيزنطي وأنا لو انحلت ما كان ياخي بتكلم فممكن تدون لي بلاغ او ترفع مشكلتي للجهة المختصة؟
لا ماممكن
ليه لأنه مشكلتك إنحلت
ياخ انحلت كيف إذا لا في حد اتصل من قبلكم ولا الرصيد القلتوا رجعتوهوا لي ده ياهو نفس الرصيد السحبتوهو أول ثم إنكم بعد داك سحبتوا منو رصيد للمرة الثالثة
لا ماعندك مشكلة انت (وإنت زول حيوان ومتلقي حجج بس - دي الفكرة الوصلت لي من كلام سيد مصعب)
طيب ياخي لو سمحت إسمك مصعب منو؟
اسمي مصعب
مصعب منو؟
مصعب
غايتو بعد ملاواة شدييييييييييييدة
إسمي مصعب عبدالعظيم
طيب شكراً يامصعب يا وجه زين الحقيقي
... ونواصل
|
Post: #3
Title: Re: سلسلة زين والعالم الشين في أكل أموال الناس بالباطل - قولوا اتنين
Author: أبوعبيدة محمد الأمين
Date: 08-12-2012, 11:16 AM
Parent: #2
قيل شوية جاتني رسالة انه مشكلتي انحلت
|
Post: #5
Title: Re: سلسلة زين والعالم الشين في أكل أموال الناس بالباطل - قولوا اتنين
Author: محمد المسلمي
Date: 08-12-2012, 01:20 PM
Parent: #4
كيف يتم التحويل
|
Post: #6
Title: Re: سلسلة زين والعالم الشين في أكل أموال الناس بالباطل - قولوا اتنين
Author: أبوعبيدة محمد الأمين
Date: 08-13-2012, 09:18 AM
Parent: #5
الأخ|/محمد المسلمي
ربنا يتقبل صالح الأعمال
ديل مابحولوا ياحبيب بل بقلعوا حق المساكين عدييييل كده
والعيد قرب وماعارفين ناس العالم الشين مجهزين شنو للمساكين؟
غايتو الله كريم ورؤوف بعياده
|
|