Post: #1 Title: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 01:18 AM Parent: #0
مرة نمر ومرة أسد ومرة دهب ومرة فضة ..ركزي شوييييية في موضوع الأزياء ده وما تهملييو ..إنتي زولة فناااانة وانا معاك راس مال الفنان حنجرتو عندك صوت أبو الرااااايقة زااااااااتو ومقعععععد..بس كملي المشهد بي شوية إنتباه لي موضوع اللبس ده ..إنتي ملكة جيلك يا سميرة وفيك نفس من حاجات زمان ..
تخريمة : غايتو ماف زول بيفوتك إلا محمود تاور في قمصانو ..
Post: #2 Title: Re: سميرة دنيا ..بلوزاتك ما قااااسية لكن!! Author: خدر Date: 08-12-2012, 01:26 AM Parent: #1
شكلو دخل العضم :)
Post: #3 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 01:42 AM Parent: #2
Quote: شكلو دخل العضم :)
ليي الليلة بقا فيو 16 يوم ولا شنو؟
Post: #4 Title: Re: سميرة دنيا ..بلوزاتك ما قااااسية لكن!! Author: د. ياسر عبد القادر Date: 08-12-2012, 01:59 AM Parent: #3
عمر سلامات
يازول غمض عيونك و أسمع بس.....
أو...أنصحك بلبس نضارة لحام
صوت سميرة دا أفضل من كل بوتيكات المجموعة التانية
تحياتي
Post: #5 Title: Re: سميرة دنيا ..بلوزاتك ما قااااسية لكن!! Author: معروف حمدين Date: 08-12-2012, 02:44 AM Parent: #4
ودالفاروق أنت فى رمضان دا شغال أغاني أغاني بس قبام تهجد ( نــــهـييييييي )
Post: #6 Title: Re: سميرة دنيا ..بلوزاتك ما قااااسية لكن!! Author: Rawia Date: 08-12-2012, 06:36 AM Parent: #5
عليك الله أختى لي سميرة دي محمد الامين وقلنا معليش ويستاهل هو البيجيبو في سكتك شنو؟
_______ إن شاء الله تقد خيشة وتلبسها خليها ماتسألها ياخ تلاتة ارباع الشعب السوداني بيخرمج في اللبس جات عليها هي بس تلاتة ارباع شنو؟ كل الشعب السوداني
Post: #7 Title: Re: سميرة دنيا ..بلوزاتك ما قااااسية لكن!! Author: حبيب نورة Date: 08-12-2012, 06:52 AM Parent: #6
غايتو شناف السنين
يا راجل انت مالك؟؟
ــــــــــــــ
راوية يعني عشان انتي في العالم الأول شايفة إنو كل السودانيين ما بعرفوا يلبسوا ؟
حكمة الله
ألبس ما يعجبك وإنشاء الله تاكل السّم
Post: #8 Title: Re: سميرة دنيا ..بلوزاتك ما قااااسية لكن!! Author: maia Date: 08-12-2012, 07:03 AM Parent: #7
عمر الفاروق
اسمعها وخليك من تلبس نمر ، تلبس غزالة
خليها ياخي في اواخر رمضان ده :)
زي ما قالت راوية الشتارة في شنو ما في حسه لو اتأنقت ولبست تجوا تطلعوا فيها (عبر) الدنيا برضو والشنو ما كان ماتشنق مع الشنو
عليك باغنية يا جميل يا مدلل كفارة شوف
Post: #9 Title: Re: سميرة دنيا ..بلوزاتك ما قااااسية لكن!! Author: Rawia Date: 08-12-2012, 07:08 AM Parent: #7
ياشين القال ليك منو أنا مطلعة روحي برة منهم النبي فهمتها في ياتو سطر من كلامي؟؟ بالامارة أنا الليلة لقيت روحي لابسة بلوزة بنية وبنطلون كاروهات ناعمة أسود فـ ابيض والشوز دهبية. ما أظن في خرمجة اكتر من كدا
Post: #10 Title: Re: سميرة دنيا ..بلوزاتك ما قااااسية لكن!! Author: ريهان الريح الشاذلي Date: 08-12-2012, 08:03 AM Parent: #6
سلامات عمر لا ياخي سميرة دي طبيعية ياخ وبتلبس كما المفروض ..من قمنا لقينا الفنانين زي (العروس) لازم يكونو مميزين وبتذكر زمان عبدالعزيز المبارك والبدلات بتاعتو البتلمع ديك والببيونة البلبسها بالالوان الزاهية ولمن كمان يجيك وردي وشعرو يقول يا ليل .. هسة فنانين الزمن ده الواحد ما تفرزو من ام العروس الا بالمايك ...
لا وبتتعامل بشكل تلقائي (اقصد سميرة) .. .. هسة امبارح نفضة يدها في ياسر تمتام دي مش تلقائية .. دي قربت تدنقر تفنو بالشبشب ياخ
Post: #11 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 08:56 AM Parent: #10
دكتورنا أبو اليسر...:
Quote: صوت سميرة دا أفضل من كل بوتيكات المجموعة التانية
وهو إنت قايل المجموعة التانية بتعرف تلبس؟؟ تراها سميرة دنيا بي حقها وصوتها زي ما قلت يغني عن التركيز في اللبس لكن ديلك يا كافي البلا لا صوت لا لبس الواحدة فيهم بتجي لابسة زي 47 قطعة انا لمممن بشيل ليهم هم ..
حمدين يا معروف :
Quote: ودالفاروق أنت فى رمضان دا شغال أغاني أغاني بس قبام تهجد ( نــــهـييييييي )
ياخ هو رمضان فيييي روحو انا قدرو؟؟ ود بتييين انا ؟
Post: #12 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 08:59 AM Parent: #11
رايـــــــــــــــــــــــــــــــوة: يعني بس حقارتك فينا نحن الرجال تشنفينا في هدومنا؟؟ مش قاعدة تقولي الرجال السودانيين بيبشتنو روحهم وما بيشككو القميص مع البنطلون؟:):) سميرة دنيا غنااااية وغناها مقعععد .. بالمناسبة قصة السودانيين ما بيعرفو يلبسو دي كانت زمان ..والله أسة يا رايوة ظهر جيل ما بتفرز فيهو عماد من إعتماد ..
Post: #13 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 09:03 AM Parent: #12
نورة وحبيييبا :
Quote: غايتو شناف السنين
يا راجل انت مالك؟؟
أسة الله بيسألك يا يس دحين نورة دي لو جاتك لابسة بلوزة نمر بتخليها؟؟ والله إلا يكون الأخ ماوكلي :):)
Post: #15 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 09:07 AM Parent: #13
يا مااايا :
Quote: حسه لو اتأنقت ولبست تجوا تطلعوا فيها (عبر) الدنيا برضو والشنو ما كان ماتشنق مع الشنو
سميرة غنااااايااااا والله ماف كلام ..وحتة قصة التأنق دي انا ما قاصد بيها تلبس اللبس المزعج داك أو تباري قصة الموضة بتاعت حركات ندى القلعة وحرم النور ديك.. يا زولة جميل يا مدلل شنو ..الزولة دي انا عندي ليها تسجيلات حفلات شي موباااالغة ..
Post: #17 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 09:15 AM Parent: #15
رييييييهووووو: ياخ رمضان كبيير :) ووينك يا دفعة ..:)
Quote: لا ياخي سميرة دي طبيعية ياخ وبتلبس كما المفروض ..من قمنا لقينا الفنانين زي (العروس) لازم يكونو مميزين وبتذكر زمان عبدالعزيز المبارك والبدلات بتاعتو البتلمع ديك والببيونة البلبسها بالالوان الزاهية ولمن كمان يجيك وردي وشعرو يقول يا ليل .. هسة فنانين الزمن ده الواحد ما تفرزو من ام العروس الا بالمايك ...
لا وبتتعامل بشكل تلقائي (اقصد سميرة) .. .. هسة امبارح نفضة يدها في ياسر تمتام دي مش تلقائية .. دي قربت تدنقر تفنو بالشبشب ياخ
ياخ والله مداخلتك مريييحة ..أكضب ؟؟؟ بعدين عندها حركة كده برييئة وهي قاعدة بتقوم بي طرف السبابة وفيهو الضفر الطويل داك بتحك في التوب وهي منزلا عيونا تحت بتديني إحساس إنها قاعدة ليها في سرير وفي زول في السرير القصادا وبيقول ليها في كلامات جكس كده من نوع يا سميرة لما شفتك عيوني شنو وإضنيني ما بعرفو ليك شنو دييك :):)
Post: #16 Title: Re: سميرة دنيا ..بلوزاتك ما قااااسية لكن!! Author: الخير محمد عوض Date: 08-12-2012, 09:14 AM Parent: #11
سميرة دي انا متاكد بتقرأ سودانيز اون لاين لانو متذكر اول ما جات برنامج اغاني واغاني دا كانت زولة جااااااامدة ومافي اي تعابير في وشها لا فرح لا غضب لا استياء لا قبول لا بتتحرك لا بتبشر لا بتبتسم ما بتعمل اييييييي شي بوري انها منفعلة مع قصة الغنادي.... قامو فطاحلة المحللاتية وقتئذ بتوجيه سياط النقد الموجعة جدا لها وما هي الا حلقات بسيطة ورأيناها تبتسم في وجه الكاميرا ثم تضحك ثم تبشر ثم تشاغب ثم ثم ثم وبقى طعم الغني منها طالع سممممممح وهي لا شك سلطانة وبتسلط الغنا وبتقعدو في علبو برواقة مرييييحة جدا وزولة حافظة كتير جدا من الغنا وجد سميرة صوت نادر جدا فدحين نقدنا ليها ما لشي الا لاننا بنحبها وبنحب نشوفها سمحة عشان مسألة حبنا لها تكون صورة وصوت واظن هذا ما رمى اليه اخونا ود الفاروق.
----------------------------------------------------- شريف الفحيل زمان ما كان لبيس لكن صوتو كان سمح هسي بقى سمح لكن صوتو بقى زي لبسو زمان سميرة كان عملت الحركة دي غايتو تكون بالغت فينا .... اها كيف ليكم
Post: #14 Title: Re: سميرة دنيا ..بلوزاتك ما قااااسية لكن!! Author: عاطف عمر Date: 08-12-2012, 09:05 AM Parent: #1
Quote: عليك الله أختى لي سميرة دي محمد الامين وقلنا معليش ويستاهل هو البيجيبو في سكتك شنو؟
_______ إن شاء الله تقد خيشة وتلبسها خليها ماتسألها ياخ تلاتة ارباع الشعب السوداني بيخرمج في اللبس جات عليها هي بس تلاتة ارباع شنو؟ كل الشعب السوداني
عمر دا صاحبي وأنا بعرفو بعد شوية ح يجيك لى شريف الفحيل غايتو اليوم داك شباشبك كلها ما ح تكفيهو
Post: #18 Title: Re: سميرة دنيا ..بلوزاتك ما قااااسية لكن!! Author: وضاحة Date: 08-12-2012, 09:21 AM Parent: #14
غايتوا يا عمر انا نفسي اشوف لى رجل سودانى كاشخ
اصلوا السودانيين ما بعرفوا يلبسوا وينسقوا الالوان
والرجال جنهم قمصان مسطرة ويفكوها برة البنطلون
دا من شنو ؟؟؟
Post: #19 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 09:22 AM Parent: #14
الخير يا عوض : يا أخوي إنت من زمان مدفون وييين مخليني مباري ناس حميدة وناس ناذر الخليفة ووليد الشفت
Post: #20 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 09:24 AM Parent: #19
يا عاطف : أسة عليك الله شريف ده عايز ليهو شباشب؟؟انا عندي إحساس شريف ده لو عندهم عرس في البيت ممكن يجيب طه شوفت انا جننني وجن الزول الصوتو فيهو رجفة ..عشان كده مننن ما الود ده طلع انا ما مقتنع بيهو..
Post: #21 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 09:38 AM Parent: #20
وضاحة المحيا :
Quote: غايتوا يا عمر انا نفسي اشوف لى رجل سودانى كاشخ
اصلوا السودانيين ما بعرفوا يلبسوا وينسقوا الالوان
والرجال جنهم قمصان مسطرة ويفكوها برة البنطلون
دا من شنو ؟؟
وأهممم شي لون التسطيرة لااازم يكون لون البنطلون غايتو انا النصيييحة زمان قبل الكرشة كنت بكشخ ..لكن أسة يا اختي كرشة وكشخة ما بيتلموا والله يا وضاحة يا اختي الواحد فينا من شدة كرشو ما كبرت لممن بقينا عاملين زي المديهو حريتو ..* ..
______________________ * أدي حريتو مصطلح في البلي زمان لمن الضراب بتاعك يضرب في جسم لاعب بتقوم تشيلو وتمسك طرفين قميصك وتمده لي قداااام كده عشان تقدر ترمي الضراب لي أبعد مسافة
Post: #22 Title: Re: سميرة دنيا ..بلوزاتك ما قااااسية لكن!! Author: Zomrawi Alweli Date: 08-12-2012, 09:43 AM Parent: #20
سميرة دنيا لو فتحت عيونها اثماء الغناء لكفتنا جمالا ولكنها تغني وعيونها النعسانة فتاكة فتانة
Post: #23 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 09:51 AM Parent: #22
يا زمراوي: سميرة دي عندها صوت فتتتاااك ولمن تغني الغنا الرايق بتسوقك هناااااك :) أها في قصة العيون دي برضو عندها مشكلة..مرات بتخت ليها مكياج وظلال كده بتعرفهم براااااها ..
Post: #26 Title: Re: سميرة دنيا ..بلوزاتك ما قااااسية لكن!! Author: وضاحة Date: 08-12-2012, 09:59 AM Parent: #23
Quote: أها في قصة العيون دي برضو عندها مشكلة..مرات بتخت ليها مكياج وظلال كده بتعرفهم براااااها ..
غايتوا يا عمر ضحكت لما وقعت من الكرسي بتبالغ
اما بالنسبة للكرش لزوم الرياضة ياخى الرياضة مهم جدا وابعد من اكل النشويات
انا بخبر ليك الحكومة تفكك عكس الهواء
Post: #24 Title: Re: سميرة دنيا ..بلوزاتك ما قااااسية لكن!! Author: حمزاوي Date: 08-12-2012, 09:52 AM Parent: #22
وانت ليه تعاين وتطيل النظر في بلوزاتها والذي منو ناس عينه زايغة
Post: #25 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 09:59 AM Parent: #24
عمنا حمزاوي: نحن النظرة الأولى لك..بس بنديها جرررة طوييييلة
Post: #27 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 10:06 AM Parent: #25
وضاحة:
Quote: انا بخبر ليك الحكومة تفكك عكس الهواء
نصيييحة من خبير..أوووعك تفكي ليك زول عكس هواء لأنو كده بيجيك راجع .. لو عايز تفك فكو مع الهواء
Post: #28 Title: Re: سميرة دنيا ..بلوزاتك ما قااااسية لكن!! Author: Dr.Mohammed Ali Elmusharaf Date: 08-12-2012, 10:31 AM Parent: #27
Quote: أسة عليك الله شريف ده عايز ليهو شباشب؟؟انا عندي إحساس شريف ده لو عندهم عرس في البيت ممكن يجيب طه شوفت انا جننني وجن الزول الصوتو فيهو رجفة ..عشان كده مننن ما الود ده طلع انا ما مقتنع بيهو..
والله يا عمر راوية كان قرت الكلام ده بطلعك برة البلد
الا شريف ده معاها
Post: #29 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 10:36 AM Parent: #28
محمد علي يا مشرف: هي راوية بدون شريف مطلعاني برة البلد :).. اها إمكن أسة بعد هبشنا ليها شريف ده تدخلنا البلد تاني :)..
Post: #30 Title: Re: سميرة دنيا ..بلوزاتك ما قااااسية لكن!! Author: الخير محمد عوض Date: 08-12-2012, 10:42 AM Parent: #28
Quote: نحن النظرة الأولى لك..بس بنديها جرررة طوييييلة
لووووووووووووب علي قول دينا.... تعرف يا عمر القصة دي ذكرتني بقصة تانية حصلت لي مع صديق الزول كان بتاع مباهج ومسرات فجأأأأأة كدا قلب وبقى النوع البقول دا حرام ودا حرام وداك شنو المهم مرة انا وهو سايقين في رحلة طويييييلة استغرغت حوالي 23 ساعة من السواقة كنت انا راحل من ولاية لولاية تانية والمشوار طووووويل ... المهم انا بقيت بدور ليك فيهو وأسالو ليك من حاجات دينية صعبة كدا اها قمت من اسئلتي دي سألتو ليك يا فلان انت ما بتصافح النساء؟ صاحبنا فكر كداااا وقال لي براااااحة كدا... ( بصافح لكن بستغفر ) هههههههههههههههههه طبعا ما يقدر يكضب لانو الكضب حرام
Post: #31 Title: Re: سميرة دنيا ..بلوزاتك ما قااااسية لكن!! Author: طلحة عبدالله Date: 08-12-2012, 10:42 AM Parent: #27
عمر الفاروق يا زول مالك عايزني أغير رأيي فيك قبل كدا قلتا ليك إتا زول نجيض في النقد لأنو شايف فيك الموهبة دي لكن حكاية كل ما تلقي ليك نجم لافت أنظار الناس ومتألق تتعلق فيهو بالصاح والكضب فدي حركة ما جميلة منك ويتظهرك بمظهر المتهافت العايز يشتهر بس .. سميرة دنيا دي أكتر فنانة رايقة وأنيقة في أية حاجة الا لمن في عيونو حوص .. وبعدين تعال هنا دا .. هسع عليك الله لبس سميرة دنيا واللا الحوت محمود عبد العزيز يوم واحد ما شفتك قلت لابس وما لابس رغم أنو ربنا يديهو العافية أشتر من يلبس، فإشمعني يعني سميرة دنيا ؟؟؟؟؟ بطل حركات يا زول وما تبقي زي ناس عبد الباقي خالد عبيد وغيرو من المتشعلقين في النقد الفني وعايزين يشتهروا ديل.
Post: #33 Title: Re: سميرة دنيا ..بلوزاتك ما قااااسية لكن!! Author: الخير محمد عوض Date: 08-12-2012, 10:50 AM Parent: #31
Quote: الخير يا عوض : يا أخوي إنت من زمان مدفون وييين مخليني مباري ناس حميدة وناس ناذر الخليفة ووليد الشفت
انا فاضي من اللوتري ياخ..... ناس ابلة بظاظا اكلو لحمي بالموضوع دا.... هسي لو كانو خلوني من زمان في حالي كان حا تشوفو اشراقات عجيبة خلاص.
Post: #32 Title: Re: سميرة دنيا ..بلوزاتك ما قااااسية لكن!! Author: عفاف ابوكشوه Date: 08-12-2012, 10:43 AM Parent: #27
سلامات يا دكتور عمر ورمضان كريم وتحايا وود لكل المتداخلين كلنا بنحب سميرة دنيا غنايه ما في كلام ورايقه وما متضايقه وبتقعد الغنا وبرواقه وطبعا يا جميل يا مدلل دي ما بغنوه اتين زيها والحقيبه والسيرة والتمتم وعثمان حسين يا الله عليها منتهي الابداع سمور دي صاحبة الحنجرة الذهبية ولو ما لبست دهب ناهيك عن البلوزات تكفي حنجرتها الذهبية وبريقها يلمع ويغطي فضاءات الابداع نحن نحبها هكذا ونحب تلك البساطه والاريحية ولا سرا نحن مجموعة من الاعلاميات والناشطات نقيم حفلات نسائية بحته كل فترة وأخري تحيها الفنانه المبدعه الخلاقه سميرة دنيا ونستمتع بها وبمصاحبة الفنان العواد الرائع عوض احمودي فيا لها من حفلات ترد الروح وتجدد الشباب وتعمل حيوية كبيرة وتنثر الفرح الخرافي بيننا لنستعد الي طاحونة العمل المضني ومواجهة الضغوط الاجتماعية والسياسية والاقتصادية بالجد سميرة دنيا دائما تجمل دواخلنا بصوتها العذب الطروب وتجدد نشاطنا وحيويتنا وربنا يديها العافية ويديك انت وضيوفك كمن العافية لكن الملاحظه موضوعية وجديرة بالاهتمام وانا من جانبي ساقوم باللازم وأناقة الفنان مكملة لشخصيته ... والمهم في الامر كله الغناء والطرب الاصيل والحنجرة المميزة وسنحافظ عليها ...لانها كنز ثمين ز مودتي وتقديري وشكرا ولي عودة
Post: #34 Title: Re: سميرة دنيا ..بلوزاتك ما قااااسية لكن!! Author: محمد البشرى الخضر Date: 08-12-2012, 11:25 AM Parent: #32
Quote: سميرة دي انا متاكد بتقرأ سودانيز اون لاين لانو متذكر اول ما جات برنامج اغاني واغاني دا كانت زولة جااااااامدة ومافي اي تعابير في وشها لا فرح لا غضب لا استياء لا قبول لا بتتحرك لا بتبشر لا بتبتسم ما بتعمل اييييييي شي بوري انها منفعلة مع قصة الغنادي.... قامو فطاحلة المحللاتية وقتئذ بتوجيه سياط النقد الموجعة جدا لها وما هي الا حلقات بسيطة ورأيناها تبتسم في وجه الكاميرا
علي اليمين يا الخير بالغت اكتر من بتاع شبكة رصد الحلقات كلها مسجلة و امرها مقضي قبل بثها في رمضان بي كم وكمين لكن بيني وبينك زي ما قلت المحللاتية فطاحلة بكونوا وجهوا سياط النقد ليها قبل ما يشوفوا الحلقات بس ما عارفها هي قرت النقد كيف و غيرت في التسجيل :)
يا ودالفاروق شنو انت السمستر ميجرك تربية فنية بس ولا شنو هلال مريخ باقي ليها تلاتة اربعة يوم !!
Post: #35 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 11:27 AM Parent: #32
طلحة يا عبد الله :
Quote: وبعدين تعال هنا دا .. هسع عليك الله لبس سميرة دنيا واللا الحوت محمود عبد العزيز يوم واحد ما شفتك قلت لابس وما لابس رغم أنو ربنا يديهو العافية أشتر من يلبس، فإشمعني يعني سميرة دنيا ؟؟؟؟؟
والله ما قلت إلا الحق ..محمود زاااتو عندو امشكلة دي..إمكن ما جبتسيرة محمود لأنو السنة دي ربنا يديهو الصحة والعافية هو غائب عن الساحة الإعلامية .. يا طلحة صدقني ما بحث عن شهرة ..وهو يشتهروا فوووق كم والبيشهرني منو؟؟؟ ولييي زاااتو أشتهر؟؟؟ سودانيز ده قزقزة وونسة والله ما أكتر بجي احنك فيهو واقول نضمي والمفيد يشيلوهو والما مفيد يخلوهو (عااارف كلللو بيخلوهو :) ..) سميرة دنيا دي دنيا بي حق وحقيقي وصوتا مرييح للأعصاب وانا لو دكتور فعااادي ممكن أكتب لي الزول في الروشتة يسمع سميرة .. ليي كم حلقة ده فعلاً إنزعجت من قصة لبس سميرة دنيا ..القصة ما في البساطة أو اللبس الصارخ .القصة فيي اللبس البسيط البنقولوا ده.. هو اللبس البسيط ده تعريفو شنو؟؟ اانا ما طالب من سميرة دنيا تجاري الموضة والهشتكة والبشتكة وما ادراك ما الحنة والرسم ..أبدددداً .. انا عايز سميرة تكمل الطقم وتبقى نموذج لي فنان مكتمل يهتم بي ظهوره لي جمهوره و محبيه..
Post: #38 Title: Re: سميرة دنيا ..بلوزاتك ما قااااسية لكن!! Author: كمال ادريس Date: 08-12-2012, 12:02 PM Parent: #35
Quote: * أدي حريتو مصطلح في البلي زمان لمن الضراب بتاعك يضرب في جسم لاعب بتقوم تشيلو وتمسك طرفين قميصك وتمده لي قداااام كده عشان تقدر ترمي الضراب لي أبعد مسافة
لا حولا ياعمر .. اتاريك دفعة بالله ..ياخ بوست متعة مع الصيام
زمااااااان لمن كان الجنيه جنيه .. آخر خمسة جنيه في بيت العزابة (شنكل) مشى اشترى لينا بيها شريط سميرة دنيا .. وبتنا القوى برا عشاء والله صحي
يا ريهان الجاطو فيو ما تمتام .. دا فرفور ياخ
Post: #36 Title: Re: سميرة دنيا ..بلوزاتك ما قااااسية لكن!! Author: ياسر السر Date: 08-12-2012, 11:41 AM Parent: #32
عمر الفاروووووووووق رمضان كريم عليك ياخ وينك والله مشتااقون زي ما قال البروف عثمان مصطفى ,, غايتو يا عمر البيقع في ايدك بتنجمو نجام قبورة ,,, لكن فعلا سميرة دنيا دي سلطانة الغناء بدون منازع اما مسالة اللبس دي غايتو تحت تحت كده انا معاك في رايك بس ما تكلم زول لوووووووولز ، غايتو يا عمر لو المعهد قفل عندي ليك وظيفة جااااهزة في صحيفة فنية مغمورة ( ما تزعل بس عايزنك ترفع اسهم الصحيفة ) لووووووووووووولين ..
تحياتي : ياسر العيلفون
Post: #37 Title: Re: سميرة دنيا ..بلوزاتك ما قااااسية لكن!! Author: Elmosley Date: 08-12-2012, 11:48 AM Parent: #1
Quote: سميرة دنيا دي أكتر فنانة رايقة وأنيقة في أية حاجة الا لمن في عيونو حوص ..
بعد نانسي عجاج طبعا .. ................ يا أبوعمير بساطة سميرة دنيا بتخليها أنيقة وهي زي ما اتا عارف بسيطة خالص.
Post: #42 Title: Re: سميرة دنيا ..بلوزاتك ما قااااسية لكن!! Author: الخير محمد عوض Date: 08-12-2012, 12:30 PM Parent: #40
Quote: علي اليمين يا الخير بالغت اكتر من بتاع شبكة رصد
هههههههه تعرف يا ود البشرى انا كنت متأكد من انو ( وما هي الا حلقات ) دي حا تجيب لي الهوا لكن اتوسمت في زنقة رمضان دي خير وقلت اشوتها كدا ... الجماعة مع دخول رمضان في العضم الحي دا ما بشوفوها هههههههههه.... طبعا انا قاصد يا ود البشري (وما هو الا موسم واحد فقط) وبعد دا باقي الكلام, لكن اهو جات كدا نعمل ايه, اهو رمضان واهي عشرة اواخرو
تحياتي ليك يا حبوب وصيام وقيام مقبولين باذن الله
Post: #44 Title: Re: سميرة دنيا ..بلوزاتك ما قااااسية لكن!! Author: اسعد صلاح البدري Date: 08-12-2012, 12:35 PM Parent: #40
عمك زاتو قاصد يجيبها مع العزابة
بالتوفيق لراديو مزيكا
Post: #45 Title: Re: سميرة دنيا ..بلوزاتك ما قااااسية لكن!! Author: عمران حسن صالح Date: 08-12-2012, 12:40 PM Parent: #44
Post: #41 Title: Re: سميرة دنيا ..بلوزاتك ما قااااسية لكن!! Author: محمد زكريا Date: 08-12-2012, 12:30 PM Parent: #37
Post: #43 Title: Re: سميرة دنيا ..بلوزاتك ما قااااسية لكن!! Author: وليد عبد اللطيف Date: 08-12-2012, 12:34 PM Parent: #37
Quote: غايتوا يا عمر انا نفسي اشوف لى رجل سودانى كاشخ
اصلوا السودانيين ما بعرفوا يلبسوا وينسقوا الالوان
والرجال جنهم قمصان مسطرة ويفكوها برة البنطلون
دا من شنو
ياجماعة اللبس دا مرتبط ارتباط شديد بالفنان يعني مفروض اي زول قريب للفنان يديهو راسو ولا شنو ياعمر الفاروق احكي ليك شويه مره الجماعه قالو لي الفنان خضر بشير انت ليه فنيلتك ######انه قال ليهم انتو عايزين فني ولا فنلتي . . وضاحه الشتاره البتقوليها دي تصدقي بتظهر عند المغتربين لبعدهم عن الموضه واخر الالوان اما قصة القمصان المسطره مفروض الناس تنظر ليها نظره دقيقة لانها تغير من مستوى طول الشخص وشكله يعني لو سمين ماتلبس مخطط بالعرض ولو طويل طول شاذ ماتلبس مسطر بالطول لكن السودانيين بصوره عامه انيقين من زمان حتى في اللبس البلدي عمة ترباس وعمه ود الجيل وبدل ابراهيم عوض وتسريحة ابراهيم عوض وترتر سميره دنيا . . عمر الفاروق دائما ما محظوظ معاي لان مابقدر احول ليك الشريط الى يو تيوب هسه هنا في شريط لسميره دنيا حفله في مصر زمن شباب اخر اناقه وشايله منديل يازول تقول ام كلثوم بس واخر كشف يشهد الله ياعمر الفاروق سميره دي عندها صوت يصحى الناس الفي القبور لكن هسه ماعارف غناها بقى كيف كيف ولبسها كيف كيف ياخي دي مره ظهرت في التلفزيون عامله حاجه في العيون انا قلت ياربي كانت في شكله وزول ضربها في عينها ولا شنو انا بفتكرالفنان وهو ماشي التلفزيون مفروض يشوف ليهو لبيس صراحه مرات بجهرونا بلبسهم في التلفزيون مابنعرف نركز في السمع بجهجهو باكاتنا . . استاذ الموصلي تشكر على الصوره الجميله للفنان الزري ابراهيم عوض
Post: #46 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 12:57 PM Parent: #43
الخير يا عوض: ياخ بي مناسبة اللوتري دي عايز أجي أمريكا عمرة :).. ذكرتني بي قصتك دي صاحبنا في الثانوي الأستاذ ضبتو بيأشر إشارات ما أخلاقية ناداهو في المكتب وزررررزرو زرزرة سنيينك ..أها الولد إعترف بي عملتو وقال ليهو : آآآي يا أستاذ والله انا عملت الحركة دي لكن والله انا ودددد ناااااااااااس ومؤدب
Post: #48 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 01:12 PM Parent: #46
العفاف ابو كشوة :
Quote: يا دكتور عمر
سجمممنا والباااص هجمممنا ..دكتور شنو ياخ
Quote: ولا سرا نحن مجموعة من الاعلاميات والناشطات نقيم حفلات نسائية بحته
Quote: ونستمتع بها وبمصاحبة الفنان العواد الرائع عوض احمودي
غايتو ذكرتيني النكتة بتاعت الراجل الأعمى الدق الباب والمرا كانت بتستحم ..كورتك منو الفي الباب..قال ليها انا عم حسن ..أها لمن إتذكرت إنو هو ما بيشوف قامت مننن دربا داك مشت فتحت ليهو الباب.. أها قال ليها يا بتي لمن يجي راجلك قولي ليهو عم حسن جاي يعزمك الكرامة بتاعتو لأنو فتتح.. اها دحين قصة نسائية بحتتتة وفيها عوض أحمودي دي ما تضمنيها شديد
Post: #49 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 01:14 PM Parent: #48
يا ود البشرى
Quote: يا ودالفاروق شنو انت السمستر ميجرك تربية فنية بس ولا شنو هلال مريخ باقي ليها تلاتة اربعة يوم !!
ده الKPI حقي يا عمك
وهو شييتن بيخليني أبرطم كده غير هلال مريخ القربت دي شنو ؟
Post: #50 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 01:16 PM Parent: #49
كيمو يا كيمو :
Quote: لا حولا ياعمر .. اتاريك دفعة بالله ..
بالله انت طلعت من مواليد التمنينات؟
Post: #51 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 01:17 PM Parent: #50
قيـــقراوي: والله ما فضل ليك إلا تقول ليهم وبيجيبوهو الساعة 11 في قناة إم بي سي
Post: #47 Title: Re: سميرة دنيا ..بلوزاتك ما قااااسية لكن!! Author: محمد زكريا Date: 08-12-2012, 12:57 PM Parent: #43
Quote: بعد نانسي عجاج طبعا ..
يا رااااااجل شن علّم الجنزبيل
=========== اقصد يا طلحة
Post: #53 Title: Re: سميرة دنيا ..بلوزاتك ما قااااسية لكن!! Author: الحاج حمد الحاج Date: 08-12-2012, 01:30 PM Parent: #47
التاجر الرباطابي جاهو زبون اشترى اسكيرت و بلوزة ، و بعد داك الزبون سأل التاجر : البلوزة دي ماشة مع الاسكيرت ، الرباطابي رد عليهو: هو الاسكيرت ماشي وين؟ سميرة دي اسمعوها و استمتعوا بغناها صاح ح تشوفوها احسن واحدة لابسة!!!
Quote: وليد عبد اللطيف لكن السودانيين بصوره عامه انيقين من زمان حتى في اللبس البلدي
يا وليد ما لقونى الشفتهم كلهم بلبسوا اى شى وخلاص
السودانين ما بهتموا بالبس
انا زرت اكتر من 18 دولة عربية واوربية
حتى فى المطار بكونوا ظاهرييين مبشتنين
هاك شوف المخطط بتلبس معه ايه
Post: #52 Title: Re: سميرة دنيا ..بلوزاتك ما قااااسية لكن!! Author: محمد عبدالرحمن Date: 08-12-2012, 01:21 PM Parent: #37
عفيت من استاذ الموصلى خلاهو يقابض فى بلوزة سميرة دنيا ..
Post: #54 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 01:39 PM Parent: #52
ياسر يا عليفون: يا زول جريدتكم دي لو عايزين تقفلوها من دغشاً بدددري فبالله أدوني فيها فرقة ..
يا سلام يا موصلي على الفنان الأنيق .عارف يا موصلي قبل فترة جابو الراحل ابراهيم عوض في أغنية بديعة ..وكعادتي عملت تسجيل بالموبايل للأغنية ..أها بعد ما جيت أسمع وأشوف التسجيل طلع كيف لقيت ليك صوتي مسججل وبدون ما أشعر انا قاعد أقول يا سلااااااااام يا أنييييق ياااا ..غايتو التسجيل باااظ :):):)
Post: #55 Title: Re: سميرة دنيا ..بلوزاتك ما قااااسية لكن!! Author: محمد زكريا Date: 08-12-2012, 02:03 PM Parent: #54
Quote: يا عاطف : أسة عليك الله شريف ده عايز ليهو شباشب؟؟انا عندي إحساس شريف ده لو عندهم عرس في البيت ممكن يجيب طه شوفت انا جننني وجن الزول الصوتو فيهو رجفة ..عشان كده مننن ما الود ده طلع انا ما مقتنع بيهو..
يا جماعه ابعدو لينا من (الخدره الدقاقه)
Post: #59 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 05:12 PM Parent: #58
Quote: عفيت من استاذ الموصلى خلاهو يقابض فى بلوزة سميرة دنيا ..
يا جماعة كدي عن إذنكم أرد على الزول الشفقان زي طـــراش المريسة ده ..قال إتجاهلتو وما رديت عليهو ..مع إنو لسة كبتو ما جات ..
محمد عبدالرحمن..أها أسة جيت أرد عليك ما لقيت حاجة زاااتو تترد
Post: #60 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 05:20 PM Parent: #59
يا طلحة :
Quote: يا أبوعمير بساطة سميرة دنيا بتخليها أنيقة وهي زي ما اتا عارف بسيطة خالص.
هي المشكلة ما في بساطتها بالعكس سميرة دنيا بتلبس هدوم مزركشة وملممعة وجايطة ..البعرفو عن البساطة إنو أقلاه يكون حاجة مرتبة ..ومتناسقة..مش؟ مرات ذوق الفنان عندو أثر في القصة ولو ماف زول نبهو على القصة دي ما بيشتغل بيها ..انا متأكد سميرة دنيا عنده الإمكانيات البتخليها تلبس اللبس لمرتب ومتناسق المشكلة كلها مشكلة لفت نظر وتنبيه ..
أسعد وعمرات .. لاقين البلد خلاااا ء تمممسحو وتعددلو ..قريت كلامكم الأول عموما ..:)
محمد يا زكريا : تفلق وتداوي ..تسأل من الصور وتجييبا ..شكراً ياخ لتأكيد المقصود بالدليل ..:)
Post: #61 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 06:52 PM Parent: #60
وليد العبد اللطيف ..
Quote: عمر الفاروق دائما ما محظوظ معاي لان مابقدر احول ليك الشريط الى يو تيوب هسه هنا في شريط لسميره دنيا حفله في مصر زمن شباب اخر اناقه وشايله منديل يازول تقول ام كلثوم
أسة علييك الله أبعد اليوتيوب ولا الرياض؟؟ ياخ مالك ومال اليوتيوب الفييي أمريكا دااااك..شووت الشرايط دي مع اقرب نقل جماعي وبالعدم شوف أييي زول جاي عمرة ومن هناك قرر يجووط الشغلانة في جدة ومنها جاي الرياض ..:) ما بتغلب يا وليد ما بتغلب ..رسل رسل دي شرايط بي المجان..:)
Post: #62 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 06:57 PM Parent: #61
الحاج يا ود الحاج.. تشكرات كتارات على المرور يا حبوب..
يا أيمن يا دياب: قالوا الشناف ربّا عيالو ..
خضر يا طييب: فعلاً سميرة دنيا عندها جمود وبرووود كده عجيبيين ..مرات لمممن تشك إنو الصوت ده طالع من الزولة دي ..بس مرات جمودا ده سمح النصيييحة ..الخفة كتلت أم تفة والتقلة صنعة زي ما بيقولوا :)
Post: #63 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 06:59 PM Parent: #62
أنا والله هيبتي عاوزة ليها إعادة صياغة في البورد دا عادي يجيبو سيرة شريف وأنا قاعدة
لكن تعرف...؟ يومداك تمبس جاب سيرتو وحياة الغايب الابالليل أدوهو حقنة .. ومن يومداك بطنو ماشة فبالله أبعدوا من لعب النار دا مابتقدروا عليهو وشريف يعلم الله وشو صباح خير وبشوش وعندو حضور وزي العسل وإبتسامتو تخليك تمشي تنقش تنقش تنقش لغاية عندو وتشيلوا كدا بي حاله وتودعو قلبك ويتحكر فيهو وغناي أي غناي ولو قلتو غير كدا تبقى حسادة ساي بعيب عليهو كل الاعجاب والريدة والتشجيع دا وماتحرك قيد أنملة
كنت اتمنى يكون -باي ناو- عندو كمية مقدرة من الانتاج الخاص ولقى سكته في عالم الفن لكن أظنه ماشي بنصيحة الفذ عبدالخالق محجوب وحيجيب لينا الاول أعلى الشهادات وينتهي من الحياة الاكاديمية لكن مامشكلة برضو منتظرين عاطف أخوي عمر الفاروق دا ابى يقعد في الواطة كلو كلو في زول في الدنيا بيمشي يهبش محمد الامين؟ شريف دا ترى ولد امبارح لكن حصل سمعت بي زول في عمرنا الطويل دا قال كلمة في محمد الامين لكن بس نقول شنو؟ _________ عفاف اب كشوة يايمة تشوفي وليداتك كدا دكاترة __________________ بالنسبة لي خرمجة اللبس القميص البي برة دا ياوضاحة مابيدي أي أنطباع غير انه الزول دا ماكمل لبسه لسة ____ اها ياطلحة نانسي عجاج مابتعرف تلبس بي تعريفة خالس يوم قسموا ذوق اللبس دا هي كانت نايمة .... نفسي من زمان أغيظك لاني كنت فاكرة انك بتتشاكل مع ود البشرى صحي صحي
_________ أما محمود عبدالعزيز
Post: #65 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 07:14 PM Parent: #64
رايــــــــــــــــوة : هوووووي ما تعملي لي سمعة ساي ..ابو اللمين انا مااااا هبشتو ..:) اما بالنسبة لي الشريف المبسوطة منو ده فالنصيييحة الوجاهات حاصلة إلا الصوت يا اختي ماااا ظنيييت نتفق.. الولد ذكي عرف السوق عايز شنو مشى لي أحلى حلاق مع أحلى جييل مع خلطة بيض وزبادي وخيار بعدين هووووي محمود ده أووووووعا منو..محمود ده لممن كان قدر ناس شريف ديل وجاهتو فايتة الناس..بس الدنيا فونيا والزمن كبااااس.. فدحين خلينا في دكترة بت كشوة دي
Post: #67 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 07:54 PM Parent: #65
يا وضاحة السودانيين خليييهم أها السودانيات كييييف؟؟ ما ياهو الإسكيرت الرمادي بي البلوزة الكحلية ..والإسكيرت الأسود بي البلوزة البنفسجية ولا البيضا..والإسكيرت البني بي البلوزة البرتقالية ..ولممممن خلااااص تتجدع بتلبس البمبي بي الرمادي أما موضوع الطرحة ف أوووو ده كلااام تاني .. وعن البودي سأحدثك إن كان للحديث بقية ياخ نحن بناتنا الواحدة عاااادي بتخش ليك في قميص اخوها الكاروهات الما خمج وتقول ليك قاااااااشرة
تخريمة : غايتو قمصانك دي تلاااتة ارباعا ما مخططة ما تغشينا سااااي
Post: #68 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 07:59 PM Parent: #67
ده يكسب يا وضاااحة ...
خصيييمك النبي كان ما رسلتي لي اللبسة دي كان بتعرفي سيد الدكان الببيعو ..
Quote: يا وضاحة السودانيين خليييهم أها السودانيات كييييف؟؟ ما ياهو الإسكيرت الرمادي بي البلوزة الكحلية ..والإسكيرت الأسود بي البلوزة البنفسجية ولا البيضا..والإسكيرت البني بي البلوزة البرتقالية ..ولممممن خلااااص تتجدع بتلبس البمبي بي الرمادي أما موضوع الطرحة ف أوووو ده كلااام تاني .. وعن البودي سأحدثك إن كان للحديث بقية ياخ نحن بناتنا الواحدة عاااادي بتخش ليك في قميص اخوها الكاروهات الما خمج وتقول ليك قاااااااشرة
السودانيات والله فيهم بنات بلبسوا تمام ما كلهم مبشتنين
البس يا عمر بعتمد على الزوق والجيب
والبئية العايش فيها يعنى بت ام بدة بتلبس زى بت الرياض
حتى العطور ازواق انا بحب العطور البارسية وخاصة عطور شانيل وديور
Post: #70 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 08:18 PM Parent: #69
يا وضاحة كمان السودانيين فيهم والله ناس بيلبسو.. يعني انا اسة بعرف لي زول بيشتري بنطلون القماش بي 1000 ريال (أووعا تقولي لي حبة بتحبطيني )
Quote: حتى العطور ازواق انا بحب العطور البارسية وخاصة عطور شانيل وديور
بغض النظر عن طريقة لبس سميرة دنيا ومواكبتها للكتالوج من عدمه لكن عموما معظم الفنانين السودانيين بعتمدوا في طريقة غناهم على انه المستمع يركز على السمع وبس اما الشوف فعليك بالمجازفة!! ودي جزء من ثقافة الشعب السوداني عموما يعني الفنان او الفنانة ما بتهتم بمظهرها شديد بقدر ما بهتموا بانه يغنوا وبس وحتى طريقة الغنا دي ذاتها ممكن جدا يكون الوش متجهم جدا كانه الواحد داخل معركة ويكون في نفس الوقت بيقول في غنا جميل جدا! تيجي دي ازاي يا مرسي!
غايتو لما اسمع واشوف نجوى كرم او ماجدة الرومي بأامن بالذي خلق الفن في البلاد!
بالمناسبة دي شفت علبة الالوان الفي برنامج اغاني واغاني !
Post: #72 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-12-2012, 08:45 PM Parent: #71
Quote: غايتو لما اسمع واشوف نجوى كرم او ماجدة الرومي بأامن بالذي خلق الفن في البلاد!
حولاااا يا مايا .ياخ انتي جيتيني في إتنين بريدم بي صورة موبااالغة ..شمس الغنية وصوتها الجبلي وبت الرومي وما ادراك ما إبحث عني !!! هييييه ده موضوع كبييييير يا بتي :) علب الألوان الفي اغاني اغاني النصيييحة اخيير منو شترات سميرة دنيا .. ياخ ديل فيهم واحدة جات لابسة استيرتش قايلة روحا ميمي بتاعت ميكي جيب !!!
يا راوية سلامات ورمضان كريم ياخ أناقة نانسي دا كلام بنات موديل عديل كدا هن القالن كدا .. مرة كنا قاعدين مجموعة في مكان ما وجاءت البنية الماخمج (نانسي طبعا) تغني اها وبينما أنا غرقان في صوتا وغناها فإذا بواحدة من البنات تشهق للبس بتاعا فنطت ليها واحدة تانية وقالت ليها إتي ما شفتيها كانت لابسا كيف في الحفلة الفلانية.. بس اللبس يخلوهوا ليها بس و..و.. وإستمرن البنيات يوصفن ويمدحن لغاية ما نانسي كملت الأغنية وفاتت .. أها شن قولك ؟؟ ............................. يا عمر الفاروق يا حبيب كونك شايف سميرة شترا في اللبس فدا أكبر دليل على إنك إتا دا الأشتر وفايت الشتارة بى غادي .
Post: #74 Title: Re: سميرة دنيا ..بلوزاتك ما قااااسية لكن!! Author: رشا سالم Date: 08-12-2012, 09:26 PM Parent: #71
يا عمر الفاروق انت قاصد التياب ولا البلوزات؟ غايتو التياب فيهن وحدات قيافة والله..
يا أستاذ موصلي شكرا على صورة إبراهيم عوض أكتر حاجة ثابتة لي عند الاستاذ أبراهيم عوض البناطلين الشوية مقصرة بتاعة الستينات زي سيدني بوتيه والبيتلز
__ عمر بالله ماتفهمني غلط في حكاية محمود عبدالعزيز هو مابعرف يلبس بالدقحة لكن سللطان والله وسيدهم كلهم
Post: #77 Title: Re: سميرة دنيا ..بلوزاتك ما قااااسية لكن!! Author: داليا حافظ Date: 08-13-2012, 08:05 AM Parent: #76
يا عمر رمضان كريم
سميرة عندها مزاج خااااص في اللبس ،ما بتحاكي كما هو الحال ياخ "النسوان" بقوا كوبي بيست من بعض في موضة مسيطرة كلها شبه بعض مع الناس البلبسوا التياب ..نادر تشوف زول بلبس بمزاجو الخاص ..الدهبي مع الاسود جميل جدا من وجهة نظري ..و"التايقر" موضة عالميا أبت تمشي كلو كلو ..الزول دي مواكبة شديد حتى في شترت الدهبي مع الفضي ..بس نحن الاتعودنا مؤخرا على نوع واحد من اللبس ..وبشكل عام حاجاتها بحسها فخمة ومرتبة المشكلة في المزاج المسيطر ..
أنا مشكلتي مع سميرة في قعدتها
Post: #78 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-13-2012, 08:36 AM Parent: #77
داليا آل حافظ.. ورمضانك كريم كمان وإن كان كعادته مشى سريييييييييع... اتفق معاك تمااااما في قصة الكوبي بيييست المزعجة دي وأمبارح القريييبة دي إتشوبرت مشيت تلفزيون السودان لقيت مقدمة البرنامج غادة مستضيفة تلاتة نسوان فيهم سمية حسن..ياخ دي لابسين تياب!!! حولااااا!!! وحنك الحنة واااااحد!!! مع إنو واحدة المفروض مديرة بنك والتانية برضو نائب مدير شنو كده ما بعرفو ليك.. الما متفق معاك فيهو فخامة لبس سميرة دنيا ..وإن كنت بتفق معاك في قصة إنها ما مسايرة الناس ديل في موجة تكرارهم.. بالمناسبة وبالجد كده انا ما فاهم قصة النسوان مع اللبس الفيهو نمور وأسود ده !!!وأهو إنتي قلتي دي موضة أبت تنتهي!!! فياريت تورينا الفهم فيها شنو في مزاجية النسوان..
Post: #79 Title: Re: سميرة دنيا ..بلوزاتك ما قااااسية لكن!! Author: نعمات حمود Date: 08-14-2012, 07:24 AM Parent: #78
يا عمر الفارووق .... الاناقة واللباقة جزء اصيل من مكونات الفنان وخاصة في الاعلام المرئي ونحن عندنا مشكلة (استايلست )في التلفزيونات وقنواتنا خلو بعض المذيعات شحادات بالبيوت توبي وتوبك او عرضة للاذلال لبعض مصممات الازياء ... وبصراحة بنسبة لشخصي كثير من الفنانات بشتتو سمعي بشتارت ملابسهم ...وبخربو مزاجي في السمع ...وسميرة دي مع احترامي ليها كقامة فنية تتنايص فينا بعد التاريخ الطويل دا المفروض تكون اتعلمت كل شي رجل اعمال ومشاطة خاصة وحنانة وكوافيره وكلو والذي منو
قال ماركة قال في زمتك يا فاروق الفستان الكحلي دا اي ماركة عالمية جنس زووق على قول خالتي غايتو كل شي قسمة ؟!!!!!
مع محبتي
Post: #80 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-14-2012, 08:57 AM Parent: #79
نعمات يا حموود.. وزي ما بيقولوا أولادي اللذيذيين حمووود ..حموود..حمووودا حبيييبي حمووود
خلينا نفترض قصة مدير الأعمال والحنانة والمشاطة على قول ناذر واحدة من وهمات الفنانين الشباب وإن كان سميرة ما محسوبة معاهم لكن اقلاه مفروض قصة الذوق الخاص تكون عندها إرتفعت شوية وتعامل روحا على أساس إنها نجمة ..ما شرط إنها تتكلف ولااا مطلوب منها الإبهار ولفت النظر ..لكن يخييل لي شوية مجهود وحببة تعب وهي بالا إنو عندها جمهور قد يحل الإشكالية .. مرات بيخييل لي الفنانين بيتشوبرو ونظام بيعملوا راقين وبيسألوا المخرج من لون الكنب ح يقعدوا فيهو وإذا بي أفاجأ إنو الفنان بيجي لابس لون الكنب زاااتو نظام مطقم مع الكنبة وكده في حين إنو مفروض لو سأل مفروض يجي لابس حاجة تعكس اللون وكده ..
Post: #81 Title: Re: سميرة دنيا ..بلوزاتك ما قااااسية لكن!! Author: داليا حافظ Date: 08-14-2012, 10:20 AM Parent: #80
نعمات رمضان كريم وأخبارك
انا لم أقل انو "التايقر" ماركة "Brand"أنا قلتا موضة "Fashion"..في فرق صاح ..؟
وبشكل عام المتريل بتاع لبسها كويس ..ده القصدتو بالفخامة بالإضافة لإكسسواراتها مقعععدة..
بالنسبة لقصة النمر والاسد ياعمر ..ديل المصممين الله يهديهم مروجين لفكرة انو المراة مستأسدة و متنمرة الخ ونحن نشيل وندرع ونأكد على الفكرة
الشناف الدولى عمر كابو البورد رمضان كريم ياخى غايتو انت شكيتك على الله بالله غناء سميرة ده بنفتح معاه كيف ؟ لو سمعت سميرة مش حاتآآآدر تفتح عينيك سميرة دى صوتها بيأخد الزول فى تهويمة وحالة غيبوبة شبه دائمة ما بتديك فرصة تشوف لون التوب انت للبلوزة لحقتها الله يستر... عمر مخير انت مع خفيف السخيل بس ابعد من السلطانة سميرة وان عدتم عدنا،،،،
Post: #83 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-14-2012, 01:12 PM Parent: #82
داليا:
Quote: لكن بصراحة فستان امبارح دنيا فشلتني بيهو تماما
أنقري ما اتذكرتك!!! برااااي قعدت اضحك وقلت ليها هي لكن يا سميرة مااا بااالغتي مع داليا ..
تخريمة: زمان عندنا صاحبنا في المدرسة إسمو هيثم نمر أها المدير كل ما يوقفوا بيقول ليهو قوووم يا هيثم نمر من ورق..اها ديل إنتن ..نمور من ورق ..:)
غتيتوا يا عمر صاحبتك امس بالغت فى الفسضان دا جابتوا من ياتوا كراب
احي اللهم انى صائمة
Post: #85 Title: Re: سميرة دنيا ..بلوزاتك ما قااااسية لكن!! Author: Balla Musa Date: 08-14-2012, 01:40 PM Parent: #84
ياعمر انت ماشفت لبس حسين شندى؟ التقول معزوم زار!
Post: #86 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-14-2012, 02:00 PM Parent: #85
وضحضح:
Quote: احي اللهم انى صائمة
غايتو بعد كلامك ده انا بقترح عليك أقرب بلحة مع أقرب جوغمة موية وحللي صيامك يا بتي بدل ساااي يتحسب ليك جوع وعطش
Post: #87 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-14-2012, 02:01 PM Parent: #86
غايتو يا ود الموج الغنا العايز تفتتتح ليهو بتفتتح ليو.. أسة ما تراكا مع ناس أفراح عصام ديك مش ح تأضر تغمض عليك !!
Post: #88 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-14-2012, 02:03 PM Parent: #87
بلة يا بللللا .. والله زولك حسين شندي ده عندي ليهو صورة قمممة الفضيحة بنزلا ليك بعدين كان ربنا هوون بدل ما اشيل حسو ساي بي بوست منفصل أحسن اجيبا هنا :) مع إنو والله الراجل بيتحب ودمو خفيييف
Quote: غايتو بعد كلامك ده انا بقترح عليك أقرب بلحة مع أقرب جوغمة موية وحللي صيامك يا بتي بدل ساااي يتحسب ليك جوع وعطش
بصوم ثلاثة ايام بعد رمضان بعد ما يخلص كل منك انت
لكن بالجد بالغت
اتذكرت وقعت اضحك
Post: #90 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-14-2012, 02:52 PM Parent: #89
وضحححضححح يا قريبتك :
Quote: بصوم ثلاثة ايام بعد رمضان بعد ما يخلص كل منك انت
عندنا زول صاحبنا هنا بعد خالتو لذيذة جداً معاهم جنوبي في الشغل شكلو مرتو زييك كده منجضاهو نجاض سنينك أها جاها قال ليها ياخ والله انا عايز أدخل الإسلام ؟؟ قالت ليهو مااالك؟ قال ليها والله انا سمعت إنو عندكم الراجل ممكن يعرس أربعة وانا والله مرتي دي منجضاني نجاض زهجت منها فماف طريقة إلللا أخش الإسلام.. قالت ليهو : يازول أحسسسن ليك أصبر وأعلن إسلامك ده بعد شهرين ..لأنو والله نحن داخل علينا شهر مع السخانة دي أخير ليك منو مرتك .. طبعاً رمضان كان باقي ليهو شهر..
تخريمة : والله يا وضاحة شكلك النوع البتاع لخبتة وكسور وبواقي تدخلي الستوت في الايام البيض والقضا مع الايام البييض ..وده في راس ده :)
Post: #91 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-14-2012, 02:56 PM Parent: #90
بالمناسبة ولأني ما بثق في فهمك يا وضاحة فالأيام البييض دي ما تقريها لي الأيام البيض يا بيض إنتي سمح؟
Post: #92 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-14-2012, 04:13 PM Parent: #91
أها هاكم دي صورة لي حسين شندي كانت في سهرة في تلفزيون السودان جا لابس البدلة بدون ما يقلع البتاعة البتصففر في باب المحل لي إكتشاف السرقات!!!(إسما شنو هي صحي :) ) انا غايتو جاني إحساس إنو حسين شندي قايلا حركة بتجي مع البدلة لأنو كان طوووول السهرة دي شغال يبشر ويععععرضض وكأنو ما عااامل أيييي شي المحييرني إنو حسين شندي مرق بيها منننن المحل كيييف؟؟ غايتو إلا يكون السيكيورتي صحبو.. ياخ نوووعا ما ممكن نبلع قصة نسيت تشيل الإستتيكر البيجي في كم البدلة داك ..لكن يا حسين اباااطك والنجم يصفففر وما تكون جايب خبرو ؟؟ باااالغت يا ود أمي
تخريمة : انا غايتو يوم متوقع حسين شندي ده يجي لابس البدلة بي شماعتا والكيس حقها
Post: #93 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-15-2012, 01:43 AM Parent: #92
أها يا بلة ..كييف ليك ما أحسن الزار عليك الله ؟؟
تخريمة : غايتو انا عندي إحساس الحفلة كلللها حسين شندي بيكون كان جسمو بيصففر وااك وااك ويييك وهو يا حليلو بيكون قايل ده الساكسيفون..
Post: #97 Title: Re: سميرة دنيا ..بلوزاتك ما قااااسية لكن!! Author: وضاحة Date: 08-15-2012, 09:43 AM Parent: #92
Quote: انا غايتو يوم متوقع حسين شندي ده يجي لابس البدلة بي شماعتا والكيس حقها
هووووووووووووووووووووى يا عمر لحدى هنا ونقطة وسطر وشخيط واقيف بعيييييييييييييييييييد
كلوا ولا حسينا دا
دا مكسرنى عدييييييييييييييييييييييييييييييييل
صوت عجيب وخاصة الدغة الفى لسانوا ياخى دا عالم براه
Post: #94 Title: Re: سميرة دنيا ..بلوزاتك ما قااااسية لكن!! Author: Hatim Elmaki Date: 08-15-2012, 04:46 AM Parent: #80
والله ياود الفاروق تتابع الجنس اللطيف دا يودرنك ويجبن اجلك بين يوم وليله وكان عندك واحده مثل وضاحه دي قيامتك قامت نحن بنلبس الجنز مع القميص وجكت وجزمه كلاسيك مع لون الجكت وريحتنا فهرنهيت وديور وجافنسي تمام ولا نقيف في صف السودانين الوصفوهم المتداخلات من الجنس اللطيف ورمضان كريم
Post: #95 Title: Re: سميرة دنيا ..بلوزاتك ما قااااسية لكن!! Author: نعمات حمود Date: 08-15-2012, 08:16 AM Parent: #80
نعمات يا حموود.. وزي ما بيقولوا أولادي اللذيذيين حمووود ..حموود..حمووودا حبيييبي حمووود
خلينا نفترض قصة مدير الأعمال والحنانة والمشاطة على قول ناذر واحدة من وهمات الفنانين الشباب وإن كان سميرة ما محسوبة معاهم لكن اقلاه مفروض قصة الذوق الخاص تكون عندها إرتفعت شوية وتعامل روحا على أساس إنها نجمة ..ما شرط إنها تتكلف ولااا مطلوب منها الإبهار ولفت النظر ..لكن يخييل لي شوية مجهود وحببة تعب وهي بالا إنو عندها جمهور قد يحل الإشكالية .. مرات بيخييل لي الفنانين بيتشوبرو ونظام بيعملوا راقين وبيسألوا المخرج من لون الكنب ح يقعدوا فيهو وإذا بي أفاجأ إنو الفنان بيجي لابس لون الكنب زاااتو نظام مطقم مع الكنبة وكده في حين إنو مفروض لو سأل مفروض يجي لابس حاجة تعكس اللون وكده ..
يا فارووق ....لك المحبة تعرف عندي معاك تواتر افكار عجيب (تواتر دي كيف ليك )...ونفس ما يلفت نظري ويغيظني بلقاك نفس الفكرة
اها سميرة زولتك دي انا من طفلة ساكاها في كل حفلاتها وهي دوما كانت بالعباسية في مناسباتنا وصراحه لبسها من يوموا ما (لبابه )وزوقا واطة من زماان لكن المشاكل دي اتحلت الان والحياة تطورت ولابد من النظر في كل شي يخص الفنان حتى يكون متكاملا خلقه واخلاق وزي وهندام
وسمورتكم دي ترتقي بزوقها شويه وتنتبه لحالا وكمان قعدتها (عايزنها تقعد قعد شموخ كدا وتدينا وشها وتشيل حيله شويه وتخلي المنايصه دي شوية ...وتخلي التطرف دا وقولوا ليها سمحة المهلة ولها ان تتوهط وتشمخ بجلستها وكلو بحقها فهي تستحق الكثير ومن ناحية فن فن مالينا غير المتعة
يا عمر حسين شندي دا خلوهو بلبس ماركة ...وارد نيجيرا ...وكلنا مبسوطين منو ....
محبتي
Post: #96 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-15-2012, 09:06 AM Parent: #95
حمووود..حموووود:
Quote: تعرف عندي معاك تواتر افكار عجيب (تواتر دي كيف ليك )...
تواتر ولا تويتر حددي حددي عشان ما أقوم أغرد ليك أسة ..
Quote: وهي دوما كانت بالعباسية في مناسباتنا
كده يادوووب عرفت ليك التواتر جا من وين!!! بالله طلعتي من إندييينا؟؟وييين لي محطة عابدين إنتو
Post: #98 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-15-2012, 09:57 AM Parent: #96
Quote: صوت عجيب وخاصة الدغة الفى لسانوا ياخى دا عالم براه
تلدغك شنو أقووول ليك.. بس مشكلتي ما بعرف أداعي زيييك .. والله يا وضحضح الزول ده كمان عندو حلاة خفة دم..موووبااالغة.. لكن ده ما بيمنع إنو بالغ في قصة البدلة دي..
Post: #100 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-15-2012, 11:08 AM Parent: #99
وضاحة المحيا.. معناها إنتي زاااتك بت خالتنا...قايلة روحك براااك المكوكية الفضائية؟.. جالسنا حسين شندي وعاشرنا وقاسمنا اللقمة وعاش معانا حلوها ومرها في دارنا العامرة ..أها أوووعا تتشوبري بعدين في التلفون تسأليهو لأنو ما بيعرف ليك عمر الفاروق دي..إلا أديك الشفرة .. بس للضمان وعشان تصدقيني أسأليهو عن الكريسيدا البنية حقتو الكانت موديل 83 ولا هي كم وتمنين دييك..
تخريمة : شايف القصة طلعت ما قصة لدغة ..طلعت قصة قرابة ..وشابكاني انتو يا السودانيين وانتو يا السودانيين والخطوط والقميص و و ..وطلعوا أولاد أهلك بيلبسو البدلة بي شماعاتا
Post: #101 Title: Re: سميرة دنيا ..بلوزاتك ما قااااسية لكن!! Author: وضاحة Date: 08-15-2012, 11:32 AM Parent: #100
Quote: شايف القصة طلعت ما قصة لدغة ..طلعت قصة قرابة ..وشابكاني انتو يا السودانيين وانتو يا السودانيين والخطوط والقميص و و ..وطلعوا أولاد أهلك بيلبسو البدلة بي شماعاتا
Post: #102 Title: Re: سميرة دنيا ..بلوزاتك ما قااااسية لكن!! Author: حبيب نورة Date: 08-15-2012, 11:54 AM Parent: #101
غايتو يا الفاروق جنس شناف وشيل حال يا عمك أرفع قلمك عن مبدعي ومبدعات بلادي :)
نحن طبعاً الواحد أول ما يطلع من البلد أول حاجة يقول ليك والله السودانيين ديل فعلوا وتركوا ويقرّب يتفاخر ليك بأصله السامي ويعتبر نفسه من النخب وخلاصة خلق الله أجمعين وفي نفس الوقت تلقي الواحد دينو ما عندو .
المشكلة إنو بكون معجب لدرجة الهيستيريا بمايكل جاكسون مع بشتنة دلاقينو القاطعها من رأسو دي بغض النظر عن فنو وإبداعو وممكن يقلد نجوم الراب والهباب الداقين السيستم ويعتبر الموضوع نقلة كبيرة في مفهومو الحضاري . هسه لو دي ريحانة جات لابسة أخضر مع بمبي كان الموضوع مشي عاااادي زي السلام عليكم غايتو عالم دين حجر جداً والواحد ما تقدر ترد ليه إلا بالجملة البتتكرر في الأفلام الأمريكية ديك لكن عشان في شوية ناس صايمين الواحد يحترم حقوق ومشاعر الأقليات .
قال السر قدور عليه السلام ( من كان منكم بلا إبداع فليرمها بحجر )
فينيش
Post: #104 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-15-2012, 12:47 PM Parent: #102
غايتو نورة دي الشافا رجعت بي جردل خبيزا مااا كضب .. يا عمك وضاحة دي انا صرفت ليها بلحة وجوغمة موية لمجرد القطيعة فدحين إنت الواحد إلا يصرف ليك واحة نخيل عديييل كده
Quote: والواحد ما تقدر ترد ليه إلا بالجملة البتتكرر في الأفلام الأمريكية ديك
دي ياتا دي؟ بتاعت دعنا نتناول بعض الشطائر؟ ولا بتاعت سأخرج في موعد مع الظهير الربعي ؟ غايتو ده حد ثقافتي وفهمي فيما يتعلق بي الأفلام الأجنبية ..نضمكم إنتو ماااا بعرفو ليكم ..
أها نجي لي الجد ... تعرف يا قريبك طيييلة تواجدي في هذه الغربة الظالم أهلها جني وجن جملة " إنتو يا السودانيين" ودوماً دوووماً بقول جملة " نحن السودانيين" وبدخل ليك روحي معاهم زييي الما حصل شي... لما تكون في ملمات فيها باقي الجاليات العربية أو الأجنبية وانت عارف عندنا وهمات ونفشات كده بيقوموا اصحابي السودانيين بيختاروا ليك احسسسن القصص عشان يطلعونا نحن شعب الله المختار.. أها انا حكاويني ليهم بتكون بدووون تجمييل بحكي اجمل وأكعب حاجاتنا وبوريهم عيوبنا ..ولو جات نكتة عن سوداني بحكيييها بدون ما اقوم ارميها في واحد مصري او سعودي..بدافع في الفعلا بنحتاج ندافع فيهو عننا وهو حاصل وبأييد البيتقال عننا وكعب لو هو فعلا حاصل فينا.. اكتر إختلافاتي مع اصحابنا السودانيين هنا الونسة الممجوووجة والباااايخة واللي بعتبرها مرات بتقرفني الجملة والونسة بتاعت بالله ما شوفت الشوامبيلبسوا كيييف؟؟؟؟ لكن نحن والله معانا سوداني بيجي بي الشبشب !!! أها لما اقوم أسأل صاحبي ده واقول ليهوا نت بتلبس كويس؟؟؟ بيقول لي أيوة.. طيب أصحابك الحولك وقروا معاك الجامعة وشغالين هنا بيلبسو كويس؟؟؟بيقول لي أيوة.. بسأل التاني نفس السؤال...بيجاوب لي بي أيوة.. والتالت ..أيوة.. الرابع أيوة .. الخامس أيوة.. اها كوووولهم بيطلعوا انهم بيلبسو كويس واصحابهم اللي هم مختارينهم بيلبسو كويس!!! أها بقوم أسألهم ليك طيييب انتو قاصدين منو المبشتنيييين؟؟؟ إذا كان لو عملنا إحصائية بي اصحابكم حا الاقي إنو ديل نص المغتربين...مش؟ يبقا معناها يا كلنا بنلبس كويس يا انا وانتو واصحابكم مبشتنين مش؟؟؟ ياخ الشوام ديل والله فيهم ناس مبشتنين بشتنة لمممن يحيروووك..و######انييييين .. القصة التانية بتاعت الذوق العام المتعلق بي فنانين برة والتأثر بيهم انا غايتو عن نفسي نجييييض في الفرز وما خاشي في الصدمة الحضارية بتاعت فرز اليكمان لمجرد إنهم مشاهير او من جنسيات تانية .. عارف يا عمك انا لو بعيب علينا في قصة الازياء دي وخصوووصا فيما يتعلق بي الازياء الرجالية فانا بعيب علينا الجرأة في إختيار الألوان !!!! نحن في السودان عندنا إستاندردز كده في اللبس والألوان الله قااال بي قولك لو مرقت منها أو حاولت تتمرد عليها.. وعندنا تطقيمات كده لو إتجاوزتها قد توصف بي الأشتر ... لكن ده ما بيمنع إنو في شترات ظااااهرة وما محتاجة شيل حال... عارف بي مناسبة رقي وأناقة ناس زمان انا حا أحكي ليك حاجة شبه مستحيلة وح تقول عمر ده وسسعا شوية .. كان عندنا خالنا الكبير يعتبر من البانكرز القديميين ووقتها في الستينات نظام في ريعان شبابه والود موظف بنك..صدق أو لا تصدق يا حبيبا لي نورا خالنا ده غشترى أكتر من كم تسعين بنطلون وكم وتسعين قميص وبقا بيبلسهم ديسبوسابل اللبسة تتلبس مرة واااحدة وتترمي في الشنطة .. المدهش إنو لاشنطة دي كانت ملمومة في بيتنا مننن السبعينات ..أها والله مرة أمي الله يديها العافية وصفتا لي قالت لي امشي شوف هدوم خالك دي كانت كيف..والله يا حبيب نورا خشيت لي في بنطولن منها ومشيت بيهو الجامعة والله ووالله الجامعة كلللها بتنضم عن البنطلون ده وما عارفين إنو ده مننننننن الستينات ياخ مرات الحناكيش ديل طيبييين خلاااس ..بيصدقو أييي حاجة
Quote: عارف بي مناسبة رقي وأناقة ناس زمان انا حا أحكي ليك حاجة شبه مستحيلة وح تقول عمر ده وسسعا شوية .. كان عندنا خالنا الكبير يعتبر من البانكرز القديميين ووقتها في الستينات نظام في ريعان شبابه والود موظف بنك..صدق أو لا تصدق يا حبيبا لي نورا خالنا ده غشترى أكتر من كم تسعين بنطلون وكم وتسعين قميص وبقا بيبلسهم ديسبوسابل اللبسة تتلبس مرة واااحدة وتترمي في الشنطة .. المدهش إنو لاشنطة دي كانت ملمومة في بيتنا مننن السبعينات ..أها والله مرة أمي الله يديها العافية وصفتا لي قالت لي امشي شوف هدوم خالك دي كانت كيف..والله يا حبيب نورا خشيت لي في بنطولن منها ومشيت بيهو الجامعة والله ووالله الجامعة كلللها بتنضم عن البنطلون ده وما عارفين إنو ده مننننننن الستينات ياخ مرات الحناكيش ديل طيبييين خلاااس ..بيصدقو أييي حاجة
جبت النجيضة ويادوبك أتصلحت معانا :)
أشكر سعة صدرك يا جميل
لكن وحاتك للحول ما بخليك هههههههههه
Post: #106 Title: Re: سميرة دنيا ..بلوزاتك ما قااااسية لكن!! Author: عمر الفاروق Date: 08-15-2012, 01:10 PM Parent: #105
سعة صدر شنو يا زول ..هو إنت كلامك ده كان شكلة ولا شنو ؟ نعلللك دحيين قاصدني انا بي خلعة الفرنجة دي ؟
Quote: لكن وحاتك للحول ما بخليك هههههههههه
حبااااابك والله ..بس الفترة الجاية دي حا اخد لي دسة كده فما تقول عمر زاغ سمح.؟
Post: #107 Title: Re: سميرة دنيا ..بلوزاتك ما قااااسية لكن!! Author: نعمات حمود Date: 08-16-2012, 07:19 AM Parent: #106
يا عمر ...شفت محطة عابدين شرق وتلف اول شارع يمين زقاق طوييييل وتلقى خور ابوعنجه وتلقى بيت فاتح على الخور دا تلقى ناس رباطاب هناك ديل نحن ...وحبوبة عشة الفلاتية دي برضو الله يرحمها بكل ارثها العتيق من عندينا وسموره دي كانت لعهد قريب بتغني في الاعراس 0رقصة العروس .....بس وحاتك مبدعة من غير اي تنظير نحن بس كلامنا في حكاية الاحمر والزبرا والكحلي والذي منو ... ورمضان الكمل وما شبعنا منها شوف مديانا ضهرا وصفحتها احيانا
