يا تلفزيون يا

برامج الفضائيات السودانية فى رمضان
يعيبها التكرار والنمطية
نفس البرامج والافكار نقس الشخصيات المستضافة
طرق تقليدية فى الحوار

برنامج اغانى واغانى
تردد فيه اغانى كروم وسرور بنفس الاسماء للمطربين والمطربات ونفس حكايات السر قدور

برنامج الكاميرا الخفيةمستنسخ وفاقد للروح

تجد نفس القنان فى السودان ثم النيل الازرق ثم الشروق ثم الخرطوم وام درمان

امس شاهدنا عود الطيب عبد الله فى سهرة النيل ازرق واليوم مستضاف فى قنا ة الخرطوم

برنانمج ريحة البن مشابه لبرنامج اخر برضو فيهو اسم البن

جمال حسن سعيد فى برنامج مستنسخ عن الطبيخ

و جيوية وروح البرامج تاتى من التجديد والابتكار فى الافكار وطرق التقديم والحوار واكتشاف شخصيات جديدة جديرة بالاطلال على المشاهد

الاستثناء الوحيد
برنامج قدمتو نادية مختار مع الملاكم محمد مرحوم
المقاجاءة مرحوم البطل العالمى فى الملاكمة شخصية كوميدية بامتياز

اخشى ان يتم استضافته بكثرة فى برامج اخرى

فرق الكوميديا

نفس النكت
ونفس التقسيمات

واحد بيقلد الحبش
والتانى يقلد الشفع
وقريبنا خلفاوى او فلاتى او رباطابى

والمشكلة عاملين قيها نجوم كبار
وهات يا تنظير

والحتة دى
والشغل دا
ونحنا بنقرا الصالة نعرفا دايرا شنو

تعرف يا محمد
عندنا نوعان من مقدمي ومقدمات البرامج : مذيعون ومقدمون ومذيعات ومقدمات محترفون ومحترفات
وهؤلاء نحييهم
وآخرون حلاّبون وحلاّبات بتشديد اللام يحلبون المعلومات حلباً ممن يستضيفونهم .
وتزداد وتائر الحلب بعد عبارة فاصل ونواصل. يجيئك احساس أن مقدم او مقدمة البرنامج يستقى المعلوما ت فريش من مضيفه مباشرة قبل عبارة فاصل ونواصل
إوقبل بداية الحلقة .وهذا النوع من المقدمين يمكننا ان نطلق عليهم مسمى حلّابين بامتياز
المصيبة أن النوع الآخر المتمكن محاصر باليروقراطية وبالكيد وبتتأففه الذاتي هو ذاته مما يجري في ساحة القنوات.
التخلف له تبديات مختلفة في بلدنا. والمهنيون المدربون ،الخبراء مهمشون كما يتم تهميش رصيد ملياردير قروي.
تحياتي زاكيات يا محمد
لا تحزن سيعود الوطن من حالة اختطافه وستعود إليه كفاءاته.

الاديب بشرى


فى الفربا البطالا دى
ما عندنا غير قنواتنا السودانية
لكن اصلو ما بتنستر معانا

مذيع او مذيعة دون خبرة او تاهيل

تتاح له ساعات طوال

يبدا الحوار دون زاد ومخزون معرفى او ثقافى
يتحدث فى كل شى الفن والفكر والثقافة والغناء والموسيقى
وحصيلته مفردات مكرورة

يطلق السؤال
ولا يحرص على سماع الاجابة
ولا يعرف كبف يسنبط سؤال من اخر و لايستطيع فتخ شهية المستضاف للافصاح والاسترسال

الاخ محمد
كل سنة وانت طيب
ملاحظاتك في محلها
الغريبة زمان وحينها لم تكن المعرفة والتقنية متوفرة بهذا الحجم الهائل
كان معدو البرامج والمذيعون يتنافسون في طرح ابداعات جديدة
متوكل كمال فريد عبد الوهاب محمد سليمان ادمون منير ليلى المغربي كل زول يقدم ابداع مختلف عن الاخر
الان في عصر ثورة الاتصالات وتوفر التقنيات والاف الفضائيات
تتكر الافكار دون اي اجتهاد بصورة مملة لايستطيع المشاهد ان يصبر عليها
ناهيك ان يستمتع بها

تعرف فريد عبدالوهاب دا تم استنساخه حالياً بتقليد مع ثرثرة هائلة هل أحرزتم من استنسخه؟

محمد سيد احمد

سلام وكل سنة وانتم طيبون

صدقت يا صديق في كل إجازة للسودان استضاف في الاذاعة او احد القنوات الفضائية ويحدث ما قاله شاعرنا بشرى

قبل بدء البث او التصوير تؤخذ منك معلومة يبنى عليها المقدم الى ان تنقذه الفواصل الإعلانية ليستزيد منك المعلومة التى يواصل بها والمصيبة اغلب البرامج بث حي!!

تحدثت كثيراً مع المسئولين عن انشاء إدارة برامج وبحث تعنيان بالأعداد منذ زمن طويل والإلمام بكل تفاصيل الموضوع. كما تحديد الفئة المخاطبة بالبرنامج ولابد ان يكون خبير في علم الاجتماع ضمن فريق الاعداد والكثير الكثير ولكن! اذا لم يكن في تلفزيون السودان مصحح لغة عربية فماذا تنتظر.

مودتي والأمنيات

امس فى سهر النيل الازرق ضحكتنى واحدة مذيعة من بنات الطبخ

طبعا عبارة التحية لفلان عبارة مستهلكة ومكررة وماسخة

قالت
التحية للفاصل الغنائى القادم

شايف غريب قاعد وجنبو عمار احمد ادم

قلتا ياربى عمار دا ما يتذكر ايامو الخوالى وهو بيدق الطلاب فى الجامع ويقوم يدى لينا غريب دى بونية بسارية خاطف

سهرة مرض فى قنا الخرطوم
مستضاف ممثل ما بيعرف يمثل اسمو دهيب وقال هو درب قامات فى المسرح السودانى
يتكلم عن الاسترايجية للمسرح وهو ما ناقش حاجة
الفنان اسمو اسلام كاريكا
رابط راسو بشال زى كاريكا المصرى يعنى خلاص الاسماء السودانيةة كملت
ممكن يكون
اسلام الحاج يوسف سوق 7
او اسلام الكلاكلة اللفا
اسلام شتات
او اسلام الفردا
المذيع فى اسئلة من العصر الحجرى
مضايقات الاهل فى بدايتك الفنية
و تعاونت مع منو من الشعراء

انتهينا من برامج رمضان ومتجهين لبرامج العيد

الجواب من عنوانو

جسب ما نشوف فى استعراض برامج العيد

غياب ونضوب الافكار الجديدة والمبدعة


تكرار حتى فى اختيار الفنانيين

يعنى سهرة اليوم الاول تكريم النور الجيلانى
النور فنان جيد ومحبوب
لكن هسا ما كرمتو النيل الازرق

تانى استضافة الفنان ايوب
طيب ايوب دا شهر كامل بيظهر فى اغانى واغانى

محمد الامين فنان وقامة وعلامة
برضو سمعناهو شهر كامل


من الاسماء المكررة واتوقخ تواجدا ايام العيد فى القنوات

التجانى حاج موسى
جمال فرفور
الشاعرة نضال الحاج
مختار دفع الله
راشد دياب
فرق الكوميديا بنكت فديمة

اخى ناصر

نقوم نتذكر
حمدى بدر الدين
والصلحى
وفريد عبد الوهاب


يقولو انتو بتاعين زمن جميل قديم ساكت

من اجمل ما شاهدت فى العيد

جلسة الطيب عبد الماجدمع الازواج
قاسم بدرى وامنة بدرى
حبور وبلقيس
دقش وبخيتة امين

الطيب وجه مريح ومذيع يستطيع ادارة دفة حوار بسلاسة


دقش طريقة كلامو وحركة اليدين وتعابير الوجه
غريبة وعجيبة
يخيتة امين عملت اعلان تجارى عديل لكليتها الخاصة وعليكم الله تعالو سجلو عندنا

عصام محمد نور عطر الجلسة

غناء الاعراب
غمر الفضائيات السودانية

دخلوها وصقيرا حام
وفوق الناس مجرب سيفنا
وشبع الطير والحديا


هسا بالله دا غنا عيد وافراح

وتستمر الدلوكه
سهر مع بابكر ودالجبل
والفنان يغنى بابكر يا سليل العباس


ود الجبل استضاف فى سهرة رمضان
ليه ما فى غيرو
تجار عصامين

فى حواره يبدو كشخص لم تصقله الحضارة ولم تمدنه المدينة

يقول
انا لو فى زول نبذنى بدقو
زمان كنت بدق بيدى وهسا عندى ناس بدقو لى

ســلام وتحية يا أبو السيد وكل عام وانت واسرتك في سعادة وخير ..

عشان القنوات السودانية بتعمل (قرحة) في المعدة وألم في الرأس وطمام في البطن

أنصحكـ بإستعمال (الريموت) كنترول بخفة ورشــاقة للعبور (والزوقان) من قنواتنا






______________________________

أنا تركت الخطوط السودانية من 20 سنة وألحقتها بالقنوات (التي كنا أتمنى الأ تصبح فضائية)

سهرة مدهشة فى قناة ام درمان
عن عبد العزيز محمد داؤد
تقدبم عوض احمدان
مع د محمد عبد الله الريح ود اسمو حاتم
المدهش
اداء فنان اسمو عوض كسلا والفنان التانى نصر الدين القضارف
اداء متقن واصوات صافية
المذيع جيد ويمتلك معلومات

محمد عبد الريح تحدث بصورة طيبة
لكن الخوف من كترة الطلة

ادعوكم للحرص على مشاهدة اعادة السهرة
ولو زول ينزلا يكسب معروف

عيد سعيد
عزيز

فعلا موضوع الاعداد مشكلة

الاعداد الجيد مفتاح للنجاح

ولكن ايضا
المذيع يجب ان يتمتع بثقافة موسوعية وموهبة وذكاء
حتى يتمكن من استيلاد الاسئلة والعبور الى منافذ لحوار ارحب

زول ضظهر فجاءة يظن انه من الظرقاء ويشاركه الظن السىء هذا ناس قنواتنا الفضائية

بروف كرار

بيطرى واستاذ جامعة
من بداية رمضان حتى ايام العيد
شاهدته فى ثلاث قنوات فضائية سودانية

يحكى مواقف ويضحك براهو
فى طريقة الحكى امر يمكن ملاحظته
لا اود التعليق عليه



قنواتنا الفضائية

السودانية-0الشروق- النيل الازرق-ام درمان - الخرطوم

هل ترد فكرة التنسيق فى اذهان من يقومون بادارتها

على الاقل عدم تكرار الاسماء المستضافة فى فترات متقاربة

Quote: فى حواره يبدو كشخص لم تصقله الحضارة ولم تمدنه المدينة يقول انا لو فى زول نبذنى بدقو زمان كنت بدق بيدى وهسا عندى ناس بدقو لى

ههههههههه
غايتو انا كنت عايز افتح بوست بعد العيد بهذا الخصوص
والان انت يامحمد سيد وفيت وكفيت
وهذا يدل على خواء كل القنوات السودانيه
مافي غناء واحده ليها بصمه خاصه كلها بتشبه بعض
في كل غناء لازم تكون في ست شاي تقدم للناس القهوه والشاي اثناء البرنامج
تصوير تعبان اخراج تعبان مقدمين راقدين رز لايعرفوا استخراج المعلومه من الضيوف
حتى الضيوف مكرره ..

ود الجبل تحفه ربنا يزيدو من خيره بس

عيدك سعيد د احمد امين

الدم ما يبقاش مى

مجبورين على قنواتنا

الأخ محمد

ياخي بالجد حاجة تكره وتقرف لكن نعمل شنو إذا كان لا مجال للمبدعين وكل شيئ أصبح بالمحسوبية والواسطة؟

اخى عبد اللطيف

التشابه فى قنواتنا كارثة
ولا واحدة قيهم قادرة تتفرد

سلام وليد


قواتنا
لا فيها اعداد جيد
لا فيها مذيع محاور
لا فى ضوابط لاختيار الضيوف
لا فى تنسيق بين القنوات

فى صديق حكى لى طرفة
قال نسبة لوجود الاذاعة وتلفزيون السودان والنيل الازرق فى مكان واحد

فاى ضيوف يتواجد فى واحدة من القنوات يلمو فيهو عليك الله تعال لينا ويا رشح لينا زول نستضيفو

زول ظريف زى مصطفى احمد الخليف
يظهر فى سهرة ايام العيد
اول امس تعاد السهرة
اليوم يظهر فى النيل الازرق
ما معقول يا اخ


عاصم البنا
والفنانة المهندسة منو فتحى
كرهونا القنوات والغنا ذاتو