Post: #1 Title: أطلع ياخ مع اخوانك ..اقلع حقك من سجانك .دى الحرية عشانى عشانك فيديو Author: نجلاء سيد أحمد Date: 08-11-2012, 03:25 PM Parent: #0
نحن اقوى من السجون من البنادق والمشانق
القصاص لشهداء 28 رمضان ولكل شهداء الشعب السودانى
شكرا استاذ حبيب الشاعر المبدع
مرقنا مرقنا ضد السرقو عرقنا
Post: #2 Title: Re: أطلع ياخ مع اخوانك ..اقلع حقك من سجانك .دى الحرية عشانى عشانك فيدي Author: خدر Date: 08-12-2012, 00:28 AM
مرقنا مرقنا مرقنا مرقنا مرقنا مرقنا مرقنا مرقنا لا اتراجعنا ولا اتفرقنا سلاحنا لساننا ايدينا درقنا و عارفين مين بالضبط سرقنا منو الغشانا منو الافقرنا منو الغشانا و مصً عرقنا و نحن عشانو الليلة مرقنا مرقنا مرقنا مرقنا مرقنا
اطلع ياخي مع اخوانك اقلع حقك من سجانك ارفع صوتك و قرا بيانك صبرك و عزمك هم بمبانك دي الحرية عشاني عشانك كنكش فيها بي اسنانك عشان ننجم و ننسي ارقنا نحن الليلة مرقنا مرقنا
قول للزول الما بغباكا جيت للسلطة من شباكا مما جيتنا قلبنا اباكا فجرت غدرت حتي اباكا ما بتشبهنا منو الرباكا نحن قعدنا كتبنا ورقنا و اتعاهدنا سفننا حرقنا و نحن الليلة مرقنا مرقنا
ده الاسلام اصل الحرية سلاح و فساد لا محسوبية و سوق الناس بي يد ملوية جاك شبابا صافي النية ما بتحميك مليون دورية عايزين عزة و لقمة هنية ما غشوهم بالحورية مرقنا مرقنا مرقنا مرقنا
انتو المرض السكن اجسامنا انتو الغول الاكل احلانا انتو عذابنا و انتو ظلامنا انتو العار في جبين اسلامنا خلاص اختونا و ما بنستغني وربنا من الذلة عتقنا و نحن الليلة مرقنا مرقنا
ياما زرعتوا بيننا الفرقة و كم حرمتوا علينا المرقة كم مسجون في سجنك يشقي ما بنخاف بمبان لا طلقة قسما عظما مهما تبقي انت حا تمشي و نحن حا نبقي حاشا كتايبك ما بتلحقنا ولا بتسحقنا ولا بترهبنا و نحن عشانا الليلة مرقنا مرقنا مرقنا مرقنا مرقنا