Post: #1
Title: بسبب ناذر الخليفه اعلن مقاطعتى لانشطة بورداب الخرطوم
Author: محمد عادل
Date: 08-11-2012, 02:15 PM
Parent: #0
بالامس ونحن نحى زملاء المنبر المعتقلين قام العضو ناذر الخليفه بمقاطعتى وتوجيه سؤال هل التحيه للمعتقلين بصفه شخصيه ام بصفه جميع البورداب
وان كان البورداب لايتضامنو مع اخوتهم المعتقليين فبهذا اعلن مقاطعتى لجميع الانشطه القادمه
يعنى اخوانا المعتقلين الان
رضوان داوؤد
واحمد عبدالله
بكرى العجمى
فتحى البحيرى
خالد خليل
بوشى
فيصل شبو
مايلقو مننا كلمة تضامن ناذر معترض عشان اننا نتضامن معاهم
|
Post: #2
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: saif massad ali
Date: 08-11-2012, 02:40 PM
Parent: #1
محمد عادل
رمضان كريم
يا اخي
ناذر ده شايفو مع صلاح غريبة الظاهر عايز يبقي مدير مكتب صلاح غريبة
عشان كده ماتورط الراجل معاكم في الشغلة دي خليهو ياكل اول حاجة وتاني
يجي يطالب باطلاق سراح المعتقلين زي محمد المسلمي
|
Post: #3
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: ناذر محمد الخليفة
Date: 08-11-2012, 02:40 PM
Parent: #1
بالله سوق معاك زهير دا وانضموا لي رابطة معجبي صلاح غريبة !!
|
Post: #4
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: مازن فيصل هلال
Date: 08-11-2012, 02:45 PM
Parent: #1
ننتظر رد ناذر!
|
Post: #5
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: Elbagir Osman
Date: 08-11-2012, 02:57 PM
Parent: #4
محمد عادل
بل يجب أن يكون ذلك دافعا لممارسة المزيد من نشاطك
من أجل المعتقلين وكافة ضحايا النظام
فالبورداب ليسوا حزبا
ولا موقفا متقاربا
فمنهم من يؤيد التعذيب وربما يشارك فيه
لك التحية
والحرية للمعتقلين
الباقر موسى
|
Post: #6
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: محمد أبوالعزائم أبوالريش
Date: 08-11-2012, 03:34 PM
Parent: #5
محمد عادل ...
أحيي فيك وضوح المواقف دائماً ...
بس عندي عتب صغير ... إنت أعلنت موقفك وهناك من إختلف معك وأعلن موقف مخالف.
أن تعلن مقاطعتك لأنشطة بورداب الخرطوم، هذا خيارك الشخصي.
ولكني كنت أتمنى أن لا يكون هذا الموقف (بسبب فلان) كما ذكرت في عنوان البوست ...... مش أحسن يكون بسبب الموقف الآخر الذي لا توافق عليه؟
|
Post: #7
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: معتصم محمد صالح
Date: 08-11-2012, 05:46 PM
Parent: #6
شاهدت وشاهد كل الحضور رد ناذر على محمد عادل وطريقة رده توحي انه راقد ليه فوق راي كااارب وان هناك شئ ما لا نعلمه يعلمه ناذر فنرجو ان يوضح
|
Post: #8
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: ناذر محمد الخليفة
Date: 08-11-2012, 06:31 PM
Parent: #7
أبو نون :
| Quote: شاهدت وشاهد كل الحضور رد ناذر على محمد عادل وطريقة رده توحي انه راقد ليه فوق راي كااارب وان هناك شئ ما لا نعلمه يعلمه ناذر فنرجو ان يوضح |
ودا كلامي في البوست البي هناك :
Quote: يا أحمد حنين سلام ..
كلامك دا قلناهو زمان وحاولنا نعمل لجنة زي معظم لجان البورداب حول العالم لكن فشلت والناس بقت ما متحمسة ليها .. فمن الطبيعي في جو زي دا يجي أي زول ويكتب كلام بإسم بورداب الخرطوم ..
يا حنين أنا امبارح لمن قاطعتك وشلت منك المايك وسألت محمد عادل قلت ليهو الكلام القلتو قلتو بي اسم منو ؟ ما كان ساي .. السؤال دا كان عشان تذكير الناس بالمؤسسية وما أي زول يتكلم بي إسم كيان ويهضم حق ناس تانين مختلفين معاو في الراي و ما في فرق بينو وبينم إلا بي إختلاف الباصويرد في المنبر دا ..!!
محمد عادل لمن قال لي الكلام البيعبر عنو بي إسمو أنا مشيت طوالي وحتى إنت لمن قلت كلامك سألتك : الكلام دا بيعبر عنك شخصيا وإنت قلت ايوة وأنا مشيت ...!!
كلامي ما معناهو إني ما متفق معاك أو مع محمد عادل لكن بيعني بي بساطة انو نحن كأعضاء سودانيز في الخرطوم ما في شي بيلمنا الا الموقع دا وما في جسم متفق عليه لحدي هسي قام في الخرطوم عشان كدة سؤالي ليكم كان من باب الناس تلتزم وما تتكلم بي اسم بورداب الخرطوم في ظل عدم وجود اجماع على شكل لجنة أو هيكل ..
|
كدة الكلام واضح ..
ويا محمد عادل أتق الله يا خي أنا متين قاطعتك ؟! أنت بعد ما رجعت كرسيك وإتوهطت فيهو حتين أنا جيت وأستلمت المايك من احمد حنين ولمن سألتك انت كنت قاعد في محلك ..!!
بعدين أمبارح لمن سألتك قلت كلامك بيعبر عن نفسك .. ليه أمبارح ما أعترضت وقلت كلامك الكاتبو في البوست دا ..!! مش كان أحسن طوالي تتكلم وتقول طالما البورداب ما متضامنين مع المعتقلين انا أنسحب وطوالي تطلع تفوت ..!!
الفيديو قاعد ..!!
|
Post: #9
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: Khalid Kodi
Date: 08-11-2012, 06:35 PM
Parent: #8
|
Post: #10
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: عوض محمد احمد
Date: 08-11-2012, 07:43 PM
Parent: #9
هل مجرد التضامن اللفظى مع زملاء معتقلين يحتاج الى اجراءات و موسسيية و (الذى منو)؟
الامر اقرب للممحاكات التى لا معنى لها الا الرغبة فى عدم التضامن معهم
لو كان الامر امر تسيير مظاهرة او رفع مذكرة بمطالب سياسية يختلف حولها الناس لجاز طلب الموسسية
اما الاختلاف حول تضامن لفظى فدا البجنن (عبد القادر) ذاتو
|
Post: #11
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: اساسي
Date: 08-11-2012, 08:01 PM
Parent: #10
يا اخوانا ناذر دا وجهة نظروا قوية والله , لو خلا الامر العواطف والمشاعر اللحظية , لانه بكرة ممكن عادي اي واحد في محل محمد عادل دا يمسك المايك ويتضامن مع الحكومة ولا الكيزان باسم بورداب الخرطوم وقتها بتقعدوا تتجرسوا وتعرفوا ناذر دا كان بيقول في شنو
|
Post: #12
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: عوض محمد احمد
Date: 08-11-2012, 08:23 PM
اساسى
سلام و رمضان كريم
كلامك دا بجوز لو طالب محمد عادل بالتضامن مع المعارضة او تحالف كاودا
لكن التضامن مع معتقلين تجمعهم زمالة المنبر مع كل بورداب الخرطوم
يعنى ولا حتى كان التضامن مع كل المعتقلين ممن لا علاقة لهم بسودانيزاونلاين
|
Post: #13
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: الزبير صالح الزبير
Date: 08-12-2012, 00:37 AM
Parent: #12
أنا زاتي يا محمد عادل اعلن مقاطعتي لناذر الخليفة لانه بقي يتضهب في الساحة الخدرا وقت الإفطار
|
Post: #14
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: haroon diyab
Date: 08-12-2012, 06:31 AM
Parent: #13
| Quote: يا اخوانا ناذر دا وجهة نظروا قوية والله , لو خلا الامر العواطف والمشاعر اللحظية , لانه بكرة ممكن عادي اي واحد في محل محمد عادل دا يمسك المايك ويتضامن مع الحكومة ولا الكيزان باسم بورداب الخرطوم وقتها بتقعدوا تتجرسوا وتعرفوا ناذر دا كان بيقول في شنو |
|
Post: #15
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: الصادق صديق سلمان
Date: 08-12-2012, 07:58 AM
Parent: #12
| Quote: يا اخوانا ناذر دا وجهة نظروا قوية والله , لو خلا الامر العواطف والمشاعر اللحظية , لانه بكرة ممكن عادي اي واحد في محل محمد عادل دا يمسك المايك ويتضامن مع الحكومة ولا الكيزان باسم بورداب الخرطوم وقتها بتقعدوا تتجرسوا وتعرفوا ناذر دا كان بيقول في شنو |
|
Post: #16
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: وضاحة
Date: 08-12-2012, 08:31 AM
Parent: #15
قلبي كان حاسي
ولما شوفت صوروا مع ابو كضوم امنت واقتنعت انوا برقد للكيزان علشان يخش العبة
وجعى عليك يا ود الخليفة
الزول دا قاطعوا
من زمان بنات دار جعل اتبرن منو ونفضنوا
|
Post: #17
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: osman righeem
Date: 08-12-2012, 09:02 AM
Parent: #16
Quote: قلبي كان حاسي
ولما شوفت صوروا مع ابو كضوم امنت واقتنعت انوا برقد للكيزان علشان يخش العبة
وجعى عليك يا ود الخليفة
الزول دا قاطعوا
من زمان بنات دار جعل اتبرن منو ونفضنوا |
لكن مياااالغة
زمان بنات دار جعل نفضلو ايام التلفون الجا في مطعم ابراهيم في اركويت
لانو رقد لي ناس ضد الكيزان و الليلة نفضو ليهو لانه رقد للكيزان
غايتو يا وضاحة تشوفي زيني بس!!!!!
رمضان كريم وربنا يتقبل الصيام و القيام و يعجل بي اسقاط النظام
|
Post: #18
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: وضاحة
Date: 08-12-2012, 09:16 AM
Parent: #17
عتمان رمضان كريم
لالا الحديث ما كان كده الموقف كان مختلف
كل شى ولا الكيزان
انا جيت قبل كم يوم من السودان والله حالة الناس تحزن من الشكوى والبلد ولعت ناااار والحرامية كتروا ما ناقصين يزيد واحد
والزول دا شكلوا بمسح جوخ علشان يخش العبة
لكن هم مفتحين وبعرفوا احقوا ما يتعب نفسوا ساى
|
Post: #20
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: صلاح ليون
Date: 08-12-2012, 09:50 AM
Parent: #16
Quote: قلبي كان حاسي
ولما شوفت صوروا مع ابو كضوم امنت واقتنعت انوا برقد للكيزان علشان يخش العبة
وجعى عليك يا ود الخليفة
الزول دا قاطعوا |
مالك يا ناذر
|
Post: #21
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: معتصم مصطفي الجبلابي
Date: 08-12-2012, 11:25 AM
Parent: #20
والله ياحبيب كلام ناذر مافيهو حاجة ..وتسائله تسائل مشروع..
وزى القروبات دى قروبات ذات طابع إجتماعى بتلم الناس بمختلف الوان طيفهم
فإذا تم تسييسها ستفقدون اللمة الجميلة القاعدين تستمتعوا بيها مع بعض ..
ناذر انسان لذيذ..وحقانى فى نفس الوكت ...لكن كان فى كلام تانى
Quote: ولما شوفت صوروا مع ابو كضوم امنت واقتنعت انوا برقد للكيزان علشان يخش العبة
وجعى عليك يا ود الخليفة
|
فأنا ماعارف....
شكلو ناذر داير يخش سوق السيخ
وش ضاحك
لكم ودى م عادل وناذر
|
Post: #22
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: ناذر محمد الخليفة
Date: 08-12-2012, 01:13 PM
Parent: #21
|
Post: #23
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: ناذر محمد الخليفة
Date: 08-22-2012, 04:27 PM
Parent: #22
محمد عادل ...
للاسف بعد علي كدايس قرا بوست جمعة قندهار بتاع العوض المسلمي غير رايو وباقي الشباب من رحلة جبل أولياء وقرروا ينضموا لينا في قندهار وأجلوا رحلة جبل أوليا للجمعة البعديها ..!!
فأنا جاي قندهار ودا معناتو إنت ما جايي . لكن عندي ليك حل من إتنين عشان الجمعة الجاية ما تقعد براك في الحلة تتلفت زي المجنون :
أنصحك الجمعة الجاية تنضم للسيد صلاح غريبة في رحلتو المنظما في منتزه المقرن العائلي لي اعضاء منظمة (فتاح الخيرات) تحت التأسيس البتعنى بي فتح مجاري ومصارف الأمطار ..!!
أو كمان الجمعة دي تجليها وتنوم في بيتكم (أو تعمل فيها نايم فيهو) وتنتظر الجمعة البعديها تمشي جبل اولياء مع ناس علي كدايس للسمك والخلطة والجو الناعم والشراب الابيض والنيات الخاتفا نفس اللون ..!
لاني الجمعة ديك ما حا امشي معاهم عشان حا أكون مع صلاح غريبة في رحلتو المنظما في حدائق المتحف لي اعضاء منظمة (قفل الخيران) فوق التأسيس البتعني بي ردم مجاري الامطار - الفتحوها ناس منظمتو بتاعت الجمعة القبليها - خوفا من توالد البعوض وإنتشار الملاريا ومحاولات الاجهاض المتكررة ..!!
إتس يور جويس ...!!!
بس نصيحتي ليك علي كدايس أختاهو . الزول دا صعب وبيضيعك ..!!
|
Post: #24
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: الصادق اسماعيل
Date: 08-22-2012, 05:17 PM
Parent: #23
Quote: لاني الجمعة ديك ما حا امشي معاهم عشان حا أكون مع صلاح غريبة في رحلتو المنظما في حدائق المتحف لي اعضاء منظمة (قفل الخيران) فوق التأسيس البتعني بي ردم مجاري الامطار - الفتحوها ناس منظمتو بتاعت الجمعة القبليها - خوفا من توالد البعوض وإنتشار الملاريا ومحاولات الاجهاض المتكررة ..!!
|
أيوه كده خليك (مدير أعمال) ملو هدومو
|
Post: #25
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: rani
Date: 08-22-2012, 05:44 PM
Parent: #24
Quote:
محمد عادل ...
ل
أنصحك الجمعة الجاية تنضم للسيد صلاح غريبة في رحلتو المنظما في منتزه المقرن العائلي لي اعضاء منظمة (فتاح الخيرات) تحت التأسيس البتعنى بي فتح مجاري ومصارف الأمطار ..!!
أو كمان الجمعة دي تجليها وتنوم في بيتكم (أو تعمل فيها نايم فيهو) وتنتظر الجمعة البعديها تمشي جبل اولياء مع ناس علي كدايس للسمك والخلطة والجو الناعم والشراب الابيض والنيات الخاتفا نفس اللون ..!
لاني الجمعة ديك ما حا امشي معاهم عشان حا أكون مع صلاح غريبة في رحلتو المنظما في حدائق المتحف لي اعضاء منظمة (قفل الخيران) فوق التأسيس البتعني بي ردم مجاري الامطار - الفتحوها ناس منظمتو بتاعت الجمعة القبليها - خوفا من توالد البعوض وإنتشار الملاريا ومحاولات الاجهاض المتكررة ..!!
بس نصيحتي ليك علي كدايس أختاهو . الزول دا صعب وبيضيعك ..!! |
و هنا يعلن ناذر بشكل واضح الاعلان عن منظمة العيرة صلاح غريبة
فيا محمد عادل رشه رش صاح لحدي ما يختا درب المعتوه صلاح وانا من يوم الليلة دا معاك.
.
.
بالمناسبة سمعت امبارح من واحد انو الصادق المهدي دخلت ليهو ام جعران في نخرتو الكلام دا صاااح؟
|
Post: #26
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: ناذر محمد الخليفة
Date: 08-22-2012, 08:54 PM
Parent: #25
راني ..
| Quote: بالمناسبة سمعت امبارح من واحد انو الصادق المهدي دخلت ليهو ام جعران في نخرتو الكلام دا صاااح؟ |
السؤال دا موجه لي ولا لي محمد عادل ؟!!
عشان أنا راجعت مداخلتي وما لقيت في أي مناسبة تخليك تبدا كلامك بي : بالمناسبة ؟!!
|
Post: #27
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: ناذر محمد الخليفة
Date: 08-22-2012, 08:55 PM
Parent: #25
الصادق أسماعيل ما تلخبط ..
| Quote: أيوه كده خليك (مدير أعمال) ملو هدومو |
انا مدير مكتبو مش مدير اعمالو ..!!
|
Post: #28
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: ذواليد سليمان مصطفى
Date: 08-22-2012, 11:15 PM
Parent: #8
تبا يا ناذر
مالك للفضائح
الفيديو في الطريق
|
Post: #29
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: rani
Date: 08-23-2012, 00:21 AM
Parent: #28
Quote:
السؤال دا موجه لي ولا لي محمد عادل ؟!!
عشان أنا راجعت مداخلتي وما لقيت في أي مناسبة تخليك تبدا كلامك بي : بالمناسبة ؟!! |
اها وانت علاقتك شنو كمان بالصادق المهدي، بترش ليهم النجيلة ولا بتقطع ليهم الشجر؟ السؤال موجه لاب ريالة المستضيفك هنا.
وبالمناسبة، اي بوست فيهو محمد عادل، دي اكبر مناسبة انك تحشر فيهو سيرة ابنخرة.
Text Me
ضيعت رقمك
|
Post: #30
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: ناذر محمد الخليفة
Date: 08-23-2012, 12:32 PM
Parent: #29
راجع الماسنجر ..!!
|
Post: #31
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: محمد امين مبروك
Date: 08-24-2012, 00:43 AM
Parent: #30
ود عادل .. اينما تولي وجهك تثير عواصفك هذه
ود الخليفة ..يا فنان !! " إتغيرت انت ؟!" ... غير معقول !!
ومن هو صلاح غريبة بحق السماء .. ؟؟ غبت عن المنبر فترة وحين عدت وجدت الصفحات كلها تسبح له حيناً وتسب له حيناً اخر
- قديمة قصة المقاطعة دي ... الجديد هو إعلانها فمنذ ان بدأت جلسات البورداب الاولى على ضفاف المقرن الجميل .. كان إختفاء الاعضاء هو قصة حياة البورداب
اغلب الذين كانو في تلك الجلسات لم يعودو يتصفحون حتى الموقع ! لأسباب ذات طابع شخصي بحت واخرى اسباب اخرى !!
|
Post: #32
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: ناذر محمد الخليفة
Date: 08-24-2012, 11:25 AM
Parent: #31
سلام محمد أمين وينك مختفي يا راجل ؟!!
| Quote: ومن هو صلاح غريبة بحق السماء .. ؟؟ |
ياراجل في زول ما بيعرف صلاح غريبة ؟!
أنصحك تتحسس سودانيتك ..!!
Quote: قديمة قصة المقاطعة دي ... الجديد هو إعلانها فمنذ ان بدأت جلسات البورداب الاولى على ضفاف المقرن الجميل .. كان إختفاء الاعضاء هو قصة حياة البورداب
اغلب الذين كانو في تلك الجلسات لم يعودو يتصفحون حتى الموقع ! لأسباب ذات طابع شخصي بحت واخرى اسباب اخرى !! |
أي والله .. هسي المقاطعة بقوا يعلنوها بالبوستات ..!!
شفت العلم إتطور كيف ..
محمد الأمين يا خي ما تجينا قندهار الليلة ..!!
|
Post: #33
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: محمد امين مبروك
Date: 08-24-2012, 05:34 PM
Parent: #32
ناذر سلامات وكل عام وانت بالف خير ....
عارف ... وانت عائد من قندهار الان سأحكي لك هذه القصة التي تشبه لحد ما حكاية محمد عادل
قبل سنوات اقمنا -كبورداب حينها- إحتفالاً بعودة الإعلامي محمد عكاشة من القاهرة في حدائق الهيلتون
ومع بداية البرنامج كانت فقرة التعارف ديك .. اخوكم فلان يعمل كدة ..الخ
جاء دوري فوقفت مثلي والآخرين اعرف نفسي اخوكم محمد امين ......
وقبل ان اصل للإسم الثالث إنبعث من الصف المقابل لي صوت نسائي (دعنا نقول انه نسائي مجازاً فهو اقرب لصوت إمراءة مسترجلة)
قالت بتظارف (وووووووب علينا ح-يبرااااانا ) ..
استغربت حقيقة لأن نفس هذه الأخت سألتني في إجتماع سابق للبورداب عن لماذا ابدو صامتاً لا اميل للكلام
:
:
اعتذرت للأستاذ م عكاشة وانسحبت بهدؤ دون لفت إنتباه احد ومن يومها اصابتني فوبيا البورداب .. ما ان اسمع هذه الكلمة وإلا تحسست إسمي
وحمدت الله على ان الهمني السيطرة على لساني في تلك اللحظة لأنه كان يتراقص بكلمات من النوع الذي يٌغطَي بالأنجم هكذا *******
|
Post: #34
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: ناذر محمد الخليفة
Date: 08-24-2012, 06:36 PM
Parent: #33
سلام محمد أمين ..
أول حاجة فاتتك اللحمة والاللمة والغتاء العذب الرطب ..
محمد عادل انا وهو سمن على عسل جا اللمة وانا جيت وعلي كدايس جا وحصل كل خير ..
Quote: ناذر سلامات وكل عام وانت بالف خير ....
عارف ... وانت عائد من قندهار الان سأحكي لك هذه القصة التي تشبه لحد ما حكاية محمد عادل
قبل سنوات اقمنا -كبورداب حينها- إحتفالاً بعودة الإعلامي محمد عكاشة من القاهرة في حدائق الهيلتون
|
أيوة أنا متذكر تماما اللمة دي .. حتى بالامارة كانت في الحدائق لكن في الجهة القريبا من الزلط الشمالي .. كان فيها من الأخوات نادية عثمان و عبير خيري وكمية من البورداب ..
Quote: قالت بتظارف (وووووووب علينا ح-يبرااااانا ) ..
|
حاجة غريبة !! مع إنت ما قلت شي غير محمد امين !!
ييراهم من شنو ؟؟!
Quote: اعتذرت للأستاذ م عكاشة وانسحبت بهدؤ دون لفت إنتباه احد ومن يومها اصابتني فوبيا البورداب .. ما ان اسمع هذه الكلمة وإلا تحسست إسمي
وحمدت الله على ان الهمني السيطرة على لساني في تلك اللحظة لأنه كان يتراقص بكلمات من النوع الذي يٌغطَي بالأنجم هكذا ******* |
هههههههه لكن يا محمد أمين أنا اتخايل لي أنت تكون اتحسست ساي .. بتكون العضوة دي ما قاصداك إنت لأني ما شايف فيها حاجة في أسمك .. غايتو إلا تكون قلت محمد الأمين وأنت بتحرك في يدينك أو صوابعينك بدون قصد ..!!
كدي حاول أتذكر ..!!
وكمان برضو الزولة دي لو قاعدة هنا تجي تورينا لي قالت كدة ... وبالمرة تعتذر لي محمد الأمين عن الستة سنوات الفاتو القضاهم وهو متعقد من أسمو ومحروم من لمات البورداب ومشاوي قندهار واسماك عوضية وبتاعات علي كدايس ..!!
|
Post: #35
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: Muhib
Date: 08-24-2012, 08:41 PM
Parent: #34
محمد عادل انا وهو سمن على عسل جا اللمة وانا جيت وعلي كدايس جا وحصل كل خير ..
/...
خبر جميل وانا نفسي قام ..
المحبه جميله ويباركم المسيح..
|
Post: #36
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: ناذر محمد الخليفة
Date: 08-24-2012, 10:16 PM
Parent: #35
مهيب ...
| Quote: المحبه جميله ويباركم المسيح.. |
صدقني ما دام فيها مباركة .. أنا ناذر الخليفة القدامك دا قبلان بيها ..!!
بس كدي أقنع محمد عادل دا بي قبول مباركة المسيح لأنو هو مقتنع تماما أنو الإسلام دا هو وأهلو سالين فيهو حربة وسيف نيابة عن كل سكان السودان الكفرة غير البررة وحرروا ليهم الخرطوم العايشين فيها دي ..!!
لكن أنحن ناس عرب ساي أغش عليك ...!؟
يا مهيب الخرتوم دي أنحنا ما سالين فيها اي حاجة غير الشي الخلانا نتكاثر ونحفظ بيهو نسلنا !! وكل علاقتنا بيها إنو في سنة من السنين البصل عندنا نجح في بلدنا في الشمالية وجينا الخرتوم مدفوسين في اللواري نبيعوا هنا ، ولقينا الموية الصاقطة والتلاجات والكهارب وقعدنا فيها القعدا الياها ..!!
عشان كدة أي مباركة بنقبلا حتى لو جاتنا من تحتمس الرابع نفسو ..!!
شالوم ..!!
|
Post: #37
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: ناذر محمد الخليفة
Date: 08-25-2012, 12:59 PM
Parent: #36
|
Post: #38
Title: Re: بسبب ناذر الخليفه اعلن مقاطعتى لانشطة بورداب الخرطوم
Author: على ميرغني
Date: 08-25-2012, 01:02 PM
Parent: #37
أنحنا ما سالين فيها اي حاجة غير الشي الخلانا نتكاثر ونحفظ بيهو نسلنا !!
كضاب جنس كضب
مع ملاحظة ان الجملة جاءت في صيغة
برسنت كونتيوص
|
|