يا معاوية وناذر ليس لبورداب الخرطوم كيان لدينا شيخ#

الاخوة الكرام البورداب في كافة أصقاع الارض

والعابرين

تحياتي
بخصوص البيان هو مجرد موقف أدبي وأخلاقي لكافة االبورداب بالداخل وليس هو باالعمل الكبير الذي يحتاج لجنة وشريعية ولكن تم تكليفي من قبل السادة الحضور في الافطار وليس هنالك من حرج أن كنت قد تجاوزات الحدود وعملت ما علمت من أمهات أفكاري لناذر الحق في التعديل بلغته الرفيعه ورصانة خطابه ونقول لكم أنت وناذر ليس لبورداب الخرطوم كيان ولكن لدينا شيخ يمكنكم االرجوع اليه هو كبيرنا الذي أتفاقنا عليه هو عوض المسلمي ولا داعي للتهريج والسخف ولو كان لكم أضافةأو مقترح أفعلوا كما يفعل العقلاء وأعظم الاعمال قامت بعفوية وألتف حولها الناس ولكن من أبغض الاشياء أن يقوم ثورجي بقامة معاوية بهذه الافعال أو فنان بروح ناذر ينزل لهذا الاسفاف
نظل أخوة وبيننا أحترام في العلاقات الانسانية والا سوف نقول الحقائق التي تكشف معادن الرجال في كثير من المواقف اتي كانوا أول المتشدقين بها ولا داعي لشف الصف خدمة لا خرين وأخريات نحن نعلمهم وعليه نرجوأن نكون أكثر عقلانية وأتزان حتي لا نرمي
أحدا بسوء يا معاوية وناذر .
وللكل صادق ودي

روق المنقة يا ابو الزهور

معاوية الصائم يا ابو الزهور

!!!!!!

Quote: والا سوف نقول الحقائق التي تكشف معادن الرجال في كثير من المواقف اتي كانوا أول المتشدقين بها

انا شخصيا يا زهير حا أبطل أي حاجة وامسك في دي ..

عشان كدة بطالبك من هسي تقول الحقائق الكنت متمشدق بيها ..!!

Quote: يا معاوية وناذر ليس لبورداب الخرطوم كيان لدينا شيخ

مع كامل إحترامي للعوص المسلمي .. إنت قايل روحك في معهد شروني ولا سايق ليك غنمايتين وطاقش الخلا ؟!
طيب وكت عندنا شيخ وهو البيعمل اي حاجة وهو على كل شي قدير . ما كان هو يصيغ البيان ؟!
انت الكلفك منو أساسا ..!!
















يا تاج السر الملك تعال شوف السوداني دا بالله ..!!

الأخوان الأعزاء

زهير ونازر

لكم العتبي حتي يرضي كلاكما..

دعونا ننتهز هذة الفرصة .. لنعيد ترتيب انفسنا ..

بطريقة افضل ...

وذلك بتكوين لجنة مصغرة .. عدة مكاتب ..

رئيس.. وامين عام .. واربعة او خمسة ..

لجنة تقوم بتنظيم كل فعاليتنا .. وتصدر بيانات باسمنا ويكون لها

التفويض الكامل ... ولمدة عام .. ويتم تغيرها او التجديد لها او الأضافة لها

..
رجاء دعونا نمشي لي قدام .. بكل الروح والثقة التي عهدناها فيكم جميعا...

يا أحمد حنين سلام ..


كلامك دا قلناهو زمان وحاولنا نعمل لجنة زي معظم لجان البورداب حول العالم لكن فشلت والناس بقت ما متحمسة ليها .. فمن الطبيعي في جو زي دا يجي أي زول ويكتب كلام بإسم بورداب الخرطوم ..


يا حنين أنا امبارح لمن قاطعتك وشلت منك المايك وسألت محمد عادل قلت ليهو الكلام القلتو قلتو بي اسم منو ؟ ما كان ساي .. السؤال دا كان عشان تذكير الناس بالمؤسسية وما أي زول يتكلم بي إسم كيان ويهضم حق ناس تانين مختلفين معاو في الراي و ما في فرق بينو وبينم إلا بي إختلاف الباصويرد في المنبر دا ..!!

محمد عادل لمن قال لي الكلام البيعبر عنو بي إسمو أنا مشيت طوالي وحتى إنت لمن قلت كلامك سألتك : الكلام دا بيعبر عنك شخصيا وإنت قلت ايوة وأنا مشيت ...!!

كلامي ما معناهو إني ما متفق معاك أو مع محمد عادل لكن بيعني بي بساطة انو نحن كأعضاء سودانيز في الخرطوم ما في شي بيلمنا الا الموقع دا وما في جسم متفق عليه لحدي هسي قام في الخرطوم عشان كدة سؤالي ليكم كان من باب الناس تلتزم وما تتكلم بي اسم بورداب الخرطوم في ظل عدم وجود اجماع على شكل لجنة أو هيكل ..

عشان كدة بيان زهير دا أنا قلت محتاج اعادة صياغة وبي اجماع من البورداب .. لكن زهير اتشنج حبتين والليلة رمضان مسخن معاو شوية ..!!

ناذر
ليس من العيب أن نقول فلان قد أخطا ولكن العيب كل العيب أن يسق المرء لاكاذيب وهو يعرف من مختلق هذه الاكاذيب وأنت تعلم مدي خصومتي مع هؤلاء القوم علما بأنك كنت بيننا ليلتها وكان من المفترض أن تكون علي علم بكل الذي دار وأني لا أخاف الحق شيء وأنت غير معني بما ورد في البيان ولك الحق في أن تقول هذا البيان لا يمثل وجهة نظري أو تعدل أو تضيف ولكن تمارس سخف متعمد وأنت عليم بما هو طارح هذه السخافات ووزنه لا أقبل حتي ولوأنت غرتي عيني الحق أقوله يا ناذر هذا الامر تمت مناقشته مع الاخ العوض مجموعة من الحضور وكان الطرح كالتالي أن يكتب البيان ويتم من خلال التداخل تعديله حتي يصل لصورته النهائية ولكن لضيق الوقت وعدم أهتمام الاغلبية جري ما جري ليس علي من حرج في أن يصيبني الضيق من صبيانية معاوية وأنقيادك له فالعاقل قبل الانقياد والانفعال عليه تفهم الامر ومراجعة من كانوا معنا

وتمسك ناذر فيما ما أنت ممسك به ولا يضير الارض أن يهال عليها مزيدا من التراب

*والا سوف نقول الحقائق التي تكشف معادن الرجال في كثير من المواقف اتي كانوا أول المتشدقين بها




*

!!!

Quote: يا ناذر هذا الامر تمت مناقشته مع الاخ العوض مجموعة من الحضور وكان الطرح كالتالي أن يكتب البيان ويتم من خلال التداخل تعديله حتي يصل لصورته النهائية

البيان لم يطرح للمناقشة والتعديل بل طرح للأمضاء وذلك يعني أن هذه صورته النهائية ..!!

Quote: ولكن العيب كل العيب أن يسق المرء لاكاذيب وهو يعرف من مختلق هذه الاكاذيب

يا زهير أين هي الاكاذيب فيما ذكر !!!


يا أخوي أنت الظاهر عليك ما متعود على العمل العام .. دا عمل عام وفيهو مجموعة من الناس أي زول عندو رايو وطريقتو .. اذا أنت بتتعامل مع العمل العام بي عقلية (دا شيخي) وقايل الناس عبارة عن حيران كل شغلتم يبصموا ويمضوا فأنت غلطان وراجع نفسك ..!

يا ناذر أفندي حسي المسالة بقت منو اللي قال أكتبو كلنا قلنا نكتب لو أنت عندك أي أعتراض ممكن بكل بساطة تقول يخي البيان دا ما بمثلني ولا دي وجهة نظري أو زي ما قلت الان ما فات شيء في أي عبارة خدشت مشاعر سعادتكم ممكن نحذفها ليك وبعدين أنت ما كنت معنا في قصة العمل المؤسس دا وعارف حجم الصراعات أنو ما يقوم كيان لبورداب الخرطوم لكين عندنا شيخ كرة وشيخ للمالية وشيخ للعلاج بعدين قصة *ما عندك معرفة بالعمل العام لن أغفرها لك وسوف يكون هنالك دم وصدام يا
..... رجعي وضد السامية كمان وخاصة محمد عادل

يا اخوان يا رائعين

صراحة انا شايف مافي اي خلاف

انتو متفقين علي الحاجة الأهم ..

وهي المؤسسية.. وكلنا معاكم ..


يلا .. خلونا نبدأ .. من هنا ...


لكم المحبة والأحترام

أخي أحمد حنين
تحياتي
معليش والله ما في خلاف بيننا لكين منو الرجل الذي يستطيع كل بورداب الخرطوم أن يكونون معه كيدا واحدة دا الاختيار الصعب

لك كل الود


* لكين أنا لسه وزعلان من عبارة ما بتعرف عمل عام عرتفوا أنت يا بتاع الديكور و هندسة الغرف الداخلية لازم يعتذر لمحمد عادل دا بسببو ح يسيب كل شيء

Quote: عرتفوا أنت يا بتاع الديكور و هندسة الغرف الداخلية

يا قول النكتةالحكتا البت اللذيذة بتاعت السكران القال لي ست العرقي معقووولة أعرف من إمام الجامع إنك بي هنا ؟
بالله يا ناذر يكلمنا زهير ؟؟ ياخ انا كايس لي بتاع ديكور لي سنتين ..

عمر الفاروق ..

Quote: عرتفوا أنت يا بتاع الديكور و هندسة الغرف الداخلية

والله زهير ما فاضل إلا يقول لي اجي يا بنات امي ترا ترا واللستك الورا ما بناكل باسطة سلا ولا بنركب ركشة ورا ..!!

ياناذر

نحن في العشرة الاوخر من رمضان أرتفاع بلغة الخطاب
شمس

الاخوان والأحباب ... ناذر وزهير
اختلاف الآراء ظاهرة (صحية) والموضوع (بسيط) يحتاج فقط لاريحية في الطرح والنقاش
بورداب الخرطوم او بورداب السنتر كما احب تسميتهم يجب ان يكونوا هم قدوة ومثال يحتذى به ،،،
ما مهم منو القائد او الرئيس ... والشغلانية ما محتاجة دستور ولوائح ونظم ... كل المطلوب أريحية ونفوس صافية ...
.
.
تقبلوا خالص تحياتي

زهير ..

Quote: شمس

البتاعة دي أوعا تكون أختصار لي نبذة أو شتيمة ؟؟!!

بقت لي زي اختصار للحروف الاولى من شتيمة ؟!!!!!

شكرا زيزي ..

Quote: كل المطلوب أريحية ونفوس صافية ...

Quote: شمس

إختصار لشنو يا ناذر قدر ما ضايرتها جاي جاي ابت تزبط

بعدين شنو الشكل الني دا عاملين زي بورداب الدوحة البتفقوا على البوست و الشكلة و الصلح قبل ما يكتبوه
دوّروا آكشن بالطريقة الصاح ولاّ فكوّنا كدا ولا كدا

Quote: عاملين زي بورداب الدوحة

جاااب سيرة البحر

Quote: والله زهير ما فاضل إلا يقول لي اجي يا بنات امي ترا ترا واللستك الورا ما بناكل باسطة سلا ولا بنركب ركشة ورا ..!!

والله يا ناذر اتاريك قديم خلاص بالله انت من زمن سلا وباسطة سلا اوع كمان تكون حاضر زمن تتي

Quote: والله زهير ما فاضل إلا يقول لي اجي يا بنات امي ترا ترا واللستك الورا ما بناكل باسطة سلا ولا بنركب ركشة ورا ..!!

والله يا ناذر اتاريك قديم خلاص بالله انت من زمن سلا وباسطة سلا اوع كمان تكون حاضر زمن تتي