أحدث بلوى للمتعافى ( البتجيب أجلو وتقطع طاريهو)

ادخل المتعافى القطن المعدل للسودان وسط رفض وعدم تجارب وتمت الزراعة فى التاريخ المحدد 01-اغسطس واليوم 11-أغسطس 2012 ولا شجرة قطن واحدة رفعت راسها من الارض مافى ( المزارعين محتارين عمرهم فى الجزيرة مازرعوا نبات ورفض ينبت الاقطن المتعافى وحسب سمعنا ولا بذرة احدة انبتت فى كل الجزيرة مافى وربنا يكضب الشينة)

اتمنى ان تكون الاخبار كاذبة ويلحق القطن الموسم لانو فشلوا كارثة وخسارة على البلد

سلام محمد

Quote: ولا شجرة قطن واحدة رفعت راسها من الارض

تكون قامت لى تحت :)

لماذا تكابر الانقاذ و تصر على الشخصيات الخلافية؟؟

سلام يا محمد


ممكن يتأخر الإنبات لحد فترة 21 يوم حسب نوع البذور وسمك القشرة الخارجية ليها بافتراض أن العوامل الثانية مثالية

بس دائما الكمون دا بحصل في الشتاء حيث تكون حركة الإنزيمات داخل البذرة ضعيفة بسبب انخفاض درجة الحرارة

ولأني ما متأكد من البذور دي بالضبط محتمل شغل الهندسة الوراثية يكون أثر في سرعة إنباتها

ومع ذلك بقول ربنا يكضب الشينة لأنو بذور القطن دي دائما ما بتزيد من 10 يوم كحد أقصى لكي تنبت


ثانيا : الحاجات دي ما بتعمل للمتعافي أي حاجة لأنو في الأساس التعيين في الإنقاذ المعيار بتاعو ما الكفاءة ولا الإنجاز

نبارك للرجل - مقدماً - الترقية القادمة.

Quote: ثانيا : الحاجات دي ما بتعمل للمتعافي أي حاجة لأنو في الأساس التعيين في الإنقاذ المعيار بتاعو ما الكفاءة ولا الإنجاز

صدقت

وخير مثال لذلك هو هذا المتعافي وزير الزراعة وعبد الرحيم وزير الدفاع

ما هو متعارف عليه في الجزيرة هو أن البذور الجديدة تزرع وتختبر أولا في هيئة الأبحاث الزراعية

وهي التي تعطي الضوء الأخضر لوزارة الزراعة بالبدء في الزراعة.. وأعتقد بأن هذه البرتكول مستمر

حتى اليوم ...ولا أظن بأن د. المتعافي سيخرج عن البرتكول .



تحياتي ورمضان كريم

Quote: ا هو متعارف عليه في الجزيرة هو أن البذور الجديدة تزرع وتختبر أولا في هيئة الأبحاث الزراعية وهي التي تعطي الضوء الأخضر لوزارة الزراعة بالبدء في الزراعة.. وأعتقد بأن هذه البرتكول مستمر حتى اليوم ...ولا أظن بأن د. المتعافي سيخرج عن البرتكول .

حليلك يا دكتور وحليل الابحاث الزراعية والبروتوكول
ما تاكدت منه شخصيا ومن بروفسور يعمل في هيئة الابحاث الزراعية ان البروتوكول لم يطبق في القطن المحور وراثيا
وهو رمية في الظلام لا تعرف اثارها على الارض ولا على البيئة ولا على الحيوان ومن ثم على الانسان
المتعافي اصدر اوامره بزراعة القطن المحور وطفق يبشر بالانتاجية العالية وجاراه بعض الجهلة وقبل بعض المزراعين والنتائج في رحم الغيب
ويوم تحصل الكوارث لن نجد المتعافي لنتعافي حيث ان الاثار الجانبية لهذه المغامرة تظهر بعد زمن

Quote: ما هو متعارف عليه في الجزيرة هو أن البذور الجديدة تزرع وتختبر أولا في هيئة الأبحاث الزراعية

طيب يا دكتور ليه ما تم هذا الاختبار فى بذور زهرة الشمس الفاسدة التى وزعت لمزارعى النيل الازرق وسنار قبل اكثر من عام على ما اظن وهى القضية المشهورة والمعروفة والمتهم فيها المتعافى نفسه ومسئولين من البنك الزراعى واخرين ولا ندرى حتى الان ما تم فيها !

أخي خالد حاكم .. رمضان كريم ..

Quote: طيب يا دكتور ليه ما تم هذا الاختبار فى بذور زهرة الشمس الفاسدة التى وزعت لمزارعى النيل الازرق وسنار قبل اكثر من عام على ما اظن وهى القضية المشهورة والمعروفة والمتهم فيها المتعافى نفسه ومسئولين من البنك الزراعى واخرين ولا ندرى حتى الان ما تم فيها !

صدقت والله .. لا خيرا يرجى من هذا الرجــل .. رغم المستوى التعليمي الذي يتمتع به ..
لكن (النفس وهواها) .. يا حليلك يا وطنا .. ضيعوك ودروك ..


والرئيس يبشــر الشعب .. شفت كيف ( يبشــر) بدستور إسلامي يكون إنموزجا للدول التي من حولنا ..

ههههههههههه ...

محمد أبراهيم .. كيفنك وعساك طيب ..

Quote: حليلك يا دكتور وحليل الابحاث الزراعية والبروتوكول ما تاكدت منه شخصيا ومن بروفسور يعمل في هيئة الابحاث الزراعية ان البروتوكول لم يطبق في القطن المحور وراثيا وهو رمية في الظلام لا تعرف اثارها على الارض ولا على البيئة ولا على الحيوان ومن ثم على الانسان المتعافي اصدر اوامره بزراعة القطن المحور وطفق يبشر بالانتاجية العالية وجاراه بعض الجهلة وقبل بعض المزراعين والنتائج في رحم الغيب ويوم تحصل الكوارث لن نجد المتعافي لنتعافي حيث ان الاثار الجانبية لهذه المغامرة تظهر بعد زمن

لا حــول ولا قــوة الأ بالله .. والله إنه الفساد الذي لم يترك صغيرة ولا كبيرة ..

ومحن الإنقاذ تعدت كل المعقول .. لماذا يتم تجاوز البحوث الزراعية ؟؟ ولمصلحت من ؟؟

لكن أقول ليك حاجة .. فعلا الواحد ما المفروض يستغرب بعد ما باعوا شيخ المشاريع

طيب بعد (زنقة ال ك ل ب) المرت عليهم بسبب الإعتماد على البترول وإهمال الزراعة برضو ما عايزين يتعظوا

ويعلموا أن لا مستقبل للسودان غير الزراعة ؟؟؟

وفعلا ينطبق علينا :

في الســودان كل إمرء يحتل غير مكانه *** المال عند بخيلــه والسيف عند ج ب ا ن ــه

الاخوة المتداخلون
السلام عليكم وتقبل اللة الصيام والقيام

المتعافى دمر موسم كامل بقفزةالظلام هذة والموضوع هو قافل عليهو اكثر من اللازم وتحديدا بعد استيراد محالج حديثة بالحصاحيصا وبركات يتم تركيبها الان احلجوا بيها شنو ما معروف . وحتى لو القطن قام القطن المعدل وراثيا دا البهائم لمن ترعى فيهو بعد الطلق والبذرة لمن تبقى امباز وكل الشغلانية تؤدى للسرطانات .

ونقولها بالفم المليان اكبر مشاكلنا( سقف المعرفة) المهندس وزير داخلية والطبيب وزير زراعة وبتاع الزراعة وزير ماليةوالصيدلى بتاع فتاوى وجاطوها وجابواجلها البلد.
ولكن ربنا رحيم بعبادة واللة غالب

Quote: ثانيا : الحاجات دي ما بتعمل للمتعافي أي حاجة لأنو في الأساس التعيين في الإنقاذ المعيار بتاعو ما الكفاءة ولا الإنجاز

Quote: ولا شجرة قطن واحدة رفعت راسها من الارض

يمكن أستورد نوعية حديثة بتنمو اسفل الارض عشان ما تصاب بالآفات

المتعافي احد ابناء الانقاذ البرره

و يحقق اهداف الانقاذ بمهنية عالية

كيف سوف يتم بيع مشروع الجزيرة اذا لم يدمر ...؟؟؟؟

ليقدم علي طبق حديد صدئ للمنقذ!!!!!

_____________________________________________________

انا سمعت من خبير انه القطن مهندس وراثيا مع البطاطس

عشان يكون المنتج ناكل و نلبس في آن واحد .... والله اكبر ( علي المفتري)

مادام هي بذور المتعافي ربما تكون لحست خصوبة الجزيرة وهربت بالدرب التحت!

غالبا الغلط فى التربة ..
احتمال تكون براها رفضت البذور دى !!!

Quote: الحاجات دي ما بتعمل للمتعافي أي حاجة لأنو في الأساس التعيين في الإنقاذ المعيار بتاعو ما الكفاءة ولا الإنجاز

Quote: والصيدلى بتاع فتاوى

عشان نعرف الفياجرا حلال ولا حرام