Post: #1 Title: بالله شوفوا سماحة البت دي! Author: عمر الفاروق عبد الله الشيخ Date: 08-10-2012, 09:30 PM
كانت سماحتها ترمي في الشوق والشوك .اظنها حورية في رحلة للارض كانت ومازالت سمحة سماحة .. سمحة اذا مشت .. سمحة اذا تكلمت .. سمحة اذا بسمت وسمحة بفعايلها تعطف علي الغلابة بابتسامة تكفي مؤونة عام كامل. والسمح زي مابقولوا اهلنا سمح و لو قام من النوم وزولنا سمح في كل الاحوال الحياتية .. وبعدين دي سماحة تكفي جيل بحاله وهي ما كان عندها مانع في ان تعطي مما حباها الله لغيرها من هن ليس في مرتبتها السماحية. فنان مشهور غني في حفل يخص اسرتها .. ونزلت السمحة وسط الدايرة ترقص فواصل الفنان المشهور في الفاصل دون توقف بل ومن شدة طربه بسماحتها تقطعت اوتار عوده فنهي الفاصل غصبا عنه .. الي ان تم استبدال العود. ولعل الشاعر حينما غني السمحة جات السمحة جات كانت حلما في خياله ولو شافها لفاقت ابيات اغنيته المائة بيت! والفنان حينما غني كانت سمحة كيف والكيف هنا تحتمل اكثر من معني كيف استفسارية وكيف جبنة!! كان يقصدها دون ان يعني! سماحتها من النوع اللي يعتر ليك وانت ماشي وتقع علي قدومك من الدهشة! احد المهوسين بجمالها كان يجلس بجوار منزلها كل ليلة حاملاً ربابته متغنياً واشريري أنا وا مغصتي!! وبائع اللبن يعاود الكرة للمنزل مساءً رغم ان مواعيده صباحية
Post: #2 Title: Re: بالله شوفوا سماحة البت دي! Author: عمر الفاروق عبد الله الشيخ Date: 08-11-2012, 06:47 PM Parent: #1
أكثر من 400 من رواد المنبر تاوقوا بالبوست ليشوفوا البت المقطعة السماحة دي عليهم ان يتخيلوها زي ماقال نزار قباني الحب بعض مما تخيلناه ان لم نجده علي الارض لاخترعناه ولعل اختراع الحب كان من اجلها
Post: #5 Title: Re: بالله شوفوا سماحة البت دي! Author: عمر الفاروق عبد الله الشيخ Date: 08-11-2012, 07:41 PM Parent: #3
Quote: أعترف بأنني دخلت هذا البوست ...
اخي صبري كل سنة وانت سمح
الاعتراف بالمتاوقة اعتراف سمح
Post: #4 Title: Re: بالله شوفوا سماحة البت دي! Author: عمر الفاروق عبد الله الشيخ Date: 08-11-2012, 07:23 PM Parent: #2
احدي غير السمحات قامت بزيارتها يوما وخرجت من عندها فكان كل من لا قاهااتسمحت بعد الزيارة مستغربا من اين لها هذا الجمال وهذه السماحة لكن ما سماحة بتعادي ولهذا السبب كانت عندما تقرب احداهن من الوضوع ويكثر الوحم يكثرن من زيارتها!!!!
Post: #6 Title: Re: بالله شوفوا سماحة البت دي! Author: عمر الفاروق عبد الله الشيخ Date: 08-11-2012, 07:50 PM Parent: #4
اقول ليكم صادق البنية دي عمرها ما اتمكيجت ولا عملت ميك اب ولا ود عمه
ابوعركي لمن غني
مرة لاقت في المدينة الحمامات الحزينة قامت ادتها برتكانة وفي رواية من حنانها اتدرون ان هذه الحمامات تحولن بقدرة قادر لحمام رقاص
Post: #7 Title: Re: بالله شوفوا سماحة البت دي! Author: عمر الفاروق عبد الله الشيخ Date: 08-11-2012, 08:21 PM Parent: #6
سيد عبد العزيز تغزل في احدي حبوباتها ويمكن نقول شرحه للبت السمحة
نظرتك جالس بين خدور بدري حداك أنخسفوا بدور تفوق نيشان ممتاز في صدور العظما ء المثلوا أعظم دور **** جلاله جلال ملكاً منصور دلاله دلال مقصور في قصور فيه جمال الكون محصور بديع ماشافت مثله عصور
Post: #8 Title: Re: بالله شوفوا سماحة البت دي! Author: عمر الفاروق عبد الله الشيخ Date: 08-11-2012, 08:35 PM Parent: #7
والعطبراوي باداء عصام محمد نور غني ليها خلقوك تعيشي فوق ما جمبنا
Quote: الله يسامحك يا عمر خليتنا ننزل لى مستويات عجيبة
شيلي السلم دا
امشي اطلعي بيه لمستواك
يا سفرجلة
وين قريبك بق بق
Post: #23 Title: Re: بالله شوفوا سماحة البت دي! Author: عمر الفاروق عبد الله الشيخ Date: 08-12-2012, 08:22 PM Parent: #22
الاخوان وضاحة وحافظ باركوها الدنيا قبايل عيد والبوست يتكلم عن السماحة والسماحة تعني العفو والسماح
لقد خرجتما عن مسار البوست نرجو ان تتسامحا
Post: #24 Title: Re: بالله شوفوا سماحة البت دي! Author: محمد مصطفي مجذوب Date: 08-13-2012, 09:20 AM Parent: #23
هوي يا عمر الفاروق ما بصح ليك تجرح صيام الناس وتقعد تشحتف في روحهم ونحن يا ابوعمير ناسا كبرنا ونظرنا بقي طشاش وبقينا بنشتغل بالقياس ... فهاك السماحات ديل وورينا زولتك ده تقع وين من الاعراب انا حاولت القط ليك الحشمة حشمة ... لكن الجماعة ديل عرفوني ... وعيونا كشفو السر و عشان كدي اقول ليك هاك يا زول الجمل بما حمل اصلو الموقع ده ادعي انو الحرم العارض صورهن هن اسمح عشرين بت في العالم http://wackymania.com/top-20-most-beautiful-women-in-the-world/ لكن بيني وبينك زي ما قلت لي ام العيال ....ناس الموقع المساخيت ديل ما مشوا علي السودان
Post: #25 Title: Re: بالله شوفوا سماحة البت دي! Author: عمر الفاروق عبد الله الشيخ Date: 08-14-2012, 09:22 PM Parent: #24
Quote: هوي يا عمر الفاروق ما بصح ليك تجرح صيام الناس وتقعد تشحتف في روحهم ونحن يا ابوعمير ناسا كبرنا ونظرنا بقي طشاش وبقينا بنشتغل بالقياس ... فهاك السماحات ديل وورينا زولتك ده تقع وين من الاعراب
اخي محمد مصطفي مجذوب كل عام وانت بخير
ديل ما ترضي بيهم وصيفات
انا بلمح وانت بتصرح اذن مين اللي بجرح
Post: #26 Title: Re: بالله شوفوا سماحة البت دي! Author: عمر الفاروق عبد الله الشيخ Date: 08-15-2012, 07:35 PM Parent: #25
البنية دي لخبطت لغة حديث الناس احد شيوخ الحي عندماتقابله يصفها بالطيبة وهذا أقصي ما يمكن أن يصرح به من حديث ويقولك البت دي أمانة ما طيبة!! والحبوبات عندماينظرن اليهايقولن وحق لهن القول "البت دي مسخة سماحة بنات هناي" والصغار يتحلقون حولها مثل هلا ل العيد ويطلبون منها العيدية قبل اوانها
Post: #27 Title: Re: بالله شوفوا سماحة البت دي! Author: Salah Abdulla Date: 08-15-2012, 08:24 PM Parent: #26
يا عمر ياخ مالك علينا !! ياخ أنا جيت داقي بي راسي تووووووش أجي القاك عارض لينا نِقّة !! ليه كده ياخ؟؟ غايتو السماحة دي يوم بتجيب خبري والله.. يا فجر المشارق .. واحدين إعترفوا بي سماحتهم !!
------------ واحدين قالوا شُفنا الشافا ما شُفتوها يا خلاااااااني
Post: #28 Title: Re: بالله شوفوا سماحة البت دي! Author: Salah Abdulla Date: 08-15-2012, 08:31 PM Parent: #27
Post: #29 Title: Re: بالله شوفوا سماحة البت دي! Author: عمر الفاروق عبد الله الشيخ Date: 08-15-2012, 10:35 PM Parent: #28
صلاح عبد الله بقول
يا عمر ياخ مالك علينا !! ياخ أنا جيت داقي بي راسي تووووووش أجي القاك عارض لينا نِقّة !! ليه كده ياخ؟؟ غايتو السماحة دي يوم بتجيب خبري والله..بدل اقتباس
سمحة النقة في خشم سيدها
ابوقطاطي قال لي وردي ياخي القصيدة دي خليها وردي اصر علي غنائها
[/url