Post: #1
Title: افطار فاشل لبورداب الخرطوم
Author: العوض المسلمي
Date: 08-10-2012, 08:08 PM
Parent: #0
|
Post: #2
Title: Re: افطار فاشل لبورداب الخرطوم
Author: omer osman
Date: 08-10-2012, 08:19 PM
Parent: #1
حضور ضعيف جداً من بورداب الخرطوم!!!!
وحضور جيد من عدد مقدر من بورداب الخارج ... لهم التحية والشكر الجزيل
إلقاء اللوم على (حجب سودانيزاونلاين).... الخ في تقديري عذر غير مقبول ...
فاالافطار عادة وبرنامج سنوي من يهتم به كان عليه السؤال عن موعده ومكانه
بغض النظر عن وجود بوست مفتوح من عدمه ....
وكما قال احد الأخوة واضح اننا نتقدم الى (الخلف) بسرعة كبيرة !!!!!!
|
Post: #3
Title: Re: افطار فاشل لبورداب الخرطوم
Author: omer osman
Date: 08-10-2012, 08:31 PM
Parent: #2
افطار بورداب الخرطوم زي تمام تسعة في كلية الشرطة معروف انه يومياً الساعة 9م
حتى في رمضان عندما تتغير مواعيد الانشطة في الكلية يجيك التعلمجي يقول ليك طبعا بكرة
رمضان عشان كده من بكرة تمام تسعة حيكون الساعة عشرة  واضح ياطلبة
واضح ياافندم من بكرة تمام تسعة الساعة عشرة !!!!!!!!!
|
Post: #4
Title: Re: افطار فاشل لبورداب الخرطوم
Author: نادر
Date: 08-10-2012, 08:42 PM
Parent: #3
هاردلك، الجايات اكتر من الرايحات
والناس ظروف، وخيرها في غيرها
رتبوا غيرها في الاسبوع الفضل ده
|
Post: #5
Title: Re: افطار فاشل لبورداب الخرطوم
Author: الصادق اسماعيل
Date: 08-10-2012, 08:54 PM
Parent: #4
يعني حيكون افشل من إفطار معجبي صلاح غريبة
قالو مشى ناذر عشان يشوف معجبين غريبة لقى نفسو هو الوحيد
المصدر ذو اليد
|
Post: #6
Title: من عجائب الدولار في السودان
Author: معتصم محمد صالح
Date: 08-10-2012, 09:40 PM
Parent: #5
كيف يكون افطارا فاشلا وحضوره تجاوز الثلاثون من بورداب الخرطوم وسبعة من الخارج ووجود برنامج مصاحب ممتاز وتحضير اكثر من ممتاز لبيت الفنون ورغم الحظر فان الافطار كان ناجحا جدا حسب تقديري وتقدير عدد كبير من الحضور ...
|
Post: #7
Title: افطار فاشل لبورداب الخرطوم
Author: العوض المسلمي
Date: 08-10-2012, 10:32 PM
Parent: #6
سلام للجميع
ليس الفشل في الحضور النوعي بل في الحضور الكمي
تم مناقشة امور غاية في الاهمية من ابرزها اصدار مذكرة احتجاج علي حجب الموقع من السودان
وثانيها التاكيد علي اعادة بناء وتاسيس مدرسة الكلاكلة وتشكيل لجنة مصغرة للمتابعة
وساوافيكم بكشف الحضور والصور قريبا
|
Post: #8
Title: افطار فاشل لبورداب الخرطوم
Author: العوض المسلمي
Date: 08-10-2012, 10:46 PM
Parent: #7
الحضور قبل الفطور
عمر عثمان
هاني عربي
حذيفة الكباشي
زهير عثمان حمد
طارق الامين
بكري الخير
محمد عادل
محمد الشيخ بالانجليزي
معاوية عوض الكريم
محمد موسي ( ضيف )
عبدالوهاب علي الحاج
عزان سعيد
وليد محمد المبارك
انور التكينة
معتصم محمد صالح
محمد احمد ابوجودة
احمد موسي عمر
ابوعبيدة البصاص
اشرف صلاح الطاهر (ضيف )
عبدالحكم ابراهيم الحاج ( ضيف ) محتاج باسوورد
عبدالرحمن الحلاوي
عبداللطيف السيدح
خزيمة عبداللطيف السيح ( ضيف)
الزبير صالح الزبير
العوض المسلمي
٢-- الحضور بعد الافطار
احمد حنين
ناذر الخليفة
مزمل خيري
صلاح ابودية
الشاذلي خيري
بدرالدين اسحق
ريهان الريح الشاذلي
مريم عزالدين
محمد عوض
حافظ انقابو
معاذ الدوخري
محمد الامين محمد
محمد صباحي
محمد الكاب
وعذرا لمن فاتني ذكره ويمكنكم اضافته اخواني الكرام
|
Post: #12
Title: Re: افطار فاشل لبورداب الخرطوم
Author: Ridhaa
Date: 08-10-2012, 11:19 PM
Parent: #10
انحنا فعلا شعب كسلان :
بتكلفة قليلة :
1 - الماسورة دي يحفروا ليها في الواطة ومع قايمتين حديد ممكن تقيف
على حيلها ...
2 - حفر حفرة وردمها بكسار الطوب ( مصاص ) أو عمل جدول لري
أحواض زراعة صغيرة ( وين حصة التربية الريفية ) ....
3 - الطوب المكسر داك يكلموا الطلبة يلموه على جنبة ...
4 - الأزيار دي ينظفوها كل اسبوع والعملية مامحتاجة أكثر من ساعة
وأيضا يكلموا الطلبة كل واحد يجيب كباية حماية لهم من نشر الأمراض
المعدية .
5 - نشر التوعية في ضرورة المحافظة على المدرسة من الكتابة على
الجدران ورمي الأوساخ في الأماكن المخصصة لها .
|
Post: #13
Title: Re: افطار فاشل لبورداب الخرطوم
Author: Ridhaa
Date: 08-10-2012, 11:25 PM
Parent: #12
التحية والتقدير لصاحب البوست وعموم بورداب الخرطوم وضيوفهم الكرام .
وكل عام والجميع بخير .
|
Post: #9
Title: Re: افطار فاشل لبورداب الخرطوم
Author: حافظ انقابو
Date: 08-10-2012, 10:49 PM
Parent: #7
ادين واشجب هذا البوست يا شيخ العوض
الحضور كان مشرف والبرنامج أجمل
صراحة اللقاء كان استثنائي
ولاقينا ناس لأول مرة وكسبنا اخوة جدد
مع دا كلو انا وصلت بعد الفطور ^__*
شكرا بكري ابوبكر
|
Post: #11
Title: Re: افطار فاشل لبورداب الخرطوم
Author: بدر الدين اسحاق احمد
Date: 08-10-2012, 11:07 PM
Parent: #9
| Quote: ليس الفشل في الحضور النوعي بل في الحضور الكمي |
العوض كم يعني كم (إنت بتفتكر إنو اذا حضر عدد كم من البورداب ممكن يكون الافطار ناجح ؟)
معيار دا غربال مقدود أحسن تشوف ليك واحد تانــي ...
_______
فى رأي إنت تأثرت بكلام طارق الامين الذى قال كلام برضو ما عندو ليهو معيار ..غربالو برضو مقدود ... حين قال أن الافطار يحمل فى دواخله الفشل
لعدم حضور البوردابيات وهذا منبر طليعى ..
وحين قال أن الحضور غير نوعــى من حيث تمثيل كل خيارات بورداب الخرطوم .
وحين سعى وحاول أن يسوق لمـة بورداب الخرطوم فى غير مجراها الاجتماعى والانساني ..
العوض ..
هو بورداب الخرطوم ديل كــم ؟ عشان ننسب عدد الحضور الى الكل ونطلع النسبة ..
طارق الامين ... خلى بيت الفنون هو بيت الفنون
|
Post: #14
Title: Re: افطار فاشل لبورداب الخرطوم
Author: محمد أبوجودة
Date: 08-10-2012, 11:44 PM
Parent: #11
يا اخوانا دائما خلّو الطموح قدر المسموح!
وبي أمانة، كانت لـَـمـّة إفطار جامعة، ومن الإيدام دامعة!
أجمل ما فيها " أنتم" وما تطمحون
وزي ما قالوا: الجايات أكتر من الرايحات .. وال جفلنْ نخلّلهِنْ، فلنقرَعْ الجايات .. وديلاك أكتر من الرايحات ..
وقالوا: سيد الرايحة، بفتح خشم البقرة.
---
يا اخوانا ما تشمّتو فينا الـ "أغيار" ...!
وكتيرين، لو ماكانو شوية تفاءلوا لكم بأن يكون إفطاراً بمعناهو
وقد كان ..
الشكر والتحايا لكل مَنْ تكبّد/ تكبّدت مشقّة الحضور، فكان حضوراً - بمشقّتِه- محضورا
وده المهم..
ودمتم
|
Post: #15
Title: Re: افطار فاشل لبورداب الخرطوم
Author: Hani Arabi Mohamed
Date: 08-10-2012, 11:55 PM
Parent: #14
شكراً لكل من حضر ... والبوست غير موفق.
نفرج بمن اختار ان يجئ بدل ان نحزن على من اختار عدم الحضور.
نتضامن مع من حالت ظروفه دون الحضور لسبب حقيقي.
ونعذر من اختار عدم الحضور بدون سبب فهذا حقه وهذه حريته
اتوقع ان يكون ضعف الحضور بسبب:
1- عدم معرفة العنوان.
2- الظروف الاقتصادية والسياسية التي تمر بها البلاد.
3- الخوف من تبعات الحجب والاعتقال.
|
Post: #16
Title: Re: افطار فاشل لبورداب الخرطوم
Author: صهيب حامد
Date: 08-11-2012, 01:23 AM
Parent: #15
يا شيخ العوض ياخ بالغتا..
ياخ 37 وبرضو شويه
-----------------
وانا اعتذر اشد الاعتذار لعدم الحضور لظروف قاهرة خارج اليد مع الالتزام بكافة انشطة
البورداب لقدام ومعاكم في موضوع مدرسة الكلاكلة لتتجربة سابقة في هذا المجال
وتحياتي
|
Post: #17
Title: Re: افطار فاشل لبورداب الخرطوم
Author: الامين موسى البشاري
Date: 08-11-2012, 01:46 AM
Parent: #16
| Quote: افطار فاشل لبورداب الخرطوم |
يا جماعة العيب في نظارة شيخ العوض الجديدة دي
يمكن ما وضحت ليهو الحاجات بصورة جميلة
والله صحي
فشنو شيخ العوض عذره معاهو وكدا وهي النظارة بالطبع
العوض دايما داير ليكم الحاجات السمحة ياخ
وأكيد كلامو دا من حرصو الشديد على حاجات البورداب
والجايات أجمل يا شيخ العوض
|
Post: #18
Title: Re: افطار فاشل لبورداب الخرطوم
Author: Bushra Elfadil
Date: 08-11-2012, 02:02 AM
Parent: #17
نسبة كبيرة من بورداب الخارج بيعتبروا نفسهم بورداب خرطوم مع وقف التنفيذ كلما يسمعوا بي لمة بورداب الخرطوم قلوبهم تقول شح.دي فرصة تطلبوا منهم المساهمة في مشاريعكم الخيرية مباشرة ووعدهم بالضم لجماعتكم
|
Post: #19
Title: Re: افطار فاشل لبورداب الخرطوم
Author: على محمد على بشير
Date: 08-11-2012, 03:20 AM
Parent: #18
| Quote: نسبة كبيرة من بورداب الخارج بيعتبروا نفسهم بورداب خرطوم مع وقف التنفيذ كلما يسمعوا بي لمة بورداب الخرطوم قلوبهم تقول شح.دي فرصة تطلبوا منهم المساهمة في مشاريعكم الخيرية مباشرة ووعدهم بالضم لجماعتكم |
ME 2
|
Post: #20
Title: Re: افطار فاشل لبورداب الخرطوم
Author: ahmed haneen
Date: 08-11-2012, 07:50 AM
Parent: #19
يا اخوانا كلام شيخ العوض فيهو كتير من الصحة
ويجب ان نجعل هذا البوست مناسبة انتقاد لمسيرة بورداب الخرطوم..
حجب الموقع اثر دون شك ..
رسايل الجوالات لم تستخدم هذه المرة .. وكانت ضرورية نسبة للحجب..
عدم حضور البورادبيات ... يجب ان تناقش الاسباب..التي ادت الي ذلك ...
هل.. تحديد اليوم والمكان .. كان له اثر في ذلك..
اطالب بفك حظر اخونا انور التكينة واعادة حسابه اليه فورا
|
Post: #21
Title: افطار فاشل لبورداب الخرطوم
Author: العوض المسلمي
Date: 08-11-2012, 08:10 AM
Parent: #20
صباح الخير علي الجميع
يا اعزائي ليس المقصود بهذا البوست تقليل من شأن من حضروا او رفع قيمة من غابوا !!
كما انني لم اتاثر براي فلان او علان في فتح هذا البوست !
ولا اريد ان احبطكم يا اعز الناس :)
البوست عبرت به عن حالتي النفسية التي كانت تحدثني بان الحضور سيفوق المائة شخص ، ليس ذلك تنجيما ولا سراب ولا خيال ، ولكن ما اعتدنا عليه
كل السنوات الماضية من حضور مشرف ويمتلي بهم بيت الفنون ( حوش بكري ) حتي نهايته !!
نعم كان افطارا نوعيا وكان حضورا متنوعا قبل الافطار وبعده وكان ايجابيا بمناقشة مشاكل آنية ووضعت الحلول ( وهذا جديد وممتاز )
وتعرفنا علي اخوة كنا نتابع ما يكتبون بشغف وسعدنا ايما سعادة في ساعات سمعنا خلالها الاستاذ زميل البورد مصطفي السني الذي اشجانا
وفرقة النو التي قدمت فاصل غنائي نال تصفيق الحضور ....
ولعلني في هذا البوست ارسل رسالة للغايبين اننا ننتظركم في اول نشاط للبورداب ونتمني الا تغيبوا ..
ونؤكد للذين شاركونا هذا الافطار انكم مجال فخرنا واعتزازنا ويسعدنا تواجدكم الدائم معنا ...
واعتذر لكل من راي ان البوست غير مناسب ولكنه العشم في الذين اعرفهم :)
|
Post: #22
Title: Re: افطار فاشل لبورداب الخرطوم
Author: بكري الخير
Date: 08-11-2012, 08:58 AM
Parent: #21
حجب الموقع هو السبب الرئيسي للاقبال الذي يراه البعض ضعيفا اراه غير ذلك
انا شخصيا عرفت الافطار قبل ساعة من مواعيدو عندما اعلن عنه شيخنا العوض المسلمي في صفحته علي الفيسبوك وقمت بالغاء كل ارتباطاتي للحاق بركب بورداب الخرطوم وضيوفهم من خارج البلاد
اتمني ان نزيد من الضغط من اجل ايقاف حجب الموقع عن السودان
اشكر كل الحضور
|
Post: #23
Title: Re: افطار فاشل لبورداب الخرطوم
Author: ismeil abbas
Date: 08-11-2012, 11:41 AM
Parent: #22
Quote: ولعلني في هذا البوست ارسل رسالة للغايبين اننا ننتظركم في اول نشاط للبورداب ونتمني الا تغيبوا ..
ونؤكد للذين شاركونا هذا الافطار انكم مجال فخرنا واعتزازنا ويسعدنا تواجدكم الدائم معنا ...
واعتذر لكل من راي ان البوست غير مناسب ولكنه العشم في الذين اعرفهم :) |
بورداب الخرطوم دائماً رائعين..................البركة فى اللمة..يا شيخ العوض دائماً همتك عالية ربنا يحفظك.
|
Post: #24
Title: Re: افطار فاشل لبورداب الخرطوم
Author: العوض المسلمي
Date: 08-12-2012, 12:02 PM
Parent: #1
محاولة اولي لانزال الصور
|
Post: #25
Title: Re: افطار فاشل لبورداب الخرطوم
Author: صلاح غريبة
Date: 08-12-2012, 12:18 PM
Parent: #24
انا ما جيت لاني كنت على موعد حفل اسبارك سيتي
واعتذرت للاخ المسلمي والاخ ناذر والاخ حافظ انقابو
|
Post: #27
Title: Re: افطار فاشل لبورداب الخرطوم
Author: محمد الامين محمد
Date: 08-12-2012, 01:06 PM
Parent: #26
في تقديري الناس كانت خايفة من الاعتقالات في ظل وجود زملاء في سجن النظام وبعد موسم مظاهرات
|
Post: #28
Title: Re: افطار فاشل لبورداب الخرطوم
Author: محمد عادل
Date: 08-12-2012, 01:24 PM
احمدالله انك ماجيت ياغريبه
|
Post: #29
Title: Re: افطار فاشل لبورداب الخرطوم
Author: Sabri Elshareef
Date: 08-12-2012, 03:47 PM
Parent: #28
شيخ العوض
لعنة الله علي من كان السبب في عدم الاقبال المتوقع
ونحن نعاين للفيل ( عصابة الخرطوم الحاكمة ) اغلقت المنتدي في الوطن , اعتقلت زملاء وزميلات لنا اعضاء في هذا المنتدي
واخافت الكثير بالسيف المسلط علي الرقاب
الا نتوحد ضد حكم الطاغية المجرم البشير اللي هو اوضح سبب لهذا الحضور
عاشت وحدة الشعب السوداني لهزيمة حكومة الفقر والقهر التي اذلت العباد ومزقت البلاد
وحجبت الموقع وبرغم ذلك حضر اهل المنبر لهم لهن التحية والاجلال
|
Post: #30
Title: Re: افطار فاشل لبورداب الخرطوم
Author: حيدر حسن ميرغني
Date: 08-12-2012, 03:58 PM
Parent: #29
حضرت إفطارين في رمضان الفائت في بيت الفنون
الحضور كان جميل جدا
|
|
