Post: #1
Title: رايكم شنو في تشكيلة الهلال دي؟؟
Author: عمر الفاروق
Date: 08-10-2012, 11:40 AM
المعز ..صالح الأمين.. خليفة .. بويا.. علاء الدين يوسف..هيثم مصطفى..عبدو جابر..بكري المدينة ..الطاهر حماد..
تخريمة :
هل تصدقوا إنو دييل كلهم إحتياطي فريق الهلال؟؟؟ بي لغة تانية ده الفريق الرديف في الهلال!!!!!!
|
Post: #2
Title: Re: رايكم شنو في تشكيلة الهلال دي؟؟
Author: ناصر جبريل
Date: 08-10-2012, 11:56 AM
Parent: #1
Quote:
علاء الدين يوسف..هيثم مصطفى |
بس..............
|
Post: #3
Title: Re: رايكم شنو في تشكيلة الهلال دي؟؟
Author: عمر الفاروق
Date: 08-10-2012, 12:04 PM
Parent: #2
كدي يا ناصر تعال نتمهم بي لاعبين من المريخ ..تفتكر منو ممكن يجي معاهم؟؟
تخريمة:
طبعا محترفين ما معانا ..:)
|
Post: #4
Title: Re: رايكم شنو في تشكيلة الهلال دي؟؟
Author: ناصر جبريل
Date: 08-10-2012, 12:07 PM
Parent: #3
Quote:
كدي يا ناصر تعال نتمهم بي لاعبين من المريخ ..تفتكر منو ممكن يجي معاهم؟؟ |
مافي داعي للاحراج ياخ .... رغم اني بعشق المريخ بجنون..... حلوة جنون دي
ممكن راجي ..... والعجب
|
Post: #5
Title: Re: رايكم شنو في تشكيلة الهلال دي؟؟
Author: نادر
Date: 08-10-2012, 01:41 PM
Parent: #4
طوّلت ما تابعت مباراة للهلال يا عمر،
بالله المعز وعلاءالدين يوسف وسيدا بقوا احتياطي؟
|
Post: #6
Title: Re: رايكم شنو في تشكيلة الهلال دي؟؟
Author: عماد شمت
Date: 08-10-2012, 02:58 PM
Parent: #5
عمر الفاروق رمضان كريم وتصوم وتفطر علي خير
غايتو لو في لاعب كورة مانافع وضار للتيم هو هيثم مصطفي ده
لاعب كورته مضره خالص لان ادائه سلبي للغاي ولا يفيد التيم بشي
والاعجب انه الجمهور مما يمسك الكورة يقعد يكورك علي شنو ما فاهم
يعني استعراض ذي ده هنا في اروبا بقولوا ليهو امشي اقرأ وتعال
وبعدين لعب كتير وبالمحسوبيات ساكت اصلو الكوره عندنا في السودان محسوبيه ومحاباه
دامت معك العافيه
|
Post: #7
Title: Re: رايكم شنو في تشكيلة الهلال دي؟؟
Author: جمال السنوسي
Date: 08-10-2012, 03:04 PM
Parent: #6
عمر ازيك
المعز وعلاء وبويا أساسيين
بدل منهم جينارو وفداسي
علاء مع نزار وايكانقا تباديل وتوافيق
|
Post: #8
Title: Re: رايكم شنو في تشكيلة الهلال دي؟؟
Author: waleed dawash
Date: 08-10-2012, 03:09 PM
Parent: #6
Quote: لاعب كورته مضره خالص لان ادائه سلبي للغاي ولا يفيد التيم بشي
والاعجب انه الجمهور مما يمسك الكورة يقعد يكورك علي شنو ما فاهم
يعني استعراض ذي ده هنا في اروبا بقولوا ليهو امشي اقرأ وتعال
وبعدين لعب كتير وبالمحسوبيات ساكت اصلو الكوره عندنا في السودان محسوبيه ومحاباه
|
ده كلام عجيب يا اخ عماد
ولاينطبق على اللاعب هيثم.
|
Post: #9
Title: Re: رايكم شنو في تشكيلة الهلال دي؟؟
Author: Al Sunda
Date: 08-10-2012, 04:38 PM
Parent: #8
| Quote: والاعجب انه الجمهورمما يمسك الكورة يقعد يكورك علي شنو ما فاهم |
عماد شمت V جمهور السودان
عماد يا أخي
زمان كن بنمشي الكورة عشان نشوف لقطة للدحيش ولا جكسا تقول لي الأعجب
واصلو الجمهور بيمشي الاستاد ليه ؟؟؟
سيبك من هيثم
اتفرج على عبده جابر وحتشوف المتعه باكربعد باكر
مودتي
|
Post: #10
Title: Re: رايكم شنو في تشكيلة الهلال دي؟؟
Author: ALGARADABI
Date: 08-10-2012, 04:46 PM
Parent: #9
عمر الفاروق
والله نفتقدك بشدة
يعني داير تقول الهلال بمن حضر و غارزيتو يغمد ويختار
|
Post: #11
Title: Re: رايكم شنو في تشكيلة الهلال دي؟؟
Author: waleedi399
Date: 08-10-2012, 08:44 PM
Parent: #10
ود الفاروق ..
رمضان كريم .. وانشاء الله فاطرين بي حبتين
| Quote: المعز ..صالح الأمين.. خليفة .. بويا.. علاء الدين يوسف..هيثم مصطفى..عبدو جابر..بكري المدينة ..الطاهر حماد.. |
اذا كان أعلاهم هم المنتخب الرديف لفريق الهلال زي ما قلت .. فما بال المنتخب الاساسي؟!
قــرضـابي .. كل سنة وانت بالف خير ..
ليك وحشـة يا رجـل..
والتحية للابطال الاشاوس في معركة العبور يوم 18/08/2012م
|
Post: #12
Title: Re: رايكم شنو في تشكيلة الهلال دي؟؟
Author: Yassir Tayfour
Date: 08-11-2012, 08:10 AM
Parent: #11
يا فاروق
الله يحقق المقصود.. الهلال الخلاك تفتح بوست ده بيعني أنّك متفائل وما خائف حتى من الكُج..
|
Post: #13
Title: Re: رايكم شنو في تشكيلة الهلال دي؟؟
Author: خالد عبد الله محمود
Date: 08-11-2012, 08:50 AM
Parent: #12
Quote: كدي يا ناصر تعال نتمهم بي لاعبين من المريخ ..تفتكر منو ممكن يجي معاهم؟؟
تخريمة:
طبعا محترفين ما معانا ..:) |
فضل منو تاني طيب ؟
غايتو إلا نجيب ليهم فاروق جبرة كمساعد مدرب .. 
|
Post: #14
Title: Re: رايكم شنو في تشكيلة الهلال دي؟؟
Author: عمر الفاروق
Date: 08-11-2012, 09:12 AM
Parent: #13
يا نادر :
علاء الدين بقا كنب ولما يشركوهو بقا عالة على الفريق ..ما عارفو مالو بقا بيفتعل المشاكل...زمان بياخد الكروت حرارة قلب أسة بياخد الكروت شربكة حكام وترصد لاعبين جمب الحكم وكأنه يتعمد الطرد..
لكن علاء الدين لو قال يا كورة فماف أييي كلام..
|
Post: #15
Title: Re: رايكم شنو في تشكيلة الهلال دي؟؟
Author: عمر الفاروق
Date: 08-11-2012, 09:17 AM
Parent: #14
يا شمت:
غايتو إتلومت في الكرار هيثم ..لكن برضو انا قادر أفهم رأيك كمشجع ..انا بديت أحس إنو هيثم خلاص بطنو طمت من الكورة بعد الأحداث الأخيرة وفي نفس الوقت ما عايز يترك الهلال بي تلك الصورة المهنية إعتزازاً بالنفس وعدم إنكسار وتحقيق مراد اخرين جاءو للهلال لتكسير مجاديف هيثم..عشان كده انا متوقع قرار إعتزال هيثم قريييباً بعد ما يثبت ليهم إنو ترك الهلال بي مزاجو وعدم قدرته على العطاء لا بي الحفر والمشاحنات..
امبارح لعب كورة توضح إنو بدا يفقد حساسية المباريات لمن يبدا شوط تاني..
يا جمال:
ما يخييل لي فداسي بعد ده ممكن يكون إحتياطي!!
وليد شاكرين مرورك يا حبوب..
ويا السوندا الود عبدو جابر سحروهو ولا ما عارفو مالو ..الولد حرييف وفنان وكورتو سمحة ..
|
Post: #16
Title: Re: رايكم شنو في تشكيلة الهلال دي؟؟
Author: عمر الفاروق
Date: 08-11-2012, 09:20 AM
Parent: #15
يا قردابي ..ما تفقد عزيز ياخ وليك وحشة ..
والهلال فعلاً بمن حضر فللهلال قدرة فائقة على إدخال أي لاعب في قائمة وفورمة الفريق الأساسي..
وأكبر دليل تفاعد وتداخل اللاعبين الجدد مع القدامى في نموذج عجيب يؤكد إنو مفروض اللاعب المحترف يدخل الأجواء على طول ومش يشبكك لم اتعود الاجواء وما بعرفو ليك شنو..
وليد 400 إلا واحد..
والله الهلال ما بقا فيهو رديف زااتو بقينا نسمع التشكيلة ونتوقعا بس مع صافرة البداية..
|
Post: #17
Title: Re: رايكم شنو في تشكيلة الهلال دي؟؟
Author: عمر الفاروق
Date: 08-11-2012, 09:22 AM
Parent: #16
طيفورنا ياسر:
طالما مرقنا من الأهلي في شندي إن شاء الله تلمرة دي الموضوع مختلف..
خالد يا محمود:
وهو جبرة بعد البونية الدوورت وريكاردو قال ليهو ارتاح يا كابتن وامشي الحق نيل الحصاحيصا باقي ليك تاني بنحسبو ليهم؟؟
|
|