Post: #2
Title: Re: !!! ســعودي يشــكو الشياطين الى الشرطة !!!
Author: حمد اسماعيل
Date: 08-09-2012, 11:52 PM
يا ساطور رمضان كريم
ومشتاقين كميه كبيره خالص
الحكايه بسيطه لو قدرته تعرف لينا عنوانه
ممكن نشبكه فى واحد قريبنا متخصص فى الحاجات دى
دا ممكن يطلع شيطان الزول دا اول حاجه بعدين يشوف بتاعين البيت .
------------------------------
المشكله هل شواطين السعوديه زى شواطين السودان
بعدين ديل شياطين ولا شواطين بس للضمان والشغل النضيف ...
|
Post: #3
Title: Re: !!! ســعودي يشــكو الشياطين الى الشرطة !!!
Author: ترهاقا
Date: 08-10-2012, 00:02 AM
Parent: #2
حبيبنا حمد والله ليك وحشة
الشئ المحيرني ناس الامر بالمعروف والنهي عن المنكر حيعملوا شنو للشياطين دييل
Quote: سعودي يشكو الشياطين الى.. الشرطة!
تصنيف الخبر: المجلة
تاريخ النشر: 2012/08/09 - 12:00 AM
المصدر: "يو بي اي"
تقدم مواطن سعودي ببلاغ رسمي إلى الشرطة يتهم فيه "الشياطين" بمحاولة إحراق سيارته ومنزله.
ونقلت تقارير صحفية عن علي المحياوي من قرية "تلعة نزا" قرب جبل رضوى غرب المملكة أنه حاول عدة مرات منع "الشياطين والجن من الاعتداء على ممتلكاته".
واشار إلى انه "أخلى منزله وانتقل إلى منزل ابنه المجاور، إلا أن "الشياطين أو الجن" واصلت تهديداتها له، وذلك من خلال إلقاء الحجارة على منزله، وإشعال النيران في بعض أجزاء المنزل وبالقرب من سيارته المخصصة لنقل المياه، إضافة إلى رش زيت الطعام الموجود في المطبخ على الجدران، وغير ذلك من التهديدات.
وتجاوبت الشرطة مع بلاغ المحياوي وتم بالفعل إعداد محضر، وإيصال الشكوى إلى هيئة الأمر بالمعروف والنهي عن المنكر بناء على طلبه.
|
|
Post: #4
Title: Re: !!! ســعودي يشــكو الشياطين الى الشرطة !!!
Author: ناصر المحسى
Date: 08-10-2012, 00:40 AM
Parent: #2
كل سنة انت واولاد بالف خير يا احمد
طيب عشان الشياطين ماشى الشرطة مايشوف
فكى كارب
|
Post: #7
Title: Re: !!! ســعودي يشــكو الشياطين الى الشرطة !!!
Author: ترهاقا
Date: 08-10-2012, 06:45 AM
Parent: #4
الحبيب ناصر حبابك
فكي مين يا ناصر ده شيطان بيكون مرسلنه نااس الامر بالمعروف
|
Post: #5
Title: Re: !!! ســعودي يشــكو الشياطين الى الشرطة !!!
Author: ابوحراز
Date: 08-10-2012, 01:15 AM
Parent: #2
سلام صاحب البوست والمتداخلين
المشكله هل شواطين السعوديه زى شواطين السودان
يبدو لي ان شواطين السعودية لن يكونوا بالطبع كشواطين السودان
فشواطين السعودية كثير من الأشياء في متناول ايديهم
يعني بامكانهم بسهولة الحصول على مايريدون
اي بمعنى اقرب { لديهم خيارات كثيرة جداً }
كما ألاحظ هنا ان النملة لاتحمل اي حقد في داخلها كالنملة السودانية
فالأخيرة قرصتها حارة جداً
لدرجة انها تجعل جسمك كله متورم
ولاحظت كذلك حالة الود والالفة الكبيرة هنا في السعودية ما بين الكدائس والفئران
فالكدائس هنا لاتاكل الفئران
بل تلعب معها
وحدث ان أحضرت كديسة لوجود فار مزعج بالبيت
ولكن لاحظت فجأة التواطؤ ما بين الكديسة والفار
لدرجة شكيت والله أنهما أقارب
|
Post: #6
Title: Re: !!! ســعودي يشــكو الشياطين الى الشرطة !!!
Author: Mannan
Date: 08-10-2012, 01:29 AM
Parent: #5
أب حراز اخوى ما فتلت البوست فتلة شديدة
خلينا نسلم على قريبنا دة ونقول ليهو ديل شواطين مشاغبين ساى ... عندنا فى جن عدييييييييل بيحارب مع ناس الإنقاذ والبشير طلب قبل كدة من البرلمان بتاعو دراسة إمكانية الإستعانة بالجن... يمكن جنو دة ينفع أخونا السعودى لأنو جن مسلم عدييييييل كدة دة....
أها نقول ليك (أرمدان) رمضان كريم...
|
Post: #8
Title: Re: !!! ســعودي يشــكو الشياطين الى الشرطة !!!
Author: ترهاقا
Date: 08-10-2012, 06:50 AM
Parent: #6
العزيز أبو حراز والله بركة الشفناك تاني ، باين ست النفر الفكي بتاعها سوبر
Quote: وحدث ان أحضرت كديسة لوجود فار مزعج بالبيت
ولكن لاحظت فجأة التواطؤ ما بين الكديسة والفار |
أها ، أنا شاكي في الكديسة بتعتك دي زاتها تكون من الجماعة اللي مشوا فلقوا الراجل ده وبعديين بيني بينك
أنا شاكي في إنو كديستك دي فاقدة حنان
|
Post: #9
Title: Re: !!! ســعودي يشــكو الشياطين الى الشرطة !!!
Author: ترهاقا
Date: 08-10-2012, 06:59 AM
Parent: #6
سعادة السفير منان نوري جليلة في حينا يا بختنا وأرمدان كريم زي ما بتقول أمي ربنا يديا العافية
أخبارك يا راجل والاسرة الكريمة
شفت سعادتك الزمن إتغير كيف ، بكرة ناس جماعة الامر بالمعروف دييل حيجيبوا الشياطين دييل من دييلهم
للمحكمة ، بس انا متشوق جداً اشوف أشكالهم
وآآآآآآفيلقوا يا قريبي
|
Post: #10
Title: Re: !!! ســعودي يشــكو الشياطين الى الشرطة !!!
Author: Zoal Wahid
Date: 08-10-2012, 08:02 AM
Parent: #9
Quote: ممكن نشبكه فى واحد قريبنا متخصص فى الحاجات دى
|
غايتو اقنع من قريبك دا.
ناس الهيئة طوالي يفتحو فيهو بلاغ شعوذة و سحر
عارف البلاغ دا يعني شنو؟
اعدام على طول.
|
|