Post: #1
Title: تنفسو الصعداء يا جلابة، ومجولبيهم، بشاشا كسح!!
Author: Bashasha
Date: 08-08-2012, 10:51 PM
Parent: #0
طولنا شديد علي غير العادة المرة دي.
الحرية لسجناء الضمير،
بحر،
داؤود،
احمد عبدالله، والبقية.
قاعدين باقي اليوم، والكايس يتفشا، ياالف مرحب!
|
Post: #2
Title: Re: تنفسو الصعداء يا جلابة، ومجولبيهم، بشاشا كسح!!
Author: ترهاقا
Date: 08-09-2012, 00:07 AM
Parent: #1
هذا اختراق لقانون المنبر يا كمال ، لسع في نقاش معلق ، يعني الواحد لمن ينزنق يقوم جاري ؟
الاخ بكري فلتكن عقوبة الاخ كمال أيقاف لمدة سنة إذا هرب من هذا الدواس الفكري الذي أجبر
الاخ بشاشا على الهروب ، اقول قولي هذا بالانابة عن القارئ الكريم
عيييييييييييك
|
Post: #3
Title: Re: تنفسو الصعداء يا جلابة، ومجولبيهم، بشاشا كسح!!
Author: هشام عباس
Date: 08-09-2012, 00:09 AM
Parent: #2
| Quote: قاعدين باقي اليوم، والكايس يتفشا، ياالف مرحب! |
دى قلبت فيها هوبا
(مية وش ضاحك)
|
Post: #4
Title: Re: تنفسو الصعداء يا جلابة، ومجولبيهم، بشاشا كسح!!
Author: Amjad ibrahim
Date: 08-09-2012, 00:16 AM
سلامات بشاشا
الحقيقة لا تعجبني طريقتك مطلقا في حواراتك اللي اتابعها في المنبر
لكنها توضح بعنف الوجه الآخر من الحقيقة و بها تكتمل الصورة
ذهابك من هذا المنبر خسارة حقيقية للرأي و الرأي الآخر
أتمنى صادقا أن تبقى لتعطي من يتفق معك في اسلوبك هذا صوتا في
منبرنا هذا
تحياتي
امجد
|
Post: #5
Title: Re: تنفسو الصعداء يا جلابة، ومجولبيهم، بشاشا كسح!!
Author: Bashasha
Date: 08-09-2012, 03:21 AM
Parent: #4
سلام يا ترهاقا،
كيف بنطلع نفوت بالباب، علنا، بعد ما نستاذن من القراء، او ما بنقوم سداري غمتي مطفرين بالشباك كما تفعل البقية، طوالي نكون ارتكبنا جريمة؟
بالنسبة للبوستات، والله الحكم متروك للقراء.
الصادق اسماعيل مثلا غلبو تب يقول بغم في موضوع الخيط الاساسي او كمخارجة كل مرة جاي طابق ليهو موضوع جديد عشان يتخارج، قنا ناخد فيهو اجر او نطلق صراحو، حتي نعود!
اها قصرنا معاهو؟
تحياتي لي ناس البيت.
|
Post: #6
Title: Re: تنفسو الصعداء يا جلابة، ومجولبيهم، بشاشا كسح!!
Author: Bashasha
Date: 08-09-2012, 03:27 AM
Parent: #5
هشام عباس تحياتي.
متعود لما اطلع بوست الوداع ده احيانا الشغلة بتولع عديل، بل بستمر لي ايام، حتي بعد ما افوت، لانو الجلابة المغبونيين مننا، في العادة، كتاااااار خلاس!
طبعا اخوك بكون ما سوي الواجب لو مافقع مرارة اكبر عدد منهم!
عيييييييييك!
|
Post: #7
Title: Re: تنفسو الصعداء يا جلابة، ومجولبيهم، بشاشا كسح!!
Author: Bashasha
Date: 08-09-2012, 04:55 AM
Parent: #6
| Quote: سلامات بشاشا الحقيقة لا تعجبني طريقتك مطلقا في حواراتك اللي اتابعها في المنبر |
امجد ابراهيم تحياتي،
مقدرين تماما انو طريقتنا القاسية او عنيفة ما تعجب الناس او ده طبيعي.
ولكن من جانبي، لقيت كده بحصل علي اعلي مردود ممكن للمجهود الواحد ببذلو، او بالتالي، ده انجع الطرق، او اقصرا لي توصيل بضاعة طرحنا، لاكبر عدد من الناس، في اقصر وكت.
لدرجة، بوستاتي في المكتبة والارشيف، بتصل مرات الضعف، نعم الضعف من حيث عدد النقرات او هي مقرشة، او مش في واجهة المنبر، مشنوقة فووووق في العلالي، حية، ترفث!
من الجانب الاخر يا امجد، لو كنا فعلا جادين او معايشين الحاصل في بلدنا، الطبيعي ان تكون المنازلة هنا، بي صورة تعكس واقع الصراع الدموي القاسي الفي بلدنا، الذي لايشبه اي صراع في اي بقعة علي مستوي اليابسة، قط!
لذا حقيقة غريب او عجيب، ان يكون داك واقعنا العايشنو في السودان، او ده اي في المنبر، مستوي انعكاس هذا الواقع الاكثر ماساوية علي مستوي العالم اجمع!
من جانبي اتفهم التناقض ده، او هو بعض ملامح ازمتنا، باعتبار المنبر ده، ساحة خاصة بالجلابة حصرا، او بالتالي، اللامبالاة، طبيعي، بل من طبيعة الازمة زاتا، كازمة هوية، جعلت الاغلبية من سكان السودان اجانب في نظر الشمالي، البنفعل بما يحدث في عالم غزاتو العرب، الفاكرم المسكين اهلو بي صورة اكبر من انفعالو بالبحصل في بلدو!
هو لوما كده لما راحو فيها ملايين اصلا! اذن طريقتنا او اسلوبنا بتاع الصعق، مهم، مهم للغاية، او فعال لاقصي حد! حاولت اغير، ولكن بسرعة اكتشفتا تقديري كان خاطئ تماما، من حيث التوقيت. في الوكت المناسب، حنغير من خطابنا بما يناسب المرحلة. خالص الود. بعدين انا ما ماشي نهائي، وانما غياب دوري عادي، بنعلن عنو، احتراما للقراء والزملاء.
|
Post: #9
Title: Re: تنفسو الصعداء يا جلابة، ومجولبيهم، بشاشا كسح!!
Author: Tragie Mustafa
Date: 08-09-2012, 07:46 AM
Parent: #8
الامير الكوشي
نفقتدك وانت بيننا فمبالك وانت تراط الديار خلا؟!
رمضان كريم
وانت كانت متاخره وتصوم وتفطر على خير.
اعذرني سرت اغيب كثيرا عن بوستاتك
حقيقي هؤلاء الذين تحاورهم اغلبهم بهم رغبات استعراضيه مريضه
ولا زمن عندي لمتابعة بؤسهم وامراضهم.ربنا يعينك انت صبرو للتحمل كل هذا الغثاء.
عبد المنعم سليمان بيسال منك كثير وقال لك كل تلفوناتك حاولها ما بترد عليه.
لو رسلت لي رساله بكتب لك تلفونه.مودتي وتقديري .
وكل عام وانت بخير مقدما وربنا يقبل الصيام و القيام ويجعلك من عتقاء هذا الشهر المبارك.
|
Post: #10
Title: Re: تنفسو الصعداء يا جلابة، ومجولبيهم، بشاشا كسح!!
Author: محمد عبدالرحمن
Date: 08-09-2012, 08:03 AM
Parent: #9
ياامجد ...
(الحلو مابكملش) شخصيا تحفظت على العنف الغير مبرر تجاه الخصوم ..
لكن غير كدا الخطاب متماسك وبنطلق من منهج واحد متكامل اختلفنا
او اتفقنا معه ...واللغة رشيقة جدا ...والاسلوب مميز وله نكهة
خاصة ...
تحياتى بشاشا تمشى وتجى بالسلامه ...
|
Post: #11
Title: Re: تنفسو الصعداء يا جلابة، ومجولبيهم، بشاشا كسح!!
Author: ماجد حسون
Date: 08-09-2012, 08:21 AM
Parent: #10
الاخ كمال
تمشى وتجى بالسلامة
لو حولت جماع افكارك عن الهوية السودانيةوالمشكلة الجتماعية التاريخية من السودان من عنصرية مضادة لى فكرة مركزية متماسكة حا تلاقى فى ناس كتار متفقين معاك
مثلا فوجئت فى اختلافك مع المستقلين البنطلقو من نفس المورد
الاستعلاء الشمالى وسيطرة الثقافة العربواسلامية لايمكن ان نبدلها بخرافة المركزية الافريقية , حا نكون عملنا شنو
بس برضه كويس مرة مرة تكون حارس لسلوكنا الاستعلائى فالجزاء من جنس العمل
|
Post: #12
Title: Re: تنفسو الصعداء يا جلابة، ومجولبيهم، بشاشا كسح!!
Author: ماجد حسون
Date: 08-09-2012, 08:21 AM
Parent: #10
الاخ كمال
تمشى وتجى بالسلامة
لو حولت جماع افكارك عن الهوية السودانيةوالمشكلة الجتماعية التاريخية من السودان من عنصرية مضادة لى فكرة مركزية متماسكة حا تلاقى فى ناس كتار متفقين معاك
مثلا فوجئت فى اختلافك مع المستقلين البنطلقو من نفس المورد
الاستعلاء الشمالى وسيطرة الثقافة العربواسلامية لايمكن ان نبدلها بخرافة المركزية الافريقية , حا نكون عملنا شنو
بس برضه كويس مرة مرة تكون حارس لسلوكنا الاستعلائى فالجزاء من جنس العمل
|
Post: #13
Title: Re: تنفسو الصعداء يا جلابة، ومجولبيهم، بشاشا كسح!!
Author: Yassir Tayfour
Date: 08-09-2012, 08:35 AM
Parent: #12
يا جماعة الخير خطاب شنو ولغة شنو العند بشاشا؟
كلهن عشرة كلمات، يرددهن كما الببغاء، في تكرار مُمِل، رتيب، وبلـيد.. لو أدخل أي منكم يده في جراب بشاشا، وأخرج مداخلتين، عشوائياً، لن يجد فيهن تغيير، أو تجديد..
___
ما يجود به بشاشا هذا هو فساء وقيح..
|
Post: #14
Title: Re: تنفسو الصعداء يا جلابة، ومجولبيهم، بشاشا كسح!!
Author: حبيب نورة
Date: 08-09-2012, 08:44 AM
Parent: #12
يا حبيب
القشة ما تعتر ليك
غيب وتعال تلقانا نحن يانا نحن
يللا أتفكفك
|
|