Post: #1 Title: القطري معتز برشم ده مش ولدنا ولا أنا غلطان! Author: نادر Date: 08-08-2012, 10:24 AM Parent: #0
أحرز برونزية الوثب العالي بارتفاع قدره 2.29م
Post: #2 Title: Re: القطري معتز برشم ده مش ولدنا ولا أنا غلطان! Author: james Date: 08-08-2012, 10:27 AM Parent: #1
ده غير معتز قريش.. يعني ولا ياهو...
Post: #3 Title: Re: القطري معتز برشم ده مش ولدنا ولا أنا غلطان! Author: نادر Date: 08-08-2012, 10:29 AM Parent: #1
أنا غايتو ساورني الشك من الاسم (برشم) لما سمعت كلامو في اليوتيوب زادت شكوكي في انو سوداني. رقم برشم ده أفضل رقم لهذا العام في هذا الاختصاص داخل القاعات، متساوي مع بطل روسي.
Post: #4 Title: Re: القطري معتز برشم ده مش ولدنا ولا أنا غلطان! Author: نادر Date: 08-08-2012, 10:31 AM Parent: #3
تحياتي يا جيمس
Quote: ده غير معتز قريش.. يعني ولا ياهو...
أيوه غيرو، ما هو
Post: #5 Title: Re: القطري معتز برشم ده مش ولدنا ولا أنا غلطان! Author: amir jabir Date: 08-08-2012, 10:32 AM Parent: #3
نوباوى الزول دا يا طارق من برشم دى
Post: #6 Title: Re: القطري معتز برشم ده مش ولدنا ولا أنا غلطان! Author: عبدالكريم الامين احمد Date: 08-08-2012, 10:40 AM Parent: #5
ايووووووه يا نادر
معتز عيسي برشم هو ولدنا وولدنا جدا كمان وصحيح يا عامر اسرته سودانية مية المية ومن نواحي جبال النوبة وهذا الشاب ظل يبهر القطريين والاسيويين منذ عدة سنواته بانجازاته الباهرة
------------ وهناك كثااااااااااااااار نادر اولادنا جدا في قطر هنا في مختلف ضروب الرياضة القطرية
Post: #7 Title: Re: القطري معتز برشم ده مش ولدنا ولا أنا غلطان! Author: نادر Date: 08-08-2012, 10:41 AM Parent: #5
سلامات يا عامر فعلاً سحنتو بتدل على كده،
Post: #9 Title: Re: القطري معتز برشم ده مش ولدنا ولا أنا غلطان! Author: عبدالكريم الامين احمد Date: 08-08-2012, 10:47 AM Parent: #7
هاك يا نادر وده برضوبطل ملاكمة سوداني وود اهلي رسمي وشعبي واعتزل البلنجة قبل فترة بسيطة ولكن وقبل اعتزاله نغشم ليك البشرية العربية والاسيوية دي هوووكات لمن راسهم سخن وهو البطل الاسيوي خالد مصطفي الصديق....
تخيل اسيوي وليس افريقي فهذه الدولة السودانية الانقاذية ضيعت كل موارد ومواهب البلد
Post: #10 Title: Re: القطري معتز برشم ده مش ولدنا ولا أنا غلطان! Author: amir jabir Date: 08-08-2012, 10:47 AM Parent: #7
Quote: سحنتو بتدل على كده،[/QUOTE
سحنة شنوا يا عمك برشم دا حقنا بس فى السودان وبرشم اسم مشهورين بيهو الاجنق من قبائل جبال النوبة لو ما اخاف الكضب الولد دا من الكاركوا
Post: #12 Title: Re: القطري معتز برشم ده مش ولدنا ولا أنا غلطان! Author: نادر Date: 08-08-2012, 11:09 AM Parent: #7
Quote: ايووووووه يا نادر
معتز عثمان برشم هو ولدنا وولدنا جدا كمان وصحيح يا عامر اسرته سودانية مية المية ومن نواحي جبال النوبة وهذا الشاب ظل يبهر القطريين والاسيويين منذ عدة سنواته بانجازاته الباهرة
------------ وهناك كثااااااااااااااار نادر اولادنا جدا في قطر هنا في مختلف ضروب الرياضة القطرية
سلامات يا كيكي، ورمضان كريم جبت النجيضة ياخ، أنا كنت متأكد إنو سوداني،
Post: #8 Title: Re: القطري معتز برشم ده مش ولدنا ولا أنا غلطان! Author: tmbis Date: 08-08-2012, 10:46 AM Parent: #5
الولد دا ان متابعو من فترة طويلة يا نادر .. وحسب علمي انو قطر من فترة طويلة جدا عمدت لي تجنيس اعداد كبيرة جدا من الشباب السودانيين .. من فترة نهاية التسعينات .. امثال .. صلاح راس .. في الكرة الطائرة من فريق المجد ويوسف زرارة .. وغيرهم من اللعيبة .. الولد ملامحو سودانية صرفـة .. والاسم سوداني .. حتى الروح البلعب بيها .. وطريقة الفرح البفرح بيها .. حقتنا ربنا يوفقو ويحفظو حتى وان كان ما سوداني ..
Post: #11 Title: Re: القطري معتز برشم ده مش ولدنا ولا أنا غلطان! Author: عبدالكريم الامين احمد Date: 08-08-2012, 10:58 AM Parent: #8
اللابس العنابي ده البطل الاسيوي محمد حمدي(ودقلبا) من نواحي امدرمان ومستعد محمد ده عندما كان فل اوبشن وقبل تحوله الي التدريب بان ينط ليك من هنا الي القضارف... ميداليات ذهبية وفضية ويرونزية بالكوم والردوم وهو الان مدرب موهل تاهيل عاللي....
-------------------
وح انكتم ليك يا نادر بالدور الشباب السوداني الرائع الذي يمتع الجماهير في نواحي قطر
Post: #13 Title: Re: القطري معتز برشم ده مش ولدنا ولا أنا غلطان! Author: khaleel Date: 08-08-2012, 11:13 AM Parent: #11
سلامات نادر
ورمضان كريم
كابتن الفريق القومي القطري لكرة القدم هو السوداني
بلال محمد
تحياتي
Post: #14 Title: Re: القطري معتز برشم ده مش ولدنا ولا أنا غلطان! Author: نادر Date: 08-08-2012, 09:44 PM Parent: #13
شكرا يا كيكي على اثراء البوست بالتجليات السودانية في نواحي قطر من الشمال مروراً بالخور وأم صلال والريان والوكرة وصولا لسلوى علينا جاي، ومزيد من الانجازات لاولادنا ========== سلامات يا تمبس وحمدالله على السلامة، وجبر الله كسركم ياخ مرة تانية، هكذا حال الدنيا يا صاحب، شدوا حيلكم وكتروا الدعوات للوالد، ياخي عندنا أولاد مبدعين في قطر، بس ما بتكون متأكد انهم سودانيين، الا زول يأكد ليك المعلومة، لانو عندهم ناصر كميل، مننا غادي :) =========== خليل يا هندسة أخوك من متابع الدوري القطري في قناة الكأس وبشجع الريان وكرهتي الغرافة واللخويا بعرف طبعا بلال محمد وحامد اسماعيل وحامد شامي انهم سودانيين، قطر دي فترة من الفترات كنت بنط ليها كل كم يوم، وتميت زواجي فيها، وليها ماكنة محببة في القلب، بالمناسبة بشة ولدنا قبل يومين فريقو اتهزم وبشة ضيع هدف مضمون هو والشبكة، غايتو شكلو راجع بي غادي جماعتنا ديل ما بصبروا على اللاعب كتير
Post: #15 Title: Re: القطري معتز برشم ده مش ولدنا ولا أنا غلطان! Author: بدر الدين الأمير Date: 08-09-2012, 10:30 AM Parent: #14
الكلام لكيكى:
Quote: ايووووووه يا نادر
معتز عيسي برشم هو ولدنا وولدنا جدا كمان وصحيح يا عامر اسرته سودانية مية المية ومن نواحي جبال النوبة وهذا الشاب ظل يبهر القطريين والاسيويين منذ عدة سنواته بانجازاته الباهرة
الكلام لتنبس:
Quote: الولد دا ان متابعو من فترة طويلة يا نادر .. وحسب علمي انو قطر من فترة طويلة جدا عمدت لي تجنيس اعداد كبيرة جدا من الشباب السودانيين .. من فترة نهاية التسعينات .. امثال .. صلاح راس .. في الكرة الطائرة من فريق المجد ويوسف زرارة .. وغيرهم من اللعيبة .. الولد ملامحو سودانية صرفـة .. والاسم سوداني .. حتى الروح البلعب بيها .. وطريقة الفرح البفرح بيها .. حقتنا ربنا يوفقو ويحفظو حتى وان كان ما سوداني ..
يانادر اوعك تسمع كلام المتسلبطين كيكى وتمبس ديل على قول القطرين :عاعندهم سالفة يعنى كان تكون مبلوعة لو قالو معتز قطرى من اصول سودانية مش طوالى جاين يخمو اولا معتز جده عبدالرحمن برشم من قدام السودانين العملو بدولة قطر وقد كان زميل لوالدى بهندسة الشرطة ثم والده عيسى قدم برفقة اسرته وهو شاب صغير وبعدها انضم للقوات المسلحة القطرية وكان برضو بتاع العاب قوى معتز من مواليد الدوحة وقام لقا فيها جدو وحبوبتو ووالديه فلاتسمع خرابيط كيكى وتمس
Post: #16 Title: Re: القطري معتز برشم ده مش ولدنا ولا أنا غلطان! Author: نادر Date: 08-09-2012, 10:47 PM Parent: #15
سلامات يا بدرالدين اعتقد في النهاية الود سوداني، مثله مثل العديد من السودانيين المولودين في دول الاغتراب أو المهجرووجدوا اجددهم وأعمامهم في تلك لدول، والفرق انهم لم ينالوا جنسيات تلك الدول، معتز موهوب، وظروف قطر وقوانيتها ساعدتو، من جانب آخر قطر جنست شباب ما مولودين فيها، يعني شباب من مواليد السودان ونالوا الجنسية القطرية وشاركوا مع منتخبات قطر المختلفة.
Post: #17 Title: Re: القطري معتز برشم ده مش ولدنا ولا أنا غلطان! Author: عبدالكريم الامين احمد Date: 08-10-2012, 00:47 AM Parent: #16
Quote: قام لقا فيها جدو وحبوبتو ووالديه
يابدر الدين معتز ده حبوبتو وجدو ووالديه ديل قام لقاهم مريين ولا بني هاجر ولاكوارية ولا شمرية الناس بتتكلم عن الاصول والجذور (الروتسسسسسسس) بتاعتو وهي سودانية مية المية وبلاشك فبالله ماتعمل لينا سافوتة في راسنا ساااكت وتخربط علي قولة القطريين
Post: #18 Title: Re: القطري معتز برشم ده مش ولدنا ولا أنا غلطان! Author: الامين موسى البشاري Date: 08-10-2012, 01:27 AM Parent: #17
البطل خالد الشريف مصطفى الفزازي سوداني الاصل قطري الجنسية أخ وصديق وزميل اسافير
Post: #19 Title: Re: القطري معتز برشم ده مش ولدنا ولا أنا غلطان! Author: بدر الدين الأمير Date: 08-11-2012, 12:01 PM Parent: #18
الكلام لنادر:
Quote: معتز موهوب، وظروف قطر وقوانيتها ساعدتو
الكلام لكيكى:
Quote: الناس بتتكلم عن الاصول والجذور (الروتسسسسسسس) بتاعتو وهي سودانية مية المية وبلاشك
ياخونا نعم اصولو سودانية ماقلنا حاجة أها وبعدين .. وشتان بين وطن طارد سالب لوطنتك ووطن يمنحك الفرصة ولاعداد لان تكون بطل هل يستوى الوطنين يعنى معتز دا لو اتولد في اربجى او ودهاشم كان حدو اكتشاف انو عندو بلهارسى .... على فكرة شقيق معتز الاصغر معمر ساير على نفس الدرب وبطل قادم في مضمار الوثب العالى وهو حامل الرقم القياسى القطرى للشباب 2,20
Post: #20 Title: Re: القطري معتز برشم ده مش ولدنا ولا أنا غلطان! Author: Hussein Mallasi Date: 08-11-2012, 12:14 PM Parent: #19
Quote: يعنى معتز دا لو اتولد في اربجى او ودهاشم كان حدو اكتشاف انو عندو بلهارسى ....
ما تراكا اتولدتا في أربجي أو ود هاشم أو نحو ذلك من الأصقاع .. و اسه تهز و ترز!
Post: #21 Title: Re: القطري معتز برشم ده مش ولدنا ولا أنا غلطان! Author: عبدالكريم الامين احمد Date: 08-11-2012, 01:21 PM Parent: #20
Quote: يعنى معتز دا لو اتولد في اربجى او ودهاشم كان حدو اكتشاف انو عندو بلهارسى ....
يابدر الدين ما مشكلة انو الزول يتولد في اربجي او في ودهاشم او في قعر شجرة عشان يكون زول سجمان ورمدان الاشكال المهم هو ان يجد الشخص الرعاية والتاهيل وكل معينات الابداع من قبل دولته سوي كان ذلك في اطار -اكاديمي او رياضي اوغيره من الاطارات التي تسخر الفرد لخدمة المجتمع... ومعتز ده كان ممكن يكون مولود في (كادوقلي) او الدلنج ويجي يلقي رعاية من قطر وينجح ....فالاشكال مافي المكان بل في الظرف المحيط بالشخص...... وده بتفق معاك انو مفقود في السودان الفضل وموجود في قطر
-------------- وكدي بالله جاوب لي السؤال ادناه وبدون (تنهدات) الله يخليك
لو في زول ولدو في سانفرانسيسكو وجابو بالطيارة اربجي او جدعو في ودهاشم هننووووووووك نواحي فريق (علي تمباك) واصبح لاعب العاب قوي في السودان هي تعتقد بانو حيكون عندو عمار لانو مولود في سانفرانسيسكو مع الورجغة السودانية.....؟؟؟
Post: #22 Title: Re: القطري معتز برشم ده مش ولدنا ولا أنا غلطان! Author: بدر الدين الأمير Date: 08-11-2012, 09:07 PM Parent: #21
Quote: ما تراكا اتولدتا في أربجي أو ود هاشم أو نحو ذلك من الأصقاع .. و اسه تهز و ترز!
ياملاسى انت قايلنى زى كيكى جيت الدوحة بعد ماحفظت القرى والكنابى وقطعت الفيافى ياخى انا حين جت الدوحة كنت في نعومة اظفارى وبرفقة والدى يعنى انا ومعتز برشم شبه جيل واحد وكيى زاتو لولا الدوحة كان عرف اللوترى ناهيك عن كونو يقع ليهو ...
Post: #23 Title: Re: القطري معتز برشم ده مش ولدنا ولا أنا غلطان! Author: amir jabir Date: 08-11-2012, 09:36 PM Parent: #22
Post: #24 Title: Re: القطري معتز برشم ده مش ولدنا ولا أنا غلطان! Author: ضحيه ابراهيم Date: 08-11-2012, 09:52 PM Parent: #23
تحياتى ورمضان كريم
هو فعلا معتز عيسي عبدالرحمن برشم ويا عامر جابر معتز من ابناء بنى هلبه وليس من ابناء جبال النوبه وانا اعرف والده وخيلانه من اعز اصدقائي عمار ونميرى وعادل الهادى وياكيكى معتز له صلة قرابه بالمهندس محمد رحمه
Post: #25 Title: Re: القطري معتز برشم ده مش ولدنا ولا أنا غلطان! Author: بدر الدين الأمير Date: 08-11-2012, 11:15 PM Parent: #24
Quote: وكدي بالله جاوب لي السؤال ادناه وبدون (تنهدات) الله يخليك
لو في زول ولدو في سانفرانسيسكو وجابو بالطيارة اربجي او جدعو في ودهاشم هننووووووووك نواحي فريق (علي تمباك) واصبح لاعب العاب قوي في السودان هي تعتقد بانو حيكون عندو عمار لانو مولود في سانفرانسيسكو مع الورجغة السودانية.....؟؟؟
ههههههههههههههههههههههه
زولك دا لامين عبدالكريم احمد الامين القطرى الميلاد الامريكى الجنسية السودانى الاصل الزول دا عندو خيارين احلاهما احلا قطر وامريكا حتى لو طلع ماعندو موهبة مكانته في قطر للبترول شاغرة لانو بكون والده الراحل عمل لعشرات السنين في تلك المؤسسة وانت عارف ان اولوية التعين فى الجهات الحكومية بعد القطرين لمواليد قطر ولو جبنا ليهو سيرة ودهاشم حايرد علينا بالقطرى :روحو بلاخرابيط معاكم صج ماعندكم سالفة
