السيد وزير الخارجية الوظائف دي اعلنتو عنها متين ووين وكيف !!!

ادي 30 دبلوماسياً من السكرتيرين الثوالث صباح امس القسم امام وزير الخارجية

على كرتي بحضور وكيل الوزارة ..... الخ

الصحافة الاربعاء 8 اغسطس 2012م

صراحة لا وقع في عيني اعلان ولا سمعت انو وزارة الخارجية عاوزة ناس

واليوم لقيت خبر تعيين الــ 30 دبلوماسي ديل !!!

فياريت وزارة الخارجية تتكرم علينا بتوضيح حتى نطمئن ان عهد التمكين قد

انتهي وان هناك اعلان تم ومعاينة شفافية تامة في اجراءات تعيين هولاء الشباب

وبالمناسبة دي عندي بت اختي خريجة ليها سنتين تقريباً

اقتصاد وعلوم سياسية جامعة الخرطوم وبتتكلم انجليزي وفرنسي زي الترتيب

وشاطرة وبتعرف كمبيوتر ..... الخ ممكن نحلم انو في يوماً ما

تاخدوها معاكم في وزارة الخارجية !!!!

السلام عليكم جنابو عمر

لقد أَسمعتَ لوناديتَ حيّاً ** ولكن لا حياةَ لمن تُنادي

ولو نارٌ نفحتَ بها أضاءت ** ولكن أنتَ تنفُخُ في رَمَادِ
_______________

الحليلة

السلام عليكم جنابو عمر

لقد أَسمعتَ لوناديتَ حيّاً ** ولكن لا حياةَ لمن تُنادي

ولو نارٌ نفحتَ بها أضاءت ** ولكن أنتَ تنفُخُ في رَمَادِ
_______________

الحليلة


لمتين لكن يا الحليلة 23 سنة تمكين ما كفاية

ياااخ يدو الناس فرصة معاهم شوية كده

جنابو ...سلامات ...


هسه تلاقي الــ 30 كلهم او معظمهم من الوسط او الشمال
تقول لي 23 سنة ياعمر نحن منتظرين من زمن عثمان دقنة يكون عندنا قنصل ولا سكرتير اول او تاني او تالت في اى سفارة ..
موظفي الخارجية الدبلوماسييين كلهم من عرقيات واحدة ..
السودان ده مابتعاش باخوى واخوك كلو كلو


تحياتي ،،

Quote: تقول لي 23 سنة ياعمر نحن منتظرين من زمن عثمان دقنة

اوسكار يافايز ..........

قالوا البشوف مشاكل ناس الشرق تهون عليهو مشكلة بت اختو ...

صاحب البوست رمضان كريم

ياحبيب القادم من اسفل طبقات المجتمع لا يشبع ولا يخجل ولايستحى ... وهؤلاء كلما طالت فترة حكمهم كلما تمكنوا اكثر واكثر ... لذلك العمل المنظم لقلعهم واجب.

Quote: تقول لي 23 سنة ياعمر نحن منتظرين من زمن عثمان دقنة يكون عندنا قنصل ولا سكرتير اول او تاني او تالت في اى سفارة ..

ياودالقاضي

سكرتير اول او ثالث ... هم ناس الانقاذ مغفلين ما كفايه انت بدون سكرتارية عامل ليهم وجع راس فى سودانيزون لاين وغيرها من المواقع الاسفيرية... كمان يجيبوا ليهم سكرتارية من الشرق ... لا والله الخارجية محجوزه الى ال كرتى وعلى عثمان ومصطفى اسماعيل وقبيلة بنى كيزان وعوووك...

اتذكر يا ودالقاضى عندما تخرجت من الجامعة بعد سنة قابلت احد الزملاء الكيزان فى شارع البلدية.. والكوز شغال سكرتير فى وزارة الخارجية منذ ان تخرج بدون امتحان ولا مؤهلات وذلك لمعرفتى بوجود كثيرين مؤهلاين من ذلك الكوز ولم يختاروا فى تلك المعاينات التى عين فيها صاحبنا، و على كل حال الرجل لابس الكرفته ونظيف، وعلامات الراحة باينة عليه ونقول العين باردة، وانا كنت ماشى فى شمس حارة والعرق سائل ...والله الواحد زهجان من كل شىء إلا من رحمة الله .. بعد السلام والتحية سألنى اه يارجل شغال شنو واين شغال ... رديت عليه شغال على باب الله، رزق اليوم باليوم ... قال لى يااخى ماتقدم فى ضباط البوليس ... رديت عليه يااخى معقول يوظفونى ضابط بوليس، وانا تاريخى معروف فى الجامعة .. قال نعم فى البوليس مافى مشكلة ولكن الخارجية دى ما تقرب عليها.. والرجل كان صادق ومنذ ان كان فى الجامعة يتحدث بدون مواربة

يا فايز ودالقاضى .. ناس الشرق والغرب وغيرهم من بسطاء ابناء وطنى لن ولم يسمح لهم حتى بالجلوس للقيلولة تحت اشجار وزارة الخارجية ناهيك عن تعيينهم فيها.
ودمتم

سلام يا شقيق

الغريبة سمعت انه في محاصصة
لكن اهو يا جنابو الدنيا دواره
ايام ناس هاشم عثمان كان الخبر بيكون اولا
بالسجانة والمناطق المحيطه

بت اختك دي عليها بدور المؤتمر الوطني

Quote: اقتصاد وعلوم سياسية جامعة الخرطوم وبتتكلم انجليزي وفرنسي زي الترتيب وشاطرة وبتعرف كمبيوتر ..... الخ ممكن نحلم انو في يوماً ما تاخدوها معاكم في وزارة الخارجية !!!!

بت اختك دي شوف ليها عريس من خارج الحدود عشان ترتاح وترطب هي وامها وخالها ذاتــــو ....



بالجنس والقبيله ، لكن بت أختك دي الا تترجم القرآن باللغه ( مينامار للفرنسيه ) حتى يدخل ورقها اللجنه بس ..


شفت كيف ................. الظُلم دا ما قُلنا ليكم حار ما صدقتونا - اها ضوقوا شويه مع الناس .......

لا تزال الإنقاذ تؤكد أن الكلام المكتوب على الدستور والقوانين شئ والممارسـة شئ آخر وكله تمكين في تمكين,

الغريب أنه لا رأي لأنصار السنة وهيئة علماء السودان في هذا الظلم الصريح,

وبعد تقليل تقرأ بوست يقول لك : (الخروج على الحاكم المسلم حرام وكفر .. والذي منه ..

الخروج هنا مقصود به المظاهرات (السلمية حقت الله والرسول دي ...)

اللهم آنزل على الظالمين بأسك الذي لا يرد وجازهم بما يستحقون

اللهم آمين اللهم آمين اللهم آمين

أحمد الشايقي

استغفر الله العظيم.

تخرجنا منذ دهور. وأصبح أبناء دفعتنا مدراء تحتاج للاستئذان من سكرتير ثم مدير مكتب ثم منسق مواعيد قبل الدخول إليهم.

وما زلنا نبحث عن مجرد وظيفة :(

الأخ عمر عثان

رمضان كريم - إت يا زول ما سمعت بالتقشف - حيث أصبح حتى في وظائف الدولة بالخدمة المدنية هناك تقشف - يعني الترويج لتلك الوظائف ربما يكلف كثيراً . عشان كدا يتم إختصار الأمر في أضيق نطاق جرياً على سياسةالتقشف.

بحيراوي

** ابو عبدالرحمن..
** سلام..
## شروط تعيين بت أُختك بالخارجيه :- أن تكون مخطوبه لواحد من إحدى هذه المناطق البسابير ,, حجر العسل ,, حجر الطير - هذا مبدئياً ##
## أن تكون مُنتسبه للمؤتمر اللاوطنى ومُوصى عليها من قِبل أحد التماسيح "الأثرياء الجُدد" مُستجدى النعمه ##

## ولو كرتى عمل فك تسجيلات مُمكن طوالى تتعين سفيره , وبعد داك بختنا مُمكن نوسطك لشراء السيخ والأسمنت بسعر التكلفه
(ودام الود بيننا)
(ابو محمد فؤاد)

Quote: لا تزال الإنقاذ تؤكد أن الكلام المكتوب على الدستور والقوانين شئ والممارسـة شئ آخر وكله تمكين في تمكين, الغريب أنه لا رأي لأنصار السنة وهيئة علماء السودان في هذا الظلم الصريح, وبعد تقليل تقرأ بوست يقول لك : (الخروج على الحاكم المسلم حرام وكفر .. والذي منه .. الخروج هنا مقصود به المظاهرات (السلمية حقت الله والرسول دي ...) اللهم آنزل على الظالمين بأسك الذي لا يرد وجازهم بما يستحقون اللهم آمين اللهم آمين اللهم آمين

................................
نعم هو القول

يا جنابو
هل مررت ببوست اختنا
حليمة محمد عبد الرحمن
في هذا الصدد؟
أتمني


بالمناسبة وين حليمة ذاتها



______
الحليلة

هسه تلاقي الــ 30 كلهم او معظمهم من الوسط او الشمال
تقول لي 23 سنة ياعمر نحن منتظرين من زمن عثمان دقنة
------------------------
تصدق يا ودالقاضي
شقيقي مهندس بترول من يوم اتخرج
قبل اكثر من عشرة سنوات
حتى الان يساسك بي مؤهلاتو في الخرطوم
لمن قنع منهم
دقش باب الله
مرة سباك ومرة حداد
مرة بتاع روادي !!



----------------------
نحن حلتنا من حوش بانقا بتتمشي كداري !

Quote: عهد التمكين قد انتهي وان هناك اعلان تم ومعاينة شفافية تامة

لا للتمكين ومعا نحو عداله اجتماعيه