Post: #1 Title: دجال.في ميدان جاكسون بالخرطوم يتحدث عن الجنس-فيديو Author: ذواليد سليمان مصطفى Date: 08-07-2012, 08:40 PM
هؤلاء هم صنعيت الجهلاء لايعرفون الا المكيدة والدجل والهوس الديني هذا الشاب يريد ان يتكلم في الدين ولكن خطبته عن الجنس واحيانا يتغزل بشعر شعراء الجاهلية واحيانا يتذكر ابن زيدون وولادة بنت المستكفي الله يستر طلاب الجامعات الواققفين يستمعو عليه وهذا نوع من الجهل الجامعي في عهد ثورة التعليم وياحليل وحليل علماء السودان الماتو بالعلم وهم في جنات الخلد عليكم الله شوفو الشباب بقو فارغين وواقفين بكل اريحة يسمعو للراجل الدجل في نهار رمضان ويحدثهم عن عن المرأة ويقول المرأة ما عندها رقبة بل عندها جيد والمرأة ما عندها ثدي بل عندها صدر اللهم اني صائم والله السمعتوا بي اضاني دا الزول لو ما بقي ايمانو قوي الا يفطر كلام لايليق بالدين الاسلامي والكلام كل من النص وتحت ويوصف بايادي وينادي الشباب الصغار ويمثل بيهم والله يسالني في هذا اليوم وما هذا الدجل في نهار رمضان وتعالوا يا هئية علماء السلطان شوفو لينا الدين البتلخبط بشعراء الجاهلية وياشيخنا اختشي الله في حق الصائمين اخينا مرة يتغزل ومرة يدجل نخليكم مع الفيديو http://youtu.be/7zp9k3Vck24
Post: #2 Title: Re: دجال.في ميدان جاكسون بالخرطوم يتحدث عن الجنس-فيديو Author: ترهاقا Date: 08-07-2012, 09:05 PM Parent: #1
الراجل ده مسكين فاقد حنان بس
Post: #3 Title: Re: دجال.في ميدان جاكسون بالخرطوم يتحدث عن الجنس-فيديو Author: ذواليد سليمان مصطفى Date: 08-07-2012, 10:09 PM Parent: #2
Quote: الراجل ده مسكين فاقد حنان بس
الله يديهو مرأة متخصصة حنان
Post: #4 Title: Re: دجال.في ميدان جاكسون بالخرطوم يتحدث عن الجنس-فيديو Author: ismeil abbas Date: 08-07-2012, 10:41 PM Parent: #2
Quote: واحيانا يتغزل بشعر شعراء الجاهلية واحيانا يتذكر ابن زيدون وولادة بنت المستكفي الله يستر طلاب الجامعات الواققفين يستمعو عليه وهذا نوع من الجهل الجامعي في عهد ثورة التعليم
ذواليد كل عام وأنت بخير.........إذا كان المتحدث مجنون المستمع يكون عاقل ويمشى.....الموقفن شنو؟؟؟إذا الكلام ما عجبن..!!! لو وعجبن الكلام وإستفادن ده المطلوب.
Post: #5 Title: Re: دجال.في ميدان جاكسون بالخرطوم يتحدث عن الجنس-فيديو Author: زينب محمد عبدالله Date: 08-07-2012, 11:21 PM Parent: #2
كتب الزميل ترهاقا ( الراجل دا مسكين فاقد حنان )
والله المساكيين الناس البستمعوا لى كلام ######## زى دا وكمان قاعدين ليه فى الواطه يا ناس الحاصل للشعب السودانى دا شنو ؟؟؟ ما فى اى زول فاهم يمشى يقول ليه البتعمل فيه دا عيب وقله ادب والله انا ما تميت الفديو ..لكن لو انا كنت موجوده كنت مشيت وقلت ليه موضوعك شنو بالطبط ؟؟عايز تثفنا جنسيا يعنى طيب ما تملص عريان عشان يكون البيان بالعمل ونشوفك انتا الوصايه البتقول فيها دى مطبقا فى نفسك ولا عايز تكون مبتذل فى الشارع العام
Post: #6 Title: Re: دجال.في ميدان جاكسون بالخرطوم يتحدث عن الجنس-فيديو Author: الطيب العامرى Date: 08-07-2012, 11:32 PM Parent: #5
ينفع يعمل ستاند كوميدى
Post: #7 Title: Re: دجال.في ميدان جاكسون بالخرطوم يتحدث عن الجنس-فيديو Author: ترهاقا Date: 08-08-2012, 00:09 AM Parent: #6
Quote: والله المساكيين الناس البستمعوا لى كلام ######## زى دا وكمان قاعدين ليه فى الواطه
الاخت زينب سلام
حقيقة هذا الرجل ومن لبسه وحركات اليدين وحركات جسمه والشعر المنكوش تشعر بيهو عايش حالة نفسية صعبة عنده زي مشاكل عجز عن حلها وعامل فيها دور الناصح ، الكلام اللي بيقولوا ده كله دي مشاكله هو الخاصة وقعد يتنفس بيها قدام الناس دييل .مشكلته تكمن في الموضوع الطارحه أما المتفرجين فمندهشين من هكذا كلام بقت ليهم تسلية مجانية من هذا المنلوجست
الله يشفيه
Post: #8 Title: Re: دجال.في ميدان جاكسون بالخرطوم يتحدث عن الجنس-فيديو Author: زينب محمد عبدالله Date: 08-08-2012, 00:17 AM Parent: #7
عنده زي مشاكل عجز عن حلها وعامل فيها دور الناصح ، الكلام اللي بيقولوا ده كله دي مشاكله هو الخاصة
بالضبط كدا يا ترهاقا كلامك صاح وده فى علم النفس بسموه الاسقاط
تحياتى
Post: #9 Title: Re: دجال.في ميدان جاكسون بالخرطوم يتحدث عن الجنس-فيديو Author: الصادق ضرار Date: 08-08-2012, 00:41 AM Parent: #8
فكي سوزوكي الخرطوم
له مثيل في انجمينا بتشاد و هو يستخدم نفس الاسلوب في دعوته اقرب الى التهريج يسمى فكي سوزوكي لانه يمتلك عربة سوزوكي كالتي تظهر في الصورة . اصبح يستاء من مناداة الناس له بالفكي سوزوكي فقال للناس يوماً : انتم لا تحترمون العلماء و رجال الدين و لكنكم تخافون الحكام ثم تساءل : لماذا لا تنادون الرئيس ادريس ديبي بادريس لاقونا ؟ لاقونا هي طراز السيارة التي يستخدمها الرئيس انذاك .
Post: #10 Title: Re: دجال.في ميدان جاكسون بالخرطوم يتحدث عن الجنس-فيديو Author: ابوحراز Date: 08-08-2012, 01:24 AM Parent: #9
لهذا يمشي اقتصادنا كل يوم على كرسي متحرك بسبب مثل هذا المعتوه يتم تعطيل العشرات عن اعمالهم وواجباتهم تجاه الوطن ياريت يتبرع أحدهم بان يأخذه معه الى مستشفى التجاني الماحي فالرجل يحتاج للكثير من جلسات العلاج النفسي هوس بلا حدود وتطرف لايشبه السودان
Post: #11 Title: Re: دجال.في ميدان جاكسون بالخرطوم يتحدث عن الجنس-فيديو Author: ذواليد سليمان مصطفى Date: 08-08-2012, 04:13 PM Parent: #10
الاخوة والاخوات الكرام المتداخلين في البوست على تشخيصكم لهذه الحالة النادرة ورمضان كريم
Post: #12 Title: Re: دجال.في ميدان جاكسون بالخرطوم يتحدث عن الجنس-فيديو Author: sourketti Date: 08-08-2012, 08:06 PM Parent: #11
الرجل بيعمل فى دعاية لبيع دواء من إختراعه يشمل مجموعة من المضادات الحيويه واسلوبه فى الدعايه يعتمد على شد إنتباه الناس بطرق مواضيع حساسه يستحى الناس من الحديث عنها وعلى معرفه متواضعه بالشأن الطبى ...ربما كان مساعد طبى أو ممرض أو مساعد صيدلى ...
Post: #17 Title: Re: دجال.في ميدان جاكسون بالخرطوم يتحدث عن الجنس-فيديو Author: ذواليد سليمان مصطفى Date: 08-12-2012, 08:01 PM Parent: #12
Quote: الرجل بيعمل فى دعاية لبيع دواء من إختراعه يشمل مجموعة من المضادات الحيويه واسلوبه فى الدعايه يعتمد على شد إنتباه الناس بطرق مواضيع حساسه يستحى الناس من الحديث عنها وعلى معرفه متواضعه بالشأن الطبى ...ربما كان مساعد طبى أو ممرض أو مساعد صيدلى ...
سوركتي كل عام وانت بخير اثني كلامك الراجل دا ينفع بتاعت اعلانات
Post: #13 Title: Re: دجال.في ميدان جاكسون بالخرطوم يتحدث عن الجنس-فيديو Author: ذواليد سليمان مصطفى Date: 08-09-2012, 03:33 PM Parent: #5
Quote: والله المساكيين الناس البستمعوا لى كلام ######## زى دا وكمان قاعدين ليه فى الواطه يا ناس الحاصل للشعب السودانى دا شنو ؟؟؟ ما فى اى زول فاهم يمشى يقول ليه البتعمل فيه دا عيب وقله ادب والله انا ما تميت الفديو ..لكن لو انا كنت موجوده كنت مشيت وقلت ليه موضوعك شنو بالطبط ؟؟عايز تثفنا جنسيا يعنى طيب ما تملص عريان عشان يكون البيان بالعمل ونشوفك انتا الوصايه البتقول فيها دى مطبقا فى نفسك ولا عايز تكون مبتذل فى الشارع العام
الاخت زينب رمضان كريم هل تصدقي الزول دا باقي ليه خط واحد عشان يملص في السوق في واحد من الشباب كان اعترضوا وقال ليه ياحاج اختشي الله في نهار رمضان ولكن قال خير وزاد الطين بله الله يهديه ويديه العافية
Post: #14 Title: Re: دجال.في ميدان جاكسون بالخرطوم يتحدث عن الجنس-فيديو Author: خالد كيبا Date: 08-09-2012, 11:47 PM Parent: #13
سلام للجميع ورمضان كريم
أخ ذوالوليد بغض النظر عن مبيعات العارض,
This guy is an excellent sales man
الرجل بحث عن الاشكال .... هنا العجز الجنسي و امرض الأخراج
الرجل جهذ presentation عن الاشكال والحلول
المظهر العام : جزء من البرسنتشن والامج المتداول في تسويق الأعشاب الطبية.
من البداية حاول يشد إنتباه المستمعين بصورة كوميدية عاطفية عن طريق تلاوة ايات وسرد أبيات شعر واستدعا بعض الجمهورلل presentation و إستنطاقهم و الجمهور حتي يجمعهم لقاسم مشترك بخصوص العجز الجنسي و امرض الأخراج، ثم إتكلم عن المسبيبات المعروفة في البيئة السوادنية خاصة أمراض الظهر للرجل ونتايج تغيرات الهرمونات عند المراه في اواخر الأربعينات ("أبو فلان وابوك د يا ولد ........ يدل علي أن الولد في سن رشد أي أن الأم تفوق سن al40 إذا افترضنا انها تزوجت و هي "23). بعد ما اتاكد إنو الجميع كان بياكد في كلامو عن امرض العجز و الأخراج (البول الأصفر اللون خاصة في رمضان نسبة لقلة الماء في الجسم ). ومن ثم بدا يتكلم عن تركيبة الأعشاب المعروضة عن طريق الدكاترة المعاهو وكيف هذة التركيبة هي الحل للاشكال و لكل الأمراض والاعراض المتفق عليها والضمانات الشخصية منهو وأمثله أخري مثل الاتصال من زبون في منتصف الليل وأرقام التلفونات وهلم جراء. ومن ثم اتكلم عن السعر الرسمي للتركيبة و السعر الخاص بمناسبة رمضان. النتتجه الجميع مستعد لشراء تركيبة الأعشاب المعروضة و دا هدف رجل المبيعات الأول SALES LEAD. أنا شخصيا بفتكر الرجل دا رجل مبعات فلتة اتخيل الزول د لو كان بيعرض بدل أعشاب معدات منزلية وعندو مثلا خلاطات وفي نهاية alpresentation كل واحد ما حيفارقو إلا و اشتري واحدي أو بيعرض في سيارات أو كراسي أو طماطم أو خدمات تامين أو في تلفزوينات وهلم جراء. الفيديو د هو مثل حي لرجل المبعات المثالي.
هنا في أمريكا واوروبا برسلو عمال المبيعات لدورات عشان يتعلمو الشي البسو فية الراجل د.
هنا في سن فرنسيسكو عندي جاري اسمو مايك فريجة شغلتو بيبيع عربات وبسوي نفس كلام أخونا في الفيديو د .... بقي مايك ياخد نسبة من كلو عربية ببيعا ... دخل مايك السنوي 2 مليون دولار. http://www.hondaofhayward.com/fraga.htm
Post: #15 Title: Re: دجال.في ميدان جاكسون بالخرطوم يتحدث عن الجنس-فيديو Author: خالد كيبا Date: 08-11-2012, 09:33 PM Parent: #14
أخ ذواليد
رمضانك سعيد
شكلي كتلت ليكم الدوو في يدكم ...معليش ما كان قصدي كدا ....
كنت بتمني إنو نناقش الموضع بصورة إيجابية والوصول لنقاط تفيدنا في المستقبل ونتعلم ندي نفسنا زمن كافي للحكم المنطقي عشان ما نضيع زمنا وتفكيرنا في تدمير المفيد!
هنا بعض فيديوهات لعمال مبيعات في شوارع ألمانيا في مدينة -Hamburg- للمقارنة....... اسلوبهم للتسويق يشبة أسلوب قريبنا في ميدان جاكسون.
بعد مشاهد الفديوهات اتخيل قريبنا في ميدان جاكسون كان عايش في مدينة -Hamburg- كان حياة حتكون كيف!.
....
لموضع التفكير السلبي المداول عندنا في السودان مواصلة بقصة واقعية من مدينة نيالا دمرت حياة أخ مخترع.
Post: #16 Title: Re: دجال.في ميدان جاكسون بالخرطوم يتحدث عن الجنس-فيديو Author: ذواليد سليمان مصطفى Date: 08-12-2012, 12:03 PM Parent: #15
خالد كيبا كل عام وانت بخير واصل ولا يهمك بس الزول دا اتحدى السوق كلو وكلامو بره
Post: #18 Title: Re: دجال.في ميدان جاكسون بالخرطوم يتحدث عن الجنس-فيديو Author: خالد كيبا Date: 08-14-2012, 08:47 AM Parent: #16
ذواليد يقول:
Quote: "بس الزول دا اتحدى السوق كلو وكلامو بره "
خالد يقول: لية كدا ياخي ..... حليت لينا المعادلة بخطوة واحدة.... الاجابة = الزول في السوق الزول في السوق = فهو.... أحدا من مُثَنَّى ....باعاً او مشتري ... الزول في السوق = عشان كدا أنا بشوف وصف المحتال كتير في حق الراجل ..
أنا بامانة ماقدر أوصف في الكلام الخداع أو الغير محتشم من الراجل ..... ....بتذكر زمنا أي حصة أحياء كان المعلمين فيها أدق في الوصف الطبيعي للاعضاء التناسلية من رجل السوق أعلاه وما قلنا المعلمين ديل دجالين .... بدل كدا كنا بنقوم ليهم وقت يدخلو الفصل و بنكون واقفين لحدي ما يقولو لينا إتفضلو جلوس وبنصفق ليهم في نهاية كل حصة .... خليك من المعلمين ياخي أسامي مدن سودانية كتيره أدق في وصف الأعضاء التناسلية من حصة الأحياء و كلام قريبنا رجل السوق ... وماقلنا أجدادنا زمنا ربونا علي الدجل.
كدي وضح بامثلة من كلام الرجل البره!...
أنا بشوف أحسن نشجع أصحاب المواهب والمنتجين البسطاء وندعمهم ماديا و معنويا حتي تعم المنفعة للجميع،......
فيما يختص الأشعاب الطبية المباعة في االاسواق (كيري ساكت بكسر الكف والراء) * نتمني من الجهات الرسميه خاصة إدارة الجودة والمواصفات أن تقوم باللازم من فحص لنوعية الأشعاب وجودتها وتركيزها والتنوية للاعضاء البشرية المخاطبة فسلوجيا عن طريق تناول و إحساء هذا الأشعاب.
قصتي جاية ....
*مفتاح: كيري (بكسر الكف والراء)= مصطلح دارفوري يعني البيع في السوق من غير تصريح
Post: #19 Title: Re: دجال.في ميدان جاكسون بالخرطوم يتحدث عن الجنس-فيديو Author: ذواليد سليمان مصطفى Date: 09-06-2012, 10:20 PM Parent: #18
الزول دا تحفة في عمل الاعلان التجاري لبضاعته
Post: #20 Title: Re: دجال.في ميدان جاكسون بالخرطوم يتحدث عن الجنس-فيديو Author: خالد كيبا Date: 09-07-2012, 04:33 AM Parent: #19
أبشر دا الكلام الصح يا زواليد .....
المرة الجاية لازم نتعلم من الناس ديل .... مهارة الخطاب العام والبرسنتشن :-)