اعجب لفرح المعارضين

يحاول الجماعة بكل ما اوتوا من قوة

ان يقولوا السعر بين دولار و عشــرة

دولار . وكمان فى فرح ، فات عليهم ان الاتفاق سوف يكون

سارى حتى لو سقط النظام، لكن برضـــو

يمكن الجماعة قنعومن إسقاط النظـــام

فقالو علينا و على الحكومة. ليت الجميع

فى مثل هذه الامور يكون اعقل من كـــــدة

لكن حكومة الجنوب اى كان الاتفاق لن ترفع

السعر لو تغير الحال ، تحت اى ظرف.

تحياتي هجو

للأسف ... أهل الحكومة وأهل المعارضة يديرون الأمر بسياسة هلال مريخ

ويتقاتلون كثيران داخل مستودع خزف

شخصياً لا يهمني من الأرقام سوى ما ستحققه للمواطن البسيط.ولا يهمني شيء من الجدل البيزنطي بين المعارضين ومؤيدي الحاكمين.

فلتخف الحكومة الله في الشعب.

يا هجو الأمور وصلت إلى مرحلة صعبة جداً ونستغرب فيمن يحكمون دون أن يراعوا حال من يحكمون

اخى الكريم هانى سلام من الله ورحمة

فعلا الوضع الخاص بالمواطن اصبــح

لا يطاق ، وان الحكومة و المعارضة

فى امر لا يهم و لا يعنى المواطـــن

بحال من الاحوال، دعنا نفكر بصوت عال

ما تستفيد المعارضة إن سقطت الحكومة

ووجدت نفسها اى المعارضة مربوطــــة

بالاتفاق ضعيف ، هنا تكون الصدمة بــل

الضربة المؤجعة.

الأخ هجو رمضان كريم

صدقنى يا اخى لقد وصل الحال درجة من الاحباط حتى صرنا لا نميز بين الخبيث والطيب

كل يوم تزداد معاناة المواطن ويزداد تمزق الوطن

وكل يوم يزداد معارضو النظام فى السقوط

والحال هكذا اصبحوا لا يميزون بين ما يضر المواطن ويجعل حياته جحيم وبين رغبتهم فى اسقاط النظام

ومنهم من يصور الحال فى المفاوضات الجارية بين الدولتين بمفهوم الانتصار والهزيمة

اختلطت الامور عند البعض وزال عندهم الخيط الفاصل بين الوطن والنظام

ارادت الانقاذ ان تكون هى الوطن والوطن هو الانقاذ

وسار فى نفس الاتجاه المعارضون للنظام وأصبح شاغلهم دمار الانقاذ حتى لو ادى ذلك لدمار الوطن

اشكرك على البوست وتحياتى

هجو
رمضان كريم

لم تكشف الحكومة في يوم من الأيام عن مال البترول، ولا نعرف حتى الآن الإتفاقيات النى وُقعت بإسمنا.


النجيضة أن مال البترول منهوبن ويذهب لقتل اهلنا في جبال النوبة وفي الغرب وفي الشمال وفي النيل الازرق وفي الخرطوم.

عشان كده افتكر إنو من المنطقي أن افرح أن نظام كهذا لا يجد أموال لينهبها أو يقتل بها مواطنيه.

أما إذا كنت انت يا هجو تعتبر أن النظام يأخذ الأموال ويصرفها في علاج وصحة وتعليم المواطن فستكون غاضب من الاتفاق.


المسألة مش مسألة وطن. المسألة مسألة عصابة موجودة، وعلى العموم مسألة النفط وعبوره بأراض الغير هي مسألة دولية وأسعارعا متعارف عليها، وإذا ذهب هذا النظام ستكون دولة الجنوب على اتفاق وفق المعايير الدولية.



بعدين يا خي البترول دا ما كان بتاع السودان دا كلو، هسه بقت تفتش في رسوم عبور والذي منو؟

السلام عليكم أخي هجو

المصيبة هي عدم التفريق والتمييز بين الحكومة والوطن..
الحكومات الى زوال مهما طال الزمن
والوطن باقٍ ..

غبي وعديم وطنية من يفرح لما يحدث ..

Quote: السلام عليكم أخي هجو المصيبة هي عدم التفريق والتمييز بين الحكومة والوطن.. الحكومات الى زوال مهما طال الزمن والوطن باقٍ .. غبي وعديم وطنية من يفرح لما يحدث ..

يا ارباب سلام و برضو موصول للاسرة الكريمة

كلامك و الله مش محتاج اى زياذه او تعليق

Quote: وكمان فى فرح ، فات عليهم ان الاتفاق سوف يكون سارى حتى لو سقط النظام، لكن برضـــو

الاخ هجو

اضافة لكلام الاخ الصادق اسماعيل , اؤكد لك بان كل شئ سوف يتغير ويكون للاحسن ولمصلحة الشعب السودانى فى علاقاتنا الخارجية وخاصة مع دولة الجنوب فى حال زوال نظام الانقاذ !

هجو

سلام

رمضان كريم


كل البترول كان بيد الحكومة ماذا فعلت به اين ذهبت امواله؟

شنو يعني لو دولار او عشرين مافرقت الشعب طالع منو ملوص بل يزيد من معاناة الشعب

لان هذه الاموال سوف تذهب للامن والمليشيات التي تسهق ارواح ابناء الشعب السوداني

Quote: اعجب لفرح المعارضين يحاول الجماعة بكل ما اوتوا من قوة ان يقولوا السعر بين دولار و عشــرة دولار . وكمان فى فرح ، فات عليهم ان الاتفاق سوف يكون سارى حتى لو سقط النظام، لكن برضـــو يمكن الجماعة قنعومن إسقاط النظـــام فقالو علينا و على الحكومة

هي المصالح الضيقة يا هجو

هذه النظرة تبين أن هؤلاء في الأساس ليس همهم البلد، وأنهم لا ينظرون أبعد من
أطراف أنوفهم.

Quote: اؤكد لك بان كل شئ سوف يتغير ويكون للاحسن ولمصلحة الشعب السودانى فى علاقاتنا الخارجية وخاصة مع دولة الجنوب فى حال زوال نظام الانقاذ !

وأنا أؤكد لك يا خالد حاكم

** كل الشماليين في أعراف الحركة عبارة عن جسم واحد

** مطامع الحركة وحقدها مستمر ولن يتوقف عند سقوط الكيزان

** هدف الحركة هو ارواء ظماء من حقد قديم بدأوا في بلورته في مذابح 1955

Quote: وأنا أؤكد لك يا خالد حاكم ** كل الشماليين في أعراف الحركة عبارة عن جسم واحد ** مطامع الحركة وحقدها مستمر ولن يتوقف عند سقوط الكيزان ** هدف الحركة هو ارواء ظماء من حقد قديم بدأوا في بلورته في مذابح 1955

برضو اؤكد لك يا عماد حسين ولمن يفكر وينظر للامور بطريقتك بان الحركة الشعبية طرحها واضح وهو السودان الجديد الذى يتساوى فيه الجميع فى الحقوق والواجبات بصرف النظر عن الدين والعرق , السودان الجديد الذى يحارب العنصرية العرقية والثقافية ويساوى بين الاعراق والثقافات دون تمييز , وهذا هو السودان الذى يرفضه كل عروبى متعالى او كل شمالى متعالى ويريد ان يستمر ثقافة الاستعلاء العرقى والثقافى والدينى , واى تصرف او صوت تراه نشاذ من الطرف الاخر هو رد فعل طبيعى و نتيجة غبن متراكم لما فعله ويفعله الشمالين حتى الان , ولا يتم تصحيح هذه الاوضاع المقلوبة الا بالمساواة والعدالة ومحاربة كل ما يفرق بيننا والاعتراف بحقوق بعضنا البعض !

الأخ هجو.

لا أعتقد بأنها فرحة، ولكنها شماتة في الرئيس البشير وفي موقف الحكومة المجرمة. لأن تصريحات البشير وقيادات الكيزان كانت مخجلة ولا تشبه رجال يقودون دولة. وفي نهاية الأمر الشعب السوداني لم يستفيد أصلا من موارد البترول التي ظهرت في الكيزان والأمثلة لذلك هي تطاول البنيان والزواج مثنى وثلاث ورباعي والسيارات الفارهة والعلاج والإجازات الصيفية في أمريكا التي يشتمونها صباحا ومساء. وذلك خلاف تكديس الأموال في الخارج. فماذا تتوقع من الشعب؟

Quote: ** كل الشماليين في أعراف الحركة عبارة عن جسم واحد ** مطامع الحركة وحقدها مستمر ولن يتوقف عند سقوط الكيزان ** هدف الحركة هو ارواء ظماء من حقد قديم بدأوا في بلورته في مذابح 1955

اخى عماد سلام من الله ورحمة

لا املك إلا ان اقول وانا هنا

ابصم بالعشرة، وكمان لو لقو

فرصة اكتر من كده يعملوا.

يا سيف ود عوج الدرب سلام من الله ورحمة

تعرف كمان انت و جماعتك برضو ســــوف

تساعدوا على معاناة الشعب السودانـــى

إلا يكفيكم تخريب منشات هجليج.

Quote: اضافة لكلام الاخ الصادق اسماعيل , اؤكد لك بان كل شئ سوف يتغير ويكون للاحسن ولمصلحة الشعب السودانى فى علاقاتنا الخارجية وخاصة مع دولة الجنوب فى حال زوال نظام الانقاذ !

مرحب يا خالد اهه يا خوى متين شفت ليك

اتفاقية دولية غيرت. انظروا الى قدام

بتمعن .

Quote: بعدين يا خي البترول دا ما كان بتاع السودان دا كلو، هسه بقت تفتش في رسوم عبور والذي منو؟

الاخ الكريم الصادق سلام من الله ورحمة

اشكرك على المرور ، دعنى اقول الان

ان الامور فى طريقها الى الحلحلـــه

انا اتكلم على قابل الايام ، اى اتفاق

يوقع بكون بشهود و اتفاقية دولية يصعب

معها التغيير. طيب لو الحكومة اخفت الاتفاقيات

السابقة ، ليست هذه فرصة للفرح بدعم موقف الجنوب

فى الحصول على سعر رخيص .

حمى الله الاهل فى جبال النوبه ودارفور من

كل شر و مكروه.

الاخ الكريم حسن حماد سلام من الله ورحمة

تعرف و الله السقوط ذاتو شويه ، مفروض

الناس حسها الوطنى يرتفع مش قليلا لا

كثيرا ، وذلك لان فى مقبل الايام بترول

الجنوب فى حالة الزيادة فى الانتاج برضو

بكون فى مصلحة البلد و المواطن.

Quote: لا أعتقد بأنها فرحة، ولكنها شماتة في الرئيس البشير وفي موقف الحكومة المجرمة. لأن تصريحات البشير وقيادات الكيزان كانت مخجلة ولا تشبه رجال يقودون دولة. وفي نهاية الأمر الشعب السوداني لم يستفيد أصلا من موارد البترول التي ظهرت في الكيزان والأمثلة لذلك هي تطاول البنيان والزواج مثنى وثلاث ورباعي والسيارات الفارهة والعلاج والإجازات الصيفية في أمريكا التي يشتمونها صباحا ومساء. وذلك خلاف تكديس الأموال في الخارج. فماذا تتوقع من الشعب؟

الاخ دينق ، تعرف كلامك ده ينطبق برضو

تماما على جماعتك قطاع الطرق و اللصوص

ولكن الفرق اننا نقول لهم هذا خطأ ، بينما

انت لا تستطيع ان تقول لهم كلمة. يا دينق

سجل جماعتك فى القتل و السحل معروف من زمن

قرنق . يا اخى انتو بتصفو كده عديل عينى عينك

اما سجون جماعتك حدث و لا حرج ، يا اخى انتو

معارضى الانقاذ اذا ما سايروا اهدافكم مصيرهم

السجن ( وانت عارف انا قاصد منو).