Post: #1 Title: مؤدّي آخر يفشل في أداء أغنية ماضي الذكريات .. فأين المُشكلة ؟ Author: صبري طه Date: 08-06-2012, 08:50 PM Parent: #0
وهل هذه الأغنية صعبة لهذه الدرجة ؟
حيث حاول طه سليمان أداء الأغنية في حلقة اليوم من برنامج أغاني وأغاني بمعية صاحبها الدكتور عثمان مصطفى .. وأرى حسب رأيّ الشخصي أنها استعصت على طه سليمان !!!
(سأقوم بإنزال فيديو الأغنية فور العثور عليه في اليوتيوب)
ــــــــ تمّ العثور على الفيديو:-
ــــــــ
Post: #2 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: صبري طه Date: 08-06-2012, 08:52 PM Parent: #1
في اليوتيوب أدناه فشل أحمد الحبيب في أداء الأغنية بشهادة لجنة التحكيم .. رغم أنه كان من المرشحين بالفوز بمركز متقدّم لآخر مُسابقة لبرنامج نجوم الغد .. وأعتقد أنّ أداءه لهذه الأغنية قد أبعده من دائرة المُنافسة ...
ــــــــــ
Post: #3 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: صبري طه Date: 08-06-2012, 09:01 PM Parent: #2
تمّت إضافة فيديو الأغنية لحلقة اليوم من برنامج أغاني وأغاني بصوت عثمان مصطفى وطه سليمان ...
Post: #4 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: عبد اللطيف بكري أحمد Date: 08-06-2012, 09:24 PM Parent: #3
حبيبنا صبري
بل أربكه عثمان مصطفى ، اكثر من يجيد الاستعراض بصوته،،
طه سليمان مبدع مبدع وفنان بكل ماتحمل الكلمة
مبتسم
متواضع
انيق
مجامل
فنان
وكفى،،
الاغنية صعبة واداءها دويتو اصعب خصوصاً مع منكشة عثمان مصطفى،،
طه سليمان هل تسمعني : انت على الطريق الصاح
Post: #5 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: طارق ميرغني Date: 08-06-2012, 09:37 PM Parent: #4
العريس صبري
في بوست التحليل اليومي لسفيان كتبت ما يلي :
Quote:
اخي سفيان
من المفترض من مطرب كبير كعثمان مصطفي ان يترك الفرصه كاملة للشباب ليرددوا
اغانيه دون تدخل منه وفرض لونيته والدليل انانيته في عدم اتاحة الفرصة كاملة لطه الضرس
وذلك واضح في تعامل البروف عثمان مع الاوركسترا اذ يصر ان يقودها بصوره اكاد اقول انها مذله
رغم انه كل اغانيه محفوظه عن ظهر قلب ولا جديد فيها اذ يرددها منذ الستينيات
دعني اقارن عثمان مصطفي بزيدان ابراهيم الذي ولو تغير الايقاع او الكوبليه
لا تراه ترمش له طرفة عين لثقته في عازفيه
وبالفعل اتفق مع صديقي بكري بان عثمان مصطفي دكتاتور في ادائة ولن يدع لطه او لغيره ان يتجاوزه في الاداء
هذا ليس تقليلا من اداء عثمان مصطفي لكن من المفترض من فنان كبير ان يدع الفرصه لهؤلاء الشباب كي يبدعوا
وعثمان مصطفي كفايه عليهو ؟؟؟
Post: #6 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: Hani Arabi Mohamed Date: 08-06-2012, 10:31 PM Parent: #5
لمن يلومون عثمان مصطفى !!!!
الأغنية ملك لعثمان مصطفى وهو حر فيها يتصرف فيها كيف يشاء.
وليبحث طه سليمان عن إبداعه الخاص ـ، يعني عشان يكون مبدع لازم يبدع بأغاني الآخرين ؟
أين حقوق الملكية الفكرية ؟
Post: #19 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: صبري طه Date: 08-11-2012, 10:48 AM Parent: #6
Quote: لمن يلومون عثمان مصطفى !!!!
الأغنية ملك لعثمان مصطفى وهو حر فيها يتصرف فيها كيف يشاء.
وليبحث طه سليمان عن إبداعه الخاص ـ، يعني عشان يكون مبدع لازم يبدع بأغاني الآخرين ؟
أين حقوق الملكية الفكرية ؟
إذاً كان لعثمان مصطفى أن يغنّيها لوحده في هذا البرنامج .. عشان ما يجهجه باكات طه معاهو ... وباكاتنا نحن ذاتو ...
تسلم يا حبيب ،،،
Post: #18 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: صبري طه Date: 08-11-2012, 10:46 AM Parent: #5
Quote: اخي سفيان
من المفترض من مطرب كبير كعثمان مصطفي ان يترك الفرصه كاملة للشباب ليرددوا
اغانيه دون تدخل منه وفرض لونيته والدليل انانيته في عدم اتاحة الفرصة كاملة لطه الضرس
وذلك واضح في تعامل البروف عثمان مع الاوركسترا اذ يصر ان يقودها بصوره اكاد اقول انها مذله
رغم انه كل اغانيه محفوظه عن ظهر قلب ولا جديد فيها اذ يرددها منذ الستينيات
دعني اقارن عثمان مصطفي بزيدان ابراهيم الذي ولو تغير الايقاع او الكوبليه
لا تراه ترمش له طرفة عين لثقته في عازفيه
تسلم أخي طارق ... وبالضبط كدة كلامك صحيح .. ولو لم يكن كذلك فما الداعي لاستضافة هؤلاء الشباب في حضرة ضيف الحلقة ؟!
دمت بود ،،،
Post: #12 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: هايل زين Date: 08-09-2012, 06:20 PM Parent: #4
Quote: طه سليمان هل تسمعني : انت على الطريق الصاح
تحياتي لكل المتداخلين... ولصاحب البوست..
طه لم يفشل في أداء الأغنية... نهائيا... دي ما المرة الأولى اللي طه يغني فيها ماضي الذكريات... حأفتشها وأجيبها ليك عشان تشوف كيف اداها...
عثمان مصطفى فنان كبير جدا... له حامة صوتية تنفع في الأوبرا (عديل كده) على حد سمعي (البسيط جدا)...
ولكن...
خلينا نقعد بالراااااحة في بطن البسيطة دي ونقيم مشاركة عثمان مصطفى في البرنامج....
عثمان مصطفى لم يعطي أي فنان من فنانين البرنامج الفرصة لإظهار إبداعاته الصوتية.. وما خلى ولا واحد فيهم يكمل الأغنية المفروض يغنيها... طيب هو جاي ليه أساسا؟؟؟؟؟ مش فكرة البرنامج إنو بجيبو فنان كبير ويقعدوا يشكروا فيهو وفي أغانيهو ويوروهو إنو الأجيال الجديدة حافظة ليك كويس وبتغني أغانيك؟ ولا عثمان مصطفى بإعتباره مديرا لكلية الموسيقى والدراما (على حد علمي) عشان كده ما عاجبو ولا واحد في المشاركين ديل؟؟
وهو امكن الوحيييييد اللقى فرصة يغني معاهو أكتر من الباقين هو طه.... أمشي راجع الحلقة تاني.. الباقين... ولا نفس..
تحياتي :-)
Post: #20 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: صبري طه Date: 08-11-2012, 10:49 AM Parent: #12
Quote: طه لم يفشل في أداء الأغنية... نهائيا... دي ما المرة الأولى اللي طه يغني فيها ماضي الذكريات... حأفتشها وأجيبها ليك عشان تشوف كيف اداها...
في انتظار الأغنية يا حبيب ...
تسلم ،،،
Post: #16 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: صبري طه Date: 08-10-2012, 10:56 PM Parent: #4
Quote: حبيبنا صبري
بل أربكه عثمان مصطفى ، اكثر من يجيد الاستعراض بصوته،،
طه سليمان مبدع مبدع وفنان بكل ماتحمل الكلمة
مبتسم
متواضع
انيق
مجامل
فنان
وكفى،،
الاغنية صعبة واداءها دويتو اصعب خصوصاً مع منكشة عثمان مصطفى،،
طه سليمان هل تسمعني : انت على الطريق الصاح
تسلم أخي عبداللطيف ... وربما يكون أربكه عثمان مصطفى كما قلت ...
على العموم نتمنى أن نسمعها بصوت طه وحيداً حتى يكون الحُكم عليه أكثر إنصافاً ...
ولك ودّي ،،،
Post: #7 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: Elmosley Date: 08-06-2012, 10:40 PM Parent: #1
ياصبري عثمان مصطفى ده لافنان كبير لاصغير بقدر يجاريهو في الغناء لذا نشكر طه على آجر المحاوله ولم يفشل في نظري بل نجح آن يكون في محاولة لمجاراة عملاق الاداء لكن ليس من المعقول آن عثمان يترك هذا الاداء البديع ليدع الفرصه لطه معليش انا بختلف معاكم وياهو ده رعثمان بعبع الغناء وكل الفنان عارفين كده تحياتي
Post: #8 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: الامين محمد علي Date: 08-06-2012, 10:48 PM Parent: #7
Quote: عثمان مصطفى ده لافنان كبير لاصغير بقدر يجاريهو في الغناء لذا نشكر طه على آجر المحاوله لكن ليس من المعقول آن عثمان يترك هذا الاداء البديع ليدع الفرصه لطه معليش انا بختلف معاكم وياهو ده رعثمان بعبع الغناء وكل الفنان عرفين كده
لا يفتى ومالك في المدينه......
شكراً صبري ....شكرا استاذ الموصلي......
Post: #23 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: صبري طه Date: 08-11-2012, 11:41 AM Parent: #8
Quote: لا يفتى ومالك في المدينه......
شكراً صبري ....شكرا استاذ الموصلي......
تسلم يا الأمين ...
Post: #9 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: khaleel Date: 08-06-2012, 10:48 PM Parent: #7
هلا صبري
دكتور له طريقة خاصة في الغناء ويمتلك صوت خرافي
تصعب مجاراته
حاول عمر جعفر مرة ان يغني راح الميعاد
فاصيب باللوز
Post: #10 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: محمد عبدالرحمن Date: 08-06-2012, 10:54 PM Parent: #9
Quote: حاول عمر جعفر مرة ان يغني راح الميعاد
خالك خليل شكلو نسى انو عمر جعفر من مدنى ...اللوز الله وبعيد منو ...ناس مدنى (بجمرو) الفنان زى الدهب .. ولما يدوهو الاوكى ويقولوا ليهو امشى غنى لناس البندر تانى زول بقيف معاهو مافى ...اللوز ممكن يجيها عمر جعفر لكن هى مابتجيهو ..
Post: #11 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: ترهاقا Date: 08-06-2012, 11:09 PM Parent: #10
بالعكس يا صبري لم يفشل ، طه سليمان واحد من الفنانين الشباب الذي اتوقع له الصمود فنان مجتهد لاداء أعماله الخاصة هذا بالاضافة الى امتلاكه لكل الادوات من صوت وأداء ليكون له مستقبل زاهر ، أما فيما ذكرت في محاولة الغناء مع عثمان مصطفى فدوره لم يكن اساسي بل دوره كان إضافة رتوش شبابية وعلى ما يبدو الموضوع كان ارتجال ولم يعد له أي سابق بروفات
ولك الود
Post: #13 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: omer osman Date: 08-09-2012, 07:39 PM Parent: #11
أول مرة اعرف انو عثمان مصطفي بالاضافة الى انو غناي جداُ
برضو غتيت جداً هههههههههههههه جهجه الود طه جهجهة مبالغ فيها
Post: #14 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: Abdullah Idrees Date: 08-09-2012, 07:58 PM Parent: #13
اعتقد ان الاغنية غير مناسبة لطه سليمان ، امكانيات عثمان مصطفى الصوتية تجعل اداء اغنياته صعب جدا وليس لأن الاغنيات صعبة في حد ذاتها .. في فنانين معينين كأنما "بشفروا" اغنياتهم وهم عادة لديهم امكانيات صوتية هائلة مثل عثمان مصطفى واحمد الجابري ، ابوداوود ، مصطفى سيد احمد .. طه سليمان لم يكن سيئا لكن مقارنة اداءه مع اداء عثمان مصطفى هي ما صعبت عليه الامر ، الاغنية كانت من انجح اغاني الثمانينات ولذا عرفها الناس وحفظوها بصوت واداء عثمان مصطفى ..
تحياتي صبري والجميع
Post: #15 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: عزيز Date: 08-10-2012, 10:29 PM Parent: #14
الاخ صبري
والأخوة الأساتذة المتداخلين
كتبت في بوست الاخ سفيان أغاني وأغاني
بان طه أدى ماضي الذكريات باحساسه ولونيته الشبابية الرومانتيكية وكان رائعاً
اما استاذ عثمان فادى ماضي الذكريات بذلك الزخم الصوتي والأداء الكلاسيكي الجميل
وهذا يوضح ما بين الأجيال من إبداع وتذوق
المستقبل لطه سليمان وانا اكتب عن ذلك منذ العام 2007
انتظروا في القريب ستستمعون لعمل ضخم بين استاذ الأجيال وردي في اخر ألحانه وطه سليمان
استاذ موصلي كنت قد وعدت بالتعاون مع طه وما زال يرغب ذلك في شوق وفرح.
طه يقرأ كل حرف يكتب عنه هنا في سودانيز أونلاين
ساهموا إخوتي في نقد اعماله فنيا سلبا وايجاباً فهذا يدعم مسيرته ويضئ مستقبله الفني ويسهم في تواصل إبداعه.
ودعوني احيي من هنا رفاق نجاحاته الاخ بابكر مدير اعماله والفرقة الموسيقية بقيادة الفنان عازف الأكورديون عز الدين محمد والشباب الجميل مجاهد سيمت الملحن وعازف الباص ومحمد عبدالرحمن (حماده جده) عازف الكيبورد وبقية العقد الفريد.
عبدالعزيز خطاب
Post: #17 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: وليد عبد اللطيف Date: 08-11-2012, 09:57 AM Parent: #15
Quote: أول مرة اعرف انو عثمان مصطفي بالاضافة الى انو غناي جداُ
برضو غتيت جداً هههههههههههههه جهجه الود طه جهجهة مبالغ فيها
ياصفوه شويه كدا وكان طه ح يلحس ليك البساط من تحت عثمان مصطفى شوف ممكن تعمل دكتوراه في الموسيقى وبروف لكن كمان كونك تمتع الناس بالغناء زي الكاشف دي موهبه من عند ربنا وبالتمارين بتقدر تظبط امورك تصلح الزمن تتعامل مع النفس دخول وخروج الود طه خطير ويعرف كيف يشق طريقة الى عالم الكبار اما عثمان مصطفى حتى لمن كان شاب كان عليه ان يكتفي بالتلحين ومعه صلاح مصطفى اغانيه بسيطه حتى كنا بتغنيها زمان في حدائق مايو وسته ابريل الحاليه وفي الرحلات في الباصات والحافلات مصطفى كنكش ولم يعطي الاولاد فرصه ولو انهم ماعندهم الامكانيات لمجاراة عثمان مصطفى سبق وفي لقاء للفنان وردي كان بقول ليه مانعمل زفات سودانية حتى نغير من شكل الزفات الجديده وقال هو بصدد عمل من هذا النوع ولم يعلم بان الشاب طه سبقه وعمل زفه في منتهى الروعه والشاهد هي كل المناسبات السودانية الحاليه لا(رجب حوش عنك صاحبك دا ) بل هي ( جناي البريدو ) والكل يريد الشاب طه سليمان
Post: #24 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: صبري طه Date: 08-11-2012, 11:43 AM Parent: #9
Quote: هلا صبري
دكتور له طريقة خاصة في الغناء ويمتلك صوت خرافي
تصعب مجاراته
حاول عمر جعفر مرة ان يغني راح الميعاد
فاصيب باللوز
يا خليل يا حبيب .. عُمر جعفر أدّى أغنية راح الميعاد بشكل جميل ياخ وكان فيها مرتاح خالص ...
Post: #21 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: صبري طه Date: 08-11-2012, 10:56 AM Parent: #7
Quote: ياصبري عثمان مصطفى ده لافنان كبير لاصغير بقدر يجاريهو في الغناء لذا نشكر طه على آجر المحاوله ولم يفشل في نظري بل نجح آن يكون في محاولة لمجاراة عملاق الاداء لكن ليس من المعقول آن عثمان يترك هذا الاداء البديع ليدع الفرصه لطه معليش انا بختلف معاكم وياهو ده رعثمان بعبع الغناء وكل الفنان عارفين كده تحياتي
تسلم يا أستاذ على التوضيح .. ولكن ألا توافقني الرأي أن فكرة البرنامج مبنية على أداء بعض الشباب بعض الأغاني لضيوف الحلقات ؟
ـــــــــ وأنا كُنت عايز أقول كلام مُحتاج لتعليقك فيهو بخصوص صوت عثمان مصطفى ومصطفى سيد أحمد والتشابه بينهما .. وأهو المُناسبة جات ... يا ريت تفتيني فيهو ... والكلام هو:- أنا شايف يا موصلي أنّ صوت عثمان مصطفى ومصطفى سيد أحمد فيهو شبه .. إلاّ أنني أجد أن صوت مصطفى سيد أحمد أكثر تطريباً من صوت عثمان مصطفى ... وكذلك صوت مصطفى سيد أحمد أكثر مرونة في التعامل مع الأغنيات لو كانت ملك له أو لغيره من صوت عثمان مصطفى ... يعني صوت مصطفى سيد أحمد عامل كدة زي الجوكر بينفع مع الكثير من الأغنيات ...
أرجو الإفادة ...
ولك ودّي ،،،
Post: #22 Title: Re: مؤدّي آخر يفشل في أداء أغنية ماضي الذكريات .. فأين المُشكلة ؟ Author: Nasruddin Al Basheer Date: 08-11-2012, 11:35 AM Parent: #21
سلام يا صبري والضيوف الأكارم ورمضان كريم
أنا غير متابع لبرنامج أغاني وأغاني بصورة منتظمة لكنني حضرت حلقة الأستاذ عثمان مصطفى واستمتعت أيما استمتاع بصوت عثمان مصطفى الخرافي وأحسست حينها بالحرج للمؤدي الشاب طه سليمان لأن المقارنة بين الصوتين معدومة، مع أن الجميع يتعاطفون مع طه سليمان لكن التعاطف وحده لا يكفي في طريق الفن.. المؤدي طه سليمان لا يملك الصوت الذي يمكنه من تقديم أعمال خاصة يمكن أن تخلد كأغنية ماضي الذكريات.. أنا مستغرب هنا الناس بتلوم في صاحب الأغنية ليه؟!! دي أغنيتو وأداها بالطريقة التي يؤديها بها .. لوم الجماعة هنا لعثمان مصطفى ذكرني بزميلي في التدريس في المرحلة الثانوية أستاذ مادة الفيزياء، دخل معه موجه الفيزياء في الحصة وعندما عادا للمكتب، أشاد الموجه بمقدرات وتفرد أستاذ الفيزياء في المادة لكن عاب عليه بأنه المفروض ينزل شوية لمستوى الطلاب حتى يستوعبوا بسهولة، فرد عليه أستاذ الفيزياء (ليه الطلاب ما يرتفعوا لمستواي؟).. وأنا أسأل نفس السؤال (لماذا لا يرتفع طه سليمان لمستوى عثمان مصطفى؟)... يا جماعة معقول أسمع ماضي الذكريات بصوت العملاق عثمان مصطفى وأتواضع لأسمعها بصوت طه سلميان!! دي صعبة كتير....