تلاتة مليار و تمانية و عشرين مليون بتمشي السودان كم يوم؟؟؟

المساعدة التي التزمت حكومة جنوب السودان -جزاها الله خير- بتقديمها لاشقائهم في الشمال رغم الأحن
اصابت الكثيرون و خصوصا من الكيزان و المؤلفة قلوبهم بفرحة هيسترية ، و ارجعت اليهم الأمل الذي
فقدوه منذ انفصال الجنوب و عادت خيالات الثراء و الكسب السريع تداعب خيالهم من جديد.
حسب الميزانية الأخيرة 2012 فعجز الميزانية يبلغ 4.2 مليار جنيه سوداني تعادل 1.6 مليار دولار.
طيب إذا كانت المساعدة الجنوبية ستقدم على مدى ثلاث سنوات و هي كما ترى تكفي لسد عجز الميزانية
لسنتين تقريبا بافتراض أن العجز في ميزانية 2013 سيظل ثابتا كما في ميزانية هذا العام. كيف يتوقع هؤلاء
أن هذه المساعدة ستعيد لهم و لنا - إن سمحوا لنا بمشاركتهم- ايام الفرح؟؟

الناس ديل شغالين رزق اليوم باليوم ..
و ال 3 مليار بالتقسيط ممكن تمشي دولة المؤتمر الوطنى شهر شهرين ..
ده لو ما همبتوها ..

بالمناسبه يا سيف ..
الجماعة دول بكون عندهم hunger خرافى للهمبته !!!!

قول مشتهم سنة يا ود المشرف. معقولة الناس ديل desperate للدرجة دي؟
ياخي ديل من الفرح ما فاضل ليهم الا يزغردوا.

يا دكتور بالنسبة للسودان ما في فايدة بالحييل خصوصا مع الفساد وسوء الادارة
لكن البس حذاء الكيزان وفكر بطريقتهم ومن زاويتهم, حتلقى ليهم حق يفرحوا وينططوا
اولا مجرد التوقيع على اتفاقية حتى لو كانت مجحفة يعني استقرار إلى حد ما و يمكن يتطور الامر لتحييد جبهتي النيل الازرق و جنوب كردفان وعزل لحركات دارفور
ثانيا ممكن يبيعوا وهم مبالغ فيه للشعب الأصلا متحيّل بانهم المسائل في انفراج وكدا
فاصبروا واحتسبوا و ان مظاهرات الشيوعيين و الصعاليك ذات مآرب أخرى وكدا

مهما قلنا وقللنا من قيمة الاتفاقية و العائد منها لا نستطيع إنكار انه شكلت مخرج ولو مؤقت للحكومة من ازمتها
و هتافات "سقطت سقطت" ستبقى محض هتافات و الاحاديث عن ان الحكومة تترنح وضعيفة وآيلة للسقوط ستبقى محض احاديث
و الأهم أن من الخطأ التعويل على الأمريكان و الحركة الشعبية لإنجاز فروضنا نحن

Quote: مهما قلنا وقللنا من قيمة الاتفاقية و العائد منها لا نستطيع إنكار انه شكلت مخرج ولو مؤقت للحكومة من ازمتها و هتافات "سقطت سقطت" ستبقى محض هتافات و الاحاديث عن ان الحكومة تترنح وضعيفة وآيلة للسقوط ستبقى محض احاديث

تصدق يا ود البشرى انو الاتفاق ده ما حياثر في مسيرة التغيير اطلاقا و ما حيكون عندو اي قيمة من ناحيتها.
المظاهرات و الخروج حيستمروا و زخمهم حيتصاعد و الجماهير العاملة على التغيير ما حتدي الاتفاق ده اي اهمية.
و كلامك يا ود البشرى بيركز على حركة الحكومة المعتادة و هي تضخيم الحدث الزي ده و محاولة الكسب منو اعلاميا
و هي حركة لا تنفع دائما و لن تنفع هذه المرة خصوصا لانو الوضع بلغ مرحلة من السوء لا ينفع معها اي محاولة للاصلاح او الترقيع.
تلاتة مليار دولار تعمل شنو لبلد جنازة راجية الدفن؟

Quote: revenues: $8.991 billion expenditures: $11.89 billion (2011 est.)

الاخ سيف

لو هم بتمشيهم كتير

لو السودان ما حتمشيهوا خالص

Quote: تلاتة مليار و تمانية و عشرين مليون بتمشي السودان كم يوم؟؟؟

عليك امان الله ضحويه بس ................ يلحسوها ...