انتصار مذهل للجنوين في المفاوضات (فيديو) المؤتمر الصحفي ل(بقان)

http://www.youtube.com/watch?feature=player_e...bedded&v=kwLcvlLkFcA


اعجبتني عبارات باقان اموم بان وفدهم ادائه كان مشرف....
وهذا هو المتوقع....فبينما....استمرأ بعض الاستعلائين بالترويج بانه
الجنوبين لا يعرفون مصالحهم....هاهم يثبتون بانهم اقدر ما يكونوا على تحقيق مكتسبات لشعبهم.
المجد لاخوتي الجنوبين وانا جدا فخوره بهذا الانجاز.

كمرد باقان ترفع لكم القبعات.الف مبروك.....لشعب الجنوب مثل هذه القيادات الحريصه على موارد شعبهم.

بيستحقوا كل خير. هم جزء مننا و نحن منهم. نحنا منتظرين زوال
النظام العنصري الذي فرقنا كقبائل و جهويات لنعيد المليون ميل
بكل سحناتها.

هم بيختاروا الكفاءات للمفاوضات و الشمال يختار الاقربين. ولذلك
يركض الشمال يستجدي امريكا و غيرها ليعيد الجنوب تصدير بتروله رغم
قول البشير انه لن يسمح للحشرة الشعبية بذلك. ما اروع ان يلحس كل يوم كلامه.



تحياتي يا ام حازم

والله عجبني ليهم يا خالي الحبيب وسر بالي

بالله شفته جمال الكلمات في فم باقان اموم وهو يوضح كيف ردوا على الامريكان وكيف طنشوا بريطانيا المستهبله؟!

يمين الله يشرفوا...وربنا يجعل طريقهم اخضر...دائما باذن الله....

Quote: بيستحقوا كل خير. هم جزء مننا و نحن منهم. نحنا منتظرين زوال النظام العنصري الذي فرقنا كقبائل و جهويات لنعيد المليون ميل بكل سحناتها. هم بيختاروا الكفاءات للمفاوضات و الشمال يختار الاقربين. ولذلك يركض الشمال يستجدي امريكا و غيرها ليعيد الجنوب تصدير بتروله رغم قول البشير انه لن يسمح للحشرة الشعبية بذلك. ما اروع ان يلحس كل يوم كلامه. تحياتي يا ام حازم

بشبش لحسه البلاء ليخمه قول آمين يا خال.


يا حبيب حكومة الجنوب رغم معرفتها باحيتاجات شعبها

لكنهم صمدوا بكل شجاعه وقالوا لن نتراجع ولا للتوقيع اي اتفاق لا يحفظ موارد شعبنا بالشكل الامثل.

درس مفيد لهم عسى ولعل يتعلم هولاء الاقصائين الجهويين

ادينا ارقام يا تراجي
وكويس ما قلتي "دولار واحد" زي ود سليمان

سلامات تراجى
الحركة الشعبية لتحرير السودان متمرس فى التفاوض و نقول للاخوة فى جنوب السودان الف مبروك و اقبال للشعب السودانى باقتلاع هؤلا المجرمون و يرمى بهم فى مذبلة التاريخ.
دا كلوا ما مشكلة لكن سؤالى هو هل يحق للمسلم يكذب فى رمضان؟ هم يقولوا اتفقنا مع الجنوب بسعر 25.88 دولار و دا كذب واضح. هل من مفتى؟

Quote: هم يقولوا اتفقنا مع الجنوب بسعر 25.88 دولار و دا كذب واضح. هل من مفتى؟

الطاهر يااخوي
افتي قلبك ولو افتوك

طروجه عارفه الإتفاق دا لو ما تم كان مشار شال البترول وفات

وبعدين إنتى زعلانه ليه ربع البترول شمالى حساب يعنى أى برميل ربع
قيمتو تذهب شمالا وهنالك 150000 إنتاج محلى يعنى درون فى الكميه
والمتوقع شمالا أكثر بكثير من الذى بالجنوب ثم هنالك التجاره والمهن
والتدريب والعلاج ياخ إنتى زعلانه ليه ما أخوان واتفقو عجيبه يا
طروجه إنتى وبعدين عندنا الدهب والصمغ والسمسم والجلود والللحم
تقولى منو ياخ ربنا يكثر الخير شمالا وجنوبا ويرتاح الشعب السودانى
بشقيه وتفرحى أكثر وتقللى من ال
ردحى دا,


ياخ إنتى كويسه

أبقى عافيه


منصور

Quote: ربع البترول شمالى حساب يعنى أى برميل ربع قيمتو تذهب شمالا وهنالك 150000 إنتاج محلى يعنى درون فى الكميه والمتوقع شمالا أكثر بكثير من الذى بالجنوب ثم هنالك التجاره والمهن

ردحي مدوزن يا أديبنا الأريب

Quote: المجد لاخوتي الجنوبين وانا جدا فخوره بهذا الانجاز.

مبروك عليك الجنسية الجنوبية ياتراجى

يعنى انت هسع فرحانه انو الشمال هزم والجنوب انتصر

طيب لو الانقاذ دى فاتت بكره ماياهو الاتفاق الخسران فيهو السودان الحاتجو وتحكموا انتو

وله الحكاية نكاية بالمؤتمر الوطنى ليس الا حتى لو كان الخاسر الوطن

Quote: وبعدين إنتى زعلانه ليه ربع البترول شمالى حساب يعنى أى برميل ربع قيمتو تذهب شمالا وهنالك 150000 إنتاج محلى يعنى درون فى الكميه والمتوقع شمالا أكثر بكثير من الذى بالجنوب ثم هنالك التجاره والمهن والتدريب والعلاج ياخ إنتى زعلانه ليه ما أخوان واتفقو عجيبه يا طروجه إنتى وبعدين عندنا الدهب والصمغ والسمسم والجلود والللحم تقولى منو ياخ ربنا يكثر الخير شمالا وجنوبا ويرتاح الشعب السودانى بشقيه وتفرحى أكثر وتقللى من ال

هو في ردحي أكتر من ده؟

سلامات يا تراجي.

لا أعتقد أن هذا وقت يتفق فيه الجنوب أو الحركة الشعبية مع النظام الحاكم في شمال السودان

لماذا هذا الإنعاش

هذه نظرة قصيرة الأجل

وهذا من شأنه أن يطيل عمر النظام على حساب الشعب المغلوب على أمره

!

شكرا لكل اخوتي المرور


يا حسن حماد بلا جنسيه جنوبيه بلا شماليه معاك
انا شخصيا فرحانه انهم بيتحدثوا عن قناعه حقيقه بقدراتهم.
وفرحت لفرحهم.....انت مالك حارق جازك؟!



الجنوب ده لعلمك ولو عندك ضمير مفروض تخجل على حاله
الجنوب الغادرتوهوا مجبرين وتركتوهوا لا مستشفى لا مدرسه لا سجن حتى زي الناس لا وسائل مواصلات
لا لا جامعات ولا معاهد تدريب...لا.....ولا....ولا اي حاجه غير الاحزان واكوام المعاقين ضحايا الحروب
اعاقات نفسيه و جسديه وعقليه من كثرة الاحزان وكمان لك نفس تتكلم؟!

يطير الشمال بحقي انا فيه كمواطنه(رغما عنك) فيه وتطير عيشتنا ان لم نقل الحق بشأن المظالم التاريخيه بحق اخوتنا الجنوبين.




مبروك عليهم وليواصلوا اعمار بلادهم الماشين فيه بخطوات مشرفه!


واختشي يا حسن حماد
نحن خير واحد للبترول شعبنا في الشمال ما شافه
اهو كله كان اسلحه اوتب للامنجيه ..معلون ابوه من ثروه نجسه دخلت علينا بالسحاق و الماحق و البلاء المتلاحق!


الفاضل عاصم فقيري
تعلم ان ترى الجانب الممتلأ من الكوب.
لا يمكن ان يكون همي كشماليه ان اسقط النظام باغلاق الانبوب
بينما يسقط كل يوم ربما مائة طفل جنوبي من عدم الرعايه الطبيه لانهم بيأجلوا في احتياجاتهم وخدماتهم لاجل عوننا على اسقاط النظام!

Quote: لا أعتقد أن هذا وقت يتفق فيه الجنوب أو الحركة الشعبية مع النظام الحاكم في شمال السودان لماذا هذا الإنعاش هذه نظرة قصيرة الأجل وهذا من شأنه أن يطيل عمر النظام على حساب الشعب المغلوب على أمره !

نحن النظام ده مفروض نسقطه نسقطه...ولوحدنا ودون عون عالمي.....والا فاننا لا نستحق الحريه.

الاخت الاستاذة تراجى

لك التحية الطيبة و التقدير و رمضان كريم

استمعت الى حديث الاخ فاقان اموم و مما لا شك فيه كان حديثا "دغرى" و يعكس الحقائق و ما توصل اليه الطرفان الى

اتفاق فيما يختص بنقل و تصدير البترول عبر الشمال و قد اوضح بالتفصيل الرسوم التى تدفعها جوبا للخرطوم مقابل ذلك

طبعا الفرق كبير بين ما كانت تطلبه الخرطوم و ما توصل اليه الطرفان ...

اتمنى ان يلتزم الطرفان بالاتفاق حتى ينعم اهلى فى الهامش بالسلام و الاستقرار

اشكرك و تحياتى للاسرة