وأنت في زورق ألحان سلمى سيِّد ستعلم أن السِّر قدور باع ليك التُرمّاي

البِت تفتح الرّوح ضلفتين أو كما قال من قالها

أبو اللّمين يُغنِّي كما لم يُغنِّي مِن قبل
و زول ونّااااااااااااس وحسّاااااس وجمييييييل

أمّا الضّيوف
فلا تدري بِمن تُعجب و أنت في حضرة الثّالوث المُلهِم المُلْهَم
بالمُذيعة المُتمكِّنة حاضرة الذِهِن أنيقة الحرف و العِبارة سلمّى
أم بالفنّان العجيب أبو اللّمين
ولّ الضّيف البتزدان بيهو الحلقة أكتر وأكتر

ياخي مُتتتتتتتتتتتتعة

أجمل الضّيوف على سبيل المِثال لا الحصر:
السيِّدة صاحِبة الإبتسامة الإتكتبت فيها أُغنية وِحياة إبتسامتك
والتي ورُغم تقدُّم السِّن لا يزال بريق ابتسامتها زي بريقاً ديمة شالِع في سمايا
زي ما قال صِدّيق أحمد

ثُمّ سبدرات الذي لم يتسنّى معه لسلمى سيِّد أن تختتِم رِحلة الزّورق الذي أبحر بِنا في عوالم ما أجملها

واليوم كان الجّميل د. عُمر محمود خالِد وهو يحكي عن الخمسة سنين
وعن والدته الشّاعِرة المُجيدة وهي تنعى عمّها العبّاسي

ياخي جمال .. جمال لا محدود

غايتو بس تدِّي ربّك العجب

وحقيقة لا يُضاهي كوب القهوة الذي أنتظره بفارِغ الصّبر بعد الإفطار ليظبُط الرّاس، إلا زورق ألحان سلمى سيِّد وأب اللّمين اللِّي بيعدِل المزاج ويُريح النّفْسَ ويُهدِّئ النّفَسْ

وطلع السِّر قدور بايع للجماعة التُرمّاي وبالغالي
ويضحك عليهم بضحكته التي تُثير تضجُّري إيّاها

ياهندسة رمضان كريم



ــــــــــ
الليلة ريحتة رقبتك من دينق وامثاله

Quote: الليلة ريحتة رقبتك من دينق وامثاله

والله يا مُحمّد المُسلّمي الفرق ما بين زورق ألحان سلمى سيِّد وتُرمّاي قدور
زي الفرق ما بين حي العمارات بالخُرطوم
وما يُسمّى بـ أطلع برّة بِتاع جوبا

حي دبلوماسي
وآخر مُوغِل في العشوائيّة


ــــــ
رمضان كريم يا حبيب

خير اللهم أجعلو خير


إلي الذي يكتب بإسم علاء الدين

أصلو ما بصدق

Quote: خير اللهم أجعلو خير إلي الذي يكتب بإسم علاء الدين أصلو ما بصدق

حبيب نورة
عازمك في أوّل جيّة ليك للسُّودان جلسة بالعود
أعْزِف ليك فيها وأسمِّعك إلى مُسافِرة التي تأخُذني إلى عوالم المالا نهاية
أو يا نعيم الدُّنْيا لأبو داؤود التي أشتهي سماعها كُل يوم وساعة
وأخْتِم ليك بي "أرحم يا سميري ... فلبي الما نِساك .. أسمح لي بنظرة لو في الطّيف أراك"

الأخ علاء الدين يوسف

Quote: البِت تفتح الرّوح ضلفتين أو كما قال من قالها

قنعت من خيرا فيها ولا شنوا ؟
متناسيا ما دار ويدور فى أديس أبابا؟
عموما التهانى الحارة جدا لك " بعودة الروح"

أبو النّيز
هذه ساعة صفاء للنّفس
ولنفسك ساعة

ـــــــ
رمضان كريم

جداً

أختلافنا الحاد لا يعني أن نتفق في أشياءٍ أُخر

والمداخلة مكبشرة عشان ما تنكر بعدين

أكادُ لا أصدقُ

يظل خلافنا ذلك باقينا ما بقيت قناعاتنا بأفكارنا

أمّا هذه فهو وعدٌ قُطِع
إلا إنت تنُط

يا زول أخوك لو ما ساس يسوس كالسُّوسة دي كان تلقاهو واقِع بِتّرْتع ما بين عود و كمنجة وطمبور

فعلا يا علاء
متعة X متعة
وهسه بشوف في الاعادة

يا جماعة علاء ده جواهو "علاء تاني"

Quote: يا جماعة علاء ده جواهو "علاء تاني"

؛)
يا علاء الدين، الشفيع داير يقول شنو؟
ضمنياً كده الزول ده رشاك وفي باله أن يشكرك ؛)
___
وأنت مالك ما سجلت حلقات ود الأمين ورفعتها، ولّ فالِح لي فيديوهات الخراب والكضب الكيزاني ؛)

والله لوتبطل الكلام فى السياسه والتسويس وتكتب فى الفن تبقى اروع انسان
فعلاً نقد لامس الاحساس والوتر الحساس
خليك كدا وبس

مدثر أبوعلاء

Quote: خير اللهم أجعلو خير إلي الذي يكتب بإسم علاء الدين أصلو ما بصدق

الزميل علاء
قرّض على كده .. رمضان كريم

Quote: ضمنياً كده الزول ده رشاك وفي باله أن يشكرك ؛)

ومنو القال ليك ان داير اشكره يا ياسر؟


دايرين نشوف "علاء الجواني"

مساء الانوار وطابت اقات الجميع ورمضان كريم
عجبتنى السر قدور باع للناس ال.............؟
طبعا عمك ده ( السر قدور) بياع حكايات الدجل رجل بلا مرجعيه وشفاهى ؟
واقولها وانا شايت ضفارى يحكى التاريخ بلا امانه ولا شهود وعندو غلطات تديهو كرت احمر من الموسم الرابع؟
ولكن عصابات اكل العيش؟ والكنكشه؟ ولى عوده بى مهله كان الله مد فى الاجال
انور عبد الرحمن على

مافي صور ؟

علاء ومحمد المسلمي رمضان كريم وتصوموا وتفطروا على خير
ايوة ياكيزان اطلعوا لينا مرة من ساس يسوس دي

فعلا ياعلاء فرق السماء للارض بين البرنامجين

الرائعه سلمى سيد ودرت محمد ومسكت فى محمد الاخر؟؟؟؟

الله يستر...

عندي صاحبي ود حلال قال لي الكوز ده ما يقوم يمقلبك ويبلغ فيك الأمن


تعليقنا الوحيد

الخاين الله يخونو

إنت خاين لكن ما أعتقد للدرجة دي

انا كنت هناك ....
علاء ولا بشوف محمد الامين ولا حاجه
يشررررررب فى القهوة والشيشة وبشوف فى اغانى واغانى ....
لما يجيبو ملاح البطاطس ,, بحول بالريموت يشوف هنا وهنا وهنا ...
قام شاف البت دى لما كانت لابسة التوب الاحمر تااااااااح وقف من التحويل .....



او على احسن الفروض .. القصة دى كلهههها اطلعوا منها بى سبدرات ! بس .












ــــــــــــــــــــــــــــ
لقيتنى كيف ؟؟؟
قلبك خفيييف اتضح .. جايب اخرك فى العنوان ؟ (جيب صفوف كتيرة وشوش خدر)
لما يمشوا يعملوا القهوة مالك ما اخدت لينا لقطة لقطتين ؟؟
غايتو يا عله .. رغم انو حلقاتها معسسمة ..
محمد الامين دا اسطورة ... وصوتو بسيطر عليك بشكل رهييب !

سلامات ياعلاء

ورمضانك كيف....؟

المهم....

لاحديث عن ابو اللمين فانه مدوزنها

وسلمي السيد صاحبة اطلالة متكاملة

اما الضيوف....

فياخي اذا كانت حتجيب لينا زي بت ابو امنه حامد

الجابته امبارح.... اخير تقرض علي الفاتو ....!!!!

اختيار اسواء من سئ وواحد يجي يقول لي طلع بي شنو

من ضيفة حلقة الامس....؟

حقيقية.... اخير معط شريف الفحيل

Quote: فياخي اذا كانت حتجيب لينا زي بت ابو امنه حامد الجابته امبارح.... اخير تقرض علي الفاتو ....!!!!

الحبيب هارون دياب
سلام

الغلطة غلطة معدى البرنامج الذين اتوا بالبنت المسكينة و لم (يجهزوها) بما يكفى للحديث عن والدها
فواضح جدا انها كانت متهيبة من الكاميرا و لم تتحدث فى منبر عام من قبل
لكن المحيرنى يا هارون هو غياب هاشم صديق عن البرنامج و الاتيان ب شاعر اخر للحديث عن قصائده المشتركةمع ابو اللمين (الغريبة ان الشاعر ليس له عمل واحد مع الباشكاتب)
عموما البرنامج هو برنامج رمضان لهذا العام: بل و يتفوق على برنامج وردى بكثير بسبب حساسية ود اللمين
و لباقته
و لا يفوتنى التنويه بمقدرة ود اللمين الفايقة فى الحديث فهو محدث بارع و لبق بصورة قل ان نجدها فى فنانيننا
(استثنى الكابلى) و استطاع و هو الذى لم تتح له تقريبا فرصة التعليم النظامى ان يجارى ناس (منضمات) كبار
من امثال سبدران و عمر محمود و فضل الله محمد

في اعتقادي ان البوست تحول من عنوانه في نهاياتو
كنت اتوقع ان الناس تدخل سبر اغوار علاء الدين و رؤية الجانب الآخر فيه
وعن سبب تلوين كتاباتو بالللون الاحمر
وهل هو شيوعي الميول الداخلي وكوزي المظهر الخارجي

وكما ل قال قريبنا مدثر كنا

Quote: والله لوتبطل الكلام فى السياسه والتسويس وتكتب فى الفن تبقى اروع انسان فعلاً نقد لامس الاحساس والوتر الحساس خليك كدا وبس

لكان احسن