قادم من الجحيم الاسمو السودان ... يوميات الاجازة والثورة والطماطم!!!

كنت فى اجازة فى السودان من يوم 7/7/2012 الى يوم 1/8/2012 يعنى صمت هناك حوالى 13 يوم كانت من اصعب الايام التى صمتها فى لسودان فى حياتى وذلك لسببين الاول سخونة الجو مقرونا بالقطع الكهربائى المحدود والسبب التانى سخونة الوضع الاقتصادى الذى احال البلاد الى جحيم لا يطاق يريد المقتدر ان يهرب منه قبل الضعيف . صدقونى انا انقل لكم الحقائق مجردة فى هذا البوست وسيتم ذلك تباعا باذن لله

اولا بالتبادى نبدا بسواكن باعتبارى ذهبت بالسيارة تربتك

ومن اول وهلة يبدا مشوار اعتبارك بقرة حلوب يتم حلبك حتى يسكب جسيبك ( ضرعك ) الدم

حيث تجد نفسك مضطر الى ان تدفع 150 ريال فى الباخرة رسوم فسح جمركى غير معلن عنه مسبقا

ثم تدفع بعد ذلك ما مجموعه 550 ريال سعودى موزعه بين رسوم ميناء ورسوم ولائية

ثم بعد ذلك تدفع 50 الف جنية رسوم محلية سواكن

ثم بعد ذلك تفع ما لا يقل عن 500 الف جنيه لشركة شيكان للتامين

دا كله غير رسوم المخلص اللذى يخلص لك الاجراءات وهو من شركة المهاجر مع العلم انهم يقولون لك لاتعطيه فلوس وهم ياخذون الفوس وبينى وبينكم يستاهلوها لانوا الحالة صعبة وانا اثق ان شركة المهاجر هذه لاتعطيهم رواتب تكفيهم حاجاتهم خاصة بعد ارتفاع الاسعار الاخير .

والدفع ده كله كوم والخدمة المقدمة فى المقابل كوم تانى

1/ لاتوجد مظلة تقى حرارة الشمس وانت تنتظر الاجراءاءت
2/ طول فترة الاجراءات بدون اى مبرر حوالى 3 الى 4 ساعات لمجرد تشييك السيارة واصدار اذن الخروج من الميناء المعفن ده
3/ لاتوجد صالات للعوائل بالمعنى المعروف هى مجدر رواكيب مكيفاتها قليلة وحارة جدا وكراسيها اخير عدمها
4/ لاتوجد حمامات ولا مرافق ولامصليات ولا حتى مياه للشرب
5/ الكافتيريا بالفلوس والاسعار غالية والبيئه فيها مترية جدا والخدمة متخلفة لابعد الحدود
6/ كل المكاتب حتى الحكومية منها قذرة ومقذذه .
7/ كل المسئولين متخلفين اداريا ويشتركون فى خصلة واحدة هى العنف اللفظى مع المغترب ولا ادرى لماذا هذا السلوك مع انهم يشحدونك بعد قليل حتى لو صابونه
8/ اى شئ بيمشى بالواسطة والرشوة داخل ميناء سواكن وهم فى غاية الرخصة على فكرة

غايتو لمن تخرج من سواكن تقول انا خرجت من الجحيم واتاريك انت خرجت من الجحيم الاصغر الى الجحيم الاكبر اللذى ساخلة معكم خطوة خطوة وقولو يا ساتر

رمضان كريم وحمدلله على السلامة.. ويا ساااااتر

الاستاذة رشا سالم سلام عليكم ورمضان كريم والله يسلمك

زمان الفنان كا بيقول للغربة هناك الهم بدل واحد بيكون همين

الكلام ده اصبح مطبق فى السودان بالظبط كده

الناس فى هم اليوم كيف يفوت وفى نفس الوقت فى هم بكرة كيف حيكون

كما قلت الله يستر عليهم بس

ما راءيته فوق طاقة البشر

عادل سلامات

Quote: 1/ لاتوجد مظلة تقى حرارة الشمس وانت تنتظر الاجراءاءت 2/ طول فترة الاجراءات بدون اى مبرر حوالى 3 الى 4 ساعات لمجرد تشييك السيارة واصدار اذن الخروج من الميناء المعفن ده 3/ لاتوجد صالات للعوائل بالمعنى المعروف هى مجدر رواكيب مكيفاتها قليلة وحارة جدا وكراسيها اخير عدمها 4/ لاتوجد حمامات ولا مرافق ولامصليات ولا حتى مياه للشرب 5/ الكافتيريا بالفلوس والاسعار غالية والبيئه فيها مترية جدا والخدمة متخلفة لابعد الحدود 6/ كل المكاتب حتى الحكومية منها قذرة ومقذذه . 7/ كل المسئولين متخلفين اداريا ويشتركون فى خصلة واحدة هى العنف اللفظى مع المغترب ولا ادرى لماذا هذا السلوك مع انهم يشحدونك بعد قليل حتى لو صابونه 8/ اى شئ بيمشى بالواسطة والرشوة داخل ميناء سواكن وهم فى غاية الرخصة على فكرة

ها زول اكيد عندك سبب قوى يوديك فى يوليو للسودان وكمان رمضان

حمدالله على سلامة رجوعك وفى انتظار السرد ولكن بينى وبينك اعصابنا باظت من حكاية الميناء المافيهو موية شراب دا

الاستاذ عادل لك التحية ورمضان كريم
متابعين بشوق لا يقل عن شوقنا للوطن
اصلوا بعادنا طال واخوك من هولاء الذين خرجوا في تسعينيات
القرن الماضي بـ ONE WAY TECKIT
يعنى خرج ولم يعد حتى الان لكن حتما سنعود ان شاء الله
فيما يتعلق بالتعامل معكط كبقرة حلوبة يا عادل هاك هذه المفارقة
من المفارقات الغريبة جدا ان كل اجراءات تسجيل المولود الجديد للسوداني لدى السلطات السعودية بالمجان أي دون مقابل مادي يعنى بلوشي
واول دفع لأثبات هوية السوداني القادم يكون في حوش القنصلية عندما تدفع 160 ريال مقابل اضافته في الجواز
وسفينة الانقاذ سارت لا تبالى بالرياح ولا لدنيا قد عملنا

الحبيب حسن حماد سلام ورمضان كريم

فعلا كان هنالك سبب هو زواج بنت اختى التى انا فى مثابة ابوها من ناحية تربيتها وكده

وقد تم الزواج بحمدالله ولكن فرقت معانا الميزانية لانه مهما كان لازم تفرق معاك وخاصة بعد الزيادات الاخيرة

يازول الميناء ده داير ليه بوست براه عشان احكى ليك محنه

الف حمد الله على السلام اخ عادل

ومبروك للبنيه

انا غايتو البعرفو الناس بقت مابتمشى الا للشديد القوى

احكى ياصاحب

الإعلان صدر... إفطار بورداب جدة بفندق قصر المدينة الأربعاء 20 رمضان

مبروك للبت ............ اها التوقعات كيف ظبطت واللا





منتظرنك :::الإعلان صدر... إفطار بورداب جدة بفندق قصر المدينة الأربعاء 20 رمضان


انت وعلاء الدين صلاح اذا في جدة ضروري


...............................................................................................................................................حجر.

الحبيب خضر الطيب تحياتى

وعبرك نقول كده نمرق من الجحيم الاصغر ( سواكن ) الى الجحيم الاكبر السودان بيك ده

وانت ماشى فى الطريق من سواكن لهيا عبر طريق الظلط الجديد يدك فى قلبك لانك ممكن تموت بين كل لحظة والتانية بسبب عدم تقدير التخطى منك او من القادم من الجهة المقابلة لانو الطريق ماشى جاى فى نفس الوقت وبمواصفات رديئة جدا من حيث العرض حيث يتسع لسيارة واحدة فقط فى الاتجاه الرايح وواحدة فقط فى الاتجاه الجائى وحرم نملة بيناتم ماتعدى الاتكون حريفة زى ميسى .
ومن ناحية تانية هنالك الكثير من الحفر التى تظهر فجأة وتجعلك تفقد السيطرة على السيارة مما يجعلها تذهب يمينا ويسارا وربما تلفحك احدى الترلات القادمة من الجهة الاخرى وهى مقطورة فى مقطورة ويسموها دبل بط اريتو البط اليكاكى فى اضنينهم يايابا والله حكاية ترلتين جاريهم راس واحد دى ما شفتها الا فى سودان الجن دا مع العلم انا بسافر كتير لاماكن اخرى لم ارى فيها مثل هذا التهريج القاتل الا عندنا نحن نحمدربنا .

ده غير انه الطريق خالى من الخدمات الضرورية وخالى من اللافتات التى توضح لك اين انت وكم تبقى لك من المسافة لتصل الى الجهة الفلانية يعنى بس ماشين بنظام السايقة واصلة والفورة مليون وانت لاحق شنو

وانا فى محطة بنزين فى هيا لغلاق التنك نظرت الى التسعيرة فى الماكينة وقرات ان سعر اللتر 3040 جنيه يعنى حوالى ريالين وشوية باعتبار ان الريال كان فى تلك الايام ب1500 ولاحقا طبعا صرفت الريال ب1600 فى الصرافات وفى الشارع جنب برج البركة واراك يعنى فى خلال 3 اسابيع ارتفع سعر الريال بمقدار 100 جنيه ... بالله واحد فيكم يسلم لى على وزير المالية وعلى عصمان

Quote: يعنى بس ماشين بنظام السايقة واصلة والفورة مليون وانت لاحق شنو

والله حاسى بيك

واتخيل انو الطريق دا انا جيت فيهو بالليل

كويس انك جيت بالنهار

وما ادراك ما العقبه .. فك رقبه

واصل يا عادل .. اخوك متابعك شديد

وسيبك من القطّارة البتكب بيها حبة حبة دي

Quote: لاتوجد مظلة تقى حرارة الشمس وانت تنتظر الاجراءاءت 2/ طول فترة الاجراءات بدون اى مبرر حوالى 3 الى 4 ساعات لمجرد تشييك السيارة واصدار اذن الخروج من الميناء المعفن ده 3/ لاتوجد صالات للعوائل بالمعنى المعروف هى مجدر رواكيب مكيفاتها قليلة وحارة جدا وكراسيها اخير عدمها 4/ لاتوجد حمامات ولا مرافق ولامصليات ولا حتى مياه للشرب 5/ الكافتيريا بالفلوس والاسعار غالية والبيئه فيها مترية جدا والخدمة متخلفة لابعد الحدود 6/ كل المكاتب حتى الحكومية منها قذرة ومقذذه . 7/ كل المسئولين متخلفين اداريا ويشتركون فى خصلة واحدة هى العنف اللفظى مع المغترب ولا ادرى لماذا هذا السلوك مع انهم يشحدونك بعد قليل حتى لو صابونه 8/ اى شئ بيمشى بالواسطة والرشوة داخل ميناء سواكن وهم فى غاية الرخصة على فكرة

عادل أيها الصادق:
واحد كوز هنا دا، قال بحبوحة من العيش في سودان الكيزان وهو صاحب غرض.
يا ربي ياها دي البحبوحة؟!!!

اخونا عبد الحى

قول ليه بحبوحة فى عينك

Quote: وسيبك من القطّارة البتكب بيها حبة حبة دي

حبيبنا مازن الجمال

كيف حالك وعليش ليس قصدى القطارة ولكن نعمل ايه مع الدوامين وام العيال

لكن ولا يهمك بيحرك نخش فى موال الثورة

انا عشت فى ام درمان حوالى 16 يوم من ال22يوم التى قضيتها هناك للامانة والتاريخ لم احس ان هنالك ثورة او حراك ثورى بالمعنى المعروف اللذى عاصرناه ايام ابريل حين اسقاط نظام نميرى ويبدو ان وسائل الثورة فى السودان حدث فيها لبث كبير واصبحت ثورة بالقطاعى ... على كل حال انا ما عايز احبط الثوار هنا ولكننى اقول الواقع اللذى عايشته بام عينى مع العلم ان موقفى تجاه هذه الحكومة لايمكن ان يزايد احد فيه على .

فى اول جمعة لى فى ام درمان حاولت الوصول الى مسجد الانصار بود نوباوى ولكن من مسافة بعيدة جدا من جنب ابو جبة ديلوكس غيرت الشرطة 0( الاحتياطى المركزى ) مسار السيارة فى اتجاه جامعة ام درمان الاسلامية بنات عند المقابر ومستشفى مكة للعيون قلت طيب كويس ادخل بالحارة واجى مارق بالاشارة البعد سوق ود نوباوى وادخل قرصنه بالحارات بيجوة عشان اكون فى قلب الحدث ولكن ايضا باءت محاولاتى بالفشل حيث وجدت ارتال من العسس هناك واللذين طلبوا من السير جنوبا نحواستوب مكى او العودة ادراجى ففضلت السير شمالا حتى الموردة فلم الحظ شيئا وخلاصة ذلك انه حتى لو كان هنالك حراك فهو غير قوى وغير كاف بحيث انه يمكنه تشتيت جهود العسس ولذلك تمت السيطرة عليه بكل سهولة وفى تقديرى السبب الاساسى فى ذلك هو ربط الثورة بمسجد معين او مكان معين وهذا كان خطأ استراتيجى ضرب الحراك فى مقتل ولكن الشئ اللذى لحظته وبقوة ان الثورة متاججة فى قلوب كل الناس ولكن معابر تصديرها الى عمل ثورى يمكن ان يطيح بهذا النظام يجب ان يكون نقاشنا القادم وبكل هدؤ ورؤية واضحة وتفهم لوجهات النظر المختلفة بدون مصادرة لرأى او تجريم لفكرة وايضا بدون تفأؤل مفرط فيه لانه فى تقديرى قديؤدى الى احباط كبير يستفيد منه النظام .

شنو يا بكرى استكترت علينا الشعلقة فوق ولا شنو

لينا 4 سنوات فى البورد ده اول مرة تشعلق لينا بوست فوق لمدة يومين وبعدين تشيله تانى

فوق لحين العودة من الدوام

من ضمن المتناقضات التى لامستها فى عز هذا الجحيم هو ارتفاع الاسعار للسلع عامة والغذائية خاصة والمفترض اننا دولة زراعية يشقها النيل من ادناها الى اعلاها ولكن يبدو انه ممدد راقدجنازة زى ما قال القدال فى قصيدته التى غناها مصطفى بعنوان ابيت الكلام المغتغت وفاضى ... فى هذا البلد الزراعى نجد ان كيلو الطماطم ب20 الف جنيه اى والله 20 جنيه ده ما كلام ناس والله يسالنى الله اشتريته ب20 الف جنيه وكله عشان التقليه قال شنو النسوان ما بيسون التقلية بالصلصة ولازم يسونها بالطماطم الله اريتو الطماطم تطير وتطير معاا التقلية البقت كماليات فى السودان .
العجورة ب1500 جنيه

الزبادى لعشوائى ب1500 جنيه وبتاع كابو ب3000 جنيه

يعنى لو داير ليك سلطة روب 1 عجورة =1500+ زبادى عشوائى 1500 ليكون الاجمالى 3000 جنيه ليكورية سلطة عجور بالروب فقط ده غير الملح والتوم والجزر وغيرة من المكونات
تعال بقه يا سيدى للفواكه

دستة البرتكان ( برتقال ) من 15 الف الى 18 الف
دستة التفاح ( مضبلن وتعبان ) 30 الف
كيلو الموز 2500 جني
كيلو الجوافة 10 الف
يعنى لو داير ليك صحن سلطة فواكه بتدخل ليك فى حكاية بتاعة 20 الى 25 الف براحة قيمة لهذا الصحن

ما قلت ليكم جحيم وجحيم اكبر كمان