Post: #1 Title: شيماء عادل دي عويرة ساي اظنها ... Author: محمد البشرى الخضر Date: 08-05-2012, 02:46 PM
Post: #2 Title: Re: شيماء عادل دي عويرة ساي اظنها ... Author: Hussein Mallasi Date: 08-05-2012, 02:52 PM Parent: #1
ياخي دي ما كان تحلم إنو حمور يسمع بيها خليك ترجع مع مرسي في طيارتو.
Post: #3 Title: Re: شيماء عادل دي عويرة ساي اظنها ... Author: محمد البشرى الخضر Date: 08-05-2012, 02:57 PM Parent: #2
شكلها ساذجة و بسيطة لدرجة بعيدة جدا حمور اسي بكون ندمان على اي ستيتس تضامن كتبو في حقها
Post: #4 Title: Re: شيماء عادل دي عويرة ساي اظنها ... Author: Ashraf el-Halabi Date: 08-05-2012, 03:26 PM Parent: #3
من زاوية تانية مرسى إتورط يا بشرى من هنا وإنتا ماشي لو مصري اتسجن في واق الواق حيكون راجي طيارة الريس
Post: #5 Title: Re: شيماء عادل دي عويرة ساي اظنها ... Author: محمد البشرى الخضر Date: 08-05-2012, 03:39 PM Parent: #4
وين يا حلبي دا مصري مفتح ح يعمل نايم ويمشي حاله بالله شفت الحتة بتاعة "ألت لمّا أرقع اعرف شغلي مع بتوع الخارقية" البت دي مبالغة
Post: #6 Title: Re: شيماء عادل دي عويرة ساي اظنها ... Author: Rawia Date: 08-05-2012, 03:42 PM Parent: #4
قلنا كدي ..قالوا أطلعوا من البلد
______-- حمور ببالغ يعرف دينا الوديدي ويتضامن مع شيماء
Post: #7 Title: Re: شيماء عادل دي عويرة ساي اظنها ... Author: دينا خالد Date: 08-05-2012, 03:57 PM Parent: #6
ههههههههههههههههههههااااا يا محمد
Quote: اظنها ..
بل من المؤكد .... انا ابصم بالعشرة ...
بعدين شفت المصريين ديل لما يقولوا (الموخبرات ) بعوجة الرااااء .... دى خلاص معناها الكلام وقف .. لى هسه عندهم عمر سليمان حى ... ما قادرين يصدقوا موتوا بتخيلوهو بعاتى ممكن هسه يظهر فى اى لحظة ...
ــــــــــــــــــــــــــــ شكلوا انو الصحافة دى انهارت من المحيط للخليج ... مش عندنا بس ... دى الكلام قالوا ليها عدييييل جووه السجن ما عرفتو خليها تتجسس عشان تكتشفوا اكتشاف !!
Post: #8 Title: Re: شيماء عادل دي عويرة ساي اظنها ... Author: تبارك شيخ الدين جبريل Date: 08-05-2012, 03:59 PM Parent: #6
اخطر حاجة اختراق الأمن للمعارضة ...
يعني بت توديها شقتها في المنطقة الصناعية ... عشان تصوّر مكاتب الأمن من البلكونة بى كاميرا زي كاميرتها ...
بعد داك يطلع دا ملعوب من الأمن؟ والهدف منو تلبيسها تهمة تجسس؟
بالله المتذكرين مشية شيماء لى شقة جنب المنطقة الصناعية يحاولوا يتذكروا شخوص غواصات الأمن ...
... المهم ....
Post: #9 Title: Re: شيماء عادل دي عويرة ساي اظنها ... Author: Siham Elmugammar Date: 08-05-2012, 04:37 PM Parent: #6
محمد البشرى سلام الدنيا رمضان نقول: صغيرة السن تنقصها المعرفة والخبرة
مش اللحن ده احسن
Post: #10 Title: Re: شيماء عادل دي عويرة ساي اظنها ... Author: Rawia Date: 08-05-2012, 04:48 PM Parent: #9
Quote: مش اللحن ده احسن
لوووول ياسهام قلبك أبيض غايتو أنا ودينا أدلينا بتصريحاتنا دي في الفطر و ممكن برضو نقولوا نرددو يوم العيد ...يوم عيد الام
Post: #11 Title: Re: شيماء عادل دي عويرة ساي اظنها ... Author: خضر الطيب Date: 08-05-2012, 05:39 PM Parent: #10
Quote: اظنها ...
ان بعض الظن اثم
سلام ياهندسه
تعرف لو ركزتا شويه كنت عرفتا مضمون الرساله
طبعا اى زول وفهمو للموضوع
الموضوع فيهو زوايا عديده
انا شخصيا شايف انها ميه ميه
برضو راى
Post: #12 Title: Re: شيماء عادل دي عويرة ساي اظنها ... Author: اساسي Date: 08-05-2012, 05:51 PM Parent: #11
يا اخونا اتخيلوا ان الامن المصري اوان الثورة المصرية اعتقل صلاح غريبة كلهم صحفيين يا اخونا
Post: #13 Title: Re: شيماء عادل دي عويرة ساي اظنها ... Author: محمد المسلمي Date: 08-05-2012, 05:57 PM Parent: #12
Quote: يا اخونا اتخيلوا ان الامن المصري اوان الثورة المصرية اعتقل صلاح غريبة كلهم صحفيين يا اخونا
صلاح غريبة من الناس المقربين للثورة في مصر يعني عمك غريبة اموره ظابطة ومابدخل نفسه في حتي زي دي
ــــــــ صاحب البوست الاخ محمد البشري وضيوفه رمضان كريم
Post: #14 Title: Re: شيماء عادل دي عويرة ساي اظنها ... Author: حبيب نورة Date: 08-05-2012, 06:04 PM Parent: #13
علي اليمين البت دي متخلفة
Post: #15 Title: Re: شيماء عادل دي عويرة ساي اظنها ... Author: قاسم المهداوى Date: 08-06-2012, 02:17 AM Parent: #14
سلاام صاحب البوست والسادة الضيوف الافاضل وايضا النازلين بى برشوت (كمثال توضيحى الاخ حبيب واحدة فى البنات )\ بالامس السبت كان فى ندوة فى نقابة الصحفيين عن الحريات الصحفيه فى البلد (السودان ) تحدث فى الندوة الاخ الصحفى عبد الواحد وايضا الاستاذ المحبوب عبد السلام وختمت الندوة الانسة شيماء وحكت تجريتها فى المعتقل ـــــ
الندوة كانت من الساعة 12 وحتى الثانية والنصف نهارا
ـــــــــــــ اكمل ولا بلاش
ــــ عموما فى المداخلات انا وايضا شخص اخر طلعنا ناس شرانيين شديد يبدو كفاكم كدا يخيل لى
قاسم المهداوى
Post: #16 Title: Re: شيماء عادل دي عويرة ساي اظنها ... Author: haroon diyab Date: 08-06-2012, 05:32 AM Parent: #15
Quote: وختمت الندوة الانسة شيماء وحكت تجريتها فى المعتقل
والله اكان شيماء نفسها الجابه ود البشري في البوست ده
نقول : الحمد لله ماحضرنا
واتحداك ياحلبي تطلع لي جملة مفيدة....!!!!
Post: #17 Title: Re: شيماء عادل دي عويرة ساي اظنها ... Author: maia Date: 08-06-2012, 06:08 AM Parent: #16
رمضانكم كريم
شيماء عادل يبدو انها قليلة الخبرة في الصحافة من كلامها عن شغلها الحتشوفه مع الخارجية لما ترجع
ومرسي جاته على جرح وعمل فيها فولترون مخلَّص المظلومين والاب الحنون تجاه شعبه!! (حركة في شكل وردة)
ما تزعلوا مني لكن ايام حسني مبارك شوية كان في هيبة اكتر من كدا
Post: #18 Title: Re: شيماء عادل دي عويرة ساي اظنها ... Author: ابوحراز Date: 08-06-2012, 07:32 AM Parent: #17
لم تخدمها الصحافة ولم تقدم لها شيئاً ولكن خدمها { الأمن السوداني } وجعل منها بطلة قومية !!!! هكذا أحيانا تتسلل الشهرة للإنسان دون أن يدري !!!
Post: #19 Title: Re: شيماء عادل دي عويرة ساي اظنها ... Author: قاسم المهداوى Date: 08-06-2012, 11:36 AM Parent: #18
Quote: واتحداك ياحلبي تطلع لي جملة مفيدة....!!!!
مين حلبى دا ،،، لا عب كورة ولا بتاع جرى ساكت ولا صحفى معتقل ؟؟؟؟؟