كادت ان تضيع الثلاثه نقاط من المريخ مع لاعبي الكشافات ...

غايتو ذكروني قصة الانطوان مع نادي التحرير
مشى للفكي وقال ليو كرب لي الكوره دي
اها الفكي قال ليهو بس خلي اللعيبه يساعدوني بالشوت في الزوي
الانطوان قال ليهو .. هم لو بشوتو في الزوي انا كنت جيتك هنا
بالله بالامس لاعبي المريخ في داخل خط سته وشوت في الكشافات
.
.
نرجع نقول بان التغير كان واضح من الدقائق الاولي دخول كلاتشي لان ميزته خفيف ويعرف كيف يتعامل
في مربع المرمى واضف الى ذلك يضرب بكلتا رجليه يمينا ويسارا اضافه على الراس ويعرف كيف يتمركز
وانيق في نقل الكره بين زملائه ... غايتو امس شفت ناس دفر ساااااااكت .. اديكو بالله فجخ ليهو واحد انا قلت الزول دا مات
لاعب مثل العجب ..
لايدخل وعمر المباراه في الثمانون لان امثال محتاج لاكثر من تمريره حتى يثبت نفسه ويستقر نفسيا ويتناغم معهم
حتى دخول في فتره كافيه على الاقل باقي الاعبين بهم وافر من اللياقه يعني لما ينزل في اخر الدقائق بكون خلاص الفريق استنفز كل طاقته
العجب فنان رغم العشره دقائق هو و كلاتشي غيروا شكل المباراه تماما ...
.
. البرازيلي ليما حسب متابعتنا له امس يعي امكنياته تماما وهذه اكبر ميزه تفرق بين الاعبين
هذا الاعب عمل ( اوفر لاب ) مره واحده وكان الاداء فوق الوسط لان يتحكم في الكوره تماما وتخرج من رجله سليمه
كان يغطي الحركه البطيئه بالحركه السليمه لم يتهور ويرهق نفسه بالجري كثيرا يعني لم يتقدم لدعم الهجوم كثيره
اخطا مره واحده في الدفاع وقدم هديه كادت ان تكلف المريخ كثيرا
.
.
وضعكم غير مطمن يامريخاب رغم الثلاثه نقاط .. كم يوم كدا وبتصل ليكم على المدرب جبره نشوف الحاصل شنو وبجيب ليكم الشمار هنا دقه
في النهايه بنقول ليكم مليار مبروك وعقبال الهلال والاهلي واليوم انا مع الهلال لان الهلال لو تقدم اكيد ح يشرفنا وهذا ليس تقليل لفريق الاهلي
ولكن لخبره نادي الهلال الكبيره ..

كيفك ياوليد ..

الكورة ماشاهدتها مع ظروف الشغل

والمكسب الكبير الثلاثة نقاط وده المهم حاليا.


هدف الباشا الجميل شفتو مسجل وماوريتنا رايك فيهو؟

فصة الانطوان عثمان الحاج طريفة جدا

ربنا يديهو العافية.

Quote: هدف الباشا الجميل شفتو مسجل وماوريتنا رايك فيهو؟

الود لعاب ولكن قبل الهدف عمل واحده عابر قارات كيفتني جدا
الباشا الان يعتبر قلب فريق المريخ مشارك ومقاتل تجده في كل شبر من الملعب
هذا الاعب اثبت انه مكسب للمريخ اخير لان بداياته وعدم استقراره في خانه او مكان واحد
جعلته غير مستقر يوم كويس ويوم كعب شختك بختك ولاكن من حظي لمن اشاهده اشاهد له اجمل الاهداف
وفعلا هذا الهدف جميل لان تم في ثلاثه مراحل الاولى من العجب ثم البرازيلي ثم الباشا وترجمه بفهم
الباشا يوم امس كان باشا فعلا لانه افرحكم كثيرا وافرح كل قبيله الاحمر الوهاج
وفي انتظار مبارت اليوم ابو الهل مع الاهلي دار جعل
.
.
ياكوتش ياخ طولنا لم نشاهد مباراه مع بعض بقيت جافي