في زول منكم شاف البت دي قبل كدا؟؟وهي منو؟؟ فيديو

تفتكروا يا تيسير ودينا لو البوست حقي ده نزل قبل بوستيكم بي يوم وقدر ليكم تعلقوا عليهو أووول شي كان ح يلفت نظركم وتكتبوا عنو شنو ؟؟؟
طبعا المفروض السؤال يوجه لي تايسون وحدها بإفتراض إني مسبقا عارف دينا ح تجي تكتب شنو



تخريمة :
الأخوة المتداخلون تريثوا ولا تستعجلوا في الأحكام لأنو عااادي جداً البت دي ممكن يطلع أبوها البوردابي حسين ملاسي :)

انا علقت عليه في الفيس بووك اول ما ظهر يا عمر
ما كان في داعي للتوب شتر الحكاية خالص
دا بالنسبة للكليب دا أما بالنسبة للراب عموما - الراب العربي و السوداني - رغم انو عندو جمهور مقدرلكن الموضوع كلو عبارة عن "وهمة" و قشرة كدا في فترة عمرية معينة
لبس وحلاقات و تقليد ومش عارف ايه فترة وبتعدي بكبروا بعقلوا وبنسوا

في الشكل

- مريحة للنظر
- التوب دا قطع شك لبستو عشان جاية للتلفزيون تغني " ولو غنت بدونه كان يكون أفضل "

في الموضوع

- صوتها جميل
- تلقائية في أدائها، دون تشنج أو إنفعال أو تكلف
- صحيح أنا ما فهمت هى بتقول في شنو لكن واضح أنها عايشة الكلمة وهاضمة اللحن

أقول قولي هذا حتى لو طلعت بت بشاشا زات نفسو



______________

فاروقنا

ياخوي إن شاء الله أصبحت ( فاهم حاجة ) ؟؟

ود البشرى سلامات

كنا بنكتب في الوقت
وتطابقت رؤانا بخصوص التوب

أستميح الأخوين عاطف ومحمد البشرى بعدم الاتفاق
معهما في هذا الخيط .. فالتوب هُنا يرمز إلى
السودنة الكاملة لعملية (الراب) المشكولة!!




عموما .. الشغل دا كويس .. كول عديل كـدا!!

التوب سمح يا صايمنا وسماحة شديدة
للزولة البتعرف تلبسو


هادي كووول الحكاية

ياااا حبيبنا عاطف ..
التوب للبتعرف تلبسو والما بتعرف برضو!!
على وزن الحرية لنا ولسوانا!!

عمر يا فاروق .. رمضان كريم ياخ!
شنو أمس مالكـ ما اتناجيت معانا!!

نعم يا عمر أنا شفتها لايف ..

طبعاً ده (تراث) أمريكي ، عشان كده كان مفروض
تكون لابسة ملابس أمريكية تقليدية تراثية..


هسي عليك الله التوب ده كان لقوه الجماعة ديلاك ما كان ظبط ليهم شغلهم الأشتر داك..

ود الصايم انا زوقك قنعت منو من بتاع الكج دم كج داك
بعدين توب شنو ياخ مع السبورت

محمد يا بشرى :

Quote: ما كان في داعي للتوب شتر الحكاية خالص

يعني مبدئيا كده يا حبوب نقدر نقول إنو الزولة دي لو خلوها بي بنطلونا والإسبورت حقها ده كان الشغلانة بقت جمييلة وبعد داك ممكن نبدا نركز في موضوع الغنا مش؟

تخريمة :
اقطع يد ود الصايم اليمين لو ما الزولة دي شالوا ليها التوب من واحدة من معدات البرنامج في قناة النيل الأزرق :)

عاطف عمر:
غايتو الحاجة الوحيييدة الفهمتها من القصة ديك إنو إنت طلعت ما عاطف القاصدو انا ..:):)
وانا اشيييل واشبكك يا استاذ ويا قاص ويا رائع :):):)

بالنسبة للتوب فأهو إنت رأي تاني أكد إنو التوب شتر القصة ..ماشين حلو

Quote: فالتوب هُنا يرمز إلى السودنة الكاملة لعملية (الراب) المشكولة!!

بتضرب ليك زي جغلومية عصفور بي ولاااا حجر..

Quote: اقطع يد ود الصايم اليمين لو ما الزولة دي شالوا ليها التوب من واحدة من معدات البرنامج في قناة النيل الأزرق :)

بالظبط يا فاروق دا الحصل
الزولة دي جات داخلة الاستديو بكامل الاستايل
ناس القناة قالوا ليها حسب القوانين ما في طريقة تظهري كدا
ناولوها توب من دولاب الطوراي فلبسته على الاسبورت كيفما اتفق
والدليل (الكبك)
على العموم: أنا والشريف مبسوطين منها خالص فأوعك تشنفا

انا بستحمض الراب العربي والانجليزي والصيني واي راب في الدنيا...

having said that

الراب منظومة متكاملة في الشكل والملابس والحركات وحتى المشية وطريقة الكلام يعني البت دي لما تكون بتتكلم بتكون بتلولح في يدينها زي اللوليح البتعرفوه داك، عشان كده برضه هي ما كانت قادره وهي بتغني (لو جاز اننا نقول بتغني) انها ما تكون بترقص وجهجت الزول الماسك الكميرا ... يعني قصة انها تكون واقفة حطبة وتقول قولها هذا وتستغفر الله ما بتنفع مع الراب... اها التوب واضح انه اتلبس عشان ناس التلفزيون... لانه تحته هي لابسه بنطلون (اعتقد) ... وشكلها كده ولا كانت مستعده للتوب لانه ما ماتشينج ولا حتى من قريب مع البوت القدر الضربه ده... .. ويمكن تكون شدّته من المزيعة زااااتو...

على اي حال، انا بستحمض الراب، عشان كده ما حأقدر اقول ليكم الشي ده حلو ولا ما حلو... لكن في النهاية ده ذوقي انا، والكُبر حصل عشان كده عقلنا وبقينا ما بنفهم لزي ده...

عمر يا قديم ..

البوست بتاعي دا بينسف فرضية لبس الكبك مع التوب :

التوب ما بيلبسوا معاهو كَـــبــَكْ ..!!

واقرا مداخلات الأخوات بي هناك ..

Quote: هسي عليك الله التوب ده كان لقوه الجماعة ديلاك ما كان ظبط ليهم شغلهم الأشتر داك..

واااخد باااالك يا حج إبرااااهيييم..؟:):)
صلاح يا صلاح يا حرف الN

أشرف يا حلبي:

Quote: على العموم: أنا والشريف مبسوطين منها خالص فأوعك تشنفا

الصحيح إنو انا وإنت مبسوطين منها..الشريف زاااتو ما معانا :)

مريومة يا بت الحسين :

Quote: ما كانت قادره وهي بتغني (لو جاز اننا نقول بتغني) انها ما تكون بترقص وجهجت الزول الماسك الكميرا ... يعني قصة انها تكون واقفة حطبة وتقول قولها هذا وتستغفر الله ما بتنفع مع الراب...

يا مريم زولتنا دي بيكون قبل التسجيل نهرزوها نهرزة سنينك والمخرج بيكون قعد معاها على جمب براهو واوووعك تسوي والمعد ياخدا بي جمبا براو واوووعك تفعلي والمصور ياخدا بي جمب هووووي اعملي حسابك ..
ياخ ديل من شدة ما زايغين منها مصوريني الزول بتاع الدي جي ده اكتر منها :)
بعدين هي تطيير ليك يدينا كييف مع الخمخمة والربيط الربطوهو ليها ده :):)

Quote: عمر يا قديم ..

ناذر يا ما متابع..
الفيديو ما شوفتو اسة ..لكن ده يا قول الكيزان الرد بي السد..لعمل مقارنة بس

البت دي بتغني راب سمح وصوتها كويس والتوب دا لحقوها ليهو في الاستديو
وهي ذاتها بتضحك في القصة دي لانها علقت عليها في نهاية الاغنية:(presenting in the Sudanese toob) وضحكت.
انا غايتو عجبتني.
ديلاااااااك ما عجبوني..

أخ عمر الفاروق

سلام ورمضان كريم

راب و توب وكبك ياخى مبالغة...!!!!!!! دا عشان رمضان ولا أصلو كدا..؟؟؟؟

الراب دا شغل غيتو وما أمنيات حناكيش.....

المطرطشة دى ما سمعت بفنانة الراب ريما....

ريما سودانية من مواليد الخرطوم 1995 ..

دى بعض فيديوهاتها وكلها عن الحياة اللى بتنتج الراب.... والحناكيش يشوفوا ليهم غنا تانى

http://www.youtube.com/watch?v=u89s6qVS-KI


http://www.youtube.com/watch?v=Q4mVC_C2ywk&feature=related

http://www.youtube.com/watch?v=WwcKv_LkypA&feature=related


دا الراب الجد جد... بيرسنغ، تاتوز،لبس ولغة شوارع ...إلخ


والفيديو الإخير دا من أيام بداياتها واللى ما عايز يسمح اللغة إياها ما يفتحه:
http://www.youtube.com/watch?v=94a8k_IPj4A&feature=related

تحياتى وتصومو وتفطروا على خير

دا راب مسلم ؟؟؟؟؟؟

داك عاطف خيرى ما تلفح !

الظاهر في مدرسة نقدية جديدة اتولدت في البورد ده اسمها( النقد الترزي )...تكتبها باسمك يا عمر الفاروق ولا داير الشرف ده يكون باسم زول تاني ؟؟


يا جماعة البت دي دايرين تحرموها من الجزء التاني من ثقافتا ليه؟؟

ماهي ما سودانية وبس....سودانية + ثقافة تانية فيها راب...

وجاية ليكم بي توب

to represent

زي ماقالت يتخيل لي يا رشا سلام...

عجبتني شديد ...بدون مساءلة ....

في حقيقة ثقافية فنية واقعة في العالم اليوم اسمها هيب هوب ...والراب جزء هام منها ,,,اولادكم وبناتكم، اخوانكم وأخوانكم الشباب الفي العالم ديل كلهم متواصلين مع الثقافة دي وبتمثلهم وهي جزء من تكوينهم
الوجداني

أركزوا هههه


مع محبتي والتحيات والاحترام للجميع...

اتذكرتا لي نكتة..
موقف شفتو بعيوني دي في السودان
واحد عريس من المغتربين بتاعين بلاد العم سام
يوم قولة الخير وقراءة الفاتحة جا مع اعمامو وكدا
قاااشر بالجلابية ..
وتحت لابس كبك ولا كدارة ما بعرف ..
يا ربي يكون عملو فيهو عملية ناس النيل الازرق ..وهم داخلين واحد ملص ليه الجلابية بتاعتو؟؟
ههههههههههههههههههههه

Quote: انا غايتو عجبتني. ديلاااااااك ما عجبوني..

عارفة يا رشا في ناس كده بيخشو قلبك ساااي كده ..ربنا بيكون خاتي الطيبة فييي وشهم ..البت دي انا حاسي بيها واحدة من الناس ديل..بتعجب بدون حتى قبل ما تفكر تسمعا ..بتحس بيها بسيطة وبتعمل في حاجاتا بي بساااطة وبدون تكلف..
جميل جداً إنك فهمتي الخيط صاح وطوالي قارنتي واديتي المفيد ..وده واحد من اهداف البوست اللي دينا وتيسير بيكون واقع ليهم وفاهمين انا بلمح لي شنو ..

ابو السيوف:

Quote: ريما سودانية من مواليد الخرطوم 1995 ..

إنت جادي؟؟؟
انا جادي في سؤالي ده والله ..:)
لأنو جاني إحساس إنك عايز تطلع بي العالي..
ده شغل عجيب مررررة يا قول السعوديين..
كدي بعد تأكد لي جديتك حتى اديك رأيي..:)

Quote: دا راب مسلم ؟؟؟؟؟؟

يا دينا صاحبنا جا لقا أختو بتسمع في عمرو خالد..قال ليها الراجل ده مالو بينيييص كده في الكلام؟؟
قالت ليو ماااالو مش بينيييص من أجل الإسلام؟ :)
أها ده راب الجااان حقو مسلم..

Quote: داك عاطف خيرى ما تلفح !

داك كان صحبي زمان ما تلخبتي إنتي كمان ..لكن إختلفنا مننن كتب وقال لا تجلس النمل واقف..

تخريمة :
غايتو يا دينا الما بتدوريو اصصصلو ما بتعملي ليهو شخييت تحت في مداخلتك..

يا طمطم2 (طبعا طمطم 1 محجوز لي تماضر الخنساء وكده :):

Quote: الظاهر في مدرسة نقدية جديدة اتولدت في البورد ده اسمها( النقد الترزي )...تكتبها باسمك يا عمر الفاروق ولا داير الشرف ده يكون باسم زول تاني ؟؟

الترزي كاتب في يافطتو برة بعد إسم المحل في مامعناه الآية الكريمة :
إنا فصلناه تفصيلا..
نظام الود بيستدل بي القرآن في مهنتو وكده :)
أها والله ياخ انا الإبرة دي ما بعرف أنضما ناهيك من انقد النقد الترزي..
كل عرفتي بي الترزية ديل في سوق امدرمان محلات الحبشي وفي الثورة إزياء حمدي للعروس وكان معلق ليهو فستان أحمر كده ما عارفو إتباع ولا لسة :)
البت دي لطيفة بس قصة إنو جاية تقدم بي التوب دي أشك فيها..ياخ الربطتو ليها زاااتو ما جضمت ليها الربطة :)
عموما بجيك لي فهمي من البوست لاحقا..

تخريمة :
هو التوب ده نص ولا كامل بي المناسبة ؟ :)

Quote: قاااشر بالجلابية .. وتحت لابس كبك ولا كدارة ما بعرف ..

عارفة يا سارة انا أجمل حذاء كنت بنتعلوا للجامعة وبكون مبسوووط منو شنو؟
السفنجة أم سيور ظهرية ديك..(تحديييدا الظهرية)..
عااادي كنت بكون قاشر بي الجينز والقميص الما خمج ومسبسب الشعر(ما تضحكي والله كان عندي) ..ثم أخش ليك في أحلللللى سفنجة..

(دا راب مسلم ؟؟؟؟؟؟ )

ده الـ الله قدرك عليه ؟؟!! :-)

الهيب هوب يا تماضر اسمو في السودان وحسب قاموس الراندوق

الزَّنِق ( سجل عند الاسم ده )

(هو التوب ده نص ولا كامل بي المناسبة ؟ :) )


دده توب ولا سَكَر ؟

شريط ...



(نقد "الترزية" شكيتو على الله .... والله صحي!)




... المهم ....

Quote: الأخوة المتداخلون تريثوا ولا تستعجلوا في الأحكام لأنو عااادي جداً البت دي ممكن يطلع أبوها البوردابي حسين ملاسي :)

الأخ عمر الفاروق تحياتي
في احتمال كبير تكون أخت وضاحة الصغيرة :) ..
وضاحة نزلت الفيديو ده في بوست لحبيب نورا قبل كم شهر كده
التوب ما شتر الحكاية ولا حاجة
بل هو فعلا كوووول.. أحلى مافي اللبسة الـ كونتراست مع الـ شوز :)
البت عسل في كل شي..."الـ راب" مابيحتاج لصوت سوبر جميل... أحييها وأتفق معاها... بلا حقيبة بلا بتاع...
Rap as much as you can and we will rap with you

يا عمر ياخى أنا جادى والله....
بصراحة كنت فاكر الناس بيعرفوها...
ريما دى سودانية ورغم أنها أتربت برا لكنها بتتكلم العربى و لغة الشلك وهى فى طريقها لتصبح من أشهر مغنيات الراب....
ولو ركزت فى الفيديو الثانى الثانية ٤٩ هى بتحكى عن نفسها وعلاقتها بالسودان وأبو ظبى وبتغنى بالعربى فى الثانية رقم 40 من نفس الفيديو...

وعشان تصدقنى أكتر أسمع الغنية دى اللى إسمها أميرة عربية:

http://www.youtube.com/watch?v=GBAcptZZ4hc

أها قصرت معاك....
تحياتى

Quote: وبمناسبة الاحتراف دى البت الرابر ريما ميجر دي من اصل سوداني برضو بدات الراب كهواية والان سوبر استار http://www.youtube.com/watch?v=Xor-wlK7NIE&feature=relmfu[/QUOTE] جزء من مداخلة في بوست دينا خالد

---

Post: #36 Title: Re: في زول منكم شاف البت دي قبل كدا؟؟وهي منو؟؟ فيديو Author: دينا خالد Date: 08-05-2012, 05:16 AM Parent: #34 طبعا بوستك دا عامل ذى المداخلة الرزعوك بيها ديك .... قدر ما قلبتو ما فهمتو .. قريتو مشكول ما نفع ... قلبتو بى الجنبه دى ما نفع وبى الجنبه دى ما نفع ... ركبنا لى الدرب .. ادينا 22 حقنه ما نفع اخيرا غطينا بالبطانية وصوطنا (دى مشكوله عشان خاطر وج البشرى) .... اها يا خوى البت دى مالها ؟ بت فنانه رغم كل المحاذير وفنها (بنبع ) من انها كسرت الرتابه والجمود لغنا الشباب .. وانتقلت بيه لصرعه عالمية من صرعات الفن العالمى والاستعراضى وبرضو الدهشه والامتاع فيه جايه من انها بتعرف السودانيين بفن غريب منهم ... وبتحتج على زجهم هم الشباب فى قوالب غنا الحقيبة .. اسمعها لما تقول انهم جيل تغيير وقوموا لفوا بلا (حقيبة نووية ) معاكم بلا احمد القرشى ... النقلة والخطوة الجريئة دى كوم ... وتقييم التجربة نفسها كعمل فنى دا كوم براهو اول حاجة البت دى بتسجل ليها جداا ريادتها لفن جديد فى الحته البتقدمو فيها وهى السودان ... بتقدمو كيف ؟ ما بيناتنا ... تدخل فى هدوم الراب ؟ ولا تلبس تووب دا بفرضو عليها مواؤمة المتلقين لفنها ونوعيتهم فى اللحظة ديك هى عملت نفس الفكرة للمتلقين جابت ليهم فن من برة لكن بهدوم ناس جووة ... وجوووه هىىىىىى بررررا ... نفسسسس فكرة البنات ديلاك مع الامريكان .. بجيبو ليهم غنا من برا لكن بهدوم الغنا بتاعة ناس جوووه .... فى بوستنا دااك طواااالى نطيتو دايرين تشنفو اللبس بى انو سافر.... قلنا ليكم غنا الثقافت دى فى ى ى بلدنا جوووه لبسوا سافر برضو ما تجيبوا لينا مسطرة ناس امدرمان والحقيبة والوسط .... وبرضو قلنا ليكم انو الفكرة ما فى لابسه شنو .... الفكرة فى الفكرة داتها اها تعال شوف اللولوة ... هسه دى عجبتك عشام ملفلفة بالتوب .؟ .. متتتخلف واحد !! يا بت الحسين البت دى ما واقفة حطبه ولا شى بتتعرجن كالعرجون القديم لكن المخرج اتفاداها ... تجربة البت دى شبيها بى تجربة ناس ( الساره اخوات ) .... نفسسسسها معكوسة ... تجربة مدهشه ومبدعه ... وما فيها اى ى ى لولوة ... يعنى مافى زول ح يجى يقول ليك لالالالالا البت دى لبسها ما لبس ناس راب .... وانت بتنقل فى تجربة اللبس طاير او ملحوق المهم تنجض الفكرة ذاتها .... ـــــــــــــــــــــــــــــــ وهاااااااااااااايل يا قول صاحينا بتاع اغانى واغانى ! البت دى كالسارة اخوات هااااااااااايلة ...

---

Post: #37 Title: Re: في زول منكم شاف البت دي قبل كدا؟؟وهي منو؟؟ فيديو Author: Kabar Date: 08-05-2012, 06:57 AM Parent: #36 عمر الفاروق ..حبابك يا صديقي.. و كتر خيرك على هذه الفسحة..و التحية لهذه البنت التي صوبت فاكهة نحو الجحور الضلمة يا خ.. و حباب الصديقات و الأصدقاء.. هنا.. و كل سنة و الجميع بخير.. المهم نساعد بالعدة و كده.. عسى و لعل يرعوي البعض هنا..!!!!!! كبر

---

Post: #38 Title: Re: في زول منكم شاف البت دي قبل كدا؟؟وهي منو؟؟ فيديو Author: Kabar Date: 08-05-2012, 07:01 AM Parent: #37 احي منكم ياخي.. ارد على منو ولا منو؟.. طيب نبدأ بمريومة التي تستحمض الراب..و الحبيب ود البشرى القال الراب (وهمة).. و بكل صراحة دخلت البوست تضامنا مع الصديق عاطف عمر ووضوحه الصادق..عشان كده، هو ، عارف انو الحكاية دي احتمال تحتاج خط رجعة.. طيب يا مريومة و ود البشرى.. اهو دي الزولة دي بتقول: هسع .. انحنا جينا قوه.. و بدينا في التغيير.. بنشجع في النضال و حرية التعبير..!! الوهمة وين يا ود البشرى؟ و الزولة بتقول.. دايره اغني للحرية..و الحب و السلام..!! اها الحماضة وين يا مريومة..؟!.ز يعني قصدك الغنا للحرية و الحب و السلام كلام حامض؟.. كن كده ،على بالحلال ، كلام الزولة دي فينا صحيح تب..لأنها بتقول لينا (الغنا في عقولكم حب و غزل و نحيب).. و الذ حاجة لمن تقول ليك (انحنا ديل من زمان..دخلونا في الحصار..بنسمع للكبار و ناس الحقيبة..مصيبة!!!).. و الله يا مريومة ، الإستحماض ده خلانا زي موقف البنية دي لمن كرجت سنونها غبنا و قالت.. Presenting in Sudanese toob..!! المهم نديكم فرصة تاني و تسمع بعد ما نكتب ليكم و لصديقنا عاطف عمر الليرك هنا..مين عارف..احتمال تغيروا وجهة نظركم في الموضوع.. و انتبهوأ الزولة دي بتقول (عايزة اتكلم في قضية)..و لو دايرين الإستايل بتاع اركان النقاش ممكن نوديها سنتر جامعة الخرطوم و تعمل ليكم ركن نقاش بنفس الليرك و متأكد ح تتجاوبوا معاها..!! كبر

---

Post: #39 Title: Re: في زول منكم شاف البت دي قبل كدا؟؟وهي منو؟؟ فيديو Author: Kabar Date: 08-05-2012, 07:06 AM Parent: #38 عاطف عمر..حبابك يا صديق كل سنة و انت طيب.. كتر خيرك على الوضوح لمن قلت كلام الزولة دي ما فهمت منو حاجة..و لخاطرك الغالي..و جميع الخواطر الغوالي (و زايغة) محاولة لكتابة الليرك.. غايتو ده القدرت الحقو.. لأن الكلمات مرات سريعة و غميسة..و الغريبة العظيم حسن عطية اكتر زول بيدغمس كلمات الغنا..و برضك الناس بتسلطف غناه..!!!! ( انا واحد من محبي و معجبي غنا حسن عطية)..! الليرك تقريبا كالآتي: نحن بي قلمنا.. و مشينا في طريقنا.. و نحن و لي ألمنا.. ما بنقبل البيناتنا.. عاين الزووول..ده..؟!! لا حرية..!!! عايزة اتكلم في قضية في مشوارنا للحرية.. الليلة جينا نصلح العقول.. نعمل العلينا.. انا ، الراب ..ده عندي حاجة.. حاجة ، و الناس ديمة محتاجة من اللوم و السذاجة مغنى ، اشترينا و ابينا خلي الكلام ، ما تقول باعلا صوت.. ما ، في التحدي الموت.. عشان (تالنا) بيوت.. كن ما العمر يفوووووت الدنيا كبيرة ، و فيها مشاكل بتودي و بتجيب الغنا ، في عقولكم .. حب و غزل و نحيب اسمحولنا ندي كلمة.. نقدم بيها الف خدمة.. و البسمعنا..ده.. عندو ذمة.. و بفهم في التجديد الناس خلونا بعيد.. بس ، نقول و نعيد الخدمة بتجدي باكر امشي اشتري التذاكر.. I want to sing for freedom I want to sing for love I want to sing for peace في بلدنا مافي خـــووووووووف.. Like..Ehhh Ehhh I wanna rap I wanna rap Like Ooooooooh Ooooooooh I wanna rap I wanna raaaap كل الناس بتقول : الراب ده حاجة بيش واحد لابس (فقي) نافش شعرو بيش اٍنسان مريض ..اسلوب ركيك تأثير بالغير و بالدنيا دييييك نحن ديل من زمان دخلونا في الحصار بس نسمع للكبار.. و ناس الحقيبة..مصيبة الدنيا بقت غريبة.. عايزتكون ظابط.. تغني غنى هابط.. ماسك العداد و خليك مجامل هسع أنحنا.. جينا قوه.. و بدينا في التغيير.. نشجع في النضال حرية التعبير و بس للأمانة.. اسمع غنانا.. غــّرد بي ورانا.. و غني الراب معانا.. بنشيل الشيل برانا.. لا ذل ولا اٍهانة.. حاضر ولا ماضي.. بتهظر ولا جادي.. طيب ولا سادي.. كل في (شهـــانا) I want to sing for freedom I want to sing for love I want to sing for peace في بلدنا .. مافي خوووف..! Like..Ehhh Ehhh I wanna rap I wanna rap Like Ooooooooh Ooooooooh I wanna rap I wanna raaaap و التحية لهذه الشابة المتمردة..! كبر

---

Post: #40 Title: Re: في زول منكم شاف البت دي قبل كدا؟؟وهي منو؟؟ فيديو Author: Rihab Khalifa Date: 08-05-2012, 07:58 AM Parent: #39 ازيك يا عمر و رمضان كريم و البقية فيها شنو كان لبست كبك مع توب؟ الراب ده ستايل حر*، يعني تعمل ما بدالها ما دام بتغني راب. ما عادي الرجال بيلبسو جزم مقفولة مع الجلاليب، لا مراكيب جلد نمر ولا شباشب مفتوحة، و ما تقولو لي ما دام ما بتغني في مسرح البسي الدايره تلبسيو. بس عشان اوريكم الجندر شغال كيف :) و اكتر من عادي كان رجال كان نساء بيلبسو سفنجات مع التياب و الجلاليب انا بلبس ولدي كدارة مع الجلابية، حفاظا علي رجلينة، ما جزمة، كدارة لانه كمان بيحبها، و انا زاتي عندي كبك بلبسة مع التوب و مرات من تحت البنطلون، و الله جد، لوول اتمني انها تكون لابسة الكدارة مع التوب عن قصد، عشان الراب هو ستايل حر and to make a statement يعني كل زول يعمل القالو ليه مخه و كده تكون هي رابستر قلبا و موضوعا، مش تقليدا بالهدوم و بس بعدين مش قالو الراب ده اصلو افريقيا؟ ان شاء الله تجيكم واحدة لابسة لفة راس النجيريات، لا ينقص من رابها شيء aaaaand the winner is MC Hammer, for best Rap album اسي بنطلون ام سي هامر ده، نظامه كيف مع يونيفورم الراب بتاع اليومين ديل و الاهم من كده، لبس الراب التقليدي قبل ما يلبس بنطلونه ده؟ بالمناسبة ناس بره بيقولو للبنطلون ده، بنطلون حريم ستايل، و الله جد. بجي راجعة ان شاء الله، و الاستدعاء وصلني يا دندون في البوست التاني، انا الحقيقة ما حبيت شغل البنتين بس كده ساكت، ما لحقت قعدت و حللت و فهمت ليه. احييهم علي مجهودهم و اليواصلو الشايفنو صاح، حتي و ان امتعو انفسهم فقط _________ * a style of popular music, developed by disc jockeys and urban blacks in the late 1970s, in which an insistent, recurring beat pattern provides the background and counterpoint for rapid, slangy, and often boastful rhyming patter glibly intoned by a vocalist or vocalists. from reference.com

---

Post: #41 Title: Re: في زول منكم شاف البت دي قبل كدا؟؟وهي منو؟؟ فيديو Author: Rihab Khalifa Date: 08-05-2012, 08:18 AM Parent: #40 Correction ____ favorite rap artist favorite rap album not best rap album, as I stated above

---

Post: #42 Title: Re: في زول منكم شاف البت دي قبل كدا؟؟وهي منو؟؟ فيديو Author: مريم بنت الحسين Date: 08-05-2012, 09:08 AM Parent: #41 انا جيت تاني... شايفه الناس علّقت على كلامي قلت اوضح كم حاجه كده... دينا خالد ياخ ازيك ورمضان كريم.... Quote: يا بت الحسين البت دى ما واقفة حطبه ولا شى بتتعرجن كالعرجون القديم لكن المخرج اتفاداها ... كدي ارجعي اقري كلامي تاني، حتلقي اننا متفقين، انا قلت انها ما حتقدر تقيف حطبة، وانها جهجة بتاع الكميرا بي محاولة تفادي الرقيص بتاعها... انا متأكده انها حتكون حتتو حت شديد... كبّر ازيك Quote: طيب يا مريومة و ود البشرى.. اهو دي الزولة دي بتقول: هسع .. انحنا جينا قوه.. و بدينا في التغيير.. بنشجع في النضال و حرية التعبير..!! مسألة الاستحماض دي personal preference ما اكتر، يعني زي مثلا اقول ليك اني ما بحب اسمع اغاني فرفور، او بكجّن الغنا بتاع عمرو دياب، لكن بحب اسمع Jazz و R&B، بستمتع بي اني اشوف الHipHop though! بس الراب ده نهائي ما وقع لي في مزاجي، بحس بيه جوطه كده، صحي هي مقصودة لكن ما نوع الجوطة البحبها...... كلمات البت نهائي ما مجال التفضيل ولا حتأثر على رأيي، يعني مثلاً كونها تنادي بي حرية او انها تعبر عن استياءها للجوع في العالم ما بالضرورة يخليني استمتع بأداءها... ده ما بنقص بأي شكل من ريادتها في الشي البتعمله واكيد ليها جمهورها البستمتع بي البتقدّمه... مثلا انا ممكن اقوم اشتعل وطنية لما اسمع قصيدة حمّيد الله يرحمه "من حقي أغني لشعبي".... لو جات البت دي قالت نفس المعاني دي بلون آخر، قد اتفق معاها... والدي بقول، الزول مما يشعر بالفن إزعاج، معناها كِبر في العمر... ، اها شكله الكبر حصل... نجي لموضوع التوب، من الواضح بما لا يدع مجال للشك ومن دليل اشرف الحلبي (انت كنت حاضر يا اشرف) انها الزوله دي جات من غير التوب، ولفحته من اقرب مزيعة ولا معدّة برنامج... في "عِسّيمه" كده لما الواحده تلبس التوب بتوريك انه علاقتها معاه مااااااا علاقة طويلة الامد... انا متأكده انها لو خلوها على راحتها، ولا كان كانت حريقة زي نانسي عجاج ولبسته الكسكته كانت حتكون أحلى... اعتقد كون التوب ملفوح بغيّر كل النظريات بتاعت انها she was trying to make a statement...

---

Post: #44 Title: Re: في زول منكم شاف البت دي قبل كدا؟؟وهي منو؟؟ فيديو Author: Rihab Khalifa Date: 08-05-2012, 09:25 AM Parent: #42 نجي لموضوع التوب، من الواضح بما لا يدع مجال للشك ومن دليل اشرف الحلبي (انت كنت حاضر يا اشرف) انها الزوله دي جات من غير التوب، ولفحته من اقرب مزيعة ولا معدّة برنامج... في "عِسّيمه" كده لما الواحده تلبس التوب بتوريك انه علاقتها معاه مااااااا علاقة طويلة الامد... انا متأكده انها لو خلوها على راحتها، ولا كان كانت حريقة زي نانسي عجاج ولبسته الكسكته كانت حتكون أحلى... اعتقد كون التوب ملفوح بغيّر كل النظريات بتاعت انها she was trying to make a statement... Mariam ******************** سلام يا مريم و معاك حق لاستظرافك او عدمه لانواع معينة من الموسيقي انا ما كل الراب بحبه، ولا كل الجاز ولا كل اي حاجة. بغض النظر عن انها جات لابساه التوب ولا لا، انا تمنيت انها تكون لافحاه بالطريقة المبهدلة دي و بي كبكها عشان تعمل ستيتمنت انا واحدة ناس بلفح التوب و عشان اعمل ستيتمنت تقول انا سودانية وكت احتاج، كان تشوفيني في زيارة رسمية، لافحاه، و بحضر ليها الزيارة دي من اسبوعين يجي، و مافي اي زول ناولني التوب، حضرته برااي :) و اذا ناولوه ليها في الاستديو، انا كان منها بعمل منه حركة لقدام، مش عشان سوداني ولا فلكلوري، بس عشان الاستيتمنت انه فرض الاشياء لا يعني تطويعها و عملها رمز مقاومة كمان، او لاي ستيتمنت تانية تحبها عاطف ياخ ما تحرمونا التوب عشان ما بنعرف نلبسه كويس مش كفاية شكة الخمسمية دبوس عشان ما يقع؟

---

Post: #46 Title: Re: في زول منكم شاف البت دي قبل كدا؟؟وهي منو؟؟ فيديو Author: عاطف عمر Date: 08-05-2012, 09:36 AM Parent: #44 Quote: عاطف ياخ ما تحرمونا التوب عشان ما بنعرف نلبسه كويس مش كفاية شكة الخمسمية دبوس عشان ما يقع؟ ههههههههههههههههههه بالله إنتي من السيدات البيعملن كدا ؟؟

---

Post: #43 Title: Re: في زول منكم شاف البت دي قبل كدا؟؟وهي منو؟؟ فيديو Author: عاطف عمر Date: 08-05-2012, 09:20 AM Parent: #41 Quote: a style of popular music, developed by disc jockeys and urban blacks in the late 1970s, in which an insistent, recurring beat pattern provides the background and counterpoint for rapid, slangy, and often boastful rhyming patter glibly intoned by a vocalist or vocalists. from reference.com عمر الفاروق تطير عيشتو يقوم من ( عدم فهم ) المداخلات الـ بالعربي يقع في ( عدم فهم ) المداخلات الـ بالإنجليزي كامل تضامني

---

Post: #45 Title: Re: في زول منكم شاف البت دي قبل كدا؟؟وهي منو؟؟ فيديو Author: Rihab Khalifa Date: 08-05-2012, 09:35 AM Parent: #43 عمر الفاروق تطير عيشتو يقوم من ( عدم فهم ) المداخلات الـ بالعربي يقع في ( عدم فهم ) المداخلات الـ بالإنجليزي كامل تضامني Atif ******************* Google Translate نمط من الموسيقى الشعبية، التي وضعت من قبل فرسان القرص والسود في المناطق الحضرية في أواخر السبعينات، التي يمكن للملح، ونمط ضربات متكررة توفر الخلفية والطباق السريع، اللغوي العامي، وكثيرا ما متبجح طقطق ناظم مرتل من غير تكلف من قبل المنشد أو المطربون . اسي عليك الله يا عاطف، الانجليزي ما رحمة من فرسان القرص الاسود و متبجح طقطق ناظم مرتل؟ مشتاقين يا زول

---

Post: #47 Title: Re: في زول منكم شاف البت دي قبل كدا؟؟وهي منو؟؟ فيديو Author: مريم بنت الحسين Date: 08-05-2012, 09:49 AM Parent: #45 Quote: سلام يا مريم و معاك حق لاستظرافك او عدمه لانواع معينة من الموسيقي انا ما كل الراب بحبه، ولا كل الجاز ولا كل اي حاجة. بغض النظر عن انها جات لابساه التوب ولا لا، انا تمنيت انها تكون لافحاه بالطريقة المبهدلة دي و بي كبكها عشان تعمل ستيتمنت انا واحدة ناس بلفح التوب و عشان اعمل ستيتمنت تقول انا سودانية وكت احتاج، كان تشوفيني في زيارة رسمية، لافحاه، و بحضر ليها الزيارة دي من اسبوعين يجي، و مافي اي زول ناولني التوب، حضرته برااي :) و اذا ناولوه ليها في الاستديو، انا كان منها بعمل منه حركة لقدام، مش عشان سوداني ولا فلكلوري، بس عشان الاستيتمنت انه فرض الاشياء لا يعني تطويعها و عملها رمز مقاومة كمان، او لاي ستيتمنت تانية تحبها انا كنت جايه اكاويك يا رحاب الخليفة، قلت رحاب بتدافع (لشيء في نفسها)... شفتك بالتوب وعارفااااك بتدبسيه عشان كده ساكنه في البوست ده.... بالمناسبة، انا حريفة في التوب لكن ما قاعده احب ألبسه برضه عشان اعمل statement... لما اكون في السعودية بحب ألبسه شدييييييييد عشان اعمل statement... لما اكون في الامارات ما بطيق البسه برضه عشان اعمل statement... مرات بحس اني عايزه اكاوي المجتمع وبس! لكن الاعتزاز بيه موجود وبقوة.. زي حبي للمشاط والحنّة وملاح ام رقيقه...

---

Post: #48 Title: Re: في زول منكم شاف البت دي قبل كدا؟؟وهي منو؟؟ فيديو Author: Rihab Khalifa Date: 08-05-2012, 10:16 AM Parent: #47 Quote: انا كنت جايه اكاويك يا رحاب الخليفة، قلت رحاب بتدافع (لشيء في نفسها)... شفتك بالتوب وعارفااااك بتدبسيه عشان كده ساكنه في البوست ده.... بالمناسبة، انا حريفة في التوب لكن ما قاعده احب ألبسه برضه عشان اعمل statement... لما اكون في السعودية بحب ألبسه شدييييييييد عشان اعمل statement... لما اكون في الامارات ما بطيق البسه برضه عشان اعمل statement... مرات بحس اني عايزه اكاوي المجتمع وبس! لكن الاعتزاز بيه موجود وبقوة.. زي حبي للمشاط والحنّة وملاح ام رقيقه... Mariam مريم التوب عندك جميييل و انا اشهد بذلك من الشفتو في الفيسبوك :) و انا بقرا في كلامك، قلت مريم ده عشان حريفة توب، عشان كده لو شافت ليها و واحدة لافحة توب زي بتنا دي، الا يكون اجبروها عليه، لووول ابدا يا مريم، انا ما دافعت عشان شيء في نفسي و الله، لكن تقدري تقولي قادرة اتفهم من تجربتي الشخصية انه لبسة التوب المبهدل قد تكون باختيار و وعي او حتي بقصد في بعض الاحيان you can say, I relate :) يا عاطف، ايوه ياخ، لكن تشوفني بالتوب ما تعرف مدبس ولا اصلي، لوووول انا بس بعترف و بقول طوالي، عشان كده الحواليني زي مريم بيعرفو، ما من لبسي.

---

Post: #49 Title: Re: في زول منكم شاف البت دي قبل كدا؟؟وهي منو؟؟ فيديو Author: عبدالله شمس الدين مصطفى Date: 08-05-2012, 01:35 PM Parent: #48 البت حلوة ومهضومة. وشنو يعنى لو لبست سنيكرز مع التوب؟؟!!! على فكرة السنيكرز يمثل ثيمة مثلما يمثل التوب ثقافة وثيمة أخرى, وليس بالضرورة أن تكون متضادة برغم انها مغايرة فى مظهرها. التناول لطيف ودمو خفيف, وهو صيحة فى وجه القديم وفى وجه التنميط والقولبة التى درجنا على إصباغها على كل شئ. ومافى واحد قال لينا هى البت دى منو اصلاً؟؟ انا حبيتها غايتو.

---

Post: #50 Title: Re: في زول منكم شاف البت دي قبل كدا؟؟وهي منو؟؟ فيديو Author: محمد البشرى الخضر Date: 08-05-2012, 02:17 PM Parent: #49 يا كبر .. يا قريبك انا قلت الراب العربي و السوداني هو الوهمة وكان ما اخاف الكضب كنت قلت ليك و الفرنسي كمان باختصار اي راب ما امريكي عبارة عن وهمة الراب ما مجرد كلمات وغنى وايقاع و السلام الراب طريقة حياة كاملة بلبسها و حلاقاتها و سلاسلها و بناطلينها الناصلة وبوكسراتها الفي السهلة وطريقة كلام ومفردات و تلكع و اكل حروف بطرق معينة دا الراب الجد يا قريبك البسووا فوقو الباقين دا وهمة ليس إلا لا روّبوا زي الناس و بقوا رابرز جد لا راقوا في علبن و شافوا سلالمن وين كان خماسية كان السباعية وقصة عندي قضية و بعبر عنها بالراب دي هي الأحيييييي منها بالجد ومن سغالتها عند الخلايجة و جماعتنا الواحد خجلان من حلاقتو و بنطلونو الناصل يقول ليك عندي قضية قضية شنو يااااااا بعدين الراب دا ناسو في محلو هم الشماشة او القانجسترز و الشفاتة عندنا هنا تعال شوف ليك جنس حنكشة واحد , دي الوهمة القصدتها يا قريبك فترة وبتعدي و الناس دي تكبر وتعقل و ينسوا الوهمة دا الراب وانساني من ناس انا عندي قضية لا حظ إمينم كسب الباتل لما كشف انو باب دوك العامل فيها شفت وعصبجي وابن كــلب طلع قاري برايفت سكول حاجة كدا زي سستر سكول :) تقول لي قضية برضو قضية انا ياخ نشفت ريقنا يا كبر ياخ كدي نجيك بعد الفطور بنماذج للراب العربي لغاية الوقت داك كدي قوقل كلاش أو وكر العصفور

---

Post: #51 Title: Re: في زول منكم شاف البت دي قبل كدا؟؟وهي منو؟؟ فيديو Author: سارة علي Date: 08-05-2012, 03:17 PM Parent: #50 ود البشرى.. رمضان كريم.. دا شنو النزلتو دا ؟؟ اجي.. هسه مقص بكري يجي يشتغل كيف هنا؟؟ كان صوت كان صورة؟؟

---

Post: #52 Title: Re: في زول منكم شاف البت دي قبل كدا؟؟وهي منو؟؟ فيديو Author: عماد شمت Date: 08-05-2012, 04:13 PM Parent: #51 عمر الفاروق رمضانك كريم تصوم وتفطر علي خير ... اهم شي الفكرة والفكرة نفذت بطريقه كويسه يبقي الباقي ممكن يتصلح بالنقد البناء النقلة والخطوة الجريئة دى كوم ... وتقييم التجربة نفسها كعمل فنى دا كوم براهو اول حاجة البت دى بتسجل ليها جداا ريادتها لفن جديد فى الحته البتقدمو فيها وهى السودان ... بتقدمو كيف ؟ ما بيناتنا ... تدخل فى هدوم الراب ؟ ولا تلبس تووب دا بفرضو عليها مواؤمة المتلقين لفنها ونوعيتهم فى اللحظة ديك هى عملت نفس الفكرة للمتلقين جابت ليهم فن من برة لكن بهدوم ناس جووة ... شكرا للكريمه دينا

---

Post: #53 Title: Re: في زول منكم شاف البت دي قبل كدا؟؟وهي منو؟؟ فيديو Author: عاطف عمر Date: 08-05-2012, 05:43 PM Parent: #1 كبر يا حبيبنا تحياتي وسلامات ورمضان كريم ثم جزيل شكري على إزالة جهلنا كدا فهمنا الزولة دي عاوزة تقول شنو كعمل فني - وباستثناء - شوية الحاجات القلتها فوق هى منسجمة تماماً مع أشيائها وهو ما يحسب لها أما عن الظاهرة ذات نفسها فتجدني أقف في معسكر واحد مع صديقنا ود البشرى - ربما أتحفظ على كلمة ( وهمة ) - هو تفكير مرحلة عمرية وإن إختلف المظهر كلنا - إلا من رحم ربي مر بها - قد لبسنا الشارلستون وبنطلون الجينز الذي لا يغسل لشهور وأطلقنا الشعر واحد من أصحابنا زودها شوية فيدأ يمشي ( حفيان ) ليلاً ونهار ... في ليلة عجيبة قرصتو ( عقرب ) بت لزينا ومن يومها فارقنا فراق الطريفي لى جملو رجع للجلابية والعراقي والسروال والبنطلون والقميص ( العاديين ) وحلق الشعر ( كاري ) أخذنا وقتنا ورجعنا... وبرضو للجلابية والعراقي والسروال والبنطلون والقميص ( العاديين ) وحلق الشعر ( كاري ) ولأغاني الحقيبة وعثمان حسين ووردي و.......

---

Post: #54 Title: Re: في زول منكم شاف البت دي قبل كدا؟؟وهي منو؟؟ فيديو Author: SAIF MUstafa Date: 08-05-2012, 06:37 PM Parent: #53 الأخ عمر وضيوفه أهم نقاط بفتكر هى ما كتبه ألأخ محمد بشرى... لكن شايف أغلب الناس بيحتجوا على أنتقاد الشابة دى من وجهة نظر مثالية، وممكن تكونوا محقين فى المثالية دى... لكن المشكلة أنو الراب فى عضمه وبى عموميات الثقافة اللى أنتجته أبعد من أن يتم طرحه كوسيلة أو نوع غناء يستخدم فى طرح أى شئ... دا ما بيعنى أنو ما بيحصل لا بيحصل حتى فى أمريكا.. لكن وحتى هذه اللحظة الراب بيعنى التعبير عن الثقافة اللى أنتجته والثقافة دى ذاتها بتعتبر أستخدام الراب بواسطة غير أهله أو للتعبير عن حياة غير حياة الغيتو، ما راب أصيل، ودا بيفسر حصريته فى أقليات السود ومجتمعات الغيتو من القوميات الآخري... ثانيا الراب ما غناء ترفيهى فى أصله ، وهنا مفروض نفرق بين ما نراه فى المسارح كمظهر للشو الفردى والراب كثقافة وممارسة لها أصولها فى الأسباب والممارسة... أى زول عاش وسط مجتمعات السود بيكون عارف تماما الأصول دى، اهم الأصول دى، أذا دايرين التجريد، هى أن الراب هو معركة كلا مية خلفيتها التمجيد لتفوق طرف على آخر يقابله، ممكن يكون فرد، عصابة ، حلة ..مدينة..، ودا عادة بيتم فى ما يسمى الى Rap Battle و مغنى الراب الأصلى هو الBattle Rappers وما تعكسه الميديا دا بس أنعكاس ضئيل تحكمه قواعد الترفيه رغم ألتزامه ولحد ما ببعض الأصول وأهمها أنو ما أى زول ممكن يغنى راب ، داما معناه أنه ما بيقدر معناه أنو دا ما من الأ صول... نرجع لما ذكرت من معارك الراب أو مباريات الراب، المنافسات دى أساسها تنافس وخلاف حقيقى فى الخلفية ، وأهما مسألة النفوذ بأنواعه من توزيع المخدرات مرورا بالرياضة وأنتهاء ببنات حلتنا وبنات حلتكم... ومعارك الراب بتحدث كل يوم وكل لحظة وممكن تكون بسيطة بين فتاتين بينبذوا بعض أو عصابتين بيناتهم بيفBeef أو دم ورصاص وعلى الخلفية دى ممكن نفهم ليه فى أغتيالات وسط أشهر مغنيين الراب سببها فقط أنو المغنى دا بيمثل شرق أمريكا والآخر غربها، وأقصد أغتيال توباك شكور وغريمه كأ شهر مثال... يعنى ما فى راب حقيقى قائم بذاته كترفيه بس وما عنده خلفية حقيقية، أما ما ذكر عن مفهوم الفرى أستايل كوصف للراب ، فالوصف دا وصف ما عنده علاقة بالمعنى اللى بيحاول المتداخلين يشرحوا بيه تجربة البنت الحنكوشة اللى فوق دى... بفتكر أنو المشكلة الحقيقية هى أن الناس بيحاولوا التعامل مع الثقافات الأخرى والأستفادة منها دون فهمها عن معايشة حقيقية أو دراستها بصورة علمية تغطى على معرفة الشئ ذاتو وجايى من وين والغرض منه شنو، لأنو دا اللى حا يحدد مناسبة أستخدام ثقافة الآخرين للغرض المعنى أو بيكون فى بدائل أخرى أفضل... عشان كدة تجربة البت دى طلعت شترة على الأقل... هناك برضو فى حاجة مهمة جدا وهى أنو ثقافة الراب دى تحديدا من الصعب فهمها ناهيك من تبنيها من غالبية السودانيين بحكم ثقافتهم وهى للأسف ناتجة من النظر بدونية للمجتمعات اللى أنتجت ثقافة الراب ودى مفارقة أخلاقية ما لقيت ليها تفسير... لا أريد أن أعمم لكن الجيل الأول من مهاجرى السودان بيرفض أى تداخل ثقافى أجتماعى مع مجتمعات السود، فأى حديث عن أمكانية ألاستفادة من أحد المكونات الأ ساسية لثقافة شوارعهم، التى لا يسمحوا لأبنائهم بالمرور بها، ضربا من الوهم المضحك... رغم دا هناك القليل من المهاجرين لهم تجارب حقيقية فى التعايش مع هذه المجتمعات والتفاعل الأ نسانى معها دون عنصرية وهؤلاء هم من يمكنه تقييم هذه التجربة عن معرفة حقيقية بالشئ ذاتو كان لغة ولا معنى ولا لبس حتى... أتمنى أنو الناس يمشو اليوتيوب ويشاهدوا معارك الراب ومنافساته ، على مستوى الشارع الأمريكى... وزى ما قلت هناك فى الغالب خلفيات خلافات حقيقية أغلبها دموى بين المتنافسين أو المتنافسات... أمثلة قليلة: دا راب فردى …، خلفيته التنافس التقليدى بين فيللى وبولتمور، رغم اللغة الجارحة يمكنكم ملاحظة ما يذكر من معايير للتفوق الفردى أو الجمعى، من بستول ويبنق وأنو أنا جاى من وين..و..و.إلخ …وهى بأى حال تعتبر معايير غابة باى فهم مثالى للغناء ورسالته حسب الحنكوشة الفوق ديك ... : http://www.youtube.com/watch?v=lm-Notj1cww http://www.youtube.com/watch?v=9Vpt_K6FG64&feature=related دا راب بين شرق وغرب ديترويت وخلفيته خلاف دموى بين العصابات فى كل حى، أذكر أننى عايشت أحداث دموية بين شرق وغرب ديترويت أثناء دراستى بديترويت ، وديترويت تعتبر مصدر أصل ثقافة غناء السود بأنواعه وهى تتصدر قائمة أخطر المدن.، وأذكر أيضا أن أطلاق الرصاص أمام الأندية وفى الأحتفالات العامة وأيضا فى المنافسات المتنوعة من فحيط عربات سباقات غير قانونية وقتال كلا ب و ديوك ... وكلو بين شرق وغرب المدينة... وبيكون عنده علاقة بمغنى الراب ومجموعاتهم وأمنم نشا وغنى فى الوسط دا وكان جزء منه رغم أنه أبيض.. والفيديو دا مهم لأنه بيصحبه تعليق مخرجه ولو الناس قروه بيشرح ليهم الكتير: http://www.youtube.com/watch?v=n9snNCeOjPo وأخيرا هناك محاولات حقيقية للراب الأيجابى بمعنى اللى بيحارب نفس القيم اللى بيدعو ليها أغلب ميراث الراب، أهمية المحاولات دى برضو بتتركتز على نفس البيئة وخلفياتها مثل عواقب القيم السلبية من موت وسجون وأدمان... هذا التجارب رغم أهميتها تأثيرها محدود لذا أستبعد أنها هى ما يتبناه مقلدى الراب حول العالم.. نوع التجارب دى لاحظتها فى دى سى كمنطقة لسكانها السود قيم مختلفة نسبيا عن غيرها من مدنهم لأ سباب أهما سطوة السلطات وأحترامها النسبى وهذه نفسها تعتبر قيمة سلبية حسب أصول الراب... دا يا جماعة كله عشان الناس تاخد فكرة وأنو لما أنتقدنا البت دى ما ساكت وما أظنها هى ذاتها بتقدر تخش منافسة راب على الواقع عشان كدة قلنا دى حنكشة ساكت، وزى ما قلت من أصول الراب أنك تتعلمه من الشارع وليس فى الأستديو ولا حتكون Fake Rapper حسب الأصول... راجعوا كلام ود البشرى عن أمنم... ولو كمان دايرين تنظروا للتجربة دى كوهمة ساكت زى أى غنى للشفع فى المول أو المدرسة فدا ممكن... لكن كتجربة راب فنية حقيقية حسب الأصول، فدا مستحيل حسب أصول الشئ ذاتو.... وتصوموا وتفطروا على خير...

---

Post: #55 Title: Re: في زول منكم شاف البت دي قبل كدا؟؟وهي منو؟؟ فيديو Author: عمر الفاروق Date: 08-05-2012, 07:58 PM Parent: #54 والله ما عرفتو ده راب ولا روب!! حالة تسمم حااد الزمتني السرير الأبيض اليومين ديل ..بجيكم كان ربنا هوون وقمت بالسلامة .. وده برضو بيعتمد على فوز الهلال الليلة إن شاء الله ..فيا مددت إقامتي في السرير الأبيض يا جيت حازما.. تشكرات كتارات لإثراء البوست يا قول المثقفاتية وخصوصا ابو السيوف..