*** عمر البشير الخطير .... فيديو تحفة ***

*** عمر البشير الخطير .... فيديو تحفة ***


08-03-2012, 07:32 PM


  » http://sudaneseonline.com/cgi-bin/sdb/2bb.cgi?seq=msg&board=400&msg=1344018773&rn=53


Post: #1
Title: *** عمر البشير الخطير .... فيديو تحفة ***
Author: اسماء الجنيد
Date: 08-03-2012, 07:32 PM
Parent: #0

عليكم الله يا اخوانا ده رئيس يمثلنا 23 سنة ؟؟؟؟
شر البلية ما يفقع المرارة والطوحال والله صحي ...

النبي فيكم اتفرجوا في المهزلة دي !!!!

Post: #2
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-03-2012, 07:36 PM
Parent: #1

http://www.youtube.com/watch?v=po_vMtI8Cvg&fe...re=player_detailpage

ما بعرف انزل فيديو لكن هاكم اتفرجوا في العبط ده
اللهم إني صااااائمة

Post: #3
Title: Re: *** عمر البشير الخطير .... فيديو تحفة ***
Author: Mustafa Mahmoud
Date: 08-03-2012, 07:40 PM
Parent: #2


Post: #4
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-03-2012, 07:40 PM
Parent: #2

البفقع المرارة الناس القاعدة تسمع في جنس الهبالة والعباطة والإستخفاف على البسطاء
ناس ما لاقية سكر يقول ليهم تبيعو عجوة قال !!! يعضيك ###### في عنقرتك دي بركة جاه النبي

Post: #8
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-03-2012, 07:44 PM
Parent: #4

شكرا ليك دكتور مصطفى فعلا لازم الناس تتفرج في الرئيس العبيط ده خاصة العالم البتطبل ليه

لا دبلوماسية لا ثقافة ولا مستوى علمي لا اخلاقي لا ادبي !!!!
معلم الله من مجاميعو يحمد سيدو
مفلس لغويا ...محليا وعالميا !!!!
ويجي يفقعنا بي رقيصو
الفيديو ده ورم قلبي آخخخخخخخخ

Post: #6
Title: Re: *** عمر البشير الخطير .... فيديو تحفة ***
Author: مازن الجمّال
Date: 08-03-2012, 07:42 PM
Parent: #2

والتمباك اهم حاجة .. والله اكبر

Post: #5
Title: Re: *** عمر البشير الخطير .... فيديو تحفة ***
Author: Balla Musa
Date: 08-03-2012, 07:41 PM
Parent: #1

ياسوما
رمضان كريم

واحد صاحبنا كان معزوم غداء (تحفة)
فى التربيزة فى كل حاجة باﻹضافة للكسرة
فى ملاح أم رقيقة الخفيييف داك
قام صاحب البيت شال ملعقة وأدى الضيف ملعقة
وقال ليه نبدا بالشوربة
وقعوا جغم فى ام رقيقة
بعد خلصوها بدوا ياكلوا وعينم على الكسرة ومنتظرين الملاح
قام الضيف نادى أختو:
وين الملاح يا سوما
قالت ليه فى الكورة فى التربيزة
قال ليها مافى
جات لقت الكورة فاضية
قالت ليه ماياهو دا شفتوه
قال ليها نحنا شربناه زمااان قايلنوا شوربة.

أها أنا دخلت وفتشت للفيديو
وشكيت أكون شربتو شوربة.

Post: #7
Title: Re: *** عمر البشير الخطير .... فيديو تحفة ***
Author: Balla Musa
Date: 08-03-2012, 07:43 PM
Parent: #5

مداخلتى كانت قبل ماتجيبى ملاح ام رقيقة بس اتأخرت فى اﻹرسال.

Post: #9
Title: Re: *** عمر البشير الخطير .... فيديو تحفة ***
Author: Balla Musa
Date: 08-03-2012, 07:45 PM
Parent: #7

بعد سماع الفيديو
لاحظت أن البشير دا صوتو واعد
وممكن يجى منو فنان كويس يحل محل اللحو.

Post: #10
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-03-2012, 07:47 PM
Parent: #7

لووووووووووولز يا بلة
ما ياها الشفقة دي زاتا السقطت حجر ساسنا والله صحي


قلت لي قرطعوا ام رقيقة ؟؟؟؟
عفيييييت منهم
بركة الما حلوا بي سلطة الطحينة

Post: #13
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-03-2012, 07:51 PM
Parent: #10

Quote: والتمباك اهم حاجة .. والله اكبر


يا مازن يا خوي دي القطعت مصاريني الصائمة بالوجع ، والله صحي
ياخ ده ورم ما بعدو ورم .... تمباك وتكبيرة النفاق !!!
البنات اتحيرن في عدم الموضوع والزول المصروع نسعل الله السلامة

Post: #11
Title: Re: *** عمر البشير الخطير .... فيديو تحفة ***
Author: Abdlaziz Eisa
Date: 08-03-2012, 07:49 PM
Parent: #7



العزيزة سوما الجنيد

سلامات ورمضان كريم


في ناس ربنا اعطاها عقل
وفي ناس ربنا اعطاها اخلاق
وفي ناس ربنا اعطاها الاتنين..
وفي ناس ربنا كافوري.. وبس

الحمد لله فتحت البوست بالليل.. والا كان الزول يصارع اعصابه..



تحياتي

Post: #12
Title: Re: *** عمر البشير الخطير .... فيديو تحفة ***
Author: Mustafa Mahmoud
Date: 08-03-2012, 07:51 PM
Parent: #11


Post: #14
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-03-2012, 07:56 PM
Parent: #12

Quote:
بعد سماع الفيديو
لاحظت أن البشير دا صوتو واعد
وممكن يجى منو فنان كويس يحل محل اللحو.

إتلومت في حق اللحو يا دكتور بلة
وإتلومت فينا نحن كمستمعين للحلقمة دي والله صحي
بعدين زي زولك البشير ده الله اداهو وبقى رئيس وبخطب جنس خطابو ده !!!
تمباك وقرض ويعرض ويكبر

لو اديناهو فرصة حا يسوي شنوووووووووو!!!!
كلك عقل ومفهومية يا بلة يا خوي

اولا مافي زول برقص غيرو
تاني كلمات الأغاني حدث ولا حرج
ده غير الشتارة والله صحي


الدنيا رمضان يا بلة تف من طرف لسانك تف سرييييع

Post: #17
Title: Re: *** عمر البشير الخطير .... فيديو تحفة ***
Author: الفاتح ميرغني
Date: 08-03-2012, 08:07 PM
Parent: #14

Quote: شر البلية ما يفقع المرارة والطوحال والله صحي ...

شاعرتنا النبيلة
المرارة وبس، معالق الجوف كلها إتهردت، والله صحي.

تحياتي للاسرة الكريمة.

محبتي

Post: #19
Title: Re: *** عمر البشير الخطير .... فيديو تحفة ***
Author: ترهاقا
Date: 08-03-2012, 08:17 PM
Parent: #14

الاستاذة


الاستاذة اسماء وضيوفها الكرام رمضان كريم

في الفيديو لقيت المشاهدات مستغربات من كلامو

تعرف الفيديو ده ذكرني بي قصة واحد واعظ ديني معروف جا في جهاتنا دييك في ليلة وعظ
لكن في الليلة دييك كلامه كان على غير عادته غريب وعجيب كله تحت الصُرة ،طبعا كان في استغراب شديد وخجل شديد من النسوان
وفي اليوم التاني انتقل لي حلة تانية عشان يوعظ برضو لكن تفوفاه الله قبل ليلة الوعظ
وعندنا نسوان كانن في الجروف بيحشن في القش وواحدة فيهن كوركت للتانية وقالت ليها
سمعتي يا نفيسة ، قالوا حج محمد مات في قرية ناس فلان
ردت التانية وقالت : ما بستغرب لانو سكرات الموت بدأ معاهو من ليلة ما كان بيوعظ عندنا هنا


وهكذا دواليب

Post: #16
Title: Re: *** عمر البشير الخطير .... فيديو تحفة ***
Author: بكري السيد البشاري
Date: 08-03-2012, 08:05 PM
Parent: #12

الان ايقنت تماما بان هذا الرجل مخبول صحى صحى ..
ما كنت مصدق الكلام دا زمان كنت فاكرو عوير ودلاها بس
لمتين يا جماعة ؟ لمتيييين ؟؟؟؟؟

Post: #15
Title: Re: *** عمر البشير الخطير .... فيديو تحفة ***
Author: jini
Date: 08-03-2012, 08:05 PM
Parent: #7


الحمد لله على ابتلاء الله وقضائه وقدره صبرا يوجب الجنة
رئيس ينمط شعبه
بن وتمر وتمباك لا ادرى لما نسى العسل والكسل ليبلغ سقوط دكتور محمد الواثق
التمر ليس ابن بيئتهم يا سعادة المشير انما كان يرسل اليهم اغاثات واعانات فى هدة البيئة القاسية التى نسيتها وتجاهلتها كل حكومات السودان فلا تنمية ولا تعليم ولا خدمات
اما البن فهو مشروب الكيف القرن الافريقي شانه شان الشاى يا سليل قريش!
جنى

Post: #18
Title: Re: *** عمر البشير الخطير .... فيديو تحفة ***
Author: على عجب
Date: 08-03-2012, 08:17 PM
Parent: #15

سلامات يا اسماء

طبعا باقي الكلام مقطوع من الفيديو:

اها كمان نفتح ليكم مدارس للاطفال..

الادروبات ..الولادة زاتو خلينا

خليتوها؟؟؟الله اكبر الله اكبر

اها نزرع ليكم الفيتريتة عشان مل تشترو العيش

الادروبات: الاكل زاتو خليناه

خليتو والله دي حاجة سمحة خلاس..

Post: #20
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-03-2012, 08:19 PM
Parent: #15

Quote:
العزيزة سوما الجنيد

سلامات ورمضان كريم


في ناس ربنا اعطاها عقل
وفي ناس ربنا اعطاها اخلاق
وفي ناس ربنا اعطاها الاتنين..
وفي ناس ربنا كافوري.. وبس

الحمد لله فتحت البوست بالليل.. والا كان الزول يصارع اعصابه..

تحياتي

حبابك يا عزيز اريتك طيب وسلامتك يابا من الأعصاب
عزيز يا خوي كافوري ربنا ما اداها ليهو لا بي حقو وعرق جبينو ولا بي ورثتو
كافوري جابها همبتة من دم اليتامى
وضل الأرامل
وعرق الغلابة
منو لله هو والمعاهو
ربنا يخلصنا منهم بركة جاه النبي
يمهل ولا يهمل


Post: #21
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-03-2012, 08:23 PM
Parent: #20

Quote: شاعرتنا النبيلة
المرارة وبس، معالق الجوف كلها إتهردت، والله صحي.

تحياتي للاسرة الكريمة.

محبتي

الفاتح الأنيق حباب الطلة
ياخ الفيديو ده في اذى جسيم ما إعتيادي !! إنا للــــــــــــــــه

Post: #23
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-03-2012, 08:33 PM
Parent: #21

Quote:
الاستاذة اسماء وضيوفها الكرام رمضان كريم

في الفيديو لقيت المشاهدات مستغربات من كلامو

تعرف الفيديو ده ذكرني بي قصة واحد واعظ ديني معروف جا في جهاتنا دييك في ليلة وعظ
لكن في الليلة دييك كلامه كان على غير عادته غريب وعجيب كله تحت الصُرة ،طبعا كان في استغراب شديد وخجل شديد من النسوان
وفي اليوم التاني انتقل لي حلة تانية عشان يوعظ برضو لكن تفوفاه الله قبل ليلة الوعظ
وعندنا نسوان كانن في الجروف بيحشن في القش وواحدة فيهن كوركت للتانية وقالت ليها
سمعتي يا نفيسة ، قالوا حج محمد مات في قرية ناس فلان
ردت التانية وقالت : ما بستغرب لانو سكرات الموت بدأ معاهو من ليلة ما كان بيوعظ عندنا هنا


وهكذا دواليب

حبابك يا ترهاقا رمضان كريم عليك يابا

عليك الله شفت البنيات ممحنات في الهنبول ده كيفن ؟؟؟
حكمتو باااااااالغة برضو في ناس بتطبل ليهو بي إستنكاح شدييييييد والله صحي
لكن يا ترهاقا نسوان جروفكم مباااااااالغة , ضحكت لامن جعت زيادة , اصلو البطينة تصاصي والله صحي

تسلم يا تهراقا وشكرا على المرور

Post: #22
Title: Re: *** عمر البشير الخطير .... فيديو تحفة ***
Author: ناصر احمد الامين
Date: 08-03-2012, 08:27 PM
Parent: #20

looooooooooooool
he is really funny and cooooool

Post: #24
Title: Re: *** عمر البشير الخطير .... فيديو تحفة ***
Author: مهيرة
Date: 08-03-2012, 08:35 PM
Parent: #22

Quote: ما بعرف انزل فيديو لكن هاكم اتفرجوا في العبط ده


سلامات ياسومة اختى وتسلمى

غايتو عبط وهبالة زى دة ماشفت

والله أنا محتارة الشعب دة راضى بالعبيط دة كيف

تحياتى

Post: #25
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-03-2012, 08:50 PM
Parent: #24

Quote: الان ايقنت تماما بان هذا الرجل مخبول صحى صحى ..
ما كنت مصدق الكلام دا زمان كنت فاكرو عوير ودلاها بس
لمتين يا جماعة ؟ لمتيييين ؟؟؟؟؟

أحتسب احتسب يا بكري يا خوي
كلنا ما متخيلين التدني الأخلاقي عند الما يسمى بي البشير قدر الخبل ده!!
لووووووووووووووووولز قلت لي كنت فاكرو دلاهة وعوير وكمان بس !!!!

عليكم الله يا أخونا من قل البحكمونا ؟؟
23 سنة والخازوق ده يصوقر بي رعونة كده !!

اللهم افرجها علينا بقدر ما إتأذينا من هذا الورم الخبيث
نسأل الله السلامة

شكرا اخي بكري على المرور

Post: #26
Title: Re: *** عمر البشير الخطير .... فيديو تحفة ***
Author: عمر الفاروق عبد الله الشيخ
Date: 08-03-2012, 09:06 PM
Parent: #25

البشير دخل الكلية بالواسطة يعني مجموعه ما بدخله الكلية والواحد محتار مجموعه ده أهله ليحكم الشعب السوداني 23 سنة ؟؟؟؟؟؟؟؟؟؟؟؟؟ظ

Post: #27
Title: Re: *** عمر البشير الخطير .... فيديو تحفة ***
Author: بكري السيد البشاري
Date: 08-03-2012, 09:18 PM
Parent: #25

والنعمة بالله الاخت الكريمة اسماء الجنيد

حسبى الله ونعم الوكيل ...
حسبى الله ونعم الوكيل ...
حسبى الله ونعم الوكيل ...

اللهم انا نجعلك فى نحورهم , ونعوذ بك من شرورهم


الود والتحايا لك والضيوف الكرام

Post: #28
Title: Re: *** عمر البشير الخطير .... فيديو تحفة ***
Author: قيقراوي
Date: 08-03-2012, 11:36 PM
Parent: #27

Quote:
فى ملاح أم رقيقة الخفيييف داك

اخير انت يا بلة ..
نحنا لا شفنا (ريالة الديك) .. ولا ريالة البشير


























-----------

الجماعة خجلوا قاموا لحسوا الفيديو ول شنو؟

Post: #29
Title: Re: *** عمر البشير الخطير .... فيديو تحفة ***
Author: صديق الموج
Date: 08-03-2012, 11:53 PM
Parent: #28

بت الجنيد رمضانك خالى من البن والتمباك
وبشرى السيد الرقيص قولى ليه كمان اهلنا مع ديل خلو الطماطم
واللحمه والبصل والزيت يلا كبر زيادة..
اللهم لانسألك رد القضاء ولكن نسألك اللطف فيه
غايتو محنتنا تمحن المحنة يا اسماء
والله انا بقيت لابفرز العديل من الاعوج ...
الناس ديل سلبونا حتى بهجة الغضب والله صحى ،،،

Post: #30
Title: Re: *** عمر البشير الخطير .... فيديو تحفة ***
Author: معاوية المدير
Date: 08-04-2012, 00:35 AM
Parent: #29

أنا هسسسسسسسع كنت هناك،
البشير لا قال الكلآم دا، لا حاجة.

بعدين حتي لو قالوا، مالُو؟؟؟
ما كلآم علمي 100%. شنو يعني يا بت الجنيد
لآما لي ناس قيقراوي، وصديق الموج الحاسد
دا وشغالين قطيعة في رمضان!!! يعني عاملين
فيها ما عارفين القطيعة حرام واللآ شنو؟؟؟

الفيديو دا ملعوب فيهو والله صحي، وحاوريكم ملعوب فيهو كيف.

Quote: وبشرى السيد الرقيص قولى ليه كمان اهلنا مع ديل خلو الطماطم
واللحمه والبصل والزيت يلا كبر زيادة..


الإقتباس أعلآه عشان الزول دا ما ينكر.
برضو حا اجيب ليكم صور من ملجة الخدار
هسسسسع أنا هناك.

فتكم عافية،
ورمضان كريم...

Post: #31
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-04-2012, 01:11 AM
Parent: #30

Quote: الحمد لله على ابتلاء الله وقضائه وقدره صبرا يوجب الجنة
رئيس ينمط شعبه
بن وتمر وتمباك لا ادرى لما نسى العسل والكسل ليبلغ سقوط دكتور محمد الواثق
التمر ليس ابن بيئتهم يا سعادة المشير انما كان يرسل اليهم اغاثات واعانات فى هدة البيئة القاسية التى نسيتها وتجاهلتها كل حكومات السودان فلا تنمية ولا تعليم ولا خدمات
اما البن فهو مشروب الكيف القرن الافريقي شانه شان الشاى يا سليل قريش!
جنى


مرحب حبابك يا جني ورمضان كريم عليكم إن شاء الله
والله يا جني شلتها مني حكاية زراعة شجر النخيل الفي الشرق دي
يعني الزول ده مدام حالف يغش ويكضب وينافق على الشعب المطحون ده ، ما ينافق بي منطق يقنعه هو في الأول !
يعني فاتت على فاخورتو الماكنة دي إنه العجوة والبلح بجيبوهن من وين ؟
وعامل فيها من شندي وعارف الشمالية زقاق زقاق وزنقة زنقة !!!
اللهم لا إعتراض على حكمك يا الله
بقدرتك الإلاهية يا رب العباد تخلص الغلابة من الخازوق ده

Post: #32
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-04-2012, 01:22 AM
Parent: #31

Quote: سلامات يا اسماء

طبعا باقي الكلام مقطوع من الفيديو:

اها كمان نفتح ليكم مدارس للاطفال..

الادروبات ..الولادة زاتو خلينا

خليتوها؟؟؟الله اكبر الله اكبر

اها نزرع ليكم الفيتريتة عشان مل تشترو العيش

الادروبات: الاكل زاتو خليناه

خليتو والله دي حاجة سمحة خلاس.


مرحب حبابك أخي علي عجب ، رمضان كريم
قلت لي الشريط ناقص ؟
النبي فيك الرصة الفوق دي كلهاااااا قالها ؟؟!!!!!
لووووووووووووولز
غايتو لا تمحنا ولا تبلينا لكن صحي الزول ده اكبر ماسورة مرت في البلد
اكبر من نماسورة بيارة الجنيد زاتها . والله صحي
وهو الغبيان لما الناس قالت ليهو البن زاتو خليناهو ! الغبين ضحك وكبر
يا اب فاخورة اهلنا كلهم وخاصة الأدروبات البن بالنسبة ليهم اهم من الموية , وقولة خليناهو دي فيها نقد ليك في وشك ده كان بتفهم
بطل التناحة وافهم الرسالة الواضحة , معناها كل شيء بقى غااالي وخليناهو زاتو !!! اها ارقص سمح

شكرا الأخ علي وتسلم

Post: #33
Title: Re: *** عمر البشير الخطير .... فيديو تحفة ***
Author: أيمن التوم حسن
Date: 08-04-2012, 01:49 AM
Parent: #32

الهم لا تبلينا ولا تمحنّا

فوووق من اجل مزيد من الفرجه











---------------------------------------------------
بت الجنيد رمضان كريم

Post: #34
Title: Re: *** عمر البشير الخطير .... فيديو تحفة ***
Author: وليد الطيب قسم السيد
Date: 08-04-2012, 03:15 AM
Parent: #33

المشكلة ما فى الفيديو....

انما حضرتك وصلتى مرحلة متاخره جدا

ربنا يشفيك ويعافيك يا استاذه....

Post: #35
Title: Re: *** عمر البشير الخطير .... فيديو تحفة ***
Author: البحيراوي
Date: 08-04-2012, 12:23 PM
Parent: #34


العزيزة أسماء الجنيد

رمضان كريم - غايتو قدر ما قلت ألقى لي علاقة ما بين ترك التمباك وترك البن والتكبير - ما لقيتها يا سوما .

إلا غايتو الناس اللموا ديل هم الغلطانيين . ودي ذكرتني مقطع في اليوتيوب بالشمالية عندما مسك المايك البشير وشارك فنان في أداء أغنية . وعندها هاج الناس وصرخوا معجبين بأداء الرئيس.

بحيراوي

Post: #36
Title: Re: *** عمر البشير الخطير .... فيديو تحفة ***
Author: عبدالأله زمراوي
Date: 08-04-2012, 12:32 PM
Parent: #35

رمضان كريم شاعرتنا الجميلة...

لي عشر سنين لم اعد اسمع فيها هطرقات هذا الكارثة. واليوم صدق حدسي وشكرتُ نفسي الدنية ان عافاني من هذا الغثاء...

وفوق هذا كله دمو تقيل بصورة مقززة!

Post: #37
Title: Re: *** عمر البشير الخطير .... فيديو تحفة ***
Author: مريم الطيب
Date: 08-04-2012, 01:14 PM
Parent: #36

Quote:
سلامات يا اسماء

طبعا باقي الكلام مقطوع من الفيديو:

اها كمان نفتح ليكم مدارس للاطفال..

الادروبات ..الولادة زاتو خلينا

خليتوها؟؟؟الله اكبر الله اكبر

اها نزرع ليكم الفيتريتة عشان مل تشترو العيش

الادروبات: الاكل زاتو خليناه

خليتو والله دي حاجة سمحة خلاس..


ده شنو الابداع ده يا علي عجب ؟؟

مباااالغة ..

تحيات ياسومة وضيوفك

الله كريييم علينا

وذي ماقالو العوارة ما بشارة

Post: #39
Title: Re: *** عمر البشير الخطير .... فيديو تحفة ***
Author: Mohamed Adam
Date: 08-04-2012, 06:46 PM
Parent: #37

إصلاح أنظمتنا (حكومه ومعارضه) مرهون بإصلاح نظام الدول
الصناعيه - 8G ..
عليها أن تحترم كرامة الشعوب وحقها في العيش الكريم،
لتتصرف في إدارة شئون حكمها بنفسها بعيداً عن الوصايا.

وإلا سيحكمها دوما أمثال هؤلاء المخبولين.

.

.

Post: #38
Title: Re: *** عمر البشير الخطير .... فيديو تحفة ***
Author: Mohamed Yassin Khalifa
Date: 08-04-2012, 06:45 PM
Parent: #34

Quote: المشكلة ما فى الفيديو....

انما حضرتك وصلتى مرحلة متاخره جدا

ربنا يشفيك ويعافيك يا استاذه....

نعم التربية الرباكم ليها البشير الخطير ده!

ويا ولد أسماء دي لامن تتكلم معاها أقيف عِدِل.. ومصمص خشمك وحاول تبلع ريقك
وحسن ملافظك عشان وتأدب بأدب المعالي، لأنو المقام الهي فيهو ده ما بتلحِق!

_________


البشير يا أستاذتنا أسماء زول من يومو كلامو دراب دُراب
وبيرمي الكلام وبعدها ناسو بيـ غتغتو ليهو وبـ يجدو ليهو الأعذار!

قال بُنة وتمباك قال.. الزول ده فعلاً ما بعرف الناس دي عايشا بشنو ولشنو...

آه منك يا وطن حاكمك مجرم بشير ذي ده!

ويا ستي رمضانك كريم..!

Post: #40
Title: Re: *** عمر البشير الخطير .... فيديو تحفة ***
Author: محمد مصطفي مجذوب
Date: 08-04-2012, 07:49 PM
Parent: #38

تعرفي يا بت الجنيد انا من دخل علي رمضان ختيت لي لسته ناس وناسات ما بدخل بوستاتهم ألا بعد ما افطر واتقهوج ..اصلوا كتاباتهم والنصايب البنكتو فيها مش بتجرح الصيام ... ده يا اختي بتخلي الواحد يغرف من الفي العلبه ويدي يمين شمال .... وبدخلنا ليك في قضاء وكفارة ... انتي طبعا ربنا يديكي العافيه راكبه فوق اللسته من فوق وهسع انت يا بت عمي ما قصرتي طيرتي علينا صلاة التراويح بي فديوكي ده

ربنا يا اسماء قال (مَثَلُ الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنْبَتَتْ سَبْعَ سَنَابِلَ فِي كُلِّ سُنْبُلَةٍ مِئَةُ حَبَّةٍ وَاللَّهُ يُضَاعِفُ لِمَنْ يَشَاءُ وَاللَّهُ وَاسِعٌ عَلِيمٌ)
عمر البشير داير يجمرك حتي في القايم بروز ... قال ايه الحبه بي خمسة .... بالذمة ده اسمو كلام
والخمسة ده ذاتا يجوا يلموا فيها ناس المتآمر الوطني يقمحوا الناس يخلوهم خاتين الخمسه فوق الاتنين والشكية لي اب ايدا قويه ... والشكوي لغير الله مذله

Post: #41
Title: Re: *** عمر البشير الخطير .... فيديو تحفة ***
Author: مها عبد الله
Date: 08-04-2012, 10:07 PM
Parent: #40

سوما العزيزة رمضان كريم
حكومة كلها شبيهه بالمعتوه البشير ، كملي فقع مرارة وشوفي الأهبل الصغير أبوريالة ، أديك جائزة لو فهمتي حاجة أو عرفتي المناطق البقول عليها دى موقعها فى الخرطة لوووووووز ، بعد شفت الفيديو عرفت السبب ليه إسرائيل بتضرب شرقنا الحبيب وتطلع من غير ما أى حد يحس بيها




أما الفيديو دا حذاري إنو أولادك يشوفوهو، لو شافوهو ما تقولي ليهم دا وزير الدفاع السوداني


Post: #42
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-05-2012, 01:34 AM
Parent: #41

Quote: looooooooooooool
he is really funny and cooooool


سلام الأخ ناصر
هو فعلا مضحك لكن يا خوي بفقع المرارة وكل عفشة البطن ، والله صحي

Post: #43
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-05-2012, 01:38 AM
Parent: #42

Quote: سلامات ياسومة اختى وتسلمى

غايتو عبط وهبالة زى دة ماشفت

والله أنا محتارة الشعب دة راضى بالعبيط دة كيف

تحياتى


اهليييين الحبيبة مهيرة , رمضان كريم ومشتاقين يا غالية
الكلام في العبط ولا في البطبلوا ومصرين على إنه نحن المرضانين وهم شديدين ورئيسهم التحفة ده هو الصاح والباقي كلو غلط
مخير الله يا خية

تسلمي مهيرة وشكرا على الطلة الحنينة

Post: #44
Title: Re: *** عمر البشير الخطير .... فيديو تحفة ***
Author: Abdlaziz Eisa
Date: 08-05-2012, 09:27 AM
Parent: #43

Quote:
حبابك يا عزيز اريتك طيب وسلامتك يابا من الأعصاب
عزيز يا خوي كافوري ربنا ما اداها ليهو لا بي حقو وعرق جبينو ولا بي ورثتو
كافوري جابها همبتة من دم اليتامى
وضل الأرامل
وعرق الغلابة
منو لله هو والمعاهو
ربنا يخلصنا منهم بركة جاه النبي
يمهل ولا يهمل


سلامات سوما

زول كان صفر
او تحت الصفر
خارج التاريخ ومترمي حفر
لا اصل ولا فصل
وفجأة وجد نفسه جوة القصر
وهاك يا نهب وخم
الفساد ما ليهو اصل
نبت شيطاني زي صاحبو

ان شاء الله عليهو بالساحق والماحق
بدعوة المظلومين والمكلومين
والمشردين اليتامى في المخيمات..


Post: #45
Title: Re: *** عمر البشير الخطير .... فيديو تحفة ***
Author: مها عبد الله
Date: 08-05-2012, 10:20 AM
Parent: #44

Quote: المشكلة ما فى الفيديو....

انما حضرتك وصلتى مرحلة متاخره جدا

ربنا يشفيك ويعافيك يا استاذه....


المشكلة وين طيب يا أستاذ وليد ! ، لو نظرت للفيديو ووجوه الحضور وخصوصا الأخوات الكرام لعرفت هبل ولتاخة المجرم البشير ولسارعت بإزالة صورته من بروفايلك
والله شئ مخجل أن يحكم شعب السودان العظيم شخصية كهذا البشير . معقولة يا وليد ما سمعت تمباك وبعدها الله أكبر .

Post: #46
Title: Re: *** عمر البشير الخطير .... فيديو تحفة ***
Author: بدر الدين الأمير
Date: 08-05-2012, 11:35 AM
Parent: #45

بت الجنيد
كيتا عليك البشير عمل عملية تجميل يعنى بقى سمح ورقاص
في اخطر من كدا

Post: #47
Title: Re: *** عمر البشير الخطير .... فيديو تحفة ***
Author: معاوية المدير
Date: 08-05-2012, 12:54 PM
Parent: #46


كُلو عفناً ليهو شمّام.
والله صحي...

Post: #48
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-05-2012, 03:52 PM
Parent: #47

Quote: البشير دخل الكلية بالواسطة يعني مجموعه ما بدخله الكلية والواحد محتار مجموعه ده أهله ليحكم الشعب السوداني 23 سنة ؟؟؟؟؟؟؟؟؟؟؟

مرحب يا عمر الفاروق رمضان كريم
ده المجنن العالم كلو كيييييييف الزول ده اتحكر في سدة الحكم 23 خريف وهو بالمستوى المتدني ده!!!
متدني في كل حاجة ، والله صحي
وبعد ده تلقى البدافعوا ليهو , سبحان الله


Post: #49
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-05-2012, 04:25 PM
Parent: #48

Quote: اخير انت يا بلة ..
نحنا لا شفنا (ريالة الديك) .. ولا ريالة البشير

لوووووووووولز قيقراوي
علييييك الله ريالة اكتر من كدة تشوف ليها شنو ؟؟؟؟
ياخ العوير ده إلا يزرعوا على قول المثل ؟؟

قيقا إزيك ورمضان كريم

Post: #50
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-05-2012, 04:56 PM
Parent: #49

Quote:
بت الجنيد رمضانك خالى من البن والتمباك
وبشرى السيد الرقيص قولى ليه كمان اهلنا مع ديل خلو الطماطم
واللحمه والبصل والزيت يلا كبر زيادة..
اللهم لانسألك رد القضاء ولكن نسألك اللطف فيه
غايتو محنتنا تمحن المحنة يا اسماء
والله انا بقيت لابفرز العديل من الاعوج ...
الناس ديل سلبونا حتى بهجة الغضب والله صحى ،،،

مرحب حباب ود الموج رمضان كريم عليكم إن شاء الله ، تصوموا وتفطروا على خير وكل سنة وإنتوا طيبين وسالمين وتامين ولامين بركة رب العالمين
المحيرني يا ود الموج تكبيرة النفاق عرفناها , لكن الناس تقول ليك خلينا كل شيء إنت تفرح وتكبر ؟؟
معناها شنو ؟ لوما هو بليد واصنج ! الناس خلت الحاجة من العدم والغلاء ‘ إنت تقول ليهم والله ده احسن شيء !!!!
لكن آخخخخخخ بس من التكبيرة البعد التمباك دي !!!! وجع قلبي جوووة والله صحي

تسلم يا ود الموج ويسلمن ايامك إن شاء الله

Post: #51
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-05-2012, 05:25 PM
Parent: #50

Quote: أنا هسسسسسسسع كنت هناك،
البشير لا قال الكلآم دا، لا حاجة.

بعدين حتي لو قالوا، مالُو؟؟؟
ما كلآم علمي 100%. شنو يعني يا بت الجنيد
لآما لي ناس قيقراوي، وصديق الموج الحاسد
دا وشغالين قطيعة في رمضان!!! يعني عاملين
فيها ما عارفين القطيعة حرام واللآ شنو؟؟؟

الفيديو دا ملعوب فيهو والله صحي، وحاوريكم ملعوب فيهو كيف.

Quote: وبشرى السيد الرقيص قولى ليه كمان اهلنا مع ديل خلو الطماطم
واللحمه والبصل والزيت يلا كبر زيادة..


الإقتباس أعلآه عشان الزول دا ما ينكر.
برضو حا اجيب ليكم صور من ملجة الخدار
هسسسسع أنا هناك.

فتكم عافية،

لووووووووووووووووووووووولز ود المدير
يا خوي رمضان كريم عليكم إن شاء الله
بعدين ردك ده احسن تعبير لأساليبهم الملتوية . نوع البقول ليك كنت حايم وكنت بي هناك ومافي ايتها مظاهرة
طبعا نحن يا حليلنا برة البلد مجبورين ما نغالطوا! ما خلاص اكد وجوده وحضرته كلامو ما بنعقب على قول شيختهم ميادة كمال الله يطراها بالخير

اها دحين قت لي إت كنت في بورسودان زااااتها يا ود المدير ؟ عاد كان كدي إت الخطيـــــــــــــر والله صحي
إنعل ابو الجمكسين زاتو على قولة ود جبريل
ياخ ديل موهومين حتى في حياتهم العادية دي والله صحي
واكبر وهمة الرئيس الأرجاوز ده وهم بطبلوا ليه في شنو ما عارفة ؟
اكتر من إنه يخطب للخلوق ويشمت فيه الحضور وهو مفلس لغويا وعاجز لفظ !
وقال شنو خليتو التمباك ؟ والله احسن حاجة الله اكبر آخخخخخخخخخخ يا قلبي الميجوع
ياخ خلينا كل شيء قوم اختانا إنت ده بس ، وخلينا خلي الناس دي تشم الهواء

ود المدير تسلم يابا وسمحة طلتك الحنينة دي ، والله صحي

Post: #52
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-05-2012, 05:37 PM
Parent: #51

Quote: الهم لا تبلينا ولا تمحنّا

فوووق من اجل مزيد من الفرجه



---------------------------------------------------
بت الجنيد رمضان كريم

أيمن ود التوم حباااابك يابا ورمضان كريم عليكم إن شاء الله
دحين يا ايمن يا خوي جنس محن النصيبة ده ما بجرح صيامنا ؟؟؟
غايتو على قولك فعلا نسأل الله ونقول معاك
اللهم لا تمحنا ولا تبلينا
وبعد ده يا خوي يجي يقولوا ليك رئيسنا خاتي القول
هو فعلا قولوا براهو بشبهو هو بس ، والله صحي

Post: #53
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-05-2012, 06:47 PM
Parent: #52

Quote: المشكلة ما فى الفيديو....

انما حضرتك وصلتى مرحلة متاخره جدا

ربنا يشفيك ويعافيك يا استاذه...

سلام وليد ورمضان كريم
اولا نحن هسسسسه في الفيديو ده ليه إنت إتجاهلت الفيديو ؟؟؟
عاجباك هطرقة رئيسكم المخجلة دي ؟؟؟
عاجبكم رشاقتو المضحكة على البسطاء
في زمتك ده هسه إسلوب رئيس بخطب خطاب سياسي رمي أمام جموع وامام عيون الإعلام الما رحمته ولا رحمت إستخفافه ده !!!
غنتو يا جماعة كان الله عامي بصيرتكم ودايرين تطبلوا للزول ده ، طبلوا ليهو في الحاجات الما فيها خجلة وعيبة ظاااااهرة
في حقكم إنتو زاتو شينة تـــــــــــــب
هو ما شغال بيكم الشغلة وإنتو برضو في وش المدفع ، خافوا الله في روحكم دي ، لعنة دعوة مظاليم ساي بتلعنكم في الدنيا دي قبال الآخرة
وفي شنو في لا شيء !!

نجي لي مرضي وعلتي انا الوصلت مراحل متأخرة وماني خابراها ضمة والله صحي
كدي يا خوي ينوبك ثواب ورينا على رؤس الأشهاد وعافية ليك ، وريني ربنا يشفيني من شنو ؟؟

وقبال ما توريني
كان قصدك يشفيني من ملاحقة الخازوق ده , بقول ليك من هسه مااااااا دايرة لي دعوى منك وكتر خيرك وبارك الله فيك ، وسعيكم مشكور
حا نلاحقوا حتى نصلي من الليل للصباح نصلي لله شكر وثناء إنه خلصنا من هذا الوباء

Post: #54
Title: Re: *** عمر البشير الخطير .... فيديو تحفة ***
Author: قيقراوي
Date: 08-05-2012, 07:20 PM
Parent: #52

Quote:
لوووووووووولز قيقراوي
علييييك الله ريالة اكتر من كدة تشوف ليها شنو ؟؟؟؟
ياخ العوير ده إلا يزرعوا على قول المثل ؟؟

قيقا إزيك ورمضان كريم

لووووووووووووولز يا بت امي
انا ما كنت قادر اشوف الفيديو ..

الا ديل عوارتم بتدور ليها رتينة هي!؟
الفالح فيهم يعرض بالــ #####*!!












---------

* بالقالو عماد عبد الله

التشفير من عندينا .. اها قلنا ما تبقى عليكم فقع مرارة وطمام بطن؟
الرحمة برضو حلوة .. ودا شهر رحمة برضك
المافي شنو!؟

Post: #55
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-05-2012, 07:59 PM
Parent: #54

Quote:
العزيزة أسماء الجنيد

رمضان كريم - غايتو قدر ما قلت ألقى لي علاقة ما بين ترك التمباك وترك البن والتكبير - ما لقيتها يا سوما .



البحيراوي الحنين ,, ود الجروف والطين حبابك ورمضان كريم النبي يا بحيراوي ياخوي شفت جنس الوجع ده !!!!
بعدين الزول ده فاكر الناس لما تصفق وتكورك معناها معجبة بيهو !!! والله ضاحكين عليهو لامن بي هناك ياخ ده مرض عجييييب
ربنا يشفينا من عولاقو ده بركة الأيام المباركة من الشهر الكريم
تسلم يابا وكل سنة وإنت والمعاك طيبين إن شاء الله

Post: #56
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-05-2012, 08:38 PM
Parent: #55

Quote: رمضان كريم شاعرتنا الجميلة...

لي عشر سنين لم اعد اسمع فيها هطرقات هذا الكارثة. واليوم صدق حدسي وشكرتُ نفسي الدنية ان عافاني من هذا الغثاء...

وفوق هذا كله دمو تقيل بصورة مقززة!

اووووه شاعرنا الرقم الذي يصعب تجاوزه ,, حباب الطلة شاعرنا الكبير زمراوي
والله إنت الفائز فينا ، إشتريت راحة بالك ، والله ديل البسمعهم إلا يمرض بكل امراض العصر من ضغط لي سكري وغيره حمانا وإياكم الله

لكن حكاية تقلة دمو المقززة دي باااااااااااالغت في التعبير عنها
اوسكااار والله يا استاذ
فعلا دمو تقيل وسمج ومقزز على قولك
يعني بتراشق بسماجة مفرطة ،
استغفر الله العظيم الدنيا رمضان
نسأله تعالى الخلاص من هذا الداء
يمهل ولا يهمل
شكرا لمرورك الجميل استاذ زمراوي

Post: #57
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-06-2012, 12:26 PM
Parent: #56

Quote:
ده شنو الابداع ده يا علي عجب ؟؟

مباااالغة ..

تحيات ياسومة وضيوفك

الله كريييم علينا

وذي ماقالو العوارة ما بشارة

مريم بت الطيب حبابك يا الحبيبة ورمضان كريم عليك
ياختي ده فات مرحلة العوارة الما بشارة زاتها والله صحي
شفتي الرصة الرصاها ليك ود العجب الفوق دي ؟
اها ده يقولوا عليهو شنو ولا شنو ؟
الله يحلنا منهم بس والله
والعجب فيديو مهوية الفيهو اللمبي الوزير
مخيـــــــــــــــــــــــــر الله على اهلنا الصبروا 23 سنة !!!!
تسلمي يا مريم وشكرا على مرورك الجميل

Post: #58
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-06-2012, 01:32 PM
Parent: #57

Quote: إصلاح أنظمتنا (حكومه ومعارضه) مرهون بإصلاح نظام الدول
الصناعيه - 8G ..
عليها أن تحترم كرامة الشعوب وحقها في العيش الكريم،
لتتصرف في إدارة شئون حكمها بنفسها بعيداً عن الوصايا.

وإلا سيحكمها دوما أمثال هؤلاء المخبولين.


محمد آدم حبابك يا خوي
والله صدقت , هسه الحامننا شوفهم كلهم من رئيس لي وزراء لي غيرهم ، مش كللللهم مخابيل اجارك الله!!
الله هونيني على قول نوريت اخوي


Post: #59
Title: Re: *** عمر البشير الخطير .... فيديو تحفة ***
Author: معاوية عبيد الصائم
Date: 08-06-2012, 01:44 PM
Parent: #58

غايتو الله كريم وغالب..القسمة نسوى شنو؟

بت الجيند سلامات ورمضان كريم

Post: #60
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-06-2012, 01:57 PM
Parent: #59

Quote: نعم التربية الرباكم ليها البشير الخطير ده!

ويا ولد أسماء دي لامن تتكلم معاها أقيف عِدِل.. ومصمص خشمك وحاول تبلع ريقك
وحسن ملافظك عشان وتأدب بأدب المعالي، لأنو المقام الهي فيهو ده ما بتلحِق!
_________

البشير يا أستاذتنا أسماء زول من يومو كلامو دراب دُراب
وبيرمي الكلام وبعدها ناسو بيـ غتغتو ليهو وبـ يجدو ليهو الأعذار!

قال بُنة وتمباك قال.. الزول ده فعلاً ما بعرف الناس دي عايشا بشنو ولشنو...

آه منك يا وطن حاكمك مجرم بشير ذي ده!

ويا ستي رمضانك كريم..!

ود الخليفة حبابك يا محمد ورمضان كريم عليكم إن شاء الله
إنت يا يابا يعظم شأنك ويعلا مقامك بركة خواتيم الشهر الكريم
ربي يديك قدر يرضيك قول آميين

يا خوي ولا يهمك نحمد سيدنا لا بنتضارا ولا بندسدس قولة النصيحة ولو على رقابنا سيوف
وما عندنا شغل الغتغتة , وحكمة الله وليد ده بعرفني كويــــس وما بتغابا فيني العرفة ، حتى ولو كانت عرفة في اسافير الله الواسعة دي
وبحترم وجهة نظره لكن اليومين دي شايفاهو بقى يطفر الحقيقة ويتجاهل لب الموضوع ويمشي في درب الكيزان الملولو ,, الله يهديهو هو إن شاء الله
اما البشير الختير يا محمد اخوي ده كورتو فاكة من يومو لافي بي الناس صينية بي الجعجعة الفارغة , لكن ليهو يوم وربنا شايف وعارف لكن بمهملهم لي أجل قريب إن شاء الله

تسلم يا ابو حميد وشكرا على الطلة الجميلة

Post: #61
Title: Re: *** عمر البشير الخطير .... فيديو تحفة ***
Author: طلعت الطيب
Date: 08-06-2012, 02:48 PM
Parent: #60

للانسان ميل بيولوجى قوى جدا ولا يقاوم لتغيير الحالة العقلية
وقد رأى المتخصصون ان هذا الميل يأخد شكل ممارسات مختلفة منها اللجوء الى المحدرات او السكر والمكيفات بانواعها مثل السجائى والتمباك اضافة الى الرقيص
لو ناس البحر الاحمر خلو التمباك والجبنة البخليهو يخلى الرقيص شنو؟!
وهو الذى جاء ليدشن اول انقلاب عسكرى على سلطة ديمقراطية لصالح الاسلام السياسى بكل ادعاءاته الاخلاقية الكبيرة!!
هذا الميل الطبيعى يدرس الان من اجل ترجمته الى انشطة وممارسات غير ضارة
الرقص ممارسة غير ضارة ولكنها غير اخلاقية وفق المعايير الدينية السلفية التى يدعى البشير تبنيها والتبشير بها
وهى معايير تستدعى (الاستغفار) لمن ياتى بمثل ذلك المنكر

Post: #62
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-07-2012, 02:13 AM
Parent: #61

Quote: تعرفي يا بت الجنيد انا من دخل علي رمضان ختيت لي لسته ناس وناسات ما بدخل بوستاتهم ألا بعد ما افطر واتقهوج ..اصلوا كتاباتهم والنصايب البنكتو فيها مش بتجرح الصيام ...
ده يا اختي بتخلي الواحد يغرف من الفي العلبه ويدي يمين شمال .... وبدخلنا ليك في قضاء وكفارة ... انتي طبعا ربنا يديكي العافيه راكبه فوق اللسته من فوق وهسع انت يا بت عمي ما قصرتي طيرتي علينا صلاة التراويح بي فديوكي ده

ربنا يا اسماء قال (مَثَلُ الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنْبَتَتْ سَبْعَ سَنَابِلَ فِي كُلِّ سُنْبُلَةٍ مِئَةُ حَبَّةٍ وَاللَّهُ يُضَاعِفُ لِمَنْ يَشَاءُ وَاللَّهُ وَاسِعٌ عَلِيمٌ)
عمر البشير داير يجمرك حتي في القايم بروز ... قال ايه الحبه بي خمسة .... بالذمة ده اسمو كلام
والخمسة ده ذاتا يجوا يلموا فيها ناس المتآمر الوطني يقمحوا الناس يخلوهم خاتين الخمسه فوق الاتنين والشكية لي اب ايدا قويه ... والشكوي لغير الله مذله

حباااااابك يا ود المجذوب اريتك طيب يا محمد اخوي
رمضان كريم عليك إن شاء الله

قلت لي لستتك الخطيرة بت الجنيد متحكرة فيها في الدميرة !!!
عاد كان كدي إتلومت معاك تـــــب بي لفحيني للفيديو الختير ده
نان يا محمد اخوي وجع قلبي وفقع مرارتي ، قلت النجيبو ليك تشاركوني وجعتي ، ولا عاد تبقى خوتكم كيفنها !!!
خلاص اعفا لي وإن شاء الله تاني نجيب جنس النضمي المخرف ده بعد العيد
لكن ما بقول ليك ما بنجيبو كلو كلو ، النعمنو هو ماااااااااا بوقف دليب ورشاقة ! وعلى قول ود جبريل طارق
لازما اجيب ليك تتفرجوا معاي ، عشان ما اتوك واندبغ براي . والله صحي
لووووووووووووووووولز قلت قال الحبة بي خمسة ؟ استغفرررك يا مالك روحي
فعلا الشكية لي اب إيدا قوية
يمهل ولا يهمل

تسلم يا ود المجذوب اخوي وكتر خيرك على الطلة الحنينة دي ,,,

Post: #63
Title: Re: *** عمر البشير الخطير .... فيديو تحفة ***
Author: وليد الطيب قسم السيد
Date: 08-07-2012, 02:41 AM
Parent: #62

البتعملى فيه ده بالجد ما بشبهك ولا بشبه الشهر الانحن بداخله ده

ما يعجبك تصفيق القوم ليك بكره بصفقو عليك اعيدى النظر فيما تكتبى

واجعلى ميزان لكتابتك شوفى ما يستفاد منه وما تستفادى منو الحياه ما مجرد
ضحكه تطلقيها او تضحكى بها غيرك على حساب غيرك انتى استاذه متذنه وليك
مكانتك ما تفقديها بى اشياء عابره اصلا لا فائده منها لك ان تعارضى البشير
وحكومة البشير ده حق مشروع بالنسبه لك ولغيرك بس بضمير مش عشان تكسبى ضحكات
للحظات عابره ويمكث ما تكتبيه لى اعوام فى اذهان اخره دمتى بخير سيدتى الفاضله ولكلمه
تبكيك افضل مليون مره من كلمه تضحكك رمضان كريم....الاغبش..

Post: #64
Title: Re: *** عمر البشير الخطير .... فيديو تحفة ***
Author: وليد الطيب قسم السيد
Date: 08-07-2012, 02:56 AM
Parent: #38

Quote: نعم التربية الرباكم ليها البشير الخطير ده!

ويا ولد أسماء دي لامن تتكلم معاها أقيف عِدِل.. ومصمص خشمك وحاول تبلع ريقك
وحسن ملافظك عشان وتأدب بأدب المعالي، لأنو المقام الهي فيهو ده ما بتلحِق!



التربية الربانا ليها البشير امثالك بيفتقدوها عشان كده داقس ودايش

وبعدين يا وهم لمن تجيب سيرة الرئيس ينبقى لك ان تنبطح فى الارض ونضف مناخيرك
من المخاخيط البتتساقط منك دى وخشمك المعفن ده حاول الحس بيه كوعك عشرة مرات
حتى تخطانا ريحة فمك الكريه اسماء العاوز تعرفنى بيها وبى مقامها بعرفها من امد
بعيد وبعرف تماما بتكلم مع منو وبقول فى شنو عشان كده يا زباله اتلما قبال ما افرج فيك خلق الله

Post: #65
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-12-2012, 01:21 PM
Parent: #64

Quote:
سوما العزيزة رمضان كريم
حكومة كلها شبيهه بالمعتوه البشير ، كملي فقع مرارة وشوفي الأهبل الصغير أبوريالة ، أديك جائزة لو فهمتي حاجة أو عرفتي المناطق البقول عليها دى موقعها فى الخرطة لوووووووز ،
بعد شفت الفيديو عرفت السبب ليه إسرائيل بتضرب شرقنا الحبيب وتطلع من غير ما أى حد يحس بيها


مهوية يا حبيبة قسانا رمضان كريم عليك يا الحبيبة
معليش يا يمة رمضان دخل العضم ومرق بي غادي , لي يومين بفتش على البوست ده لوووووولز يا دوب لميت فيهو
قلت إمكن طبقو بكري وصلعة وغتس حجر ساسو . لكن الله يغفر لينا بكري دائما هاجمنو رواجمنو .. لوووولز

النبي شفتي الزول ده مضحك الناس فيهو كيفن .؟
لاحظتي للبنيات البعلقن بي نظرات مستنكرة الرشاقة الحاصلة قدامهن دي؟

وحكمة الله يجوك يقول ليك ما تضحكي في الرئيس لأنه كده عيب !!!!
غايتو كيزان وعينهم قوووووية

Post: #66
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-12-2012, 07:32 PM
Parent: #65

Quote: أما الفيديو دا حذاري إنو أولادك يشوفوهو، لو شافوهو ما تقولي ليهم دا وزير الدفاع السوداني

لوووووووووووووووووووولز
إنتي يا مها مسعولة من الخير جنس العولاق ده مرقتي من وين ؟؟
يعلم الله انا قلت زي تسجيل البشير ده مافي اسوأ منه على الإطلاق !
تجي إنتي يا خية تجيبي لينا اللمبي السوداني !
مبااااااااااااالغة غايتو الشريط ده لو شافوهو اولاده من صلبو بضحكوا فيهو والله صحي
الشكية لي اب إيدا قويا ، ديل كللللهم من نفس الصنف والنوع ؟
لا رئيس لا وزير لا غيرهم ، كلهم مفلسين في ايتها حاجة ؟
مخيـــــــــــــــــــــــــــــير الله على الشعب السوداني الصبر على المخاليق ديل 23 سنة !!!!
شاركوا ايوب في صبرو والله صحي

Post: #67
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-12-2012, 07:45 PM
Parent: #66

Quote: بت الجنيد
كيتا عليك البشير عمل عملية تجميل يعنى بقى سمح ورقاص
في اخطر من كدا


البدر ود الأمير حبابك يا أمير ورمضان كريم مع إنه ودع يا حليلو
لووووووووووولز قلت لي عملية تجميل عدييييل ! فعلا مافي اخطر من كده تــــب
غايتو رقاص دي مافي إتنين بتغالتو فيها
وما عندنا إعتراض على خلقة الله , لكن ما تشكر لينا الراكوبة في الخريف .. الزول ده معولق رقبته براه



Post: #68
Title: Re: *** عمر البشير الخطير .... فيديو تحفة ***
Author: اسماء الجنيد
Date: 08-12-2012, 07:48 PM
Parent: #67

Quote: كُلو عفناً ليهو شمّام.
والله صحي...


لوووووووووووووووووولز ود المدير
إنت يوم بتكتل ليك زول غايتو ، والله صحي

Post: #69
Title: Re: *** عمر البشير الخطير .... فيديو تحفة ***
Author: Mustafa Mahmoud
Date: 08-12-2012, 08:23 PM
Parent: #68


كان العصيان المدني احد ابداعات الشعب السوداني في العصر الحديث في اكتوبر وفي ابريل. ذلك لان ذلك المجتمع كان راقيا بالمقاييس الحضارية وكان لابد ان ينتصر حسب منطق الاشياء. اما الان فقد استطاعت عصابة الانقاذ ان تجر السودان من المعاصرة الى عصور الظلام ، علية لايمكن الان في عصر الظلام هذا استعمال ادوات نضال ازمنة التحضر و المعاصرة.
تم تحويل المجتمع بالكامل الى عصور الظلام الدامس باسم الاسلام بواسطة عصابة مافيا الانقاذ المكونة اساسا من شواذ المجتمع.

الشعـــــــــب يريد اسقاط الفساد
الشعب يريد اسقاط المحسوبية
الشعب يريد اسقاط التسلط
الشعب يريد اسقاط العنصرية
الشعب يريد اسقاط القبلية
الشعب يريد انقاذ البلاد والعباد من جور وظلم الانقاذ

مهما طال ليلك يا ظالم
سيغرد فينا صبح النور

شمسنا طالعة..
والحرية للشرفاء.

فليخرج للشارع

من اجل ان نكون احرار لا رعاع

سوف تنهض جماهير الشعب السوداني بكافة فئاته

علي سبيل المثال لا الحصر:

ضد

* تجار الدين و آكلي السحت

* كبت الحريات

* الغلاء

* الفساد

* القهر و الظلم

* استغلال الدين في السياسة

* ضد مليشيات الامن و مليشيات النظام

* ضد الابادة الجماعية في درافور

* ضد الجوع و السل في الشرق

* ضد الجهل و المرض

* ضد نظام الامن العام

* ضد المحسوبيه

* ضد السدود التي تبني في الشمال لمصلحة مصر

* ضد احتلال حلايب و الفشقة

* ضد تدمير مشروع الجزيرة

* ضد سرقة اموال البترول و الذهب

http://www.facebook.com/groups/BDFSudan

الجبهة الديموقراطية العريضة (سودان)



388063_511965628819551_200095377_n1.jpg Hosting at Sudaneseonline.com