Post: #1
Title: الشيوعيون في زمن الحركة الشعبية
Author: adil amin
Date: 08-03-2012, 02:23 PM
Parent: #0
1-منهم من صمد وعاش كالناسك واثرى الساحة الفكرية السودانية ذى نقد والحردلو هؤلاء الاولياء الصالحين تغشاهم الف رحمة من المولى عز وجل 2- منهم من تسامى واضحى سودان جديد ذى ياسر عرمان 3- ومنهم من تحرر من شنو وشق مسار جديد ذى عادل عبدالعاطي والحزب الليبرالي السوداني 4- منهم من تقوقع مع اهل القبلة والجبهة الوطنية الرجعية المرتبطة بالاستعمار(حزب الامة+ المؤتمر الشعبي) 5- منهم من سقط عموديا الى اسفل واضحى بوق لنظام ونعف عن ذكر الاسماء 6- ومنهم من توقف دماغه في ثورة اكتوبر ويمارس لغة هتافية في هذا البورد لا تسقط مربوطة
قال المهدي عليه السلام..اذا كان عندك بير بتشر ب منها وجا غمرا البحر بترجع تكوس بيرك ديك ولا تشرب من البحر طوالي وهذا هو حال اليسار السوداني مع الحركة الشعبية لماذا لازال هناك شيوعيين في زمن الحركة الشعبية ولماذا لا نقارن بين الحزب الشيوعي والحركة الشعبية ودروهما في مستقبل السودان؟؟ ... طبعا شيوعي واحد في البورد ده بجي يجاوب مافي لانهم اجهل من استيعاب هذه المرحلة ودي حقيقة وقايلين نفسهم الاذكى والاخلى والاروع في صدى الملاعب
|
Post: #2
Title: Re: الشيوعيون في زمن الحركة الشعبية
Author: adil amin
Date: 08-03-2012, 02:29 PM
Parent: #1
واعى يكون قعادم في ماوى العجزة مع احزاب المركز ومهندس بيوت الاشباح التي ازهقت ارواح الرفاق والامام بتاع الدولة المدينة بمرجعية اسلامية نساهم الديالوكيتك
التناقضات المتطاحنة وغير المتطاحنة Antagonistic and non antagonistic contradictions
التناقضات المتطاحنة هي التناقضات الأساسية التي تميز تطور المجتمع تحت ظروف تاريخية مختلفة والتناقضات المتطاحنة تصدق في كل العلاقات الاجتماعية في المجتمع المستغل وهي ترجع إلى المصالح التي لا يمكن التوفيق بينها الخاصة بالطبقات والجماعات والقوى الاجتماعية المتعادية وتحل التناقضات من هذا النوع عن طريق الصراع الطبقي الثوري والثورة الاجتماعية التي تغير النظام الاجتماعي ومما يميز التناقضات المتطاحنة إنها تصبح أكثر حدة وعمقا كلما تطورت ويصبح الصراع بينهما صداما حادا وتتحدد الأشكال التي تحل بها هذا الصدام بالظروف التاريخية لنوعية للصراع ومن الأمثلة الواضحة للتناقضات المتطاحنة التناقض بين البرجوازية والطبقة العاملة في المجتمع الرأسمالي وذلك التناقض بين الدول الرأسمالية الناشئ عن التنافس بين الدول الرأسمالية وصراعاتها من اجل الأسواق ومناطق النفوذ وليس هذا التناقض طبقيا ولكنه يؤدي إلى صراعات عنيفة بين الاستعماريين في مختلف البلاد وهذه التناقضات أسباب الحروب الاستعمارية من اجل إعادة تقسيم العالم ومن اجل الأسواق،وهذا يجسده أيضا الصراع الرئيس في السودان بين الهامش بجهاته الأربع المركز عبر العصور أما التناقضات غير المتطاحنة فهي تلك التي توجد لا بين الطبقات العادية وإنما بين الطبقات والجماعات الاجتماعية التي بينها-إلى جانب التناقضات- مصالح مشتركة ومما يميز هذه التناقضات أن تطورها لا يؤدي بالضرورة إلى العداء كما أن الصراع بينها لا يؤدي إلى الصدام..كما هو الحال بين المزارعين والرعاة في دارفور وبين دينكا نقوك والمسيرية في جنوب كردفان ولا تحل التناقضات غير المتطاحنة بحرب طبقية ضارية وإنما تحل بالتحويل التدريجي المخطط للظروف الاقتصادية وغيرها التي تؤدي إلى خلق هذه التناقضات،كذلك يقضي على التناقضات غير المتطاحنة، شانها شان التناقضات الأخرى بصراع الجديد ضد القديم والتقدمي ضد المتخلف والثوري ضد المحافظ وتؤدي التغيرات في الطبيعة وفي مضمون التناقضات إلى تغيرات في شكل حلها ..أما التناقض كقانون للتطور فانه لا يختفي في ظل المجتمعات سواء كانت رأسمالية –صراع راسي- أو اشتراكية-صراع أفقي..وتكمن الأزمة السياسية في السودان الآن في عدم تمييز هذه التناقضات..والخلط المستمر للأوراق..رغم انه اتضح تماما أن التناقض المتطاحن الآن في السودان أضحى بين مشروعين فقط ..مشروع السودان الجديد والدولة المدنية الفدرالية الديمقراطية وبين مشروع السودان القديم الممتد من الاستقلال وهو الدولة المركزية الفاسدة والفاشلة والفاشية وعبارة عن مشروع غوغائي مستورد من خارج الحدود(الاخوان المسلمين)....والمخزي في الأمر أن التناقضات غير المتطاحنة هي التي سببت ولا زالت تسبب الموت الرخيص والتردي المريع في الخدمات في الهامش والمركز أيضا وأدخلتنا عالم مجلس الأمن والمحكمة الجنائية الدولية المعروف المآلات..حيث يشكل حزب المؤتمر الوطني الحاكم قمة سنام الرأسمالية الطفيلية التي خرج الانجليز وسلموها البلادفي وضع متطور لمشروع لدولة مدنية ديمقراطية...فقط كان ينقصها الفدرالية التي طالب بها أبناء الجنوب الأذكياء من 1947 لتعيد توزيع السلطة والثروة بين المركز والهامش فلبث أهل السودان القديم في مكانهم جاثمين ..وان عداء أحزاب السودان القديم المركزية الحزب الشيوعي و حزب المؤتمر الشعبي وحزب الأمة نموذجا للحزب الحاكم المؤتمر الوطني..عداء غير متطاحن..بل عملية تمويه وغوغائية سياسية..فقط ستسهم في إعاقة التغيير القادم وحسم الصراع المتطاحن الحقيقي بين المركز والهامش..فأين ذهب ذكاء أبناء حضارة رماة الحدق؟؟!!..هذه الحضارة التاريخية التي تميزت بالدقة والإتقان ولا زال أبناؤها يؤدون أعمالهم ويقدمون خبراتهم في دول مجلس التعاون الخليجي بنفس الدقة والعمل الخلاق... [
صدام البايسون
|
Post: #3
Title: Re: الشيوعيون في زمن الحركة الشعبية
Author: adil amin
Date: 08-03-2012, 02:34 PM
Parent: #2
لخروج الامن والوحيد والمستنفذ مع مرور الزمن
سواء لاهل الحكم في المركز او المعارطة التي لا تقل عنه توهانا معروف وواضح ... الخروج عبر صناديق الاقتراع بالدعوة الى انتخابات حرة ونزيهة ومراقبة دوليا مبكرة.. بعد اعادة الاقاليم الخمس والعودة لهذه المرحلة المايوية ولكن باسس جديدة غير كده لا خير في البنا ولا البعجن في الطين كما ان هذا الخيار لا يخيف او يقلق القوى الديموقراطية الحقيقية في السودان وان كانت تراهن على حمل السلاح الان في الهامش تحرير الهامش االثاني اولا بالانتخابات بعد داك ناس جمهورية العاصمة المثلثة المترفة دي تشوف ليها صرفة اذا كنت اقل من 40 سنة ومن سكان الاقاليم طالب فقط بالغاء الولايات الخمس وعشرين واعادة الاقاليم الخمسة والانتخابات في البطاقات 9و10و11و12...وتكون حليت مشكلة 80% من الشعب السوداني الفضل..يحكم الاقاليم ابناؤها على الاقل يصلحو حاجات الانجليز التي افسدتها الانقاذ... عشان ناس المؤتمر الوطني ديل يما يقولو شذاذ افاق او مرجفين وما عندكم برنامج.. خلوهم يختو الصندوق ويزحوا بعيد عشان نشوف تاني كان واحد هتف ولى كف مشت بتلاقي كف والهلع الماسك االبشير ده ينتهي.
|
Post: #4
Title: Re: الشيوعيون في زمن الحركة الشعبية
Author: adil amin
Date: 08-04-2012, 12:18 PM
Parent: #3
الشيوعية جاتنا من مصر(الاشتراكية العربية) وليس من بلد الاصل الاتحاد السوفيتي سابقا زمن حدتو وحستو..رفاق مصر ..يعني نفس الحتة الجات منها الاخوان المسلمين..والفكر يعبر عن انعكاس للمجتمع الذي نشا فيه عشان كده وجودم مع المؤتمر الشعبي وشيخ الترابي بتاع التمكين والفصل للصالح العام وبيوت الاشباح وضع طبيعي توائم سيامية.حزب البرجوازية المترفة في لمركز وطبعا زمان لمن ما كان في الحركة الشعبية الجات من الاشتراكية الافريقية البتشبهنا ذى تنزانيا وغانا والسنغال وبقت الزول السمح الفات الكبار والقدرو كانو شايفين نفسهم الاجمل والاروع والاحلى(صدى الملاعب) والبطلع منهم بقولو عليه (اتفنس) ويروجو عنه اسوا الصفات..ولا يقلون فجورا عن الكيزان..مش قلنا ليكم المنبع واحد...
الليلة بقو مع اهل القبلة والدولة المدنية بمرجعيةاسلامية..وهبي هبي يا اكتوبر..واقفين هناك بس
هل جمرة العقبة الكبرى في السودان القديم هي حزب المؤتمر الوطني والبشير بس..وين الجمرة والوسطي والصغرى.. ..... فعلا كنتو زمان الاجمل والاروع والاحلى لكن الليلة انتو الاردا والابلد وليس الاسوا ... يا جماعة البورد ده ما فيه شيوعيين ولى شنو...
|
Post: #5
Title: Re: الشيوعيون في زمن الحركة الشعبية
Author: adil amin
Date: 08-04-2012, 12:25 PM
Parent: #4
نجي للانصار حباينا في متاهتم مع امامهم الملهم اكبر واروع واجمل نشاط اشتراكي عظيم في تاريخ الانصار..قام به السيد عبدالرحمن المهدي في العصراالذهبي لحزب الامة وانتهى بوفاته..ثم عاداالرئيس الراحل نميري بالموجة الاشتراكية الثانية في العصرالذهبي عبر اتفاقية اديس ابابا 1972 وانجازات السيد عبدالرحمن المهدي ونميري قائمة حتى الان...
رايكم شنو نعمل لنميري قبة ونحول قبلة الجيل الجديد من شباب الانصار من ماوى العجزة؟؟
|
Post: #6
Title: Re: الشيوعيون في زمن الحركة الشعبية
Author: adil amin
Date: 08-04-2012, 12:36 PM
Parent: #5
التطاحن غيرالمتناقض الغبي بين اجنحة الكيزان في المؤتمر الوطني والمؤتمر الشعبي تم نقله الى دارفور ..دعم المؤتمر الوطني الجنجويد ودعم المؤتمر الشعبي العدل والمساواة وفتحت ابواب الجيحم على مواطنين دارفور وتشردو وقتلو بالملايين..كيزان دارفور يقاتلون من اجل شيخهم الترابي وليس اهلهم هناك منذ ان جباتهم مجانية التعليم الى المركز,, وبعد داك مشو يضقلو بيهم في الدوحة سبعة سنين من غير طائل...مع مفاوضين درجة ثانية كانهم ما سمعو بالايقاد ولا مشروع السودان الجديد واتقاقية نيفاشا للسلام الشامل ابلتيحل كل مشاكل الاقاليم مع المركز..بس لانه مشروع جنوبيين جانقي ابوووه عدييل كده واخر حاجة اليوم الدوحة قالت تصالح البشير مع الترابي ودي مشكلة السودان...شفتو القصة كيف طيب منو البصالحم الاثنين مع انفسهم ومع الشعب وبعدين مراكزالدراسات الطنانة الرنانة في الدوحة دي ما سمعو بي اتفقاقية نيفاشا للسلام الشامل ولى شنو
اها مافي زول مؤتمر شعبي اوعدل ومساواة في البورد ده ولى شنو
|
Post: #7
Title: Re: الشيوعيون في زمن الحركة الشعبية
Author: adil amin
Date: 08-04-2012, 12:52 PM
Parent: #6
مش كان الاجدى ناس الفوضى الخلاقة الفكوها من المحيط الى الخليج يصالحو المؤتمر الوطني المازوم مع قطاع الشمال والسير في مبادرة نافع على نافع عبر منبر اديس ابابا؟؟ وحتى ولو بالدعوة لانتخابات مبكرة باسس جديدة بعض النخب العربية تعتبر السودان ده ما فيه شعب بس رئيس وحزب حاكم واغنية واحدة المامبو السوداني. والافريقيين مواقفهم مشرفة وافضل من العرب بي كثير لن يجدي اعادة تدوير الاسلاميين في السودان ابدا في زمن الحركة الشعبية وذى ما قال جون قرنق سودان قديم تاني ما برجع بعد نيفاشا الزمن الضائع الان اسبوعين فقط كما قال مندوب فرنسا في الامم المتحدة ........
اما الفصل السابع او الانتخابات حرة والتصالح مع قطاع الشمال وحل القضايا العالقة مع دولة الجنوب
|
Post: #43
Title: Re: الشيوعيون في زمن الحركة الشعبية
Author: M A Muhagir
Date: 08-08-2012, 01:26 AM
Parent: #5
الاخ عادل سلام ورمضان كريم
Quote: اكبر واروع واجمل نشاط اشتراكي عظيم في تاريخ الانصار..قام به السيد عبدالرحمن المهدي في العصراالذهبي لحزب الامة وانتهى بوفاته |
المعروف ان السيد عبدالرحمن كان اقطاعيا. لذا فاننى مندهش لذكرك لنشاط اشتراكى كان قد قام به
تحياتى
|
Post: #46
Title: Re: الشيوعيون في زمن الحركة الشعبية
Author: adil amin
Date: 08-09-2012, 01:03 PM
Parent: #43
Quote: لمعروف ان السيد عبدالرحمن كان اقطاعيا. لذا فاننى مندهش لذكرك لنشاط اشتراكى كان قد قام به
تحياتى |
الاخ العزيز جدا مهاجر سلام شديد انا كنت دايرك تقرا رسالة الدكتوراة الموثقة في كتاب العرش والمحراب عن السيد عبدالرحمن المهدي في اللنك مع البوست لكن بس نختصر ليك الامر الاقطاع كمرحلة تاريخية في المادية الجدلية ارتبط بالسخرة والاستغلال في اوروبا القديمة ولكن ما حدث في السودان هي ابوية paternalism وليس اقطاع fuadalism وموجود حتى الان في علاقة الشيخ بالمريدين (الزريبة والشيخ البراعي) ولكن شيوعيين السودان امرهم عجيب جاءو بقوالب جاهزة لادانة السيد عبدالرحمن وهسه لو قلت ليك السيد عبدالرحمن كان ليبرالي حتستغرب..ابدا لم يزايد على الدين من 1911 رضى بالامامة في 1946 وعلى مضض ..كان شغال تنمية بس..ثانيا ليه ماثر حميدة على اليسار السوداني وكانت مجالسه حرة في ام درمان وليست صفوية كان شعبي ولم ينصفه احد حتى الان ذى محمود محمد طه وجون قرنق.. صنع حزب الامة ولم يحتكره ابدا وترك العيش لي خبازينو من عبدالله خليل لى الشنقيطي واكتفى بالرعاية فقط وليه ماثر حميدة في الاستقلال شوهتها ايضا بالايدولجية والتفسير الايدولجي السقيم للتاريخ.. مالو لو بقي السودان مملكة تحت التاج البريطاني..على الاقل ما كان حكمتنا الحثالة السياسية وكنا بقينا ذى الامارات وسلطنة عمان..بدل الجمهوريات الملكية العربية التي انتهت الى مذبلة التاريخ الان ونحن وراها..اتحدى يتعمل استفتاء في السودان بين النظام الجمهوري والنظام الملكي ..وتفتح المنابر الحرة ونشوف الشعب يختار شنو؟!!.حتى النظام الخلو البريطانيين كان شبه ملكي بعضوية راس دولة وحكومة برلمانية..كان جيد وشوف هسه وصلنا وين مع (شيخ المصاقيل)
وبدل الانصار الان يبحثو عن مخارج مازومة بسبب حفيده العجيب ارجعو للمدرسة الرحمانية بتاعة هذا الرجل العظيم ليتم بناء حزب الامة باسس جديدة ولازم تقرا كتاب د.الطيب الزاكي العرش والمحراب ولو تشتريه من النت واتواصل يا اخي مشتاقين..التلفون في البروفايل
|
Post: #8
Title: Re: الشيوعيون في زمن الحركة الشعبية
Author: adil amin
Date: 08-04-2012, 01:21 PM
Parent: #1
لماذا يحتفل الشيوعيون باكتوبر؟!!!!!!!!!!!!!!!!!!!!!!!!!!!!!!!!!!!!!!!! طبعا مالات ما بعد ثورة أكتوبر1964 توضح تماما إنها لم تكن ثورة تغيير حقيقية بل إعادة تدوير للنخبة السودانية وإدمان الفشل والمتمثلة في هذا الثالوث(الأزهري/المهدي/الترابي)..وإعادة أوهام الدولة الدينية والتي بدأت بالدستور الإسلامي المزيف ..ومفردة (الشريعة الإسلامية) الخاوية من أي مضمون ..والإساءة لمحمود محمد طه بحد الردة وخزعبلات الفقه العربي الأصفر .ثم التحايل على طرد نواب الحزب الشيوعي السوداني المنتخبين من البرلمان...بتمثيلية اخوانية هزيلة سبق ان جربت في عهد السيد عبد الرحمن 1954 بواسطة إمام مسجد يدعى الغبشاوي وأجهض هذه الفتنة السيد عبد الرحمن بعبقريته الفذة (راجع كتاب العرش والمحراب)..كما سعى الأزهري لزعامة مدى الحياة..هذا العبث بالدستور أدى إلى تقويض الديمقراطية المصابة بالايدز وجاء انقلاب 25 مايو 1969 (الحميد).وأدار نميري المرحلة بعد التحرر من إصر الشيوعيين والقوميين بعد اتفاقية اديس ابابا 1972 بواسطة الجنوبيين الأذكياء والتكنوقراط السوداني الممتاز..وهذا هو العصر الذهبي الذي كادت أن تذهب الانفس عليه حسرات من أهل الفطن في الماضي و حتى ألان.. ونحن نرفل في نعيم سباتنا الايدولجي والانقلاب (الخبيث) للإخوان المسلمين الذي سمى ثورة الانقاذ30 يونيو 1989.قطع الطريق أمام مبادرة السلام السودانية 1988والمؤتمر الوطني الدستوري.والذي يبدو انه فعلا أنقذ أبناء الجنوب من مخازي المركز المزمنة بدفعهم إلى انفصال مشوه يكاد يخلق دولتين فاشلتين في الشمال والجنوب... وارتكب نميري خطاءه التاريخي بما يعرف بالمصالحة الوطنية 1978 ..التي جاءت بالإخوان المسلمين تحت شعار "تمسكن تمكن ثم تفرعن" والأخيرة التي جاءت لاحقا بعد إعادة التدوير الثانية انتفاضة ابريل1985 وفشل الديمقراطية الثالثة لنفس الأسباب والأشخاص واستمرينا نحمل (مشروع الإخوان المسلمين) على ظهرنا كحمار( دبزواي ) من العيار الثقيل حتى ألان باسم(ثورة الانقاذ1989) او المؤتمر الوطني والانقلاب(الخبيث) وراجعوا(سقوط الأقنعة لفتحي الضو) كما ذكرت في صدر المقال اعلاه.. إن محاولة (شيطنة )الفريق عبود الله يرحمه ونظامه تحت زخم الشعارات الغوغائية التي يمتاز بها الشيوعيين والأخوان المسلمين على حد السواء، يكذبها الواقع الآن..تنحى عبود الأخلاقي عن السلطة بأقل خسائر عندما وجد الهتافات الغوغائية(لن تحكمنا حاجة سكينة)..وترك خلفه انجازات تنموية حقيقية ظلت ماثلة حتى الآن في كافة المرافق من سكة حديد ومدارس ومصانع وجسور..إضافة لما تركه الانجليز والسيد عبد الرحمن المهدي من انجازات(الأنصارية الجديدة)..وكان عبود عندما يأتي إلى سوق الخضار يلتف حوله المواطنين ويهتفون(ضيعناك وضعنا معاك يا عبود)..كما اخبرني احد اهلنا الثقاة أن الحزب الشيوعي او مسمي الجبهة المعادية للاستعمار..هي التي أعاقت التوجه الرأسمالي الرشيد في تلك الفترة(المعونة الأمريكية) التي كانت ستجعلنا مثل كوريا الجنوبية أو اليابان..والحزب الشيوعي السوداني كان من أكثر أيتام الاتحاد السوفيتي السابق عداء لأمريكا خارج الاتحاد السوفيتي..وحاربوا مشروع بناء الطرق والبنيات الأساسية الذي اقترحته أمريكا آن ذاك والتعليم الفني والتقني واكتفوا بتسييس العمال والمزارعين في الموجود فقط السكة حديد ومشروع الجزيرة ..بل أن الشيوعيين احتقروا حتى الحركات المسلحة الجنوبية من أمثال انانيا ونعتوها بأدوات الامبريالية(راجع كتاب ابيل الير نقض المواثيق العهود)...وألان حكمة ربك تجد الشيوعيين السودانيين.يتنعمون في نعيم امريكا والغرب والويل فير ويحتفلون بأكتوبر بطريقتهم الممجوجة والغثة والقصائد العصماء المكرورة كل عام دون الاستفادة من الدروس والعبر من الأخطاء المتراكمة.. لان نخبنا المتغطرسة والغارقة في نرجسيتها لا تتعظ من أخطائها ولا تستفيد من تجارب الآخرين..وليس الاحتفال في روسيا او أوكرانيا ما تبقى من جنازة الأمة العظيمة.. وكذلك فعل الإخوان المسلمين السودانيين ولتستمر هذه الشلاقة السودانية الآن (أمريكا قد دنا عذابها) نيابة عن العرب والمسلمين عبر العالم ..نفس ما فعله الشيوعيين في الستينات نيابة عمال العالم وشعوبه المضطهدة... وثالثة الأثافي حالة التشنج العجيبة ( للقوميين) أيضا عندما جاء عبد الناصر إلى السودان مهزوما.سنة1970الى الخرطوم عاصمة أللاءات الثلاث وحملوا سيارته..ولا زلنا نتساءل من حول أحفاد حضارة رماة الحدق العلمية إلى ضفادع بشرية يتندر بها العرب وكائنات غبية وغوغائية ومستلبة إلى هذه الدرجة؟!. ولماذا لا يتحسس العرب آلامنا بنفس القدر والتي شهدها القاصي والداني في دارفور وجنوب كردفان والنيل الأزرق وكجبار والمناصير في عصر العلم والمعلومات ولا يهتمون بالفكر والثقافة والفن السوداني ولا يستضيفون الأكاديميين السودانيين الحقيقيين في فضائياتهم إلا من رحم ربي وهم قلة قليلة..أليس هي المسارات التي حرفت السودان من ثورة أكتوبر المزعومة من1964 في الاتجاه الخاطئ تماما..بدلا أن يكون السودان دولة افريقية محترمة من الكمون ولث مثل غانا وتنزانيا وكوريا الجنوبية والبرازيل.وصديقة مخلصة للعرب والعجم والإفريقيين اختاروا أن يكونوا تابع من الدرجة الثانية إلى جامعة الدول العربية الميتة سريريا وأضحوا مسخاً مشوهاً و دولة فاشلة يتجلى فيها الابتذال في أبشع صوره.. وتتفتت كل يوم وتتساقط أطرافها كمريض الجذام... ونحمل هذا الحمار الدبزواي(الأخوان المسلمين) بشريعته التي لا وجود لها والتي فصلت الجنوب على ظهرنا نحن والنخبة السودانية وإدمان الفشل التي أوصلتنا إلى هذا الهوة التي لا قرار لها..ونتأمل في الربيع العربي المأزوم الذي ليس سوى إعادة تدوير للإخوان المسلمين وشبقهم المقيت للسلطة والتسلط دون طائل جربناه سنة 1964 وسنة 1985 ونظرية "الابتلاءات "و two legs is better than four legs)) في رواية Animal Farmالشهيرة..ونريد إعادة إنتاجه مرة أخرى بعد أن دمرت الإنقاذ أدوات التغيير الثلاث (الجيش/النقابات/الطلاب) منذ أمد بعيد..دون البحث عن أساليب مبتكرة جديدة. تناسب الألفية الجديدة, بعد فشلهم بالهروب من ربيع نيفاشا الانتخابي سنة 2010..وفي هذا الأمر الحديث ذو شجون..
|
Post: #9
Title: Re: الشيوعيون في زمن الحركة الشعبية
Author: adil amin
Date: 08-04-2012, 01:34 PM
Parent: #8
Quote: احتقروا حتى الحركات المسلحة الجنوبية من أمثال انانيا ونعتوها بأدوات الامبريالية(راجع كتاب ابيل الير نقض المواثيق العهود)...وألان حكمة ربك تجد الشيوعيين السودانيين.يتنعمون في نعيم امريكا والغرب والويل فير ويحتفلون بأكتوبر بطريقتهم الممجوجة والغثة والقصائد العصماء المكرورة كل عام دون الاستفادة من الدروس والعبر من الأخطاء المتراكمة.. |
الكيزان والشيوعيين وحزب الامة هي احزاب مركزيةصفوية وهم النخبة السودانية وادمان الفشل كما قال عليهم د.منصور خالد..لم ينجزوا شيئا من الاستقلال الذى لا ليته كان... وكانو مع الحل العسكري لمشكلة الجنوب وقتل الجنوبيين الرخيص ولا يختلف الشيوعيين من الجبهة الوطنية ومخازيها.رغم مطالب الجنوبيين العادلة بالفدرالية انذاك واذا كانت الجبهة الوطنية مسئولةعن محرقة الضعين 1987 فمن المسؤل عن محرقة بابنوسة في بداية السبيعنات؟؟!!
احزاب المركز لها ماضي مشين لا يعرفه الكثيرين من اتبعاها الجدد الان بسبب صغر السن او نقص المعلومات اقراوا كتاب ابيل الير احسن ليكم عشان تتحررو من شنو؟؟؟؟؟ وهم اعجز من ان يدافعو عن انفسهم في ظل منابر حرة مثل هذا المنبر لذلك يعيشون في الجو المشوش الان ويجهضون اي بادرة حل من اديس ابابا تماما كما يفعل كوتار في رواية الطاعون الشهيرة للبير كامو ويعتقدون ان المصادمات العنيفة مع النظام الدموي كافية لاسقاطه ويرجعو بوضع اليد لاعادة انتاج فشلهم المزمن...
|
Post: #10
Title: Re: الشيوعيون في زمن الحركة الشعبية
Author: بدر الدين احمد موسى
Date: 08-04-2012, 06:40 PM
Parent: #9
عادل امين
سلام
نعم كلامك صحيح لان اكب انجازات الحركة الشعبية تقسيم السودان و التوالي مع المؤتمر الوطني و لغف البترول
لعلمك تكاثر عضوية الحركة الشعبية ايام البترول كان للسلطة و الجاه و ليس لاي شئ تاني
جيب لينا انجازات الحركة الشعبية غير الاتي:
1-اشعال حرب في السودان راح ضحيتها مليون سوداني من ١٩٨٣ لغاية توقيع نيفاشا 2-مشاركة المؤتمر الوطني في الحكم و اقصاء الحركة الوطنية لشئ في نفس قادتها من قرنق الي سلفاكير 3-تقسيم السودان لتظفر بالحكم في الجنوب و تنشئ ديكتاتورية هناك و حكومة عاجزة عن سد كل متطلبات المواطن
4-حرب جديدة من ٢٠١٠ فقط من اجل مقعدي الوالي في جنوب كردفان و جنوب النيل الازرق و ضحاياها حتي الان الوف الناس
وين انجازات الحركة يا عادل, غير ديل?
|
Post: #11
Title: Re: الشيوعيون في زمن الحركة الشعبية
Author: Elbagir Osman
Date: 08-04-2012, 07:25 PM
Parent: #10
Quote: نعم كلامك صحيح لان اكب انجازات الحركة الشعبية تقسيم السودان و التوالي مع المؤتمر الوطني و لغف البترول
لعلمك تكاثر عضوية الحركة الشعبية ايام البترول كان للسلطة و الجاه و ليس لاي شئ تاني
جيب لينا انجازات الحركة الشعبية غير الاتي:
1-اشعال حرب في السودان راح ضحيتها مليون سوداني من 1983 لغاية توقيع نيفاشا 2-مشاركة المؤتمر الوطني في الحكم و اقصاء الحركة الوطنية لشئ في نفس قادتها من قرنق الي سلفاكير 3-تقسيم السودان لتظفر بالحكم في الجنوب و تنشئ ديكتاتورية هناك و حكومة عاجزة عن سد كل متطلبات المواطن
4-حرب جديدة من 2010 فقط من اجل مقعدي الوالي في جنوب كردفان و جنوب النيل الازرق و ضحاياها حتي الان الوف الناس
وين انجازات الحركة يا عادل, غير ديل? |
المؤتمر الوطني يكتب..!!
الباقر موسى
|
Post: #12
Title: Re: الشيوعيون في زمن الحركة الشعبية
Author: ثروت سوار الدهب
Date: 08-04-2012, 07:31 PM
Parent: #11
نقطة اعتراض منهجي
Quote: 4- منهم من تقوقع مع اهل القبلة والجبهة الوطنية الرجعية المرتبطة بالاستعمار(حزب الامة+ المؤتمر الشعبي) |
دائما ما تسقظ الإتحادي الديمقراطي من التوصيف السلبق! سلامات عادل امين
|
Post: #13
Title: Re: الشيوعيون في زمن الحركة الشعبية
Author: بدر الدين احمد موسى
Date: 08-05-2012, 03:29 AM
Parent: #12
الباقر عثمان
الحقائق تفند بالحقائق ليس بمثل ما فعلت.
عليك ان تفند النقاط التي كتبتها انا و تثبت انها مجافية للحقيقة, او كان ارحم ليك تسكت . المهاترات لن تمحي الحقائق!
ليه بحرقكم لما الواحد يقول ليكم الحقيقة, لكنكم تعطون انفسكم حق مصادرة حق حزب كامل في الوجود عشان ترثوه انتم?
نحن باقون و نحن الانفع للسودان و السودانيين!
|
Post: #14
Title: Re: الشيوعيون في زمن الحركة الشعبية
Author: خالد حاكم
Date: 08-05-2012, 03:56 AM
Parent: #13
Quote: نحن الانفع للسودان و السودانيين! |
بدرالدين سلامات
ده كلام شنو ده؟
هل تصدق النرجسية دى سبب من اسباب كرهى للكيزان !
|
Post: #15
Title: Re: الشيوعيون في زمن الحركة الشعبية
Author: بدر الدين احمد موسى
Date: 08-05-2012, 04:07 AM
Parent: #14
خالد حاكم
هل قريت الكلام المكتوب في البوست كله?
الا تجد ان فحوى علام عادل امين ان الحركة الشعبية انفع و على الشيوعيين اما ان يلتحقوا بها او سيكونون دراويش في الاحزاب التقليدية.
ياخ احكم بالعدل و اقرأ الكلام في سياقه.
تحياتي!
|
Post: #16
Title: Re: الشيوعيون في زمن الحركة الشعبية
Author: خالد حاكم
Date: 08-05-2012, 04:39 AM
Parent: #15
بدرالدين
قريت كلام عادل امين للنهاية وتركت الرد للمعنين بالامر , لكن كلامك الاقتبسته فوق ده ما عجبنى !
كان ممكن تقول ( نحن حزب قديم ليهو تاريخ وليهو جماهير وليهو برنامج ولم ولن نكن جزء من اى حزب او جسم اخر مهما كانت الظروف ) فى وجهة نظرى كان ممكن يكون ده الرد المناسب او كلام من هذا القبيل لعادل امين , لكن تقول لى ( نحن الانفع للسودان والسودانين ) كانك عايز تقول ما فى غيرنا انفع للسودان والسودانين فى الساحة السياسية وده كلام نرجسى فى وجهة نظرى ايضا و مافى زول سبقك عليهو غير الكيزان !
|
Post: #17
Title: Re: الشيوعيون في زمن الحركة الشعبية
Author: بدر الدين احمد موسى
Date: 08-05-2012, 04:59 AM
Parent: #16
خالد حاكم تحياتي مرة اخرى
يا خالد, اذا كان هناك اي حزب لا يعتقد انه الانفع فاعرف ذلك الحزب ميت. الحزب الشيوعي قدم برنامج لحل قضايا الشعب السوداني لم يقدم اي حزب اخر في السودان مثله و لا حتى واحد من الف مثله و لنا الحق في الحديث عن برنامجنا كأنفع برنامج للسودان. الحكاية ما حكاية تواضع هنا يا خالد, اذا لم تتحدث عن انجازاتك و عن برامجك و عن حقك في الوجود بلغة الواثق, فانت تقصر في حقك و تقدم السبق لمنافسيك على طبق سكوتك و تواضعك. زي ما انت شايف, محاولة عادل هي محاولة لتسويق الحركة الشعبية ليس فقط على حساب الحزب الشيوعي. بل على حساب وجود الحزب الشيوعي. و هو يحاول تخذيل عضوية الحزب و يحاول ان يطرح الحركة الشعبية كبديل عن الحزب ليس للشعب السوداني, بل لاعضاء الحزب انفسهم! لن امنعه, و لن يستطيع احد منعه, و لكن لي الحق في مساءلة انجازات الحركة الشعبية و اذا لزم مقارنتها بانجازات الحزب الشيوعي و اثبت له ان الحزب الشيوعي هو الانفع للشعب السوداني. الحزب الشيوعي السوداني هو العمود الفقري للديمقراطية في السودان و نفخر بذلك و انا شخصيا بتنبر بذلك!
|
Post: #22
Title: Re: الشيوعيون في زمن الحركة الشعبية
Author: adil amin
Date: 08-05-2012, 12:37 PM
Parent: #17
Quote: زي ما انت شايف, محاولة عادل هي محاولة لتسويق الحركة الشعبية ليس فقط على حساب الحزب الشيوعي. بل على حساب وجود الحزب الشيوعي. و هو يحاول تخذيل عضوية الحزب و يحاول ان يطرح الحركة الشعبية كبديل عن الحزب ليس للشعب السوداني, بل لاعضاء الحزب انفسهم! |
انا بحاول اشخص ازمة الحزب الشيوعي الفكرية و لماذا تخلى حزب اشتراكي عن فكره اليساري العلماني ومشى قعد مع اليمين الرجعي الذى دمر السودان في حين انه المكان الطبيعي له ان يشكل جبهة اشتراكية مع الاحزاب البتشبهو في السودان لكن الواضح ان شوفينية الحزب بسبب النشئة في بيئة عربية مصر وانتقاله الى السودان جاء بنفس نرجسية الكيزان البغيضة كما قال حاكم
ونحن عارفين ومن زمان الكيزان والشيوعيين وجهين لعملة واحدة والحركة ما عايزة تسويق ..عايزة سودانيين اذكياء وملتزمين بقضية السودان الجوهرية وانتشرت في وقت وجيز رغم محا ولات الخنق من الحزب الحاكم والتشويش والاراجيف من احزاب السودان القديم في كل السودان و الكويس انضمت لهم اخيرا حركات دارفور في علامة عافية تماما .بعد ضقلو بيهم في الدوحة لامن فتروا.. اقرا مقال صدام البايسون اعلاه..ليقرب لكل الصورة.
|
Post: #23
Title: Re: الشيوعيون في زمن الحركة الشعبية
Author: adil amin
Date: 08-05-2012, 12:43 PM
Parent: #22
ولمن نقول الكيزان والشيوعيين وجهين لعملة واحدة عشان ما زول يزعل فاليقارن بين مالات الكثير من اعضا ء الحزب الشيوعي الدور المخزي الذى يقوم به حائك فرعون في سفارة لندن خالد المبارك هم نفس الدور الذى كان يقوم به الاخو المسلم عبدالوهاب الافندي زمن التكمين وحروب الجهاد والفصل والتشريد للصالح العام ولا زال يكتب بتبجح في القدس العربي لو كان اكاديمي ومحترم كان بقى جمهوري من زمان بدل تجميل الشمطاء والاسلاميين عبر العالم..
|
Post: #21
Title: Re: الشيوعيون في زمن الحركة الشعبية
Author: adil amin
Date: 08-05-2012, 12:28 PM
Parent: #16
نحن الانفع للسودان و السودانيين! اخى بدر الدين الكلام ده سنة 2012 ما بنفع انتهى عصر الوصاية على الشعوب وعبر هذا البورد...اتحدى المؤتمر الوطني والمؤتمر الشعبي وحزب الامة والحزب الشيوعي...لمنازلة قطاع الشمال الاجمل والاروع والافضل والاحزاب السودانية الجديدة المسجلة (95حزب) والليلة قبل بكره وانتخابات مبكرة ثلاث شهور على الاكثر الغاء والولايات الكثيرة والمسيخة دي بعد اعادة الاقاليم الخمسة القديمة في حدود 1956 لمن كانت مديريات واجراء انتخابات حرة ونزيهة وعادلة وباشراف تام للامم المتحدة من التسجيل للناخبين الى فرز النتيجة وللبطاقات النيفاشية 9و10و11و12 لتحديد حاكم اقليم وحكومات اقاليم بعد داك كان فاز واحد من الاربعة اعلاه في الهامش الثاني(الاقاليم) تعال هنا في البورد ده اعلن احتفالاتك وساوي الى جبل يعصمنى من الماء اما خرطومكم دي..عودنا فيها عود مرة..هى سبب البلاوي في كل السودان
|
Post: #24
Title: Re: الشيوعيون في زمن الحركة الشعبية
Author: adil amin
Date: 08-05-2012, 12:47 PM
Parent: #16
Quote: قريت كلام عادل امين للنهاية |
وتركت الرد للمعنين بالامر, لكن كلامك الاقتبسته فوق ده ما عجبنى !
|
اخي العزيز حاكم رمضان كريم ويسمع الله منك ويجي المعنيين عشان نعرف هم لحدي هسه شيوعيين لي شنو؟؟ ويجيبو معاهم ناس ماؤى العجزة ديل من مؤتمر شعبي وحزب امة وغيره من احزاب المركز
|