Post: #1 Title: المشروع الحضارى وزي السباحة الاسلامى؟ يا هيئة علماء الدين هاكم صورة Author: محمد زكريا Date: 08-02-2012, 08:02 PM
موضوع اثارة الزميل هشام هبانى السباحة السودانية ( محاسن النور) في اولمبياد لندن!! فعلاً دار السؤال وجال فى اذهان الكثيرين ترى كيف ستسبح محاسن النور فى تمثيل السودان فى الاولمبياد؟ وبمشاركة الوفد الحكومى الرسمى
الصورة هذه للسباحة ندى محمد المشاركة من دولة قطر حيث قناة الجزيرة اوالقرضاوى الذين يدعمون الاسلاميين؟؟
وفى السودان تجلد لبنى واخواتها فى ارتداء بنطال؟؟؟ موضوع عجيب وتصوم رجب تشوف عجب
. وكل التشجيع والتضامن مع بطلتنا القوميه للسباحة محاسن النور بالتوفيث والنجاح والحصول على ميدالية ذهبية
Post: #2 Title: Re: المشروع الحضارى وزي السباحة الاسلامى؟ يا هيئة علماء الدين هاكم صور Author: محمد زكريا Date: 08-02-2012, 08:05 PM Parent: #1
وكمان هاكم الفيديو ده هديه
Post: #3 Title: Re: المشروع الحضارى وزي السباحة الاسلامى؟ يا هيئة علماء الدين هاكم صور Author: محمد زكريا Date: 08-02-2012, 08:16 PM Parent: #2
وديل بطلاتنا البمثلوا سوداننا فى المحافل الرياضيه فى الخارج بالجد هن ابطال ولهن كل التحية والتقدير
عندكم كلام؟ عندكم رأى؟
اها نرجع للمشروع الحضارى والازياء التى قلتم يجب ان تجلد المرأة اذا اردتها وبالقانون؟
Post: #4 Title: Re: المشروع الحضارى وزي السباحة الاسلامى؟ يا هيئة علماء الدين هاكم صور Author: محمد زكريا Date: 08-02-2012, 09:47 PM Parent: #3
لاعبة الجودو السعودية وجدان شهرحانى المشاركة فى اولمبياد لندن تواجه الابعاد من المشاركة بسبب الحجاب
------------------- اما مواطنتها السعودية سارة عامرعطار التى ولدت و عاشت فى امريكا ستشارك فى الاولمبياد (بكل اريحيه) فى سباق ال 800 جرى سيدات
ا
Quote: وأضافت سارة: "لا شك لدي في أن مشاركتي في هذه الدورة الأولمبية ستساهم في رفع مشاركة السيدات بصفة عامة في المناشط الرياضية، وآمل كل خير للسيدات، وآمل لهم التقدم بخطى ثابتة في الدورات الأولمبية والرياضة عموما".
ما رأى الوهابيون والسلفيون؟
------------------------
ناس الكويت الظاهر ما عندهم ايييييييييييييييييييييييييييييييتها مشكلاتكهى نهى محبتكى
ولا حرج فى الرياضة
Post: #5 Title: Re: المشروع الحضارى وزي السباحة الاسلامى؟ يا هيئة علماء الدين هاكم صور Author: خضر الطيب Date: 08-02-2012, 10:01 PM Parent: #4
محمد زكريا يافنان
رمضان كريم
خلاص فطرتو قمتو تجيبو لينا فى البجبوج دا ؟
اكيد ساره دى مـــــــــــــــاجاده
والوهابيين ماحيقدروا يقولوا حاجه ياكلو تبن بس .. والله صحى
دا عهد الملك عبد الله والاجر على الله
Post: #8 Title: Re: المشروع الحضارى وزي السباحة الاسلامى؟ يا هيئة علماء الدين هاكم صور Author: محمد زكريا Date: 08-02-2012, 11:02 PM Parent: #5
Quote: خضر الطيب محمد زكريا يافنان
رمضان كريم
خلاص فطرتو قمتو تجيبو لينا فى البجبوج دا ؟
اكيد ساره دى مـــــــــــــــاجاده
والوهابيين ماحيقدروا يقولوا حاجه ياكلو تبن بس .. والله صحى
دا عهد الملك عبد الله والاجر على الله
يا خضر يا رائع ياخ ابتلت العروق وذهب الظماء وثبت الاجر ان شاءالله التبجبج ده شنو كمان؟ طيب ومالو ما نتبجبج شويه امال انت كنشفت نرويجياتنا شن بسون فى الصيف ابو 19 درجة حقّو نخلي التبجبج لناس 51 فهرنهايت
سارة يا عمك لا شافت ناس هيئة ولا ناس هى لله عشان كده ماخدى راحتها ع الاخر الله يخليها لامها وابوها ووطنها وتجيب ميداليات الذهب
شكراً ع المرور يا حبّة
============ ولا حرج بعض الفطور........ولا مو كدى؟
Post: #6 Title: Re: المشروع الحضارى وزي السباحة الاسلامى؟ يا هيئة علماء الدين هاكم صور Author: Abureesh Date: 08-02-2012, 10:02 PM Parent: #4
يا الله يا محمد زكريـا ياخ..
خليهم يتناقضـوا ياخى.. أخيـر من يتوحدوا فى الهوس والتطرف.. ما سمعت بتنميـة الإيجابيات؟
العالم دى لحدى ما تكسـح خليهم يسلكوا أخف الضررين بل مطلوب تشجيعهم للمزيـد من الإعتدال. هسـى خايف يقروا كلامك دا يقوموا يتجوعلوا ويعيدوا الوفد للخرطوم.. اها الخسـران منو؟
المال تلتو ولا كتلتو.. لو نحنا جادين فى التغيير مفروض نرحب بأى شئ فى إتجاه (رأينا نحن)
ما دايرين نكسب نقاط فى نقاش داير.. دايرين نطور البلـد.
Post: #7 Title: Re: المشروع الحضارى وزي السباحة الاسلامى؟ يا هيئة علماء الدين هاكم صور Author: محمد زكريا Date: 08-02-2012, 10:19 PM Parent: #6
السعودية دلما رشدى يفترض ان تشارك فى الفروسية الا ان حصانها اصيب واستبعدت من المشاركة
مافى اى مشكلة .......قالت ستشارك فى ريودى جانيرو 2016........ان شاءالله
Post: #9 Title: Re: المشروع الحضارى وزي السباحة الاسلامى؟ يا هيئة علماء الدين هاكم صور Author: محمد زكريا Date: 08-02-2012, 11:49 PM Parent: #7
حقنا ولالوبنا النعتز بيهو ونغتخر ست الاسم زاتا محاسن النور
ح تسبح يوم الجمعة الساعة عشرة صباحاً بتوقيت لندن سباق ال 50 متر والداير يمشى يحضر (يتفرج) تعال هنا
وعليكم بحديث ابن مسعود في الصحيحين قال صلى الله عليه وسلم: [يا معشر الشباب، من استطاع الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم، فإنه له وجاء].
وتصوموا تصحوا
========== يا سلاااااااااام ياخ والله اتذكرت السباحة فى البيتش وراء المعرض فى برى وتحت كبرى كوبر ومسبح البركس الفى الحدود مع الخرطوم التجارية كنّا بنعوم اولاد وبنات عاااااااااادى زى المافى حاجة
