المتامل لهذه الصورة والصورة اللاحقة قد يظن ومنذ الاولي بان هذا الكبري قد تم ضربه بالماجنيق الدناميت حتي يدمر خرصانته و طبقات تربته في نواحي الطريق الماري به الكبري..
ولكن بنظرة خفيفة ستجد بان الكرااااااااااك ده كرااااااااك سيستمتك ويمكن ملاحظة اثر الردميات وطبقات التربة التي تم دفسها بطريقة القطر قااااااام الشهيرة تلك في واحدة اكبر الفضائح الانقاذية التي تحدثنا عن السبهللية والتسيب في اضاعة موارد البلاد والعباد
والله ياقوم يا سوداني يا فضل الواحد ما عارف يقول شنو زاااااتو ولا ينضم في شنو ولا شنو..؟؟ لانو الصورتين اعلاه دلالة ونموذج لحالة متاخرة جدا والخلل وانعدام الضمير المهني فيهن واااضح وضوح الشمس ولا يحتاج الي خبير اجنبي حتي يفتي بصورة منهجية علمية مدروسة وهندسية تراب ردميات لو فتشت كويس بتلقي سمكو متر ونيف ومندلة يبدو جليا بانها القطار قااااااااام اختبارات تربة يبدو بان تلك الردميات شافتو كشنة مهندس منفذ كرور وستين الف كرور وخالي ضميرك استشاري ان وجد فهو حرااااااامي وذمتو اوسع من الوساعةالمحطة القبل كوستي الشركة المنفذة والشركة الاستشارية برضهن حراميات وعابثات بموارد هذا الشعب الفضل وحرامية كبار سلطة هندسية محلية كرور وستين كرور سلطة هند سية اتحادية كرور تربيع نق باي تربيع حكومة وسلطة مورجغة ومدغمسة وعابثة بالارواح والمعدات وبالهندسة وعابثة باشواق الغلابة للتنمية وعابثة بكل انساني جميل
Quote: الوجعة انه مافى زول مهتم يموت من يموت ويموت تانى من يموت ياكيكى وحات الله بقى يجينى وجع فى الروح من جنس الحالة البنشوفيها دى
نعم يا سلمي والموت اصبح يتفنن في شعبنا والموتمر الوطني يختار ليهو كل الفنون والجنون من رصاص ومن انتنوف ومن بمبان ومن كباري ومن جسسسسسور وبلغ السيل الزبي يا سلمي والحال اصبح لايطاق الطاغوت لا يبالي حتي وان مات السودان بموجوداته بما فيها انسانه الجميل.... ووجع الروح سكن الجوف واتوهط يا صديقتي الجميلة سكن الجوف واتوهط واطفال مدارسنا يحصدهم رصاص البشير وعسكره اللئيم ولنا الله يا سلمي ومثابرة بثورة حتما ستاتي ...حتما ستاتي وان طال السفر
ــــــــــــــــــــــــــــــــ كريم رمضانك زيك ياخ ... سلام .. ولما وقع بحمولتو ؟ ولا كان فاضى بستر الرب؟
Post: #12 Title: Re: انعل ابو الفولنج داون زااااتو....!!! Author: أمين محمد سليمان Date: 08-02-2012, 07:56 PM Parent: #10
يا باش ... سلام
Quote: لانو الصورتين اعلاه دلالة ونموذج لحالة متاخرة جدا والخلل وانعدام الضمير المهني فيهن واااضح وضوح الشمس ولا يحتاج الي خبير اجنبي حتي يفتي بصورة منهجية علمية مدروسة وهندسية تراب ردميات لو فتشت كويس بتلقي سمكو متر ونيف
يا كريم ياخي أنظر للنصف المليان من البتاع .... الكراك ده لو إجتمع عليه مهندسي الانس و الجن ما بزبطو كده !!
ياااااااااا والله زمان من نغمة ملاسي المميزة(فالج والج) او كما كنت اسميها ذات حروب اسفيرية رفعت عنها البندقية الان الي حين اشعار اخر
--------------------- الكبري يا دينا البتهردم زي الهردمة القدامنا دي ما بكون في حسابات دقيقة للحمولة بتاعتو لانو اساسا ما مشيد تبع القوانين والخطوات الهندسية اللازمة فقانونه هو (الورجغة) وكلو غلط في غلط في لبع في بلع
Quote: يا كريم ياخي أنظر للنصف المليان من البتاع .... الكراك ده لو إجتمع عليه مهندسي الانس و الجن ما بزبطو كده !!
هلا يانوتة ورمضانك كريم وفعلا اياامين فلنعتبر ان الدولة الرسالية القاصدة...قاصدة وهي في خواتيم ايامها تقدم للعالم اجمع درس من دروسها الحضارية في (كيفية وقوع الكباري والجسور) حتي يرعوي اليهود والنصاري يعرفوا باننا (وقيييييييعين جدا) وممكن نوقع اي جسر في نواحي تل ابيب ونواجي كلفورنيا بمطرة 10 ملمتر ونيف
--
وهذا زمان المهازل والوجع يا نوتا ,... وجع ووجيعة ياااااااخ
filling materailslayers which doesnot match the specifications
اوووووووووه سيادها جووو علم وهندسة ورياضة واسمح لي يا ابو خليل اجعرررررررررررررر في البوست ده وانا اقول مامعقول ياااخ بلد درس فيها هجو وزروق درسو جيوش من الاذكياء النابهين تحصل فيها زي الورجغة والدغمسة والفضائح الهندسية القبيحة المنظر والمخبر
Quote: قولد في عينكم ....ياخي ديل تراب وحديد وأسمنتي سرقوهو ....شوفو حتة تانية غنو فيها غناكم ده ...
ياسسسسسلام يا ابراهيم يااخ نتمني ان ياتي اليوم الذي يغني فيهو صغار السودان اغنية (قضارف برتش اذ فولنج داوون) كغناوي من الزمن القابر الكالح يحدث الاطفال عن المخزي من تاريخ السودان السياسي والهندسي
والله لينا من قولد الخواجات ونحن تحت هكذا سلطة مورجغة وحرامية
المؤلم إنه حتى الآن يوجد (سودانيون) عندهم قناعة أو وهم بأن الإنقاذ هذه تستحق مجرد نظرة ... ويوجد آخرون ما زالوا يرددون ببغائية .. (البديل منـو) ؟
عربة بوكس تسقط رأسيا في حفرة التوماهوك هذه ومواطنين أثنين يلقون حتفهم مصدقين ضمانات الهندسة الحرامية هذه ال######ـة التي ألحقت هذا الجسر بجسر المسلمية غرب الحصاحيصا والذي قال فيه زميلنا المجمر ما قال مالك في الخمر
إذا لم يكن هذا هو الإفساد في الأرض فكيف يكون الإفساد في الأرض إذا لم يكن هذا هو إهلاك الحرث والنسل فكيف يكون ؟ .. (والله لا يحب الفساد .. الآية)
المؤلم أكثر أن يأتي (كذاب أشر) ويقول لك أن هذه (إبتلاءات ..)
Quote: المؤلم إنه حتى الآن يوجد (سودانيون) عندهم قناعة أو وهم بأن الإنقاذ هذه تستحق مجرد نظرة ... ويوجد آخرون ما زالوا يرددون ببغائية .. (البديل منـو) ؟
نعم يا احمد وهذه اكثر الاشيا ء ايلاما ووجيع فاي سوداني ينظر حوله سيجد التصدع والانهيار في كل شي حوله وسيجد بانه هذه العصابة تقود بجهل وتخلف وسبق اصرار وترصد الي هلاكه هو شخصيا بعدما اهلكت كل شي حوله من ذرع وضرع واقتصاد وقفة ملاح وعلاج وتعليم وشوارع وفساد سلطاني لا يحتاج الي نظارة لكي يري... فالحال يا صديقي اصبح بائن حتي للذبن في عينهم صمم من التغبيش الشديد المفاجي الذي مارسته هذه العصابة طيلة ال23 سنة ونيف
Quote: اختبارات تربة يبدو بان تلك الردميات شافتو كشنة
الإنقاذ قالت ليكم ألزموا الجوامع ابيتو وقعتدوا يوم مظاهرات في نيالا ويوم في الديم ويوم في الصحافات ويوم في وين كدة ما عارف قالت وبما انها ولية أمركم ان تفتح لكم أبواب الاستشهاد ولهذا تدغمس في الكباري وغيرها لتسهيل الموت الجماعي ولهذا لا داعي لاختبارات التربة وغيرها لان هذا من أفعال الذين يريدون الدنيا وهذه كباري للآخرة فهمتو ولا أجيب الفهامة واجيكم
انهيار كبري شارع الحمرة بالقضارف ووفاة شخصين على الأقل تسببت أمطار أمس الأربعاء في انهيار الكبري بشارع ود الحليو والحمرة مما أدى إلى وفاة شخصين على الأقل أحدهما سقط بموتره داخل الخور والآخر كان داخل عربة بوكس سقطت رأسيا داخل الخور العميق ، وقد قام أحد الناجين بدور بطولي بإيقافه كل العربات القادمة لتعبر الكبري إذ أن الكبري المنهار لم يكن مرئيا لسائقي العربات . جدير بالذكر أن انهيار الكبري الذي شيدته شركة دانفوديو التابعة لجهاز الأمن سيتسبب ـ إلى حين ـ في عرقلة العمل بخزان أعالي عطبرة وسيتيت إذ أنه المعبر الوحيد للشاحنات من وإلى الخزان
Quote: الإنقاذ قالت ليكم ألزموا الجوامع ابيتو وقعتدوا يوم مظاهرات في نيالا ويوم في الديم ويوم في الصحافات ويوم في وين كدة ما عارف قالت وبما انها ولية أمركم ان تفتح لكم أبواب الاستشهاد ولهذا تدغمس في الكباري وغيرها لتسهيل الموت الجماعي ولهذا لا داعي لاختبارات التربة وغيرها لان هذا من أفعال الذين يريدون الدنيا وهذه كباري للآخرة فهمتو ولا أجيب الفهامة واجيكم
هلا يا الزبير وفعلا احنا شعب راسو مدوقس وقوووووووووي وما بسمع كلامات ولي الامر منا وايضا ماقاعدين نسمع كلامات المولانات ناس عبدالحي يوسف ومن لف لفه في ضرورة عدم الخروج علي السلطان ولكن نسوي شنو ياااخ انه شعب يعشق التمباك عشان كده لابد من دق رقبته بكل السبل الكيزانية الممكنة
وبعدين هي الكباري دي بتاعتنا .. ما كلها تمويل اجبني ... ما تغرق .... ما تتنيل وهي الحكومة حيودوها السجن عشان شيكات طايره ..... وايه يعني كوبري كوبريين ....ما الشعب السوداني الحقو راح وعرضو فاح ... كلو ...واقع ما اهي من عمارات الشرطة ... لكوبري الحصاحيصا ....وكوبري القضارف كلها نامت علي جنبة .... في داعي نعمل مناحة علي حبتين طوب واسمنت وطبعا من باب الوطن والمواطنة ..العارف يكلم الما عارف ....الحكاية كلها مؤامرات صهيونية ...وتمويل اجنبي
طبقـة الاسفلت التقول المهندس كان يحلق بيها دقنو، واللا عاسهـا فى دوكـة
رأيك شنو؟ دا حالو بدون وضـو
يا كيكى إنتو بتعملوا شنو برة ياخ.. بلدا ما فيها تمسـاح يقدل فيها الورر. الناس ديل جهلة لا يعرفون شيئـا.. فإلى متى نقعد نصحح ليهم الإنشاء. وفى رأيى لو قدمنا السياسـة على الإقتصاد اليوم فسوف نقدمها عليه دائما، وهـذا سـر الفشل التنموى فى العهود الديمقراطية. المال تلتو ولا كتلتو.
ولو تقبل التحدى.. دولار دولار.. من مكان قاعد هنا امشى حمد الطبية وقابل البشير قول ليه ماشى السودان وعايز امسك إدارة الطرق والكبارى، على شرط مافى قرد من ناس المؤتمر الوطنى يتحكم فى شغلى او حتى يراجع سياساتى.. وشوف الجعلى دا لو ما ساقك معاه فى الطيارة..
الطريق من سنة 2008 لم يكتمل وتم تغير مسار الطريق عدة مرات
هلا يا عوج والمهندس ده في دولة تحترم مواطنيها وفيها قوانين مهنية وجنائية واضحة مفروض يترمي في السجن وما يدقها كمهندس تاني لو ثبت وبالدليل القاطع بانه من اشرف علي مثل هذه الورجغة
تحياتي وتقديري استاذنا محمد وانا كنت قاصدFalling ولكن التاني الجبتها انت دي لقت صدي في نفسي وحقو برضو نلصقها مرادفة لعنوان البوست حتي يتم قرايته من كل الزوايا التي تلعن هذه السلطة الي خربت كل الاشياء
والديون الربوية التي اوجدت لكي تحل الفراغ التمويلي بعدما تم تلهط قروش البترول سيدفعها هذا الشعب من عرق جبينه ومهما طال الزمان
هي احوال مزرية يا استاذي وواقع سوداني ملي الالم وسطوة الضباع والفساد الواضح وضوح الشمس
طبقـة الاسفلت التقول المهندس كان يحلق بيها دقنو، واللا عاسهـا فى دوكـة
رأيك شنو؟ دا حالو بدون وضـو
يا كيكى إنتو بتعملوا شنو برة ياخ.. بلدا ما فيها تمسـاح يقدل فيها الورر. الناس ديل جهلة لا يعرفون شيئـا.. فإلى متى نقعد نصحح ليهم الإنشاء. وفى رأيى لو قدمنا السياسـة على الإقتصاد اليوم فسوف نقدمها عليه دائما، وهـذا سـر الفشل التنموى فى العهود الديمقراطية. المال تلتو ولا كتلتو.
ولو تقبل التحدى.. دولار دولار.. من مكان قاعد هنا امشى حمد الطبية وقابل البشير قول ليه ماشى السودان وعايز امسك إدارة الطرق والكبارى، على شرط مافى قرد من ناس المؤتمر الوطنى يتحكم فى شغلى او حتى يراجع سياساتى.. وشوف الجعلى دا لو ما ساقك معاه فى الطيارة..
أها رأيك شنو والناس ديل شاهدين.
هلا يا ابو الريش ومشتاقين يااخ وكدي خليني ابدا ليك بحكاية المشي والشغل في السودان الفضل والمشية لصديقي بشة في نواحي حمد ما بنفع يا صديقي والسيستم كلو خربان والعمل للتغيير في ظل سلطة ليها ازرعها الانتهازية والمتخلفة المتغلغلة في كل اجسام الدولة فان العمل معهم لاحداث نغيير جذري هو ضرب من ضروب الخيال وضياع زمن ساااكت والقصة يا ابو الريش اعتقد بانها تحتاج لمراجعة شاملة لكل النظام ونظم العمل الهندسي حيث الكفاءة والمعايير والشفافية وعييييييييييييك وبشة ونظامه ما ناس زي ما انت عارف بتاعين حاجة زي دي ....والله بينو وبينو ياااخ الزول كتال الضمم ده يا ابو الريش ومتي ما كان السودان حرا طليقا سياتي الالوف من المهندسين من الداخل والخارج وسنساهم من اجل وطن به تنمية ووعي هندسي متقدم بكل حماس ومثابرة --------------------
التراب الفوق الجسر يا ابو الريش (شالتو) الموية وجرت بيهو واساسا هو تراب ردميات فوووق المجري الخرصاني المشيد في مجري مائي يمربه الطريق وهذا التراب وفي هذه المنطقة بالذات يفترض ان يكون متماسك وفي شكل طيفات سمكها لا يزيد عن 25 سم يتم التعامل معه بمدنلة مدنكلة وعمل اختبارات للمدنكلة للتربة مابين كل طبقة والثانية - وفي الغالب هذه المنطقة وقبل المطرة بكون حصل فيها (هبوط)(اشارة كان يمكن التعامل معاها لو كانت هنالك رقابة للطريق) لانو وكما يبدو جليا الردميات معمولة القطر القام(كب تراااب ومدنل مدنلة كشا مشا ثم تراب اخر وهكذا)
Post: #41 Title: Re: انعل ابو الفولنج داون زااااتو....!!! Author: أحمد الشايقي Date: 08-03-2012, 09:58 AM Parent: #39
مشكلة أخرى ياكيكي,
من الواضح لي ( .. بالنظر .. ودي تكنولوجيا دفاعية رسمية ..) أن الجسر الخرساني المبني في أسفل الصورة لم يوافق مجرى السيل وإلا لكانت المياه تدفقت من داخله دون أن تحدث الأضرار كما أنه ليس كافياً لاستيعاب المياه كذلك وكلها أخطاء في الحسابات .. فضحها الخريف .. لا بد من محاسبة مرتكبيها طال الزمن أو قصر هي ابتلاءات في النهاية .. ابتلاءاتنا نحن بأمثال هؤلاء ..
Post: #43 Title: Re: انعل ابو الفولنج داون زااااتو....!!! Author: عبدالكريم الامين احمد Date: 08-03-2012, 11:46 AM Parent: #42
فيديو اخراج البوكسي من الكبري المتهردم
Post: #44 Title: Re: انعل ابو الفولنج داون زااااتو....!!! Author: عبدالكريم الامين احمد Date: 08-03-2012, 11:59 AM Parent: #43
Quote: وانت جاي من المركز ماشي على الهامش
هلا ياعمك اضحكتني ياعمك فنحن مقياس الزيت بتاعنا طبعا من الهامش منطلقين وكل القوي الخرطوم جوووه
-------------
Quote: رمضان كريم يا هندسة بالله شوف صياغة الخبر ذاتها يعني في النهاية قدر من الله لا مواد مغشوشة ولا مهندسين فاشلين وللإنقاذ في غشها شئون
رمضان كريم يا عبدالمنعم وفعلا خطاب موجهه ومدروس ومختوت بعناية فايقة حتي تستمر دورات التغبيش وتغتغة الفشل والتنصل من كل جريمة واخري الاختفاء خلف الرب وهي وكما يبدو استراتجية دفاعية جديدة تنافس استراتجية الدفاع بالنظر عن ابو ريالة
Quote: نفق عفراء و عدم تصميم نظام الي لتصريف مياه الامطار ..... مثلا. الصورة الفوق دي من سنة 2009 و نحن اسه في 2012 و ما زال الوضع علي ما هو عليه.
تحياتي يا ناصر ورمضان كريم ونعم نفس الاخطاء متواجدة وظهرت في عفرا ء ومنذ 2009 وطبعا لانو الهم عند بني ورجغة المشروع في انطلاقه ويتم لهظه ثم تشييده علي طريقة القطر القام ثم حضور بشة للرقيص والجبجبة في الافتتاح ثم يترك المشروع لكي يساهم في دورات القتل والفشل بهارموني مع كل الاشيا ء الانقاذية وليس هنالك اهتمام بدورة الخطوات الاساسية لصناعة مشروع ناجح ومميز من نواحي التصميم التنفيذ الاشراف المراقبة الصيانة
Quote: من الواضح لي ( .. بالنظر .. ودي تكنولوجيا دفاعية رسمية ..) أن الجسر الخرساني المبني في أسفل الصورة لم يوافق مجرى السيل وإلا لكانت المياه تدفقت من داخله دون أن تحدث الأضرار كما أنه ليس كافياً لاستيعاب المياه كذلك وكلها أخطاء في الحسابات .. فضحها الخريف .. لا بد من محاسبة مرتكبيها طال الزمن أو قصر هي ابتلاءات في النهاية .. ابتلاءاتنا نحن بأمثال هؤلاء ..
بالضبط تماما يا ابو حميد فالمياه القادمة الي المجري الخرصاني اكبر شديد من سعته مما جعلها (تنخر) في الردميات التي وجدتها (راقدة سلطة) وجاهزة للهردمة من ا ثر الغش والفساد والتسيب الهندسي القاتل فالاشكال التصميمي واضح وضوح الشمس بالاضافة الي اشكالات التنفيذ والاستهبال الهندسي مما جعل من هذه الكارثة والفضيحة امرا ممكنا
دي دنفوديو وامرك علي الله ايها الشعب الفضل ولسسع ما تحت السواهي دواهي
عملية استخراج البوكسي ايضا دعوي اخري للتفرج في مهرجانات الموت والاخطار الجسيمة فقد تمت بطريقة موغلة في الورجغة الجماهير في محيط عمل (الكرين) والمنطقة الخطرة والخطرة جدا وعلي مرمي من العربية وهي سابجة في الهوا ءوعلي مرمي من السلك الرافغ مافي اجررات سلامة تقي العاملين في هذه العملية (هيلمتس) وطريقة اهالي فيها مخاطر ربنا بس ستر منها,,,,,,
فهي عملية تحتاج الي اشراف دقيق وضابط وصارم من جهة لها الخبرة الكافية بكل اساليب السلامة ولكن..؟؟؟ وحتي ولو كان القضارف مافيها اناس بهذه المواضفات فان الخرطوم تعج بهم بالتاكيد ولكنها الورجغة واسترخاص الاشيا ء وسيرة وطن صارت كل اشيائه هبتلي
Quote: لمن سأل عن الفجوة كانت مليانة شنو؟؟؟ دا سؤال دا!!!
كانت مليانة سمن وإتلحس...
كيكي وصحبه رمضان كريم
هلا يا نزار والفجوة سمنها وعسلها الموية شالتو وجرت بيهو ولو قريب حسسع بكون في بلادا طيرها عجمي والموية مخلوق رعديد واقل دغمسة معاها او ورجغة حسابية بتجيب خبرك وبتلحقكك التوج
Post: #51 Title: Re: انعل ابو الفولنج داون زااااتو....!!! Author: احمد الامين احمد Date: 08-03-2012, 04:36 PM Parent: #50
Quote: وكدي ياخليل خليك من عباس شبشة وطه النور والدسوقي وناس خليل قاسم وكل شفوت المدنية المعلمين علي مر الدهور والازمان
عباس شبشة !!! تتذكر يوم صرف اول راتب وجا من بورسودان لداخلية تهراقا !!!!!!؟؟؟؟؟؟؟ لاتستغرب من إنهيار الكبارى والعمارات وحتى سقوط الناس فى هذا العنصر المنهار يوجد كبرى على النيل الأزرق فى مدينة جنوب سنار هل تصدق أن من شيده وصممه مهندس زراعى كل مؤهلاته انه قريب والى شهير جدا ويتحدث المواطنون العاديون عن سوء هذا الكبرى الظاهر للعيان قبل سنوات شهدنا السيول داخل نفق أمام مجمع عفراء بالخرطوم !!! فمن شيد هذا النفق ؟؟؟
Quote: عباس شبشة !!! تتذكر يوم صرف اول راتب وجا من بورسودان لداخلية تهراقا !!!!!!؟؟؟؟؟؟؟
ياااااااااا عبس صحبي شديد وزول ضكران بالحيل اول ماهية ليهو واحنا لسسسسع ما اتخرجنا جاني في تهراقا وساقني عشاني عشاء فاخر وبعدها ملي لي جيبي قروش وبعدها فرتق البلد يا احمد لو بمسكوها في اشيائها الفنية ناس موهلين وفاهمين ومهنين زي ناس عباس ديل بتمشي لقدام ولكن عفوا انها زمانات ناس صلاح غريبة وسطوة الجربندية
break news هندسي ورجغي وصل الي الفولنج دااون بحكي السيرة الحاجات المدغمسة في الشان الهندسي السودان الحكومي... المقاول هو نفس الاستشاري وزيتهم الا2 في بيتهم وفي مشروع حكومي
واتفر يا سسسسسسلام يا متفرج
اسم المشروع تم مسحه بواسطة المصدر ولكن (راكوبة فولنج داااون) عندها مساعي حميدة لمعرفته وقوقلته بالصورة والصوت
Post: #59 Title: Re: انعل ابو الفولنج داون زااااتو....!!! Author: أحمد الشايقي Date: 08-20-2012, 00:33 AM Parent: #58
سلام يا كيكي وكل عام وأنتم بخير,
عنوانك ومن قبل الأرشفة يصادف (فوولنج داون ) جديد ومحزن للغاية
لك التحية
أحمد الشايقي
Post: #60 Title: Re: انعل ابو الفولنج داون زااااتو....!!! Author: عبدالكريم الامين احمد Date: 08-20-2012, 10:01 AM Parent: #59
Quote: عنوانك ومن قبل الأرشفة يصادف (فوولنج داون ) جديد ومحزن للغاية
عيد سعيد يا احمد وكل سنة وانت الاسرة وعموم الاهل بالف خير ونعم انه فووولنج داون جديد وحلقة جديدة من حلقات دورات الفولنج دااااون الذي صار سمة اساسية من سمات السودان الفضل في عهد هذه السلطة العجيبة الغربية وربنا دوما بياخد حق الغلابة والجوعي والمقتولين والارامل واليتامي كااااااااششش من كل جبااار رعديد
