الخرطوم مدينة يسكنها الاشباح

مدينة لا تشبه المدن في شي فيها ناس ساكنة بدون احاسيس او مروة او كرامة فلا يمكن يتظاهر الطلاب وسكان الخرطوم جعانين ومليانين فقر وقاعدين يتفرجو راجين شنو ؟ راجين اليوم الاسود هههه يوم اسود اكتر من كدة زاتو مافي فبطلوا خوف واطلعوا عبروا عن نفسكم قولوا كلامكم اقيفوا مع اولادكم وبناتكم في مطالبهم بتغيير النظام الذي هلك الناس ودمر مشاريعهم في الجزيرة وغرق ارض المناصير مقابل يغني عمر البشير واخوانه
يا ناس الخرطوم انا بكلمكم واسمعوني كويس اخوانكم واولادكم وبناتكم في نيال بموتوا فانصروهم والا غدا ستطلبوا الرحمة ولن تجدوها
وللحكومة بقول شدي حياك ايام حسابك جات

مدينة الخرطوم اصبحت كانها خرابة فلا جديد فيها غير البؤس والدمار والموت العاجل والبطي وموت الاخلاق اكبر يا عالم فبالله عليكم كيف يعيش من كان راتبه ٥٠٠ جنيه ولديه زوجة وطفل فاعلموا انه لن يعيش الا اذا كان حرامي او شحاد فالحرامية معروفين اياهم ناس الانقاذ ديل من اصغر زول لحدي عمر البشير والشحادين هم نحن الشعب السوداني الفي الاقاليم والفي الخرطوم اها يا ناس الخرطوم عرفت ا انتو ناس جبناء وخوافين لياتو درجة هسي صغاركم جعانين والحكومة تلطش فيكم شمال ويمبن وبرضو رضيانين وانا احمد الله الخرطوم دي بجيها اقف علي حيلي وما اظن بوضعكم ده عندكم نفس تفتخر ا انكم من الخرطوم

الأخ / محمد عبد الحفيظ

رمضان كريم..

يا سيدي الكريم..
الخرطوم مدينة، في ظل هذا العهد باتت تقتات علي الفتات، من ما تقدمه (زين) من رشاوي في شكل وجبات، او الرشاوي الأخري التي تقدمها المعتمديات ، في شكل اسواق ومجمعات... هذه الرشاوي عبارة عن مسكنات..
غدا .. وليس ببعيد، عندما لن تتمكن الدولة من تسديد المرتبات، ستكون القوات المسلحة وشبه المسلحة، هي اول من يخرج في مظاهرات.. وليس هذا الامر ببعيد..عندها ستخرج الخرطوم عن بكرة ابيها لتحية حاكمها الجديد (هذا هو دورها التاريخي) عاش الملك مات الملك..
محبتي..

قلت لي حتي زين الكويتية مشترياهم ؟؟ ناس الخرطوم من ايام المظاهرات واولادهم في جامعة الخرطوم بتظاهروا وهم سادين اضان بطينة والتانية بعجينة مافي منهم فائدة

سوف تصحي الخرطوم
ذات فجر أغر
وستريكم فنونا جديدة في الثورة
كونوا هناك
(ولو بخيالكم)
ولا تدعوا الفرصة تفوتكم

شكرا نصر علي البشريات ومعا حتي نحتفل بالنصر في وسط الخرطوم