Post: #1
Title: آدم صيام.. ده إسْتِجْداء ونوع مِن الترويج
Author: عزام حسن فرح
Date: 07-31-2012, 05:17 AM
المقـال الواجـب قراءتـه على كل سودانـي حــر
العِنوان أعلاه ولَيس الرابِط، لأن ايراد الرابِط يتطلب فتح العمود إبتِداءًا، وأنا لن أفتح هذا العمود، لأن صاحبه إفْترض حسب تقَييمه أن المقال "واجِب" قِراءته على مَن هو "سوداني" بإشْتِراط أن يكون "حُر" طبعًا الأخيرة دي حأفْترِض إنو قاصِد بيها "الحُرِية السِياسية" وكِده!
دي نفس الرسائِل البتلقاها في بريدي بِشكل شبة يومي والبتكون فحواها: [إذا لم تقُمْ بِنشر هذِهِ الرِسالة لِسْتِك سيارتُك الشِمال حيِطرشِق باااوو]
|
Post: #2
Title: Re: آدم صيام.. ده إسْتِجْداء ونوع مِن الترويج
Author: احمد محمد بشير
Date: 07-31-2012, 07:25 AM
Parent: #1
و الله انا كنت زييك يا عزمي .. امس شوفتا عنوان البوسط حق: ادم
لكن ما دخلته
لكن اليوم لقيت وقت ودخلته .. ده بوست مهم وفيه مقال مهم .. انت امشي حصل خوش شوف المقال
و التحية للاستاذ ادم صيام ........ ومضانكم كريم
|
Post: #3
Title: Re: آدم صيام.. ده إسْتِجْداء ونوع مِن الترويج
Author: عزام حسن فرح
Date: 07-31-2012, 08:07 AM
Parent: #2
| Quote: لكن اليوم لقيت وقت ودخلته .. ده بوست مهم وفيه مقال مهم .. انت امشي حصل خوش شوف المقال |
أحمد محمد بشير.. أنا ما بتكلم عن أهمِية المقال.. أنا بتكلم عن المقالات البتُعَنْوَن بِهذِهِ الطريقة الإسْتِجْدائِية التصنيفِية، البتخلي القارئ داخِل لأنو:
- إما القارئ إعتمد آدم صيام كواحِد مِن الذين يُحدِدون "الواجِب" و"الفرض" و"المكروه" وخلافو مِن تصانيف.
- إما القارئ إعْتمد كلام "آدم صيام على أهمِية المقال.
- إما القارئ داخِل علشان هو "سوداني".
- إما القارئ مُفْتكِر روحو "حُر".
قلت لي مُهِم، على بِالطلاق لو جا مُكَمِل ومُبَيِنْ تاريخ النوبيين ماني قاريهو! طالما آدم صِيام حدد إنو المقال "مهِم" وإشترط على إنو القارئ يِكون "سوداني" و"حُر"، ياخ ده عمود ولا مبنى إسْتخبارات
|
|