البشير ومامون حميدة شكيناكم على الله شوفوا القرار الادارى توجد صور؟؟؟

يعنى بقرار ادارى تغسل مرتين كحد اقصى كان دكتور قرر تغسل تلاته مرات تتوكل تموت طوالى
ولكن القرار لم يوضح المكوة كم مرة.، فى لاوندرى الانقاذ لهلاك البشر هذا
يا حكومة السجم الما بتحبوه خافو الله فيه ....الله بسألكم من المساكين ولا ذنب لهم غير انهم خلقوا
فى هذا البلد الذى يحكمه الاوغاد ويتحكموا فيه ويقرروا فيه متى وكيف نموت ..
حرام عليكم ان تكون كل احلام المواطن طماطم بى دكوة ولا يجدها
تسقط هذه الحكومة التى فشلت فى اى شىء.. الصحة والتعليم وتوفير ابسط مقومات الحياة...
يقول الله فى محكم التنزيل: (فليعبدوا رب هذا البيت الذى اطعمهم من جوع وآمنهم من خوف) صدق الله العظيم
فاذا كانت العبادة للخالق مربوطة بهذين الشرطين فكيف لنا ان نوالى بشر لا اطعمونا من جوع ولا
آمنوا خوفنا، بل بالعكس يرهبوننا بسيوفهم المشهورة بالفساد وبالاعتقال وبالتخويف والذل..
اتقى الله ياعمر ، اتقى الله يا عمر .. اتقى الله ياعمر
حسبنا الله ونعم الوكيل...حسبنا الله ونعم الوكيل...حسبنا الله ونعم الوكيل....حسبنا الله ونعم الوكيل ،،،

Quote: يعنى بقرار ادارى تغسل مرتين كحد اقصى كان دكتور قرر تغسل تلاته مرات تتوكل تموت طوالى

بالله شوف ...
العلاج بقى "قرار إداري" ..!!
بكرة : علاج الملاريا يبقى "حقنتين" بقرار إداري.

Quote: بالله شوف ... العلاج بقى "قرار إداري" ..!! بكرة : علاج الملاريا يبقى "حقنتين" بقرار إداري.

صلاح هاشم تصوم وتفطر على خير
ماذا تقول فى مثل هذا ؟
وما زال البشير متمسك ومتشبس بالسلطه ولا بوادر امل باعتراف بالفشل
والتنحى، والبحير صبر هذا الشعب على كل هذا العنت والتعنت،،،

أين منظمات حقوق الانسان من مثل هذا؟
لقد بلغت القلوب الحناجر كما بلغت الكلى المقابر!!!
خافوا الله فى هولاء المساكين يا منزوعى الرحمة،،،

يا موج،
قالوا الجمره بتحرق الواطـيهـا،
الذي وقع على القرار مجرد جهة تنفيذية لاغير،
لكن تخيل مصدر القرار ممكن يكون فاكر غسل الكلى وغسل الهدوم واحد
كلاهما يحتمل التخفيض..
انا ما بهظر..

قبل كده في وزير صحه ما كان عندو علاقه بالطب ، في أحد إجتماعاته بالأطباء
قالوا ليهو في نوع معين من المضادات الحيويه من ابو مليون وحده معدوم ولازم الوزاره تجيبو
قال ليهم هسه لو لقينا ليهو ميزانيه وين نلقى ليهو قندرانات يشحنوها فيهو..
لم يكن يعرف أنها قرصين ..

Quote: يا موج، قالوا الجمره بتحرق الواطـيهـا، الذي وقع على القرار مجرد جهة تنفيذية لاغير، لكن تخيل مصدر القرار ممكن يكون فاكر غسل الكلى وغسل الهدوم واحد كلاهما يحتمل التخفيض.. انا ما بهظر.. قبل كده في وزير صحه ما كان عندو علاقه بالطب ، في أحد إجتماعاته بالأطباء قالوا ليهو في نوع معين من المضادات الحيويه من ابو مليون وحده معدوم ولازم الوزاره تجيبو قال ليهم هسه لو لقينا ليهو ميزانيه وين نلقى ليهو قندرانات يشحنوها فيهو.. لم يكن يعرف أنها قرصين ..

مولانا محمد المرتضى....سلام

وهسه وزيرنا واللا والينا ده ما يوفر ليهم تايد للغسيل
ما سمع مع تايد للغسيل مافيس مستحيل؟؟
اللهم لاتؤاخذنا بما فعل السفهاء منا يارب العالمين،،،

المواطن غلطان يا موج!
البخليهو يشرب موية الحكومة الضاربة دي شنو؟
وكمان ليه يستخدم أدوية منتهية الصـلاحية لحدي
ما يجيهو فشل كلوي؟
يلا .. خمّوا وصروا ..













_
اللهم اشفهم وعافهم والطف بهم يا رب العالمين!

يا موج
ابقى وزير ياخ واتعالج فى رويال كير ومالك ومال البشتنة
اها عاين نائب الوالى دة اللقاها

Quote: وهسه وزيرنا واللا والينا ده ما يوفر ليهم تايد للغسيل ما سمع مع تايد للغسيل مافيس مستحيل؟؟

الغريبه في عهدهم إزدهرت بقية أنواع الغسيل عدا الكلى

Quote: اها عاين نائب الوالى دة اللقاها

تصحيح: من ظهر إسمه على المستند هو مدير مكتب نائب الوالي وليس نائب الوالي
وعلى ذلك قس .

رمضان كريم يا أمجد.

Quote: المواطن غلطان يا موج! البخليهو يشرب موية الحكومة الضاربة دي شنو؟ وكمان ليه يستخدم أدوية منتهية الصـلاحية لحدي ما يجيهو فشل كلوي؟ يلا .. خمّوا وصروا ..

ود الصايم يا فاطر رمضان كريم
قصدك نشرب من (كفوفن ) لما نتكفا
ما بكفتو فينا من سنة 1989 ما كفانا شلاليت ياخ..
حكومة منحــــطــــــــ ـــــة،،،،