افطار ملتقى احبة مدرسة خور طقت الثانوية الخميس 14 رمضان بحدائق هيلتون.

لقد تقرر اقامة افطار ملتقى احبة مدرسة خور طقت الثانوية السنوي يوم الخميس القادم

14 رمضان بحدائق هيلتون ..

الجدير بالذكر ان هذا الافطار يقام سنويا وتنظمه دفعة 1986-1989 ..

ولكن حضوره مفتوح لكل دفع مدرسة خور طقت منذ 1950 والى اغلاق المدرسة 1992..

نتمنى ان يكون ناس الابيض حضورا وعلى رأسهم الدينمو الصادق البشاري ..




------
التحية لكل من اسامة بانقا وبدوي ..

الأخ صهيب حامد

رمضان كريم - مبادرة طيبة أن يلتقي أبناء الفيحاء على مائدة رمضان حيث الروح في أبهى تجلياتها لله تعالى ونسأل الله أن تعود الفيحاء كما عهدناها ويبعد عنها الحسد . عنوان البوست بدور ليه لفه خليها أبناء أو خريجي خور طقت . وكمان يجب أن تحاكموا من تسبب في مأساتها إنشاء الله ونسة جانبية كدا يا صهيب!!!

بحيراوي

الجبيب البلديات بحيراوي ازيك..

Quote: الأخ صهيب حامد رمضان كريم - مبادرة طيبة أن يلتقي أبناء الفيحاء على مائدة رمضان حيث الروح في أبهى تجلياتها لله تعالى ونسأل الله أن تعود الفيحاء كما عهدناها ويبعد عنها الحسد . عنوان البوست بدور ليه لفه خليها أبناء أو خريجي خور طقت . وكمان يجب أن تحاكموا من تسبب في مأساتها إنشاء الله ونسة جانبية كدا يا صهيب!!! بحيراوي

رسالتك حرفيا تصل يوم الخميس انشا الله


تحياتي

يا سلاااااام على خور طقت وأيامها التي ولت
أذكرونا يا جناير معاكم في الإفطار
عادل عكر
دفعة ٨٥ - ٨٨
ضيف الله
عنبر ٦

Quote: يا سلاااااام على خور طقت وأيامها التي ولت أذكرونا يا جناير معاكم في الإفطار عادل عكر دفعة ٨٥ - ٨٨ ضيف الله عنبر 6

يا سلااااااااااااااااااااااام يا عادل يا عكر ..


ليك الشوق بحر يا مخازن..


وبعدين عامل فيها رايح لا عرفت الاسم لا الصورة !!؟~.

والله حقو الواحد اسع يفرش ليك الجريدة تخط للصباح بس الدنيا رمضان معليش..

ياخ عليك الله خلينا نعرف اخبارك يا عكر ..


-----
حقو الواحد حسع يقوم يفتنك مع ناس المعارضة المالين البورد دا ..

.

هههههههههه
والله إنك كوز طلس مطرقع ..
زي الكنا بنشرب فيهو الشاي في خور طقت داك
كيف ما عرفتك ياخ .. وهل تخفى الصلع ؟
خصوص وإنو صلعتك دي كانت مشرئبة إلى ما لم يأتِ .. صلعاً .. ههههههههه
قلت لي تفضحني تقول ليهم عادل دا كان كوز معانا في الثانوي ؟
وكان بيكتب لينا العناوين بتاعة جريدة الدعوة الحائطية
ذكرتني .. حقو الواحد يجي يطالب بأجر الكتابة دي .. أنا كنت قايلا لله
بس أوع تقول لي إنك ما زلت على ولاءك القديم ؟؟
أذكر أنك كنت ذو اطلاع حسن وصاحب أفكار
ودا بيخليني أحسن الظن في إنك نفضت ايديك من زماااان
بعد أن تبين لك الخيط الأبيض من الخيوط السود .. من السودان
تحياتي لك ولكل الشباب .. خلينا متواصلين

Quote: أذكر أنك كنت ذو اطلاع حسن وصاحب أفكار

شكرا يا هميم ..


ودا من زوقك


وتابع معاي بوستاتي هنا عشان تعرف اجابة الجزو التاني من سؤالك..

تحياتي يا عادل

.

لفتة بارعة وكريمة
قلوبنا معكم مع اجمل المنى بدوام التوفيق
جعفر (جوكس)
دفعة 59-63
داخلية علي دينار

Quote: داخلية علي دينار

الللللللله ياعم جعفر(,لزوم دفعة 59 دي)..


وكمان داخلية دينار مررررررررررررررررررررررة واحدة ..



واوعى تقول لي عنبر ون !!؟.




ناس دينار اجدع ناس يحيوك يا ود امنا ..


فنحن ابناء طقت دوما ابناء نفس الام ، الام الرؤوم التي ربتنا فاحسنت تربيتنا ،،

ولو في السودان عليييك الله تكون قدامنا يوم الخميس في حدائق هيلتون..

الحبيب صهيب
رمضان كريم وكل عام وانت بخير
سرني جدا انك من ابناء داخلية دينار الحبيبة والتي احمل لها ذكريات حلوة
كنت في عنبر (ثرُي) ثم عنبر (فايف) في السنة الرابعة
لو كنت في السودان لكنت أول الحاضرين ولكني للأسف بعيد جدا في طوكيو ، وارجو أن تبلغ تحياتي لأي حاضر من دفعتي والدفعات التالية.

Quote: ناس دينار اجدع ناس

حقا ناس دينار اجدع ناس ، فمن دفعة 1960 من ناس دينار تخرج في كلية طب الخرطوم كل من :
1- احمد إبراهيم كندرة
2- الفاضل محمد حسن
3- المرحوم احمد الريح ابوعاقة
4- مامون عبدالرحمن

ومن دفعة 1960 تخرج في كلية طب الخرطوم 15 طبيبا من خورطقت واعتقد أن هذه اكبر دفعة تتخرج من مدرسة واحدة

تحياتي ووافر احترامي

الأفاضل صهيب وعكر

رمضان كريم - هوي يا جناير - نقطة نظام .

حلونا نقيف ونقول إِشششششششششششششششششش - سلام وتحية لسنيرنا جعفر إسماعيل.


يا إخوان حكاية كوز وكباية دي في طقت كانت حاجات عابرة والدليل على ذلك أن العلاقات بخور طقت الثانوية لا تتأثر كثيراً بالرأي السياسي . بل ربما يحكمها التمييز الأكاديمي والكاريزما الثقافية والبلدية والرياضية والداخلية والعنبرية وجيرة الفصل من الأول وحتى الثالث - طبعن يا جعفر نحن ما حصلنا رابعة دي فقط عندنا ثلاث فصول وفيهن إتنين إمتياز بالمستوى الأول والثاني وعندما نجي للمستوى الثالث من ناحية الشمال لمربع الفصول تلقلانا إنقسمنا لثلاث مجموعات - صديق والمتنبئ وطارق للكرشجية وإبن سينا و___ ألحقنا يا صهيب لو كنت من الدايات !!

مبروك لأبناء الفيحاء ثانيةً

بحيراوي / الكلية - أبو عنجة - 85 عنبر 6
معري - غزالي - متنبئ

البلديات بحيراوي (وكمان بقيت سنيرنا)..

احكي ليك دي يا بحيراوي ..

رمضان الفات حضرنا افطار خريجي طقت بالابيض وقد كان افطارا مهيبا وكبيرا بدار المحامين ..

والناس في هرج ومرج وذكريات وجوطة ..

ومن جات كلمة سنير السناير في البرنامج (اذكر كان من دفعة 63 )، حتى صمت الجميع ووقفو له ( غايتو الما بقى سنير في طقت ما عندو التكتح)..

واذكر يا بحيراوي جيدا لحظة دخول الصول ود الضو الى القاعة (اظنكم حضرتوهو لو دفعة 85..)..

لقد كانت لحظة عاطفية لا تنسى حتى بكى البعض..

الصول ود الضو كان يقول للحاضرين ..ودا حالتو انا الوحيد الكنتا بجلدكم وكان الحضور يردد لييي اسع ننجلد ليك!!..

Quote: ألحقنا يا صهيب لو كنت من الدايات !!

عرفتا كيف !!؟.

كلامك صحيح بس يبدو في تغيير في اسماء الفصول ..

اضافية كان فصل واحد ابن سينا ..

احياء ثلاثة فصول نصري (فصلنا) ومسلم ورازي..

كرشة (الزيكم ديل) طارق ومتنبئ (والغريبة نسيت الفصلين الاخرين بتاعين ادبي)..


بس في ملاحظة يا بحيراوي ..

انا فتا غزالي لكن من طبري (اولى)..

شايفك قريت غزالي من معري ..

في عهدنا ناس اولى معري بمشو تانية علي..

Quote: حلونا نقيف ونقول إِشششششششششششششششششش - سلام وتحية لسنيرنا جعفر إسماعيل.

وانحنا معاك لسنيرنا جعفر برضو اشششششششششششششششششششششششش..

وماعارف يا بحيراوي حضرتو استاذ الجغرافيا العظيم حسن محمد خير (منجو) ولا لا ..

ولكن برضو اشششششششششششششش دي ارتبطت بيهو بشكل كبير في عهدنا ..

صحيح هي مصطلح في طقت لكل شئ او زول مهيب وعندو حاجة مختلفة ..

تحياتي


-----
يا جماعة دي قصة شنو انحنا دايرين لينا جناير نتفسح فيهم تطلعو لينا كلكم سناير (جعفر،بحيراوي ،عكر)..

شوف يا صهيب بعد رمضان كريم ودي تعليمات لازم أنفسّا .

يا زول نحن ناس الكرشة ما بالحيل علي الجانب الغربي من شمال المدرسة حدنا مكتب حاكم وبس.

طبعن أخوك من أولي معري وطوالي نط لي تانية إمتياز بعد ما كر ناس معري . وأهو أول في معري وبرضو 32 ف دفعتنا للنقل لي سنة تانية.

وبعدين الحكاية تخصص - تخصص يا صهيب . داير نوريك موقع خور الدقيل في غوغل ودي طبعن تخصص تخصص تخصص.

بحيراوي

رمضان كريم للجميع...
.شفنا الدعوة متاخرة لكن كان الواحد شارككم الافطار
دفعة...85-88
طبرى....سيناء,,,,ماليش الكبر حصل الواحد فطى سطر ولا فصل ما عارف....
داخلية الولى
نكتة:
عمك ود الضو اثناء التدريب العسكرى ..الكديت
يا زول اقيف كويس ..صفا ..انتباه
اقيف على رجل واحد...يالله كل الناس على رجل واحدة اليمين وترفع رجلك الشمال....وقفة حكو
عمك عاين للصفوف كدا.....قال والله غريبة! دا منو الرافع رجلينو الاتنين دا....هههههههههههه
اصلوا كان واحد رافع رجله الشمال والجنبو رافع رجلو اليمين..

د.الفاتح