Post: #1
Title: tumblr موقع ممتازوتدوين بالصور رسول من رسل الانترنت رغم الحظر
Author: Osama Mohammed
Date: 07-30-2012, 03:02 PM
(((((يقدم موقع تمبلر خدمة التدوين السريع ,حيث يسمح الموقع لأعضائه بنشر صور و مقاطع فيديو , نص ,اقتباسات و مقاطع صوتية والعديد.
وهو يركز على سهولة الاستخدام مع سهولة التسجيل فيه مفتاح "الاعجاب" "favorite" الذي يتيح لمستخدم بإخبار مستخدم آخر انه يعجبه تدوينه.
ومفتاح "اعادة التدوين" "reblog" الذي يتيح بكل سهولة اعادة الصاق المحتوى من مدونة تمبلر إلى مدونة تمبلر أخرى.
المستخدمون يتابعون مستخدمين آخرين مثل تويتر، وتحديثاتهم تظهر في لوحة قيادتهم ممايمكنهم من "الاعجاب" بتدويناتهم أو "اعادة تدوينها" وأيضا تحتوي لوحة القيادة على مفاتيح لإضافة محتوى إلى مدونة تمبلر الخاصة بهم.
مدونات تمبلر الأخرى التي يتابعها المستخدم تظهر في يمين الصفحة.))))))
يوجد بالموقع صور تفاعلية ورسوم متحركة لمبدعين ربما لا يخطر ببال احد مهم انه سوف يلقى هدا الاهتمام ... وصفته جريدة النيويورك تايمز بانه اكثر المواقع انتشار في العامين السابقين . الجدير بالذكر ان بعض الدول تحظره وخصوصا الدول المتشددة ( الاسلامية) مثل السعودية وبعض دول الخليج وقد سافر صاحب الموقع في عدة سفرات لدبي لاثناء الدول التي تحظره عن قرارهم ومحاولة اقناع السلطات بفتح المجال للتعبير الّصَوري ولا ادري ما هي النتيجة .
اقتباس اخر
(((((هناك العديد من الأشكال من المحتويات التي يمكن اضافتها إلى حساب المستخدم :
خاصية "نص" التي هي صيغة بسيطة للتعبير عن الذات, يمكن تحريرها باستخدام محرر نصوص أو بواسطة الاتش تي ام ال HTML .
في منتصف 2009 أصبح من الممكن إضافة صورة من جهاز الكمبيوتر الخاص بالمستخدم من خلال خاصية النص حيث لم تكن موفرة هذه الخاصية من قبل.
هناك خاصية "صور" التي تمكن المستخدم من تحميل صورة من جهزه أو وضع رابط الصورة من موقع آخر.
الخاصية الأخرى هي "اقتباس" حيث يدخل المستخدم النص في مربع تحرير ويكت المصدر للنص.
التالي هي خاصية "رابط" التي يدخل فيها المستخدم النص في حقل والرابط في حقل آخر منفصل عنه، فيظهر النص على شكل رابط تشعبي، خاصية "محادثة" التي تدخل الكود تلقائيا من برنامج محادثة فوري إلى صيغة مماثلة.
"صوت" خاصية تتيح رفع ملفات الام بي ثري mp3 (إلى حجم 10 ميجا بايت) أو مشاركة ملف من موقع آخر ، لكن يشترط عدم تحميل أكثر من ملف واحد في اليوم.
أخيرا هناك خاصية "فيديو" التي توفر إضافة فيديو من موقع مثل اليوتيوب أو مشاركة فيديو مثل موقع فوتوبوكيت وكذلك رفع فيديو من خلال الدخول إلى موقع فيميو الذي يعمل مع تمبلر لتوفير الخدمة بالمجان.)))))
الاقتباس من ويكبيديا عربي http://ar.wikipedia.org/wiki/تمبلر
رابط الموقع
https://www.tumblr.com/
الموقع به كمية من المبدعين الذين يرسمون بصورهم لوحات فنية اقل ما توصف بانها خلابة .
موقع تمبلر
|
Post: #2
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: Osama Mohammed
Date: 07-31-2012, 00:03 AM
Parent: #1
الصورة
صورة جميلة اخرى
وصورة ابدع منها تحكي اشياء كثيرة ظاهرة وخافية
|
Post: #3
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: Tumadir
Date: 07-31-2012, 00:06 AM
Parent: #2
عجبني.....
|
Post: #5
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: Osama Mohammed
Date: 07-31-2012, 11:38 AM
Parent: #4
موقع ال GIF برضو من تفرعات تمبلر وفيهو كتابة بالصور رهيبة .
http://www.tumblr.com/tagged/gif
شوفو الفوتو شوب ده كيف؟
|
Post: #7
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: أمجد الزين
Date: 07-31-2012, 12:07 PM
Parent: #6
موقع رائع
مشكوور
|
Post: #9
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: Osama Mohammed
Date: 07-31-2012, 12:21 PM
Parent: #8
الاخ امجد رمضان كريم وشكرا على الرد
ارجو ان تخبرني هل الموقع شغال كويس وكل الاقسام وهل انت في السودان ولا برة ؟
فقط لكي اتحقق من المعلومة التي تخص حظره في بعض الدول ... وهل كل الوصلات التي انزلتها تعمل ؟
شكرا يا حبيب..
|
Post: #10
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: ibrahim fadlalla
Date: 07-31-2012, 12:42 PM
Parent: #9
سلام أخي أسامة ..
شكرا على الموقع الجميل والصور المعبرة ...
الصورة اليوم تغني عن كثير من المقالات ...
وأعتقد أن للصورة تأثيرات كبيرة في نقل الرسائل ومخاطبة الوعي
الباطن والظاهر ...على حد سواء ...ودونك الصور الدعائية
والإعلانات ...
تسلم يا أسامة ، وكيف مع رمضان أبو ساعات طويلة ده ؟
------------------------------
هل من أخبار عن مشاركة كاكي في الأولمبياد ، ول موضوع اللجوء
طلع صحيح ؟؟ معليش أسألك بحكم إنك قريب من الأحداث الأولمبية ...
|
Post: #11
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: Osama Mohammed
Date: 07-31-2012, 12:54 PM
Parent: #10
مشرفنا يا باشمهندس ابراهيم
(((((تسلم يا أسامة ، وكيف مع رمضان أبو ساعات طويلة ده ؟)))))
اخدنا رخصة مع السكري ده ، كنت بصوم رجالة ساكت ......
اها القسم النفع معاك شنو في الموقع البلوة ده.
لك التحية.
اسامة
|
Post: #12
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: Osama Mohammed
Date: 07-31-2012, 01:15 PM
Parent: #11
اقتباس (((((((هل من أخبار عن مشاركة كاكي في الأولمبياد ، ول موضوع اللجوء
طلع صحيح ؟؟ معليش أسألك بحكم إنك قريب من الأحداث الأولمبية ..)))))))
موضوع كاكي كان شكلو ظاهر انو موضوع مستحمي ..... المؤكد انو في زول من البعثة قدم لجوء بس هو منو والحصل بعدها شنو الله اعلم !!!! واقول ليك حاجة ناس الحكومة ( السفارة ) انبرشو في الواطة بعد الخبر يعني حتى لو في زول قدم ما بقدرو ينفوهو . انا الغريبة علاقتي بي كاكي كانت كويسة لحدي ما بديت البحث بتاعي قبل سنتين وتاني انقطعت من القوى والعابها واخبارو انقطعت مني خالص... (لكن قرايتي للموضوع انو هددهم باللجوء وشال الدايرو منهم) ... للأسف مستواه في النازل ولا اعتقد انه يمكن ان يتأهل حتى للنهائي الا بمعجزة .
شكرا مرة تانية
|
Post: #13
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: Osama Mohammed
Date: 08-01-2012, 06:07 PM
Parent: #12
Link
Here
|
Post: #22
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: Abdulrahman Gorashi
Date: 09-18-2012, 01:41 PM
Parent: #13
خلي بالك دي صورة البعاتي زاتو، والله انحنا زمان ابقي راجل البشق المقابر بعد المغرب،
يا جماعة أنتو أسطورة البعاتي دي حقيقية؟
|
Post: #15
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: أمجد الزين
Date: 08-01-2012, 11:01 PM
Parent: #9
Quote:
الاخ امجد رمضان كريم وشكرا على الرد
ارجو ان تخبرني هل الموقع شغال كويس وكل الاقسام وهل انت في السودان ولا برة ؟
فقط لكي اتحقق من المعلومة التي تخص حظره في بعض الدول ... وهل كل الوصلات التي انزلتها تعمل ؟ |
الاخ اسامة تحياتى
انا فى السودان والموقع شغال مية المية
وكل الوصلات شغالة تش
وشكرا مرة تانية
|
Post: #16
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: ibrahim fadlalla
Date: 08-01-2012, 11:28 PM
Parent: #15
هلا أسامة ...وربنا يعافيك من السكري .. ويعينك عليهو..وأكيد ليس عليك حرج ..
يا سيدي موقع تمبلر ممتع وفيه أقسام متنوعة بدرجة كبيرة ..مبالغة
..شكرا ليك ولسة التصفح متواصل ....
|
Post: #17
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: ibrahim fadlalla
Date: 08-02-2012, 00:22 AM
Parent: #16
هاك يا أسامة صيد التمبلر ، من زيارة لنك السودان النزلتو ...
أغنية فطومة ....sudanese Band
http://www.youtube.com/watch?v=-5IXl70nRts&fe...re=player_embedded#!
كلمات اغنية فطومة .. للشاعر / نعيم علي
----------------
جيتي من وين .. شان تفوتي ؟!
فايته لي وين .. ماكي جايه ؟
حرري الضو من سجونه
عودي لي بلد الحفايا
أبقي زي خيط الشمس
يكسي الجميع من دون عبايه
أصلو من بعدك خيارنا
ببقي واحد من تلاته :
نموت .. أو نموت .. يا نموت ..
وبرضو تلبسنا الجنايه
نبقي أشخاص في الهوامش
نبقي أبطال دون روايه
نبقي أنوار حلوه زاهيه
وضاويه في مدن العمايه
نبقي ألواح طاهره كانت
فوقها مدفونه الدوايه
عودي يا أطهر نقيه
غرقنا في بحر الخطايا
مافي أطفال تاني ناموا
حبوبه تحكي نفس الحكاية
حبوبة أسكتي بس كفاية
كل يوم تحكي لينا
فاطمه كانت أحلى واحده
في النهايه بخطفوها
أصلو يوم ماعرسوها
فاطمة كانت أحلى واحدة
في النهاية بخطفوها
أصلو يوم ما عرسوها
حتي لمن نحكي قصه
الفرح بنضن علينا
قصه عن غول في البوادي
أساسوغول في المدينه
فطومه ما سجنوك في قصه
إنتي ما مسجونه فينا
ونحن مسجونين معاكي
جوه أحزانا الدفينه
نحن لافين بي وراكي
وإنت ماعارفاكي فينا
نحن راجنك تمرقي
تمرقي مننا شان تجينا
وتقيفي لي بحر البلايا
عودي يا فطومه لينا
نحن من دونك عرايا
عودي يا فطومه لينا
-----------------------------
يا خي ده إبداع شديد خلاس ..
كمية من الحنية والعواطف ...تفتح كل أبواب الخيال...
الإبداع في النص توظيف الأحجية السودانية المشهورة لخدمة مفاهيم عالية
وأهداف ...حية ومواكبة في كل الأزمان ...خصوصا زمنا السوداني الأغبر الحالي .
والإبداع في اللحن ، على بساطتو الظاهرية ، استخدم طريقة غناء الحبوبات ( النونوية ) عند تنويم الأطفال ...
أعتقد أن العمل متكامل نصا ولحنا وأداءا ...
أستغرب كيف لم يتطرق إليها أي أحد هنا ؟ أو أنني غير متابع ؟
غايتو في راي دي أغنية ولا كل مواسم أغاني وأغاني --- مع أنني شاهدتها لماما وعبر النت بس ، لاكين الجواب من عنوانو ..
بالله عليك يا أسامة ولو ممكن تتكرم وتفتح خيط منفصل لهذه الأغنية .. لو ما عندك غضاضة في الموضوع .
أنا أخشى أن لا أحسن سواقة الخيط لو فتحتو ، فالموضوع فني ويحتاج إلى أهل الفن والأدب من الدارسين
وأنت منهم ...
|
Post: #19
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: Osama Mohammed
Date: 08-17-2012, 04:29 AM
Parent: #18
طلعت موضة الايام الفاتت دي اي زول بعرف فوتو شوب بستخدم صورة محمد فرح البيرطاني الصومالي والفائز بي ميدالتين ، الصورة طبعا ظاهر عليه عدم التصديق او الصدمة من حقيقة انو فاز والجماعة استلموها على اساس انها صدمة من حاجة جايهو او وراهو وعملو عمايل دي واحد
الرابط
هـــــنــــــا
ودي التانية
الرابط لصحفة محمد فرح يجري من الاشياء
http://mofarahrunningawayfromthings.tumblr.com/
|
Post: #20
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: Osama Mohammed
Date: 09-10-2012, 12:51 PM
Parent: #19
صفحة الخرطوم
او اي اشارة للخرطوم في صورة
الخــــرطـــــــــوم
|
Post: #21
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: Osama Mohammed
Date: 09-18-2012, 01:18 PM
Parent: #20
الصورة هنا
|
Post: #23
Title: Re: tumblr موقع ممتازوتدوين بالصور رسول من رسل الانترنت رغم الحظر
Author: Osama Mohammed
Date: 09-18-2012, 01:49 PM
Parent: #21
شكرا عبد الرحمن على المجاملة
ياتو صورة انت قاصد ؟ وبعدين انت براك قلت ( اسطورة) لكن للضمان كدة الخواجات مسنمو Zombie .
|
|
