عطاءٌ لأهل الوفاء - "تواصل" الرّاعي مع الرّعية في رمضان يوميّاً (صُور)

مساعد الرئيس عبدالرحمن الصادق المهدى في لقاء التواصل الرمضانى مع الأُستاذة/ سعاد عبدالجليل (معلِّمة)
26-7-2012

هي حصلت يا علاء الدين لدرجة الرعية؟
ديل الشعب يا علاء أبدا ما رعية.
رطانة الراعي و الرعية دي بطلت ليها زي خمسمية سنة كده..ما سمعت و للا شنو؟
رمضان كريم .

يا علاء الثورة قادمة لكنس هذه الجلاليب المسروقة من عرق الشعب السوداني

دكتور سيف وياسر طيفور
رمضانكم كريم

ماهي واجبات الراعي للرعية؟

ياخي راعي الغنم وظيفة يامن المأكل لغنمة، وليس سرقة الحشائش ،

شكراً ياعلاء طمنتنا

انو فى ناس مرتاحين وليهم جضوم فى السودان

حسب ماتنامى لعلمنا البلد عدمانه السخينة (حسب فيديو يظهر انو مفبرك)

لكن شايف فى الصور التفاح راقد هبطرش وكمان بالالوان

الله يطمنك ياعلاء ومرحى مرحى مرحى للرعية

هلا يا حسن حمّاد

رمضان كريم
تابعنا وشوف كُل يوم توثيق مُصوّر
واعلم إنُّو القافِلة مااااااااااااااااااااااااااااااااااااشة

ياقريبي كل سنة وانت طيب ورمضان كريم ...
وتصوم وتفطر على خير ..
اسأل الله في هذا الشهر الكريم ان يهديك
قول امييييييييييييين ..



تحياتي للاسرة الكريمة ..

والله يا علاء ذكرتنى اول نكتة قيلت فى عهد الإنقاذ وتقول أن كوزا خرج الى السوق منتشيا واشترى قفة ضخمة من الفواكه والخضروات وأخذ يمازح سيد الخضار قائلا:
الكوز: أتعرف بم يسمى هذا (وأشار الى القرع)
الخدرجى : بالحيل!! دة القرع
الكوز: لا يا أخى هداك الله هذا اسمه الهندباء ..
وجنن ليك الخدرجى هذا اسمه قثاء وهذا اسمه سفرجل وهذا اسمه شقائق النعمان وأشار الى التفاح الأحمر وقال هذا يسمى خدود النبى
قام الخدرجى حسمو قائلا غايتو حاجاتك دى ما بعرفا لكين بعرف ليك دة وأشار الى الأسود (الباذنجان)
وقال له دة اسمو (ج ع ب ا ت) بلال...

يا أخى ما تجننا فى رمضان بالمفطرات دى... اللهم انى صائم وكاره الكيزان...

Quote: وقال له دة اسمو (ج ع ب ا ت) بلال... يا أخى ما تجننا فى رمضان بالمفطرات دى... اللهم انى صائم وكاره الكيزان...

المُتظوهِر حامِل اللافِتات منّان
بالله دة حالتك صايم؟

ود القاضي يا قريبي سلامات
ورمضانك كريم

ياخي فايتك جو في البلد هِنا مُبااااااااااااااااااالغة اليوم
شمس مافي .. أمطار غزيرة كانت تهطل طيلة ليلة الأمس حتى السّاعات الأُولى مِن الصّباح
الآن أكتب إليك ونسائم خريفية لا تملك إلا أن تشكُر معها الله سُبحنه وتعالى
فقد عدلت المزاج و أراحت النّنفس وتُعين الجّسد على الصّيام

تقبّل الله

برامج "تواصل" الرّمضاني - مساعد الرئيس د. نافع على نافع في تكريم الإعلامى القامة الأُستاذ/ حمدى بولاد‏

الرعية دي مافي واحد ساكن في بيت طين ولا راكوبة ؟ يا علاء ياخ اختار ليك عنوان مناسب ورمضانك كريم




المهم سيدنا عبد الرحمن مختلف

رمضان كريم يا عُمر

Quote: المهم سيدنا عبد الرحمن مختلف

أضحكتني واللهِ

إذا كانت بيوت الرعية عامرة باطباق الفاكهة المستوردة من وراء البحار بعملات شديدة الصعوبة, فقد اصاب ربيع عبد العاطي

في تقديره لدخل الفرد ذو ال1800دولارا نجسا .

إتق الله ايها الككو وكفى تدليسا في نهار رمضان .

سقطت سقطت يا كيزان.

"تواصُل" نائب الرّئيس د. الحاج آدم مع د. عزالدين الامين - أُستاذ جامعى
28-7-2012

الرعية ديل هم وجهاء الكيزان وتنابل السلطان فقط في السودان ولا شنو؟

حتى يا فقراء الكيزان لم تتهنون بزيارة من قياداتكم في رمضان. يا لخيبتكم.

بالمناسبة التفاح أسعاره في الخرطوم بي كم؟


علاء الدين يوسف.

أنت من أكثر أرزقية هذا النظام الذين يخدمون المعارضة.
شكرا على هذا البوست التحفة.


أما ود السيد الإمام، فواضح أنه مثل الأطرش في الزفة.
الله يديك الصحة والعافية يا ود نقد الله.

علاء الكوز
راعى وراة قال!!!
رعاة الشاة يتطاولون فى البنيان
ويأكلون التفاح والرمان
فى بلد فقير اسمه السودان
يتشظى ويتفتت الى كيمان
ولا يصلح العطار ما أفسده الكيزان
ايها الأحفوريون وأبالسة القرون الأولى الثورة قادمة وستكنسكم الى مزبلة التاريخ...
بامكانكم خداع بعض الناس بعض الوقت
وليس بامكانكم خداع كل الناس كل الوقت...
إملأوا بطونكم فقد لا تجدون التفاح غدا...