من الله ما خلق البلد دي الوطنيين والشرفاء هم سكان سجونها

دي بلد شنو دي

قدر ما قرينا في تاريخ السودان بعد الاستقلال والى يومنا التعيس هذا

نجد ان الشرفاء والوطنيين هم من يسكنون سجونها

والاغرب من كده

انو اسوأ من مشى على ارض السودان، من من ظلوا يحكمونه؟؟

دي بلد شنو دي

بلد يحكمه السُرّاق واصحاب المصالح الخاصة، لا يتورعون في نهب ثرواته او تبديدها فقط
بل يقتلون ويسجنون اشرف ابنائه.

دي بلد ماشة عكس عدييييل

الناس المفروض يبنوهو ويعمرونه ويسوسون الناس والحكم هم من يسكنون السجون

واولاد الذين المفروض يكونوا في السجون هم من يحكمونه

نعكس المعادلة كيف؟؟

كيف ومتى يضع الشعب السوداني كل رجل وامرأة في مكانه الصحيح؟؟

بغير تبديل هذا الوضع وتصحيح الامور، لن يستقيم حال البلد

البلد لا ناقساهو ايدلوجيا ولا فكر ولا احزاب ومعارك دونكيشوتية

القصة بسيطة جدا

تطلعوا الناس الفي السجون يحكموا البلد

وتدخاوا الناس القاعدين يحكموا البلد السجون

من زمن يا والدة يا مريم

ما شوفتي ود الزين
العودو خاتي الشق
ما قال وحاتك طق

ما حصل سمعت لي بزول او قريت ما كتب عنه من مرتادي السجون الا وسمعت عنه وعنها كل طيب
او امرأة بعشرة رجال، وتقرأ عن استقامتهم، وصلابتهم وتأييدهم للحق، والوقوف بشجاعة
في وجه سلطان جائر.

واتفه مافي الموضوع

انو القصة دي ما صدفة، يعني خاصة بذلك النظام وحده

كل الانظمة العسكرية الشمولية الدكتاتورية ما عندها شغله الا ابادة وتشريد الوطنيين / ات الشرفاء

ما ممكن القصة دي تكون ساااكت كده

دي حكاية ممنهجة، وكأنما هي دستور خفي به ايادي اكبر من الطغمة

مافي بلد تكون مستهدفة في علمائها وشرفائها بهذا الشكل الممنهج فقط للحفاظ على كراسي السلطة؟؟

هناك امر مريب في وراء ما يحدث للسودان والسودانيين، يتم تنفيذة بايادي وطنية نعم، لكن هناك قوى خفية
لابد وان لها يد في ان يكون مصير الوطنيين والشرفاء بالسودان دوما في سجونها

القصة ما صدفة

Quote: من زمن يا والدة يا مريم ما شوفتي ود الزين العودو خاتي الشق ما قال وحاتك طق ما حصل سمعت لي بزول او قريت ما كتب عنه من مرتادي السجون الا وسمعت عنه وعنها كل طيب او امرأة بعشرة رجال، وتقرأ عن استقامتهم، وصلابتهم وتأييدهم للحق، والوقوف بشجاعة في وجه سلطان جائر.

حقيقة

اخونا ود زكريا
تحياتي

ياخي البلد ما من ما قامت، زي اخونا رضوان داؤود من يكبلون بالسلاسل
والسفلة هم من يحكمون، في حين انهم من يفترض بهذا الشعب ان يكبهم هم بالسلاسل
او يضعونهم في عمد ممددة.

معقولة، خرتمية سنة منذ الاستقلال واحنا ما عندنا شغلة الا سجن اشرف مواطنيننا؟؟

جتى أهالي الضحايا وأولياء الدم يحاكمون الان فى بورتسودان /

صورعجيبة ..هذا زمانك يا مهازل فامرحي وتفسحي..

ليس السجون وحدها

بل المقابر ايضا، قتلا