مورتا / ياااخ كيف طاوعك ضميرك....!

إلي أخونا وحبينا مورتا في هروبه الأخير ميمماً وجهه نواحي السعودية بنين ....!


ـــــــــــــــــــــــــ

قلت تهرب ؟ برضو أحسن
قلت تتفكفك تهاجر
تحضن الحلم الحلمتوا
ويا ما طول
قلت تفكفك تغادر
تخلي وطنك في هجيروا
بين عذاباتو ودموعوا
بين نفاقوا وضيق سجونوا

قلت تتفكفك تسيبنا
ونحنا ما صدقنا إنك
(بي جلالك جيتنا راجع)
قلنا مورتا ما ببيع
وكيف يبيع شرف القضية ؟
لالا لا يمكن بتاتاً
مورتا معجون بي ترابك

وكنا نحنا زي جماعة
ركبوا مركب
شالو أحلامهم زوادة
وقلنا نتوكل نعدي
نلحق الضفة الهنالك
ضفة الشعب الأبية
ومن وجعنا
قلنا نمرق

يااااخ كيف تقدر تفارق
والخطاوي تتهاتي بيكا
ياااخ كيف طاوعك ضميرك
وإنت واحد من جماعة
ربطوا جوعهم بي مصيرهم
ورتبوا الخطوة الكبيرة
فكيف تسيبنا ؟

وكيف تغادر يا متورك
والشوارع باقه ناره
كيف تهاجر يا حبيبنا
والوطن في ضيقوا لسه

مورتا يا تـ افه
وداعاً
وربنا ينور طريقك
وأنسي أنك زول مواطن
ركب المكنة التعيسة
إيشو لونك ؟
وأنسي فوجي
وأرخي حسبو
وشق طريقك
ومرة مرة
أغشي حلمك
وإنت عارف كم نعزك
وكم نحبك يا معفن

الا أقدار البلاد
كم هي تـــ افهة
وكم وضــ يعه وكوم زبالة
والبلد من ضيق لضيق
ويبقي حلمنا كوم طماطم
ويا لسبحانك تعالي
ربطة الجرجير حلم
الكوارع حلم حلم
فيا لأحلامنا الـــو ضـ يعة

عمروا ما كان الطماطم يوم حلم
إلا أقدارنا الفجيعة
فــــ
أمشي فرتق
يا مواطن
شوف حبيبتك
غير أحلامك هنالك
وأحكي ليها عن الي حاصل
أحكي ليها بكل صراحه
إنو ما ضاقت بلادنا
إلا كل أحلامنا صغرت

أحكي ليها عن الوطن
عن حصارنا
عن تواريخنا البقت
زيها وزي أي حكوة
مسيخة طاشة
عن المكرر
عن البلاد الكل ما
فرهد زهورها
تيتمت
أمرق سريعاً يا ولد
أمرق وما تشاور أحد
أمرق وما تعاين وراك


ــــــــــــــــــــ
تنويه أول :
مورتا هو الإسم الحركي لأخونا مرتضي أحمد عبد القادر
ولله الشكر من قبل ومن بعد ولا حول ولا قوة الا بالله .

تنويه ثاني :
في الطريق مرادمة أخونا حسبو عكاشة والتي تصب في ذات الإتجاه

يا حسبو لو جيت بي وراي رش الباقي أنا فترت وماشي أنوم


ويا مورتا : بالله مشيها لي أخوك وأنا في إنتظار مشاهداتك عن السودان زيك وزي حموري وأمين محمد سليمان

صُرة و خيط يا خدروف
مورتا يغادر قبل ان يشهد إنهيار الدولة السودانية !!
يا لفداحة المنظر و حسن المنقلب

و اليوم احتفلنا بهروب مورتا
فوجي اكتر زول كان مبسوط من الحكاية دي
مورتا كان عامل ليه قلاقل

اديني مسافة كدا و بجي بديك كم مدماك على شغلك دا و نسقف سوا

مورتا ما ماشي بعيد يا عالم، جده من بورتسودان فركة سمبك ؛)

يا زول هوى .
ياخ ما ماتنبذ شديد ..
مورتا ده ظروفو ما معروفه كيف يا طويل العمر ..
وكلنا كده جميع ..

..
وبعدين شفت ليك مغترب كتب مشاهداتو ؟!
دى حركات بتاعت خواجات يا مان ..
فلا تحملنا بجريرة أمثال نوته وهيثم وهلمجرا..

والله يا خدوري انهزمنا و إنبرشنا والنعملو غلبنا
بالنسبة للمشاهدات زي ما قال ليك دكتور المشرف الشغله دي حقت خواجات لكن إنتظرو صلاح غريبة جديد عشان تأمنو وتفهمو حاجه وفي أحسن الأحوال إنتظرو أوامر الخروج للشارع










وسأردمكم ولو بعد حين

Quote: يا زول هوى . ياخ ما ماتنبذ شديد .. مورتا ده ظروفو ما معروفه كيف يا طويل العمر .. وكلنا كده جميع .. .. وبعدين شفت ليك مغترب كتب مشاهداتو ؟! دى حركات بتاعت خواجات يا مان .. فلا تحملنا بجريرة أمثال نوته وهيثم وهلمجرا..

Quote: مورتا ما ماشي بعيد يا عالم، جده من بورتسودان فركة سمبك ؛)

شباب وسلام بمورتا في السعودية علي قول خضر حسين
والعجب جدة دي سودان تاني بس العساكر لابسين بني زي ردا المتوسطة
وستات شاي وكسرة والعجب الكرتينة وسعوط وعرقي هبطرش
ولو هفت ليك وكفيلك حنين كل 3 شهور تمشي البلد الباخرة الله يطراها بالخير
500 ريال ذهاب واياب وكمان طيران ناس بـ 800 ريال ولو زهجت تدي كفيلك
بنيه وعلي الترحيل طوالي وتسافر علي حساب السقارة ولا الحكومة السعودية ما عارف
هههههههههه ويا خضر هسه قبل كم شهر موش كنت معاك جيت كتبت مشاهدات عن دقة المطرة ديك
وتاني مرحب بمورتا واديهو تلفوني يا خضر ... باقي الزول قريبي

Quote: [وفي أحسن الأحوال إنتظرو أوامر الخروج للشارع

اوامر بس ..مرات معاها تنهر كمان ....موفق بأذن الله ...

Quote: والعجب جدة دي سودان تاني بس العساكر لابسين بني زي ردا المتوسطة وستات شاي وكسرة والعجب الكرتينة وسعوط وعرقي هبطرش

تحذير للحاج مورتا من هذا المطوف المدعو مين كده الجمام
الحجاج حسبو وخضر ..ما تشيلو هم تب .مورتا فى ايادى
امينة خالص .ناصعة البياض ...



(جمعية الرفق بالحجاج)فرع جدة
تحت رعاية البيك الحراق ...



صورة لحسبو
نسخة لخدركة

ومازال الخروج يكبر ..

ياهلا بحيبنا مرتضى في ارض الحرمين الشريفين
ونتمنى له حياة عملية مستقرة



تحياتي خضر وليك وحشة والله ..


مرتضى تلفوني في البروفايل ..

يا عمك غايتو قدر ما حكيت راسي ما قدرت اطلع لي بي مدماك
شكلو زيادات السكر دي اثرت على اللياقة و التركيز
لكن على العموم ممكن اشاركبصور من صباح اليوم من من ميدان جاكسون :)
طبعا ميدان جاكسون من اهم العوامل الخلت مورتا يتفكفك .

شنو يا حسبو انت ساكن ميدان جاكسون ولا شنو ؟؟؟ ههههههههههه
تحياتي يا شاب ورمضان كريم والمطره سمحها شديد مبروكة عليكم ...

Quote: طبعا ميدان جاكسون من اهم العوامل الخلت مورتا يتفكفك .

يا زول إنتا وين الجوطة دى شنو!!!
أنا والله واقف فى ركن بيتنا داير أمشى التمرين لكن بينى وبينك الواحد بقى يلاوز
يطلع من بيتم!! ياخ حلتنا كلها جازفوها ! حسن ود عشة مشى يجيب عيش ليهو تلاتة
يوم ما لاقنو!!! عمر ود زهرة مشى يجيب تلج جازفو ليك الجماعة جهارا نهارا تحت
الحيطة قدام رجال الحلة زول فتح خشمو مافى القصة بقت باااااايظة يا مان!!

أها وحبسو عشاكة عامل شنو مع قصص المجازفات دى!!! عمل مييييييييت أمى يا مان
قال هو ماعندو زمن للبيش دا وهو زول عندو مسؤوليات ومحمول كمان..
بس لكن شكلو كدا العارض طلع فى حبسو دا زاتو ياخ تصدق ليهو شهرين متمنى يغلبنى
فى تمرين !! لما القصة حرقتو شديد جا لعب معاى غلبونا تفتكر العارض فيهو ولا ما فيهو!!!

لا فيهو!!

وخدروفكا عامل شنو !!
قال خدروفكا عامل رجيم !!!!!

إنت يا وغد يا مؤفن!! ما تقول مشتت!!
رسل تلفونك فى أى حاجة تعجبك!!

والله يعدل ليك طريقك يا جنا كديس ,,

خلاص خليتونا برانا نكابس فى البلد الظالمة دى!!
صاحبكم بتاع لندن المركب تظليل داك شتت ولا لسة!!

هههههههههههههههه يا معتصم اخوك شوية كدا و حيسكن ميدان جاكسون, مسك زمان صاح لحدي ما تلقى مواصلات توديك
كل سنة و انت طيب يا حبيبنا و ربنا يحقق الاماني
المطرة شديدة عديل كدا و جو بتاع عضه بس :)

ههههههههههههههههههههههههه يا ايمنوف بالله حكاية العارض دي وصلتك !!
اول ايام كنت مستلم الزيت كلو , و مورتا ما قادر يقول بغم
لكن الشغلة عكست, جربته كل التباديل و التوافيق من اجل لحظة تاريخية و ما لفقت معاي تاني :)
غالبا العارض في وجود مورتا في البلد
صاحبك قادي بعد يومين
ح نجرب تاني لو ظبطت معاي معناته الصوفه في مورتا :)

---
اما موضوع المجازفات دا خليه ساي
ود عشة مشى يجيب الفول جازفوه ليك
لي هسة اهلو منتظرنو لا جاب الفول لا جاب الباقي

جو عجيب عديل كده

يا ناس إزيكم أنا بقيت أخش النت بواقع حبتين في اليوم حبة صباح وحباية بالمساء
فبجيكم وبالله لي الوكت داك رشوا لينا مورتا ده ياخ
رشوه المؤفن ده يا قول أيمنوف المؤفن

Quote: مورتا يا تـ افه وداعاً وربنا ينور طريقك وأنسي أنك زول مواطن

يا سلام يا خضر ياخ علي القصيدة العصماء
وكلها مدح بما يشبه التأبين -ههه

اقترح بتلحينها و عدم عرضها علي الجمهور اذا امكن

مورتا يا المابي المحلي ...
إنت أصلن ديماك مجلي ...
اطرد الأوهام يا صاحب ...
جدة ما فيها حلك ...
ولا القاعد هناك بحلك...
خليك بكانك و إنت تكسب ...
الخدار ده كلو مكسب !!

خضر ازيك ومرحب بيك وحمد لله على السلامه


بوست سمح وظريف

ياخ الواحد والله عنده مزاج وبي طيبة نيه وكمان رمضان وصفاء النفوس أنه يجي تعتذر لي مورتا وحسبو عكاشه بس خايف تكسرو خاطري وتحرجوني ويبقى اعتذاري مضحكة

يا جماعة اتوكل اعتذر ولا امشي بالساهله

الجوال معاك يا مورتا
تصل بالسلامة


--------------
الناس ماشة غادي وانت جايي جاي

مورتا يا ناسى الوصـــــــية
مورتا يا بايع القضـــــــية
مورتا خايــن وعميـــــــل
مورتا ماتنسى الهديــــــــة

يا مورتا ما قصرت معاي بروكسيك وصل

مواصله للمرادمة :
طيب :

الناس يرسلوا في الهدايا
وإنت واقع في البروكسي
تشيل ترسل
في البروكسي

البروكسي كفانا منو
الله بس حلانا منو

وانت عارف ده ما بحلك

فوجي منتظرك تحول
كان ريال كان شيك سياحي
وحسبو راجيك في السفارة
من زمن فوتك بهاتي
مورتا رسل
لالالا لسع
مورتا حول
لالا لسع

والكلام بيجيب كلام
ونحنا عارفنك فريد
زول مؤصل
ود قبائل
وديمة أصحابك في بالك

فـ بطل الجرسة
وتحرك
حول الهلالات قصيد
ما الريال أصبح عزيز
وكل صبحاً نلقي طاير

وما تعبنا ولا مللنا
يلا يا فردتنا كسح
بكرة بنجيك بي رواقة