Post: #1 Title: كل (شيقن) (أنكشفن) وبــان ..! Author: داليا الكباشى Date: 07-29-2012, 09:22 AM
بادئا ذي بدء .. شكرا لكل من عزاني في (والدي) العم منصور رحمة الله عليه , شكرا لكل من زارنا أو أتصل هاتفيا أو (نصيا) , وشكرا لكل من لم يتيسر له التواصل معنا , شكرا شباب (بورداب الرياض) , كنتم (وستظلون) أهلي وأهل علاء , وقفتكم ما بتتنسي وانشالله يوم شكركم ما يجي ,, شكرا بورداب الخرطوم على حسن الاستقبال والدعم المعنوي الذي آزرنا كثيرا من مدخل المطار وحتى مدخل المطار (العودة) شكرا جميلا ,, شكرا سودانيز أونلاين وأهلها الكرام الذين جمعتنا بهم هذه المساحه الرحبه , شكرا لا يستوفي ما قمتم به .. شكرا ..
...
Post: #2 Title: Re: كل (شيقن) (أنكشفن) وبــان ..! Author: رانيه محمد الشيخ Date: 07-29-2012, 09:26 AM Parent: #1
البركه فيكم اختى داليا نسئل الله سبحانه وتعالى له الرحمه ولكم الصبر
Post: #3 Title: Re: كل (شيقن) (أنكشفن) وبــان ..! Author: عاطف عمر Date: 07-29-2012, 09:30 AM Parent: #1
الحمد لله على ما أراد الله نسأل المولى الكريم الرحمة والمغفرة وعالي الجنان لعمنا منصور ونسأله تعالى أن يعصم قلوبكم بصبره الجميل
Post: #4 Title: Re: كل (شيقن) (أنكشفن) وبــان ..! Author: ibrahim alnimma Date: 07-29-2012, 09:32 AM Parent: #3
لعمنا منصور الرحمة والمغفرة .........ولكم ولكفافة افراد الاسرة صادق العزاء
Post: #5 Title: Re: كل (شيقن) (أنكشفن) وبــان ..! Author: داليا الكباشى Date: 07-29-2012, 09:34 AM Parent: #1
لا أعرف تحديدا من قام بانتاج وغناء هذا الأعلان , لكنه الابداع بعينه ! سالت أحد أصدقائي عن المغني فأخبرني أنه لايعرف تحديدا ولكنه يعتقد أنها فرقه (هايبرد) , لا أملك معلومات محدده عن هذه الفرقه , ولكن العمل رائع , أكثر ما يشدك أليه هو الروحانيه المتدفقة منه والممزوجه بالعصريه , كما أن دقه (النوبة) في آخر الاعلان أكسبته مذاقا سودانيا خالصا ومفرحا .. شكرا لمن قام بهذا العمل وقام (عليه) ..
معليش كالعادة ما بعرف أنزل يوتيوب , وما أظني عندي النيه أتعلم زاتو :)
Post: #6 Title: Re: كل (شيقن) (أنكشفن) وبــان ..! Author: داليا الكباشى Date: 07-29-2012, 09:45 AM Parent: #5
ليه كل ما أفتح قناة (سودانيه) بلقى ناس بيغنوا ؟! ليه خارطه البرامج التلفزيونيه عندنا معتمدة بشكل أساسي على وجود (مطرب/ مطربة / مغني /مغنية ..الخ)
خمسه أنفار قاعدين في دورانيه بيتكلموا عن حاجه (غالبا بتكون غنا أو حاجه عندها علاقه بالغنا) وبعدين المذيع بيفصل بي فاصل (غنائي) عشان يجوا راجعين يتكلموا عن (الغنا) ويختموا بي (أغنيه) من المطرب / مطربة الضيفة !
هل الخارطة البرامجيه فقيره ؟ ولا نحن ما بنعرف نتابع برنامج مافيهو ناس بيغنوا ؟!
-------------- شكرا رانيا , عاطف , ابراهيم .. ولا أراكم الله مكروها في عزيز لديكم ..
Post: #7 Title: Re: كل (شيقن) (أنكشفن) وبــان ..! Author: نادر Date: 07-29-2012, 10:20 AM Parent: #6
Post: #8 Title: Re: كل (شيقن) (أنكشفن) وبــان ..! Author: داليا الكباشى Date: 07-29-2012, 10:30 AM Parent: #6
البرامج التلفزيونيه الرمضانيه (وغير الرمضانيه أيضا) تفتقر الى المادة الممتعه والمفيدة في آن واحد , بل أن الكثير منا يعتقد أن فن الترفيه entertainment , يعتمد بشكل كلي على (الغناء والهجيج) ! أغاني وأغاني .. زورق الالحان .. ليالي النيل الأزرق .. الغنا الغنا .. الهجيج الهجيج ..الخ الخ
لا برامج ثقافيه ولا علميه ولا حتى سياسيه .. علما بأن الكثيرين يتذكرون الغناء فقط حينما تذكر أمامهم كلمه (فن) أو (ثقافه)!
أين الخلل ؟ هل هو فقر دم (أبداعي) ولا (الجمهور عايز كدا ؟)
Post: #9 Title: Re: كل (شيقن) (أنكشفن) وبــان ..! Author: محمد عبد الماجد الصايم Date: 07-29-2012, 10:32 AM Parent: #8
دلوش يا معلم في برنامج اسمو (ريحة البن)! يمين متعة المتعة .. يساوي جميع برامج (الضجيج) وليس (الهجيج)!!
Post: #10 Title: Re: كل (شيقن) (أنكشفن) وبــان ..! Author: أيمن دياب Date: 07-29-2012, 10:50 AM Parent: #9
Quote: دلوش يا معلم في برنامج اسمو (ريحة البن)! يمين متعة المتعة .. يساوي جميع برامج (الضجيج) وليس (الهجيج)!!
مرحبا زميلة البورد وحمداً لله على السلامة.. ود الصايم شايف صاحبك معاذ حسن قال مقدم برنامج (ريحة البن) بشبهني الليلة بحضروا مخسوس عشان نشوف..
Post: #11 Title: Re: كل (شيقن) (أنكشفن) وبــان ..! Author: محمد عبد الماجد الصايم Date: 07-29-2012, 10:53 AM Parent: #10
والله يا أيمن .. والنجيضة يعني! أنصح معاذ بمراجعة طبيب باطنية!!
والأنجض يعني المذيع أضعف واحد في البرنامج! والله صحي ()
Post: #12 Title: Re: كل (شيقن) (أنكشفن) وبــان ..! Author: محمد عبد الماجد الصايم Date: 07-29-2012, 10:55 AM Parent: #11
عليكم الله متّعوا نفسكم بالشباب ديل!!
Post: #13 Title: Re: كل (شيقن) (أنكشفن) وبــان ..! Author: محمد عبد الماجد الصايم Date: 07-29-2012, 11:01 AM Parent: #12
Post: #14 Title: Re: كل (شيقن) (أنكشفن) وبــان ..! Author: داليا الكباشى Date: 07-29-2012, 11:11 AM Parent: #13
أيمن وود الصايم , يؤسفني أني أحبطكم وأبلغكون عظيم أسفي لانو حا أقول ليكون أنو البرنامج دا (بيييض) و (بايييخ) والشعر البيقولوا فيهو دا صراحه ما بينفع معاي ولا بيستهويني !
البرنامج دا دورتو الرمضانيه الثانيه وللأسف ماشي من بايخ الى أبيخ !
معليش لكن والله أنا الشعر الحداثي بتاع يا ايها الشفق الكويس داا ما بينفع معاي ولا بهضمو :(
----- شكرا نادر لرفع اليوتويب وشكرا لتعازيكـ ما بتقصر ,,
Post: #15 Title: Re: كل (شيقن) (أنكشفن) وبــان ..! Author: محمد عبد الماجد الصايم Date: 07-29-2012, 11:38 AM Parent: #14
غايتو لو فتحتي اللنكـ المرفق دا ما كان قلتي كلامكـ بتاع الحداثة والشفق والكمشة!!
Post: #21 Title: Re: كل (شيقن) (أنكشفن) وبــان ..! Author: داليا الكباشى Date: 07-30-2012, 11:00 AM Parent: #15
Quote: الحداثة والشفق والكمشة!!
دا ترحيل الضباط ! مواصلات الحاج يوسف بي غادي للزلط !
الكمشه دي في البوست البيغادي للزلط يا معلم
Post: #16 Title: Re: كل (شيقن) (أنكشفن) وبــان ..! Author: رانيه محمد الشيخ Date: 07-29-2012, 12:07 PM Parent: #6
طبعا يا داليا الموضوع دا له فتره طويله يعنى رمضان الفات لحظة لقاء مع لاعبيين رياضيين ومعاهم انصاف مدنى ما فهمت العلاقه شنو بين الشخصيات ليجمعهم لقاء واحد
التعازي للأخت داليا في الفقيد. رحمه الله وغفر له وأسكنه فسيح جنّاته.
Post: #19 Title: Re: كل (شيقن) (أنكشفن) وبــان ..! Author: عوض محمد احمد Date: 07-29-2012, 08:04 PM Parent: #18
Quote: أين الخلل ؟ هل هو فقر دم (أبداعي) ولا (الجمهور عايز كدا ؟)
الخطوط الحمراء الكثيرة التى توضع على معدى برامج التوك شو لا تشجع ابدا على تقديم مثل هذه البرامج لهذا يلجا التلفزيون عندنا للاكثار من المباحات القليلة و اهمها الغناء البرامج التى تقصدينها تلجا فى العادة لمناقشة مواضيع سياسية او اقتصادية او اجتماعية شائكة مثل برامج العاشرة مساء او الحياة اليوم او نقطة حوار فى القنوات العربية و هى تتطلب قدر كبير من الجراءة لا تتحمله حكومتنا و احيانا لا يتحملها مجتمعنا نفسه
مع تحياتى و ودى
Post: #20 Title: Re: كل (شيقن) (أنكشفن) وبــان ..! Author: حافظ انقابو Date: 07-29-2012, 08:09 PM Parent: #18
Quote: تعازينا الحارة يا داليا كباشي في فقيدكم ...
وأعتذر عن التأخير والله بدون تخطيط مسبق ...بس البورد ده سريع وانا مرات بطول منه ...فأرجو المعذرة
تحياتي بتمبس ولعمر منصور وكل الاسرة وبلغيهم عني أحر التعازي في فقيدهم...
البركه في الجميع يا تماضر ولا أراكم الله مكروها في عزيز لديكم .. والحمدلله على ما أراد الله , شكرا لتعازيكي بالنيابه عن أسره الوالد منصور رحمه الله عليه .. تحياتي وتسلمي يارب ..
Post: #22 Title: Re: كل (شيقن) (أنكشفن) وبــان ..! Author: داليا الكباشى Date: 07-30-2012, 11:10 AM Parent: #16
Quote: يعنى رمضان الفات لحظة لقاء مع لاعبيين رياضيين ومعاهم انصاف مدنى ما فهمت العلاقه شنو بين الشخصيات ليجمعهم لقاء واحد
وزيرات معاهم حرم النور .. ناس السجانه معاهم حمد الريح .. المغتربين معاهم ندى القلعه ...الخ الخ الفنان/نـة شر لا بد منه .. هل نحن ما بنعرف نعاين لي برنامج مالم يكون فيهو غنا وهجيج ورقيص وكواريك ؟
Post: #23 Title: Re: كل (شيقن) (أنكشفن) وبــان ..! Author: عبد اللطيف بكري أحمد Date: 07-30-2012, 11:30 AM Parent: #22
بإسمي ونيابة عن الزملاء (الفنانين) أدين مثل هذا البوست الموجه لقطع أرزاق الفنانين والفنانات من مقابل اللقاءات التلفزيونية بعد أن قطت العدادات جراء الحظر المفروض من الدولة - الساعة 11 م ، إضافة لمناضلي الكيبورد (أقصد الأورغون والساوند) الذين خربو السوق علينا مرة واحدة،،
=
بعدين يادكتورة : أتحداك تجيبي لي موضوع لقاء تلفزيوني لم يتم تناول موضوعه قبل كدا؟؟
ياخ عليك الله هسي برنامج (سارة أبو ) في BNTV لو ختو مكانه DJ ما كان أحسن؟؟
أنحنا عايزين نجيب مغني في برنامج مامون حميدة زاتو!!
